କୃଷି ବିଲ ୨୦୨୦: ୧୫ ଦିନର ସଫଳ କୃଷକ ଆନ୍ଦୋଳନ ପଛରେ ଉନ୍ନତ ଜ୍ଞାନ କୌଶଳ!

ନୂଆଦିଲ୍ଲୀ: ଗତ ୧୫ ଦିନ ଧରି ଦିଲ୍ଲୀ ଉପକଣ୍ଠରେ ଚାଲୁ ରହିଥିବା କୃଷକ ଆନ୍ଦୋଳନର ସଫଳତାର ରହସ୍ୟ ହେଉଛି ଉନ୍ନତ ଜ୍ଞାନକୌଶଳର ପ୍ରୟୋଗ। ନୂଆ କୃଷି ବିଲକୁ (Farm Bill 2020) ବିରୋଧ କରି ପ୍ରାୟ ୧୫ ଦିନ ଧରି ରାଷ୍ଟ୍ରୀୟ ରାଜଧାନୀ ଦିଲ୍ଲୀ (Delhi) ସୀମା ଠାରେ ଆନ୍ଦୋଳନ ଚଳାଇଛନ୍ତି ବିଭିନ୍ନ କୃଷକ ସଙ୍ଗଠନ (Farmer Organisation) ଓ ରାଜନୈତିକ ଦଳ। ଚଳିତ ମାସ ୧୨ ତାରିଖ ଶନିବାର ଦେଶରେ ଥିବା ସମସ୍ତ ଟୋଲ ପ୍ଳାଜାକୁ ଖୋଲାଯିବ। ଡିସେମ୍ବର ୧୪ ସୋମବାର ଦେଶର ବଡ ବଡ ସହରରେ ଧାରଣା ପ୍ରଦର୍ଶନ କରାଯିବ। କେନ୍ଦ୍ର ସରକାର ତୁରନ୍ତ ଏହି ନୂତନ କୃଷି ଆଇନକୁ ରଦ୍ଦ କରିବାକୁ ଦାବି କରିଛନ୍ତି ଆନ୍ଦୋଳନରତ କୃଷକ।

Life is a struggle, accept it.
Life is a tragedy, confront it.
Life is too precious, don't destroy it. Life is life, fight for it !!!#FarmersProtest

- at Tikri Border, Delhi pic.twitter.com/19J1Ww2r6m

— Raman Dhaka #Farmers (@RamanDhaka) December 12, 2020

ଆଗାମୀ ଦିନରେ ହେବାକୁ ଯାଉଥିବା ଆନ୍ଦୋଳନ ସମୟରେ ନୂଆଦିଲ୍ଲୀକୁ ସଂଯୋଗ କରୁଥିବା ଟିକିରୀ ବର୍ଡର, ସିନ୍ଧୁ ବର୍ଡର, ଲୋନି ବର୍ଡର, ଗାଜିପୁର ବର୍ଡର, ଦିଲ୍ଲୀ-ନୋଏଡା ବର୍ଡର ଆଦିସ୍ଥାନକୁ ସିଲ କରିବାକୁ ଘୋଷଣା କରିଛନ୍ତି ଆନ୍ଦୋଳନ ଚଳାଇଥିବା କୃଷକ ସଙ୍ଗଠନ। ଦାବି ପୂରଣ କରିବାକୁ ନେଇ କେନ୍ଦ୍ର ସରକାରଙ୍କ ସହ ବିଭିନ୍ନ ପର୍ଯ୍ୟାୟରେ ୫ ଥର ଆଲୋଚନା ହୋଇସାରିବା ପରେ କୌଣସି ସମାଧାନର ରାସ୍ତା ବାହାରି ପାରିନାହିଁ। 

Farmers in India are protesting against the black bills passed by the government. They are sleeping on the roads in this chilling winter. #FarmersProtest #farmerslivesmatter #StandWithFarmerChallange #takefarmbillsback #Revolution #Punjab #Sikh #delhimorcha #Sikh pic.twitter.com/VmyIDE6RUc

— Manpreet Singh (@Manpree59238579) December 12, 2020

ଦିଲ୍ଲୀ ସୀମାରେ କୃଷି ବିଲ ବିରୁଦ୍ଧରେ ଧାରଣା ଦେଇଥିବା କୃଷକ ଏବେ ଟେକ୍ନୋଲୋଜି (Technology) ବ୍ୟବହାର କରି ଜାରି ରଖିଛନ୍ତି ସେମାନଙ୍କ ଆନ୍ଦୋଳନ। ଏଥିରେ ସେମାନଙ୍କୁ ବେଶ ସହାୟକ ହେଉଛି ଟ୍ରାକ୍ଟର (Tractor)। ଚାଷ କାମରେ ବ୍ୟବହୃତ ହେଉଥିବା ହେଉଥିବା ଟ୍ରାକ୍ଚର ଟ୍ରଲି (Tractor Tralley) ଏବେ ସେମାନେ ନିଜର ବାସସ୍ଥାନ ବନାଇ ସାରିଛନ୍ତି। ଏଥିରେ ଲାଗି ଥିବା ବ୍ୟାଟେରୀକୁ (Battery) ବ୍ୟବହାର କରି ସେମାନେ ନିଜ ମୋବାଇଲ ଫୋନ (Mobile) ଚାର୍ଜ କରିବା ସହ ଆନ୍ଦୋଳନ କରୁଥିବା ସ୍ଥାନରେ ଆଲୋକ ଜଳାଇବାରେ ବ୍ୟବହାର କରୁଛନ୍ତି। ଏପରରିକି ଆନ୍ଦୋଳନ କରୁଥିବା ସମୟରେ ସଡକକୁ ବନ୍ଦ ପାଇଁ ସେମାନେ ଟ୍ରାକ୍ଚର ବ୍ୟବହାର କରୁଛନ୍ତି।

