ଦେଶର କୃଷକମାନଙ୍କୁ ମୋଦୀ ସରକାରଙ୍କ ଉପହାର, ଖରିଫ ଫସଲ ଉପରେ ବଢ଼ିଲା MSP

Union Cabinet Decisions: କୃଷି ମନ୍ତ୍ରୀ ନରେନ୍ଦ୍ର ସିଂ ତୋମର ଏହାର ସୂଚନା ପ୍ରଦାନ କରି କହିଛନ୍ତି ଯେ ଧାନ ଉପରେ MSP ୭୨ ଟଙ୍କା ବୃଦ୍ଧି କରାଯାଇଛି ।

ନୂଆଦିଲ୍ଲୀ: ମୋଦୀ ସରକାର (Modi Government) ପୁଣି ଥରେ ଖରିଫ ଫସଲ (Kharif crop) ଉପରେ ସର୍ବନିମ୍ନ ସହାୟତା ମୂଲ୍ୟ (MSP) ବୃଦ୍ଧି କରିବାକୁ ନିଷ୍ପତ୍ତି ନେଇଛନ୍ତି । ବୁଧବାର କ୍ୟାବିନେଟ ବୈଠକରେ (Cabinet meeting) ଏହାର ନିଷ୍ପତ୍ତି ନିଆଯାଇଛି । ଏହି ସୂଚନା ପ୍ରଦାନ କରି କୃଷି ମନ୍ତ୍ରୀ ନରେନ୍ଦ୍ର ସିଂ ତୋମାର (Narendra Singh Tomar) କହିଛନ୍ତି ଯେ ଧାନ ଉପରେ ଏମଏସପି ୭୨ ଟଙ୍କା ବୃଦ୍ଧି କରାଯାଇଛି । ଏହା ପରେ କ୍ୱିଣ୍ଟାଲ ପିଛା  ଧାନ ବର୍ତ୍ତମାନ ୧୮୬୮ ଟଙ୍କାରୁ ୧୯୪୦ ଟଙ୍କାକୁ ବୃଦ୍ଧି ପାଇଛି । ଏହା ସହିତ ବାଜରା ଉପରେ ଏମଏସପି କୁଇଣ୍ଟାଲ ପିଛା ୨୧୫୦ ରୁ ୨୨୫୦ ଟଙ୍କାକୁ ବୃଦ୍ଧି କରାଯାଇଛି ।

କୃଷି ମନ୍ତ୍ରୀ (Agriculture Minister) କହିଛନ୍ତି ଯେ ଗତ ୭ ବର୍ଷ ମଧ୍ୟରେ ଚାଷୀଙ୍କ (Farmer) ସପକ୍ଷରେ ଅନେକ ବଡ ନିଷ୍ପତ୍ତି ନିଆଯାଇଛି ଯାହା ଦ୍ୱାରା ଚାଷୀଙ୍କ ଆୟ ବୃଦ୍ଧି ହୋଇପାରିବ ଓ ସେମାନେ ଖୁସି ପାଇପାରିବେ । ମୂଲ୍ୟ ଉପରେ ୫୦% ରିଟର୍ନ ଯୋଗ କରି MSP କୁ ୨୦୧୮ ରୁ ଘୋଷଣା କରାଯାଇଛି । ସେ କହିଛନ୍ତି ଯେ ଚାଲିଥିବା ଖରିଫ ମାର୍କେଟିଂ ସିଜିନ୍ (KMS) ୨୦୨୦-୨୧ (୬ ଜୁନ୍ ୨୦୧୧ ପର୍ଯ୍ୟନ୍ତ) ପାଇଁ, ଗତ ବର୍ଷର ୭୩୬.୩୬ LMT ତୁଳନାରେ ୮୧୩.୧୧ LMT ରୁ ଅଧିକ ଧାନ କ୍ରୟ କରାଯାଇଥିଲା । ଯାହା ପ୍ରକାଶିତ KMS ପାଇଁ ୧୨୦ ଲକ୍ଷ ହେବ । ଅଧିକରୁ ଅଧିକ କୃଷକ ଉପକୃତ ହୋଇଛନ୍ତି ।

ଅଧିକ ପଢନ୍ତୁ: ଭ୍ୟାକ୍ସିନେସନ୍ ସାର୍ଟିଫିକେଟରେ ତ୍ରୁଟି ଥିଲେ ନିଜ ତରଫରୁ କରିପାରିବେ ସଂଶୋଧନ, ଜାଣନ୍ତୁ ପ୍ରୋସେସ୍

ଚାଷ ଏକ ଲାଭଜନକ ଚୁକ୍ତି ଓ ଆମେ ଏହି କାମ କରିଛୁ - ତୋମାର
ନରେନ୍ଦ୍ର ସିଂ ତୋମର (Narendra Singh Tomar) ଆହୁରି ମଧ୍ୟ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀଙ୍କ (PM Modi) ନେତୃତ୍ୱରେ ଗୋଟିଏ ପରେ ଗୋଟିଏ ଚାଷୀଙ୍କ କ୍ଷେତ୍ରରେ ଅନେକ ନିଷ୍ପତ୍ତି ନିଆଯାଇଛି । ଯାହା ଦ୍ୱାରା ଚାଷୀଙ୍କ ଆୟ ବୃଦ୍ଧି ପାଇବ । କୃଷିକୁ ଏକ ଲାଭଜନକ କାରବାର କରିବା ପାଇଁ କାର୍ଯ୍ୟ କରାଯାଇଥିଲା । ଖରିଫ ସିଜିନ୍ ପାଇଁ ଚାଷୀଙ୍କ ପାଇଁ ଏମଏସପି ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି । ଧାନ, ବାଜରା ଓ ଡାଲିର ଏମଏସପି ବୃଦ୍ଧି କରାଯାଇଛି ।

