ଦିଲ୍ଲୀରେ ବୈଠକ କଲେ ମୋଦି-ପାୱାର, ମହାରାଷ୍ଟ୍ରରେ ବଦଳିବ କି ସମୀକରଣ?

ଦେଶର ବରିଷ୍ଠ ତଥା ଅଭିଜ୍ଞ ନେତାଙ୍କ ମଧ୍ୟରେ ଶରଦ ପାୱାରଙ୍କୁ (Sharad Pawar) ଗଣାଯାଏ । ସମସ୍ତ ରାଜନୈତିକ ଦଳର ନେତାଙ୍କ ସହ ୮୦ ବର୍ଷୀୟ ପାୱାରଙ୍କର ମଧ୍ୟ ଭଲ ସମ୍ପର୍କ ରହିଛି ।

ମୁମ୍ବାଇ: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କୁ (Rajnath Singh) ଭେଟିବାର ଗୋଟିଏ ଦିନ ପରେ ଶନିବାର ଦିନ ରାଷ୍ଟ୍ରବାଦୀ କଂଗ୍ରେସ ପାର୍ଟି (NCP) ମୁଖ୍ୟ ଶରଦ ପାୱାର (Sharad Pawar) ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ (Narendra Modi) ସହ ବୈଠକକୁ ନେଇ ରାଜନୈତିକ ମହଲରେ ଅନେକ କଳ୍ପନାଜଳ୍ପନା ସୃଷ୍ଟି ହୋଇଛି । କିଛି ଲୋକ କହୁଛନ୍ତି ଯେ ପ୍ରଧାନମନ୍ତ୍ରୀ ମୋଦି ଓ ରାଜନାଥ ସିଂଙ୍କୁ ଭେଟିବା ପରେ ମହାରାଷ୍ଟ୍ରର ବହୁ ବିରୋଧୀଦଳ ନେତା ମଧ୍ୟ ଏନସିପି (NCP) ମୁଖ୍ୟଙ୍କୁ ଭେଟିଛନ୍ତି । ତେବେ ଏନସିପି ନେତା ନୱାଜ ମଲିକ (Nawab Malik) ଏହି କଳ୍ପନାଜଳ୍ପନାକୁ ଖଣ୍ଡନ କରି କହିଛନ୍ତି, 'ଅନେକ ଲୋକ ବିଭ୍ରାନ୍ତ କରିବାକୁ ଚେଷ୍ଟା କରୁଛନ୍ତି । କୁହାଯାଉଛି ଯେ ମହାରାଷ୍ଟ୍ରର ବିରୋଧୀଦଳ ନେତାମାନେ ଶରଦ ପାୱାରଙ୍କ ପ୍ରଧାନମନ୍ତ୍ରୀ ତଥା ପ୍ରତିରକ୍ଷା ମନ୍ତ୍ରୀଙ୍କ ସହ ସାକ୍ଷାତ ପୃଷ୍ଠଭୂମିରେ ତାଙ୍କୁ ଭେଟିଥିଲେ । ଦିଲ୍ଲୀରେ ପାୱାର ସାହେବ ଓ ମହାରାଷ୍ଟ୍ରର (Maharashtra) ବିରୋଧୀଦଳର ନେତାଙ୍କ ଏକ ବୈଠକ ଅନୁଷ୍ଠିତ ହୋଇଛି ।'

ଏହି ସମୟରେ ଶରଦ ପାୱାର (Sharad Pawar) ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ (Narendra Modi) ଭେଟି ଜାତୀୟ ସ୍ୱାର୍ଥ ସହ ଜଡିତ ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଥିଲେ । ପାୱାର ଏକ ଟ୍ୱିଟ୍‌ରେ କହିଛନ୍ତି ଯେ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଛନ୍ତି । ଜାତୀୟ ସ୍ୱାର୍ଥ ସହ ଜଡିତ ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଥିଲେ । ଏହାପୂର୍ବରୁ ପ୍ରଧାନମନ୍ତ୍ରୀ କାର୍ଯ୍ୟାଳୟ (PMO) ଟ୍ୱିଟ୍ କରି ଦୁଇ ନେତାଙ୍କ ମଧ୍ୟରେ ହୋଇଥିବା ବୈଠକର ଏକ ଫଟୋ ସେୟାର କରିଥିଲେ । ସୂଚନାଯୋଗ୍ୟ ଯେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଶୁକ୍ରବାର ଦିନ ଶରଦ ପାୱାର ଓ ପୂର୍ବତନ ପ୍ରତିରକ୍ଷା ମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ଏ.କେ ଆଣ୍ଟୋନିଙ୍କୁ ଭେଟିଛନ୍ତି । ଏହି ବୈଠକରେ ଡିଫେନ୍ସ ଷ୍ଟାଫ୍ ଜେନେରାଲ୍ ବିପିନ ରାୱତ ଓ ଆର୍ମି ଚିଫ୍ ଜେନେରାଲ୍ ଏମ୍ ନାରୱଣେ ମଧ୍ୟ ଉପସ୍ଥିତ ଥିଲେ ।