Farmers in Delhi are fighting the black agriculture bills war in the cold, the country's tolls will remain closed today in protest #PM_सुस्त_टोल_मुफ़्त pic.twitter.com/4E2oahX5Fg

— ਬਾਬਾ ਬਖਤੌਰਾ (@jatt_junction) December 12, 2020

ଯେଉଁ ଚାଷୀଙ୍କ ପାଖରେ ସ୍ମାଟଫୋନ୍ (Smartphone) ଅଛି, ସେମାନେ ନିଜର ପରିବାର ଲୋକଙ୍କ ସହ ହ୍ୱାଟ୍ସଆପ୍ ମାଧ୍ୟମରେ ଭିଡିଓ କଲ କରି କଥାବାର୍ତ୍ତା ହେଉଛନ୍ତି। ଘର ଠାରୁ ଦୂରରେ ରହି ଆନ୍ଦୋଳନ କରୁଥିବା କୃଷକଙ୍କ ଲାଗି ଏବେ ଯୋଗଯୋଗର ମାଧ୍ୟମ ପାଲଟିଛି ସ୍ମାର୍ଟ ଫୋନ୍। ସ୍ମାର୍ଟ ଫୋନ୍ ରଖିନଥିବା ଚାଷୀ ମାନେ ସେମାନଙ୍କ ନିକଟ ସମ୍ପର୍କୀୟଙ୍କ ସହ କେବଳ କଥାବାର୍ତ୍ତା କରିପାରୁଛନ୍ତି। ଟ୍ରାକ୍ଟର ବ୍ୟାଟେରୀ ବ୍ୟତୀତ ମୋବାଇଲ ଫୋନ ଚାର୍ଜ କରିବା ପାଇଁ ସୋଲାର ପ୍ୟାନେଲ ମଧ୍ୟ ବ୍ୟବହାର କରାଯାଉଛି। ଏହା ବ୍ୟତୀତ, କୃଷକ ଆନ୍ଦୋଳନକୁ ନେଇ ବିଭିନ୍ନ ଗଣମାଧ୍ୟମରେ ହେଉଥିବା ଚର୍ଚ୍ଚା ଓ ଖବର ଉପରେ ମଧ୍ୟ ସେମାନେ ନଜର ରଖିଛନ୍ତି।  

ଏତିକିରେ ସରିନାହିଁ ବନ୍ଦୋବସ୍ତ। ଖାଇବା ପିଇବା ଠାରୁ ଆରମ୍ଭ କରି ହୁକା ପର୍ଯ୍ୟନ୍ତ ସମସ୍ତ ଜିନିଷର ହୋଇଛି ସୁବ୍ୟବସ୍ଥା। ଏପରିକି ବିୟୁଟି ସ୍ପାରେ ମିଳୁଥିବା ସ୍ୱତନ୍ତ୍ର ସୁବିଧା ମଧ୍ୟ ଚାଷୀଙ୍କ ପାଇଁ ଉପଲବ୍ଧ କରାଇଛନ୍ତି ଆୟୋଜନକାରୀ। ଉଦାହରଣ ସ୍ୱରୂପ ହୁକା ସେବନର ମଜା ନେବା ସହିତ ଫୁଟ ମସାଜର ଆନନ୍ଦ ମଧ୍ୟ ଉପଲବ୍ଧ କରୁଛନ୍ତି ବୟୋଜ୍ୟଷ୍ଠ ଚାଷୀ । 

How to Join Farmer Protests?

