Covid-19 Alert: ଜାଣନ୍ତୁ ଆପଣ ନେଇଥିବା ଭ୍ୟାକସିନ ଭାରିଏଣ୍ଟ BF.7କୁ କେମିତି କରିପାରିବ ମୁକାବିଲା

Covid Variant BF 7: ଚୀନ ଓ ଜାପାନରେ ତାଣ୍ଡବ ରଚିଛି କୋରୋନା। ସେଥିପାଇଁ ଭାରତ ସରକାର ବିମାନ ବନ୍ଦରରେ ଟେଷ୍ଟିଂକୁ କଡ଼ାକଡ଼ି କରିବାକୁ ନିର୍ଦ୍ଦେଶ ଦେଇଛନ୍ତି। ଏହି ପାଞ୍ଚଟି ଦେଶରୁ ଯେଉଁ ନାଗରିକ ମାନେ ଆସିଲେ ମଧ୍ୟ ଆରଟିପିସିଆର ଟେଷ୍ଟ ବାଧ୍ୟତା ମୂଳକ କରାଯିବ । ଚୀନ, ଜାପାନ, ହଂକଂ, ଥାଇଲାଣ୍ଡ, ଦକ୍ଷିଣ କୋରିଆରୁ ଆସିଲେ RTPCR ଟେଷ୍ଟ ବାଧ୍ୟତାମୂଳକ କରାଯିବ ।

Corona New Variant: ସାରାଦେଶରେ ବଡ଼ ଦିନ ସହ ନୂଆବର୍ଷର ଆଗମନକୁ ଧୁମଧାମରେ ସ୍ୱାଗତ କରିବାକୁ ପ୍ରସ୍ତୁତି କରୁଥିବା ବେଳେ କୋରୋନା କିନ୍ତୁ ଭୟ ବଢାଇବାରେ ଲାଗିଛି। କୋରୋନା BF.7ର ନୂତନ ପ୍ରଜାତି ଚୀନ୍ ବ୍ୟତୀତ ଦୁନିଆର ଅନେକ ଦେଶରେ ହଇଚଇ ସୃଷ୍ଟି କରୁଛି । ଚାଇନାରେ ପ୍ରତିଦିନ ଲକ୍ଷ ଲକ୍ଷ ଲୋକ ଓମିକ୍ରନର ଏହି ନୂତନ ପ୍ରଜାତି ଦ୍ୱାରା ସଂକ୍ରମିତ ହେଉଛନ୍ତି। ଏହାକୁ କୋରୋନାର ଚତୁର୍ଥ ଲହର ଭାବରେ ବିବେଚନା କରାଯାଉଛି। ଏହାଦ୍ୱାରା ଭାରତର ଚିନ୍ତା ମଧ୍ୟ ବୃଦ୍ଧି ପାଇଛି। କାରଣ ଗତବର୍ଷ ଓମିକ୍ରନ୍ ଭାରିଏଣ୍ଟ ଯୋଗୁଁ ଭାରତରେ ହଜାର ହଜାର ଲୋକଙ୍କର ମୃତ୍ୟୁ ହୋଇଥିଲା।