ଅଧିକ ପଢ଼ନ୍ତୁ: IND vs SL : ୱାସିମ୍ ଜାଫର୍ କଲେ ଭବିଷ୍ୟବାଣୀ, ଜାଣନ୍ତୁ କିଏ ଜିତିବ ODI ଓ ଟି -୨୦ ସିରିଜ୍

ସୂଚନାନୁସାରେ, ଏହି ବୈଠକରେ ପୂର୍ବ ଲଦାଖରେ ଭାରତ ସୀମାରେ ଚୀନ୍ ସହ ଚାଲିଥିବା ବିବାଦ ସହ ଜଡିତ ସର୍ବଶେଷ ଦିଗ ଉପରେ ଆଲୋଚନା କରାଯାଇଥିଲା । ସୂଚନାନୁସାରେ ରାଜନାଥ ସିଂ ପୱାର ଓ ଆଣ୍ଟୋନିଙ୍କୁ ସୀମାରେ ସାମ୍ପ୍ରତିକ ପରିସ୍ଥିତି ଓ ଭାରତର ସାମରିକ ପ୍ରସ୍ତୁତି ବିଷୟରେ ଅବଗତ କରାଇଥିଲେ । ପାୱାର ମଧ୍ୟ ଦେଶର ପ୍ରତିରକ୍ଷା ମନ୍ତ୍ରୀ ରହିଛନ୍ତି । ରାଜ୍ୟସଭାରେ କେନ୍ଦ୍ର ମନ୍ତ୍ରୀ ତଥା ଗୃହର ନେତା ପୀୟୁଷ ଗୋୟଲ ମଧ୍ୟ ଶୁକ୍ରବାର ଦିନ ପାୱାରଙ୍କୁ ଭେଟିଛନ୍ତି । ଏହି ବୈଠକଗୁଡ଼ିକ ମଧ୍ୟ ଗୁରୁତ୍ୱପୂର୍ଣ୍ଣ କାରଣ ସଂସଦର ମୌସୁମୀ ଅଧିବେଶନ ୧୯ ଜୁଲାଇରୁ ଆରମ୍ଭ ହେଉଛି ।

ଅଧିକ ପଢ଼ନ୍ତୁ: Labour Code: ସରକାରୀ କର୍ମଚାରୀଙ୍କ ପାଇଁ ଖୁସି ଖବର, DA ସହିତ ମିଳିବ ୩୦୦ ଛୁଟି!

ଦେଶର ବରିଷ୍ଠ ତଥା ଅଭିଜ୍ଞ ନେତାଙ୍କ ମଧ୍ୟରେ ଶରଦ ପାୱାରଙ୍କୁ ଗଣାଯାଏ । ସମସ୍ତ ରାଜନୈତିକ ଦଳର ନେତାଙ୍କ ସହ ୮୦ ବର୍ଷୀୟ ପାୱାରଙ୍କର ମଧ୍ୟ ଭଲ ସମ୍ପର୍କ ରହିଛି । ଅତୀତରେ ସେ ଅନେକ ବିରୋଧୀ ଦଳର ନେତାଙ୍କୁ ଭେଟିଥିଲେ । ତାଙ୍କର ଏହି ଷ୍ଟେପ ବିରୋଧୀ ଏକତାକୁ ମଜବୁତ କରିବାର ପ୍ରୟାସ ଭାବରେ ମଧ୍ୟ ଦେଖାଯାଉଛି । ମହାରାଷ୍ଟ୍ରର ମୁଖ୍ୟମନ୍ତ୍ରୀ ରହି ସାରିଥିବା ପାୱାର ଶିବସେନା, ଏନସିପି ଓ କଂଗ୍ରେସ ସହିତ ରାଜ୍ୟର ମହା ଆଗଡି ସରକାର ଗଠନରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ ।