ଦୂର ହେଲା ଦ୍ୱନ୍ଦ୍ୱ, ପେଟ୍ରୋଲ ଓ ଡିଜେଲ ପାଇଁ ରାଜ୍ୟ ଦେଉଛି କେତେ Tax ?

ନୂଆଦିଲ୍ଲୀ: କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ହରଦିପ୍ ସିଂ ପୁରୀ ଲୋକସଭାରେ କହିଛନ୍ତି ଯେ କେଉଁ ରାଜ୍ୟ ପେଟ୍ରୋଲ ଏବଂ ଡିଜେଲ ଉପରେ ସର୍ବାଧିକ ଟିକସ ଆଦାୟ କରୁଛନ୍ତି । ସେ କହିଛନ୍ତି ଯେ ମଧ୍ୟପ୍ରଦେଶ ଦେଶରେ ପେଟ୍ରୋଲ ଉପରେ ସର୍ବାଧିକ ବିକ୍ରୟ କର କିମ୍ବା ଭାଟ୍  (Petrol Sales Tax) ଆଦାୟ କରୁଥିବାବେଳେ ରାଜସ୍ଥାନ ଡିଜେଲ ଉପରେ ସର୍ବାଧିକ ଟିକସ ଆଦାୟ କରୁଛି । 

ପେଟ୍ରୋଲ ଏବଂ ଡିଜେଲ ମୂଲ୍ୟ ଚଳିତ ମାସରେ ସର୍ବୋଚ୍ଚ ସ୍ତରରେ ରହିଛି । ପେଟ୍ରୋଲର ଖୁଚୁରା ମୂଲ୍ୟ ର ୫୫ ପ୍ରତିଶତ ଏବଂ ଡିଜେଲ ମୂଲ୍ୟର ୫୦ ପ୍ରତିଶତ କେନ୍ଦ୍ରୀୟ ଏବଂ ରାଜ୍ୟ ଦ୍ୱାରା ଟ୍ୟାକ୍ସ କରାଯାଏ । କେନ୍ଦ୍ରମନ୍ତ୍ରୀ ଲୋକସଭାରେ ଏକ ପ୍ରଶ୍ନର ଲିଖିତ ଉତ୍ତରରେ କହିଛନ୍ତି ଯେ ୨୦୨୦-୨୧ ଆର୍ଥିକ ବର୍ଷରେ ପେଟ୍ରୋଲରୁ କେନ୍ଦ୍ର ସରକାର ଅର୍ଜନ କରିଥିବା ଏକ୍ସାଇଜ୍ ଡ୍ୟୁଟି (Excise Duty) ୧,୦୧,୫୯୮ କୋଟି ଏବଂ ଡିଜେଲରୁ ମିଳିଥିବା ଏକ୍ସାଇଜ୍ ଟ୍ୟାକ୍ସ ହେଉଛି ୨,୩୩,୨୯୬ କୋଟି ଟଙ୍କା। 

କେନ୍ଦ୍ର ପେଟ୍ରୋଲିୟମ ମନ୍ତ୍ରୀଙ୍କ କହିବା କଥା, ରାଜ୍ୟ ସରକାର ପେଟ୍ରୋଲ (Petrol) ଏବଂ ଡିଜେଲ (Diesel)ର ମୂଳ ମୂଲ୍ୟ ତଥା ମୋଟ ଟିକସ ଉପରେ ଭାଟ୍ ଆଦାୟ କରୁଛନ୍ତି । ପେଟ୍ରୋଲିୟମ ମନ୍ତ୍ରୀଙ୍କ ଉତ୍ତର ଅନୁଯାୟୀ ଦେଶରେ ପେଟ୍ରୋଲ ଏବଂ ଡିଜେଲ ଉପରେ ସର୍ବନିମ୍ନ ଭାଟ୍ ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜରେ ରହିଛି ଯାହା ଯଥାକ୍ରମେ ୪.୮୨ ଟଙ୍କା । ସେ କହିଛନ୍ତି ଯେ ମଧ୍ୟପ୍ରଦେଶ (Madhya Pradesh) ଦେଶରେ ସର୍ବାଧିକ ପେଟ୍ରୋଲ ଉପରେ ୩୧.୫୫ ଟଙ୍କା ଭାଟ୍ ଆଦାୟ କରୁଥିବାବେଳେ ରାଜସ୍ଥାନ (Rajasthan) ଦେଶରେ ଡିଜେଲ ଉପରେ ୨୧.୮୨  ଟଙ୍କା ଟିକସ ଆଦାୟ କରୁଛି।