ସେଲ୍ ହୋଷ୍ଟ ଏବଂ ମାଇକ୍ରୋବ ଜର୍ଣ୍ଣାଲ୍ ଏହା ଉପରେ ଅଧ୍ୟୟନ କରିଛନ୍ତି । ଅଧ୍ୟୟନରୁ ଜଣାପଡିଛି ଯେ, ଓମିକ୍ରନ୍ ର ନୂତନ ପ୍ରଜାତି BF.7 ଅତ୍ୟନ୍ତ ବିପଜ୍ଜନକ । ଏହା ପୁରୁଣା ଟିକା ଠାରୁ ଆଣ୍ଟିବଡି (Antibody) ମଧ୍ୟ ବାହାର କରିପାରେ । ଏହା କୋରୋନାର ପ୍ରଥମ ପ୍ରଜାତି ଅପେକ୍ଷା ୪.୪ ଗୁଣ ଅଧିକ ପ୍ରତିରୋଧକ । ରିପୋର୍ଟରେ କୁହାଯାଇଛି ଯେ ଯଦିଓ ପୁରୁଣା ଟିକା ଲୋକଙ୍କ ଶରୀରରେ ଆଣ୍ଟିବଡି ଉତ୍ପାଦନ କରେ, ତଥାପି BF.7 ଏହାକୁ କାଟି ସେହି ଲୋକଙ୍କୁ ସଂକ୍ରମିତ କରିପାରେ। ଏଥିରେ ଆଣ୍ଟିବଡି ଗୁଡିକର କୌଣସି ପ୍ରଭାବ ନାହିଁ।

ସେଲ୍ ହୋଷ୍ଟ ଏବଂ ମାଇକ୍ରୋବ ଜର୍ଣ୍ଣାଲର ଅଧ୍ୟୟନରେ, ଏହା ମଧ୍ୟ ପ୍ରକାଶ ପାଇଛି ଯେ BF.7 ର R ଭାଲ୍ୟୁ ବହୁତ ଅଧିକ। ଏହାର ଭାଲ୍ୟୁ ୧୦ରୁ ୧୮ ମଧ୍ୟରେ । ବିଶେଷଜ୍ଞଙ୍କ ଅନୁଯାୟୀ, ଯେଉଁ ଭୂତାଣୁଙ୍କ ଯେତେ ଅଧିକ ଆର୍ ଭାଲ୍ୟୁ ଥାଏ ସେଥିରେ ଅଧିକ ଲୋକ ସଂକ୍ରମିତ ହୋଇପାରନ୍ତି। ତେଣୁ BF.7 ୧୦ରୁ ୧୮ ଲୋକଙ୍କୁ ସଂକ୍ରମିତ କରିବାର କ୍ଷମତା ରଖିଛି । ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ମଧ୍ୟ କହିଛି ଯେ ଏହି ପ୍ରକାରର R ଭାଲ୍ୟୁ ଅନ୍ୟ ସମସ୍ତ ପ୍ରକାର ତୁଳନାରେ ବହୁତ ଅଧିକ। ଏହାପୂର୍ବରୁ, କୋରୋନାର ଆଲଫା ଭାରିଏଣ୍ଟର ଆର୍ ଭାଲ୍ୟୁ (R Value) ୪ ରୁ ୫ ଏବଂ ଡେଲଟା ଭାରିଏଣ୍ଟର (Delta Variant) ଆର୍ ଭାଲ୍ୟୁ ୬ରୁ ୭ ଜଣଙ୍କୁ ସଂକ୍ରମିତ କରିପାର କ୍ଷମତା ଥିଲା। 

ସାରା ବିଶ୍ୱରେ କୋରୋନା ବିସ୍ଫୋରଣକୁ ଦୃଷ୍ଟିରେ ରଖି ଭାରତ ସରକାର ଆଡଭାଇଜରି ଜାରି କରିଛନ୍ତି। ଦେଶର ସମସ୍ତ ରାଜ୍ୟରେ ସିକ୍ୱେନ୍ସିଂ କରିବାକୁ ନିର୍ଦ୍ଦେଶ ଦିଆଯାଇଛି। ଏହା ସହିତ ଅଧିକାଂଶ ରାଜ୍ୟରେ କୋଭିଡ୍ ପ୍ରୋଟୋକଲ୍ (Covid Protocol)ଅନୁସରଣ କରିବାକୁ ନିର୍ଦ୍ଦେଶ ଦିଆଯାଇଛି। ଖୁବ୍ ଶୀଘ୍ର ଦେଶର ସମସ୍ତ ଡାକ୍ତରଖାନାରେ ମକ୍ ଡ୍ରିଲ୍ କରାଯିବ।