କେନ୍ଦ୍ର କୃଷି ମନ୍ତ୍ରୀ କହିଛନ୍ତି ଯେ ବିଗତ ଦିନରେ ଯେତେବେଳେ ସଂସ୍କାର ବିଷୟରେ ଆଲୋଚନା ହୋଇଥିଲା, ସେତେବେଳେ ଏମଏସପି ବିଷୟରେ ଅନେକ ଆଲୋଚନା ହୋଇଥିଲା । ସେହି ସମୟରେ ଆମେ ମଧ୍ୟ କହିଥିଲୁ ଯେ MSP ପୂର୍ବପରି ଅଛି ଓ ଆଗାମୀ ସମୟରେ ମଧ୍ୟ ଏହା ଜାରି ରହିବ । ସେଥିପାଇଁ ସରକାର ଏମଏସପି (MSP) ଘୋଷଣା କରୁଛନ୍ତି ।

ଅଧିକ ପଢନ୍ତୁ: UP ରେ କଂଗ୍ରେସ ପାଇଁ ବଡ ଝଟକା, BJP ରେ ଯୋଗ ଦେଲେ କଂଗ୍ରେସର ଏହି ଭେଟେରାନ ନେତା

ତୋମର ଆହୁରି କହିଛନ୍ତି ଯେ ଦେଶର ସମସ୍ତ ଦଳ କୃଷି ଆଇନ (Agricultural law) ଆଣିବାକୁ ଚାହୁଁଛନ୍ତି କିନ୍ତୁ ସେମାନେ ସାହସ କରିପାରୁ ନାହାଁନ୍ତି । ଭାରତ ସରକାର (Government of India) ଚାଷୀଙ୍କ ସହ ୧୧ ଥର କଥାବାର୍ତ୍ତା କରିଥିଲେ । କିନ୍ତୁ କୌଣସି କୃଷକ ସଂଘ କିମ୍ବା କୌଣସି ଦଳ ଏହାର କୌଣସି ଉତ୍ତର ଦେଇନାହାଁନ୍ତି, ତେଣୁ ଆଲୋଚନା ଆଗକୁ ଯାଇପାରିଲା ନାହିଁ । ଯେତେବେଳେ କୃଷକମାନେ ଆଲୋଚନା ପାଇଁ ପ୍ରସ୍ତୁତ ହେବେ ଆମେ ମଧ୍ୟ ଆଲୋଚନା ପାଇଁ ପ୍ରସ୍ତୁତ । 

ଅଧିକ ପଢନ୍ତୁ: World Record! ମହିଳା ଏକାସାଙ୍ଗରେ ଜନ୍ମ ଦେଲେ ୧୦ ଟି ସନ୍ତାନ

ରେଳ ଯାତାୟାତକୁ ସୁରକ୍ଷିତ ରଖିବା ପାଇଁ ୪ଜି ର ୫ MHz ସ୍ପେକ୍ଟ୍ରମ ବଣ୍ଟନ 
ଏହି ସମୟରେ କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର (Prakash Javadekar) କହିଛନ୍ତି ଯେ ଖରିଫ ସିଜିନ୍ ପାଇଁ କୃଷକମାନଙ୍କୁ ଏମଏସପି ବୃଦ୍ଧି ଉପରେ ନିଷ୍ପତ୍ତି ନିଆଯାଇଛି । ଖରିଫ ସିଜିନ୍ ପୂର୍ବରୁ ଏମଏସପି ଘୋଷଣା କରାଯାଇଛି ଓ ଏହାକୁ ମଧ୍ୟ ବୃଦ୍ଧି କରାଯାଇଛି । ସେ କହିଛନ୍ତି ଯେ ରେଳ ଚଳାଚଳକୁ ଅଧିକ ସୁରକ୍ଷିତ କରିବା ପାଇଁ ରେଳବାଇକୁ ୪ଜି ସ୍ପେକ୍ଟ୍ରମର ଅଧିକ ଆବଣ୍ଟନ କରାଯାଇଛି । ବର୍ତ୍ତମାନ ପର୍ଯ୍ୟନ୍ତ ରେଳବାଇ ୨ଜି ସ୍ପେକ୍ଟ୍ରମ୍ ବ୍ୟବହାର କରୁଥିଲା । ରେଳ ଟ୍ରାଫିକକୁ ସୁରକ୍ଷିତ ରଖିବା ଓ ଯୋଗାଯୋଗ ବ୍ୟବସ୍ଥାରେ ଉନ୍ନତି ଆଣିବା ପାଇଁ ୪ଜି ର ୫ MHz ସ୍ପେକ୍ଟ୍ରମ ଆବଣ୍ଟନ କରାଯାଇଛି ।