କୋରୋନାର ନୂଆ ଷ୍ଟ୍ରେନ, ଆତଙ୍କ ଖେଳାଉଛି ନୂଆ ଲକ୍ଷଣ

ନୂଆଦିଲ୍ଲୀ: ଦେଶରେ ଏବେ କୋରୋନାର ଦ୍ୱିତୀୟ ଲହର ତାଣ୍ଡବ ରଚୁଛି । ଦେଶରେ ଦୈନିକ ସଂକ୍ରମଣ ଲକ୍ଷେ ପାର୍ ହେଉଛି । ଏହି ଦ୍ୱିତୀୟ ଲହର ଏବେ ପ୍ରଥମ ଲହର ଠାରୁ ବେଶି ଭୟଙ୍କର ଓ ଦ୍ରୁତଗତିରେ ସଂକ୍ରମିତ କରୁଛି । ଏହି ଭୟ ଏବେ ପୁରା ଦେଶ ଓ ରାଜ୍ୟରେ ଖେଳିଯାଇଛି । ସଂକ୍ରମଣ ରୋକିବାକୁ କିଛି ରାଜ୍ୟ ମାନେ ନିଜ ନିଜ ସୀମା ସିଲ୍ କରିଥିବା ବେଳେ ଧିରେ ଧିରେ ଲକଡାଉନ ଓ ନାଇଟ କର୍ଫ୍ୟୁ ସ୍ଥିତିକୁ ଫେରିଲାଣି ଦେଶ । 

ହେଲେ ଏବେ, ନିଜକୁ ସଂକ୍ରମଣରୁ ରକ୍ଷା କରିବାକୁ ହେଲେ ଏକମାତ୍ର ପ୍ରତିକାର ହେଉଛି ନିଜର ଯତ୍ନ ନେବା  ଓ ସଚେତନ ରହିବା । କିନ୍ତୁ ଏହା ବ୍ୟତୀତ ଅନ୍ୟ ଏକ କାମ ଅଛି ଯାହା ସମସ୍ତେ ନଜର ରଖିବା ଉଚିତ୍ ଏବଂ ତାହା ହେଉଛି ଆପଣଙ୍କର ଲକ୍ଷଣ ଉପରେ ଆପଣ ସର୍ବଦା ନଜର ରଖନ୍ତୁ । କାରଣ କୋରୋନାର ନୂଆ ଷ୍ଟ୍ରେନ ( Corona New Strain) ର ପରିବର୍ତ୍ତନ ହେତୁ କୋରୋନା ଲକ୍ଷଣ (Corona Symptoms) ର ରୂପ ମଧ୍ୟ ବଦଳିବାରେ ଲାଗିଛି। 

ଆମର ସହଯୋଗୀ ୱେବସାଇଟ୍ ରେ  ପ୍ରକାଶିତ ଖବର ଅନୁଯାୟୀ, ଡାକ୍ତରମାନେ କୋରୋନା ମହାମାରୀ ଦ୍ୱିତୀୟ ତରଙ୍ଗ (Corona Second Wave) ସମୟରେ ସଂକ୍ରମଣର ଲକ୍ଷଣ ଗୁଡ଼ିକର ପରିବର୍ତ୍ତନ ବିଷୟରେ ମଧ୍ୟ କହୁଛନ୍ତି। ଗତ କିଛିଦିନ ହେବ, ଜ୍ୱର କିମ୍ବା ଥଣ୍ଡା ନଥିବା ବହୁ ସଂଖ୍ୟାରେ କୋରୋନା ସଂକ୍ରମଣ ସ୍ପଷ୍ଟ ହୋଇଛି । ଏହି ଲୋକମାନେ ଶରୀରର ଯନ୍ତ୍ରଣା, ମୁଣ୍ଡବିନ୍ଧା କିମ୍ବା ପେଟ ଯନ୍ତ୍ରଣା ଅଭିଯୋଗରେ ଡାକ୍ତରଙ୍କ ନିକଟକୁ ଆସିଥିଲେ ଏବଂ ଯେତେବେଳେ ସେମାନେ ଆରଟିପିସିଆର (RTPCR Test) ପରୀକ୍ଷା କରିଥିଲେ, ସେତେବେଳେ ସେମାନେ କୋରୋନାରେ ଆକ୍ରାନ୍ତ ହୋଇଥିବା ଜଣାପଡ଼ିଛି ।

ଡାକ୍ତରଙ୍କ କହିବାନୁଯାୟୀ, ପେଟ ଯନ୍ତ୍ରଣା, ବାନ୍ତି ହେବା, ଝାଡ଼ା ହେବା , ଶରୀରରେ ଯନ୍ତ୍ରଣା ନେଇ ଆସୁଥିବା ଲୋକମାନେ କୋରୋନା ସଂକ୍ରମିତ ବୋଲି ୪୦ ପ୍ରତିଶତ ମାମଲା ସ୍ପଷ୍ଟ ହୋଇଛି। ଅଧିକାଂଶ ଲୋକ ଏହା ଅନୁଭବ କରନ୍ତି ଯେ ଥଣ୍ଡା-କାଶ, ଥଣ୍ଡା ଏବଂ ଜ୍ୱର ହେଉଛି କୋରୋନାର ଲକ୍ଷଣ (Corona Symptoms) । ତେଣୁ ଯଦି ସେମାନଙ୍କର ପେଟ ଯନ୍ତ୍ରଣା, ମୁଣ୍ଡବିନ୍ଧା କିମ୍ବା ଶରୀରରେ ଯନ୍ତ୍ରଣା ହୁଏ, ତେବେ ସେମାନେ ଡାକ୍ତରଙ୍କ ପାଖକୁ ଯିବା ପରିବର୍ତ୍ତେ ଘରୋଇ ଉପଚାର ସହିତ ଘରେ ଚିକିତ୍ସା ଜାରି ରଖନ୍ତି । କିନ୍ତୁ ଏହି ସବୁ ସମସ୍ୟା ଯେତେବେଳେ ଦୀର୍ଘ ସମୟ ପର୍ଯ୍ୟନ୍ତ ଲାଗିରହିଥାଏ ସେତେବେଳେ ସେମାନେ ଡାକ୍ତର (Doctor) ଙ୍କ ନିକଟକୁ ଯାଆନ୍ତି ଏବଂ ସେତେବେଳକୁ ଏହି ପ୍ରାଣଘାତୀ ମହାମାରୀ (Corona Pandemic) ଶରୀରରେ ଅନେକ କ୍ଷତି ଘଟାଇ ସାରିଥାଏ।

ଏପରି ପରିସ୍ଥିତିରେ, ଯଦି ଜଣେ ବ୍ୟକ୍ତି ଦୀର୍ଘ ସମୟ ଧରି ଶରୀରରେ ଯନ୍ତ୍ରଣା କିମ୍ବା ପେଟ ଯନ୍ତ୍ରଣା ଅନୁଭବ କରେ, ତେବେ ବିଳମ୍ବ ନକରି କୋରୋନା ପରୀକ୍ଷା କରାଇବା ଉଚିତ୍ ।