'ବିଧାୟକଙ୍କୁ ଆସାମ ବଦଳରେ ବେଙ୍ଗଲ ପଠାନ୍ତୁ, ଆମେ ସେମାନଙ୍କୁ ଭଲ ଆତିଥ୍ୟ ପ୍ରଦାନ କରିବୁ'

Maharashtra Crisis: ବିଦ୍ରୋହୀ ଶିବସେନା ନେତା ଏକନାଥ ସିନ୍ଦେ ବୁଧବାର ଦାବି କରିଛନ୍ତି ଯେ ତାଙ୍କ ପାଖରେ ୪୦ ଜଣ ବିଧାୟକଙ୍କ ସମର୍ଥନ ରହିଛି । ପାର୍ଟି ବିରୋଧରେ ଯିବା ପରେ ଗୁଆହାଟୀ ବିମାନ ବନ୍ଦରରେ ପହଞ୍ଚିବା ପରେ ସିନ୍ଦେ ପ୍ରଥମ ଥର ଗଣମାଧ୍ୟମ ସହ କଥା ହୋଇଥିଲେ ।

Maharashtra Crisis: ମହାରାଷ୍ଟ୍ରରେ ଚାଲିଥିବା ରାଜନୈତିକ ଅସ୍ଥିରତା ଉପରେ ପଶ୍ଚିମବଙ୍ଗ (West Bengal) ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀ (Mamata Banerjee) ବିଜେପିକୁ ଟାର୍ଗେଟ କରିଛନ୍ତି । ମମତା ବାନାର୍ଜୀ ଆସାମ ବଦଳରେ ମହାରାଷ୍ଟ୍ରର ବିଦ୍ରୋହୀ ବିଧାୟକମାନଙ୍କୁ ବେଙ୍ଗଲକୁ ପଠାଇବାକୁ ବିଜେପିକୁ କହିଛନ୍ତି । ବାନାର୍ଜୀ କହିଛନ୍ତି ଯେ ବିଜେପି ମହାରାଷ୍ଟ୍ର ସରକାରକୁ ଅନୈତିକ ଢଙ୍ଗରେ ହଟାଇବାକୁ ଚେଷ୍ଟା କରୁଛି ।

ଗୁଆହାଟୀରେ ରହୁଥିବା ମହାରାଷ୍ଟ୍ରର ବିଦ୍ରୋହୀ ବିଧାୟକଙ୍କ ଉପରେ ମମତା ବାନାର୍ଜୀ କହିଛନ୍ତି ଯେ ଆସାମରେ ବନ୍ୟା ପରିସ୍ଥିତି ମଧ୍ୟରେ ପ୍ରଭାବିତ ଲୋକଙ୍କୁ ହଇରାଣ କରିବା ପାଇଁ ମହାରାଷ୍ଟ୍ର ବିଧାୟକମାନଙ୍କୁ କାହିଁକି ସେଠାକୁ ପଠାଯାଉଛି । ମମତା ବାନାର୍ଜୀ ନିଜ ବୟାନରେ କହିଛନ୍ତି, 'ଆସାମ ପରିବର୍ତ୍ତେ ମହାରାଷ୍ଟ୍ରର ବିଧାୟକମାନଙ୍କୁ ବେଙ୍ଗଲକୁ ପଠାନ୍ତୁ, ଆମେ ସେମାନଙ୍କୁ ଭଲ ଆତିଥ୍ୟ ପ୍ରଦାନ କରିବୁ।'

ମହାରାଷ୍ଟ୍ରର ଶାସକ ମହା ବିକାଶ ଅଘାଡି (MVA) ସରକାରରେ ଚାଲିଥିବା ରାଜନୈତିକ ସଙ୍କଟ ମଧ୍ୟରେ କ୍ୟାବିନେଟ ମନ୍ତ୍ରୀ ଏକନାଥ ସିନ୍ଦେଙ୍କ ନେତୃତ୍ୱରେ ବିଦ୍ରୋହୀ ଶିବିରରେ ଯୋଗଦେବା ପାଇଁ ଗୁରୁବାର ଦିନ ଆଉ ତିନିଜଣ ଶିବସେନା ବିଧାୟକ ଆସାମର ରାଜଧାନୀ ଗୁଆହାଟି ଅଭିମୁଖେ ଯାତ୍ରା କରିଛନ୍ତି । ଏହି ତିନିଜଣ ବିଧାୟକଙ୍କ ମଧ୍ୟରେ ସାୱନ୍ତୱାଡି ବିଧାୟକ ଦୀପକ କେସ୍କର, ଚେମ୍ବୁର ବିଧାୟକ ମଙ୍ଗେଶ କୁଦାଲକର ଓ ଦାଦର ବିଧାୟକ ସଦା ସର୍ବକର ଅଛନ୍ତି ।

ବିଦ୍ରୋହୀ ଶିବସେନା ନେତା ଏକନାଥ ସିନ୍ଦେ ବୁଧବାର କହିଛନ୍ତି ଯେ ମହାରାଷ୍ଟ୍ରରେ ଶାସକ ମହା ବିକାଶ ଆଗାଡି (MVA) ଏକ "ଅପ୍ରାକୃତିକ ମିଳିତ ମଞ୍ଚ" ।

ସିନ୍ଦେ ଦୋହରାଇଛନ୍ତି ଯେ MVP ମିଳିତ ମଞ୍ଚରେ ଏନସିପି ଓ କଂଗ୍ରେସ ଅଧିକ ଶକ୍ତିଶାଳୀ ହେଉଛି, କିନ୍ତୁ ମୁଖ୍ୟ ଦଳ ଶିବସେନା ଓ ଏହାର କର୍ମୀମାନେ ଦୁର୍ବଳ ହେବାକୁ ଯାଉଛନ୍ତି । ୨୦୧୯ ବିଧାନସଭା ନିର୍ବାଚନ ପରେ ବିଜେପି ସହ ମେଣ୍ଟ ଶେଷ କରିବା ପରେ ଶିବସେନା MVA ଗଠନ କରିଥିଲେ ।