ଆମେରିକା ଓ ବ୍ରିଟେନକୁ ଯୁଦ୍ଧ ଧମକ ଦେଲେ ପୁଟିନ, କହିଲେ-ଯୁଦ୍ଧ ପାଇଁ ପ୍ରସ୍ତୁତ ଋଷର ସେନା

ମସ୍କୋ: ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ (Russian President Vladimir Putin) କଡ଼ା ଚେତାବନୀ ଦେଇ କହିଛନ୍ତି ଯେ ଋଷର ନୌସେନା (Russian Navy) ଶତ୍ରୁ ଲକ୍ଷ୍ୟ ଉପରେ ଆକ୍ରମଣ କରିବାକୁ ପ୍ରସ୍ତୁତ । ବିଶେଷ କଥା ହେଉଛି କ୍ରିମିଆ (Crimea) କୁ ନେଇ ଆମେରିକା (America) ଓ ବ୍ରିଟେନ (Britain) ସହ ଚାଲିଥିବା ତିକ୍ତତା ମଧ୍ୟରେ ଋଷ ରାଷ୍ଟ୍ରପତି ପୁଟିନଙ୍କ ଏହି ବୟାନ ଆସିଛି । 

ବାସ୍ତବରେ, ଋଷ ୨୦୧୪ରେ କ୍ରିମିଆକୁ ଜୋର ଜବରଦସ୍ତି ୟୁକ୍ରେନ (Ukraine) ରୁ ପୃଥକ କରିଥିଲା, କିନ୍ତୁ ବିଶ୍ୱର ଅଧିକାଂଶ ଲୋକ କ୍ରିମିଆକୁ ୟୁକ୍ରେନର ଏକ ଅଂଶ ବୋଲି ମନେ କରନ୍ତି । ଆମେରିକା ଓ ବ୍ରିଟେନ ମଧ୍ୟରେ ତିକ୍ତତା ମଧ୍ୟରେ ଋଷ ଏହାର ଉନ୍ନତ ବାୟୁ ପ୍ରତିରକ୍ଷା ପ୍ରଣାଳୀ S-500 ଓ ଜିର୍କନ୍ ହାଇପରସୋନିକ୍ କ୍ଷେପଣାସ୍ତ୍ର ପରୀକ୍ଷା କରିଛି ।

ନୌସେନା ଦିବସରେ ସେଣ୍ଟ ପିଟର୍ସବର୍ଗ ଠାରେ ଏକ ବିଶାଳ ପ୍ୟାରେଡ୍ ସମାରୋହରେ ଋଷ ରାଷ୍ଟ୍ରପତି ପୁଟିନ କହିଛନ୍ତି ଯେ, ଆମେ ଜଳ ତଳେ, ଜଳ ଉପରେ ଏବଂ ବାୟୁରେ ଉଡ଼ୁଥିବା ଶତ୍ରୁମାନଙ୍କୁ ଚିହ୍ନଟ କରିବା ଓ ସେମାନଙ୍କୁ ଉପଯୁକ୍ତ ଜବାବ ଦେବାରେ ସମକ୍ଷ । 

ଅଧିକ ପଢ଼ନ୍ତୁ:-ତାଲିବାନକୁ ରୋକିବା ପାଇଁ ଋଷ ପ୍ରସ୍ତୁତ, ନେଲା ଏହି ବଡ଼ ପଦକ୍ଷେପ

ସେ କହିଛନ୍ତି ଯେ ଯଦି ଆବଶ୍ୟକ ହୁଏ ତେବେ ଆମେ ମଧ୍ୟ ଆକ୍ରମଣ କରିପାରିବା । ରାଷ୍ଟ୍ରପତି ଋଷର ନୂତନ ଅସ୍ତ୍ରକୁ ଅପରାଜୟ ବୋଲି କହିଛନ୍ତି । 

ଆମେ ଆପଣଙ୍କୁ କହି ରଖୁଛୁ ଯେ, ନିକଟ ଅତୀତରେ ଯେତେବେଳେ ବ୍ରିଟେନ୍ କ୍ରିମିଆ ଉପଦ୍ୱୀପ ନିକଟରେ ଯୁଦ୍ଧ ଜାହାଜ ପଠାଇଥିଲା, ସେତେବେଳେ ରୁଷ ମଧ୍ୟ ନିଜର ଯୁଦ୍ଧ ବିମାନ ପଠାଇଥିଲା । ଏହାଦ୍ୱାରା ଦୁଇ ଦେଶ ମଧ୍ୟରେ ତିକ୍ତତା ବୃଦ୍ଧି ପାଇଥିଲା ।