Please anyone tell me. I have to Enjoy. pic.twitter.com/idrfE8jopO

— Ramanathan (@ImAssassin7) December 12, 2020

ଆନ୍ଦୋଳକାରୀଙ୍କୁ ଖାଦ୍ୟ ଯୋଗାଇବା ପାଇଁ ରୋଟି ମେକର (Roti Maker) ମଧ୍ୟ ପ୍ରଦର୍ଶନସ୍ଥଳୀକୁ ଅଣାଯାଇଛି। ଏହି ମେସିନ ଚାଷୀଙ୍କ ଭୋକ ମେଣ୍ଟାଇବା ପାଇଁ ପ୍ରତି ଘଣ୍ଟାରେ ଯୋଗାଇପାରେ ୨୦୦୦ରୁ ୬୦୦୦ ରୁଟି। ଚାଷୀ ମାନେ ମଧ୍ୟ ଖୁସି। ବିଲରେ ବସି ଘରୁ ଆସିଥିବା ଥଣ୍ଡା ରୁଟି ଖାଇବା ଅପେକ୍ଷା ଧାରଣାସ୍ଥଳୀର ଗରମାଗରମ ରୁଟି ସେମାନଙ୍କର ବେଶ ପସନ୍ଦ ହୋଇଛି। ଆନ୍ଦୋଳନ ସମୟରେ ପ୍ରଦର୍ଶନକାରୀଙ୍କୁ ଶୀତ ଦାଉରୁ ରକ୍ଷା ପାଇବା ପାଇଁ  ଉଇଣ୍ଟର କିଟ ମଧ୍ୟ ପ୍ରଦାନ କରାଯାଉଛି।      

ଏହା ବ୍ୟତୀତ, ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମକୁ କୃଷକ ଆନ୍ଦୋଳନର ବାର୍ତ୍ତା ପହଞ୍ଚାଇବା ଲାଗି ସଫଳ ଭାବରେ ବ୍ୟବହାର କରୁଛନ୍ତି ଆୟୋଜନକାରୀ। 

କେନ୍ଦ୍ର ସରକାରଙ୍କ ପକ୍ଷରୁ MSP ପ୍ରତ୍ୟାହାର ନକରିବା ଲାଗି ଲିଖିତ ପ୍ରସ୍ତାବ ଦିଆଯିବା ପରେ ମଧ୍ୟ ପ୍ରଦର୍ଶନକାରୀ ଏହାକୁ ପ୍ରତ୍ୟାଖ୍ୟାନ କରିବା ସହ ଆନ୍ଦୋଳନକୁ ଆଗକୁ ଆହୁରି ଜୋରଦାର କରିବା ପାଇଁ ଘୋଷଣା କରିଛନ୍ତି ବିଭିନ୍ନ କୃଷକ ସଙ୍ଗଠନର ନେତା।  ଏନଆରସି ଆନ୍ଦୋଳନ ମଡେଲରେ ଚାଲିଥିବା ଏହି ବିରାଟ କୃଷକ ଆନ୍ଦୋଳନରେ ମହିଳା ମାନେ ମଧ୍ୟ ସକ୍ରିୟ ଅଂଶଗ୍ରହଣ କରିଛନ୍ତି।  କେନ୍ଦ୍ର ସରକାରଙ୍କ ସଂଶୋଧିତ ଲିଖିତ ପ୍ରସ୍ତାବକୁ କୃଷକ ନେତା ପ୍ରତ୍ୟାଖ୍ୟାନ କରିବା ସହିତ ସେମାନେ ଏମଏସପି ଗ୍ୟାରେଣ୍ଟି ଆଇନ (MSP Guarantee Act) ଲାଗୁ କରିବାକୁ ଜିଦ୍ ଧରିଛନ୍ତି। ଏପରିକି ଡିସେମ୍ବର ୧୪ ତାରିଖ ସୋମବାର ଦିନ ସମଗ୍ର ଦେଶରେ କୃଷି ଆଇନ ବିରୁଦ୍ଧରେ ଧାରଣ ପ୍ରଦର୍ଶନ କରିବାକୁ ସେମାନେ ଘୋଷଣା କରିଛନ୍ତି ।

କୃଷି ଆଇନ ବିରୁଦ୍ଧର ସଙ୍ଗଠନ ପକ୍ଷରୁ ଚାଲିଥିବା ଆନ୍ଦୋଳନକୁ ଆଗକୁ ଜାରି ରଖିବାକୁ ଆୟୋଜିତ ସମ୍ବାଦିକ ସମ୍ମିଳନୀରେ ଘୋଷଣା କରିଛନ୍ତି କୃଷକ ନେତା। ଡିସେମ୍ବର ୧୪ ତାରିଖରେ ଦିଲ୍ଲୀ, ହରିୟାଣା, ପଞ୍ଜାବ, ମଧ୍ୟପ୍ରଦେଶ, ଉତ୍ତରପ୍ରଦେଶ, ରାଜସ୍ଥାନ, ଉତ୍ତରପ୍ରଦେଶର ଆଦି ରାଜ୍ୟର ପ୍ରଦର୍ଶକାରୀ ରାଜନୈତିକ ଦଳ ଗୁଡିକ ସେମାନଙ୍କ ଜିଲ୍ଲା ମୁଖ୍ୟାଳୟରେ ଦିନିକିଆ ଧର୍ମଘଟ କରିବେ ଏବଂ ଅନ୍ୟ ରାଜ୍ୟର କୃଷକ ଡିସେମ୍ବର ୧୪ରୁ ଅନିର୍ଦ୍ଦିଷ୍ଟ କାଳ ପାଇଁ ଧାରଣ ଦେବେ।