ଅଧିକ ପଢ଼ନ୍ତୁ:-କୋରୋନାକୁ ନେଇ ଆସିଲା ଆଶ୍ୱସ୍ତିକର ଖବର

ଏହି ସମୟରେ ଋଷ ବ୍ରିଟିଶ ଯୁଦ୍ଧ ଜାହାଜ ନିକଟରେ ବୋମା ବର୍ଷା କରିଥିଲା । ଏହି ଘଟଣା ପରେ ରାଷ୍ଟ୍ରପତି ପୁଟିନ ଗତ ମାସରେ କହିଥିଲେ ଯେ, ଋଷ ବ୍ରିଟିଶ ଯୁଦ୍ଧ ଜାହାଜକୁ ବୁଡ଼ାଇ ଦେଇପାରିଥାଆନ୍ତା, ଯାହା ତା'ର କ୍ଷେତ୍ରୀୟ ଜଳସୀମାକୁ ବେଆଇନ ଭାବେ ପ୍ରବେଶ କରିଥିଲା । ସେ ଅଭିଯୋଗ କରିଛନ୍ତି ଯେ ଆମେରିକା ଏହି ଉତ୍ତେଜନା ସୃଷ୍ଟି କରୁଛି । 

ସେ ଚେତାବନୀ ଦେଇଛନ୍ତି ଯେ ଆଜି ଋଷର ନୌସେନା ପାଖରେ ସେହି ସମସ୍ତ ଜିନିଷ ରହିଛି, ଯାହା ଦେଶର ସୁରକ୍ଷା ଓ ଜାତୀୟ ସ୍ୱାର୍ଥ ରକ୍ଷା ପାଇଁ ଆବଶ୍ୟକ ହୋଇଥାଏ । ତେବେ ବ୍ରିଟିଶ ସରକାର ଋଷର ବୋମା ପକାଇବା ଦାବିକୁ ପ୍ରତ୍ୟାଖ୍ୟାନ କରିଛନ୍ତି । 

ଅଧିକ ପଢ଼ନ୍ତୁ:-ରୁଦ୍ରାକ୍ଷ ପିନ୍ଧିବାରୁ ମିଳିଥାଏ ଏହି ଜବରଦସ୍ତ ଲାଭ, ସନ୍ତାନହୀନ ମହିଳା ପାଆନ୍ତି ସନ୍ତାନର ସୁଖ!

ଏହାପୂର୍ବରୁ ରାଷ୍ଟ୍ରପତି ପୁଟିନ କହିଥିଲେ ଯେ ଋଷ ବିଶ୍ୱର ସବୁଠାରୁ ଶକ୍ତିଶାଳୀ ନୌସେନା ମଧ୍ୟରେ ନିଜର ସ୍ଥାନ ସୃଷ୍ଟି କରିଛି । ଋଷ ହାଇପରସୋନିକ୍ କ୍ଷେପଣାସ୍ତ୍ର ତିଆରି କରିଛି, ଯାହା ଏପର୍ଯ୍ୟନ୍ତ ଦୁନିଆରେ କୌଣସି ଭେଦ ନାହିଁ । 

ଅଧିକ ପଢ଼ନ୍ତୁ:-ପୁଟିନଙ୍କ ଏହି ଘୋଷଣା ପରେ ବଢ଼ିଲା ଉତ୍ତେଜନା, ଫୋର୍ସ ପଠାଇବାକୁ ପ୍ରସ୍ତୁତି କରୁଛି ଋଷ

ଆପଣଙ୍କୁ କହି ରଖୁଛୁ ଯେ, ଅନେକ ଦେଶ ବର୍ତ୍ତମାନ ଏହି କ୍ଷେପଣାସ୍ତ୍ର ତିଆରି କରିବାକୁ ଚେଷ୍ଟା କରୁଛନ୍ତି । ଋଷ ପାଖରେ ପରମାଣୁ ଅସ୍ତ୍ରଶସ୍ତ୍ରର ଦ୍ୱିତୀୟ ବୃହତ୍ତମ ଭଣ୍ଡାର ଅଛି ।