ନିଜ ବାପାଙ୍କୁ ବିରୋଧ କଲେ ସୋହେଲା ରସିଦ, କହିଲେ ସେ କିଛି ଜାଣି ନାହାନ୍ତି...

ନୂଆଦିଲ୍ଲୀ: କିଛି ଦିନ ଧରି ଚର୍ଚ୍ଚାରେ ରହିଥିବା ଜମ୍ମୁ କାଶ୍ମୀର ପିପୁଲ୍ସ ମୁଭମେଣ୍ଟର (Jammu Kashmir People Movement) ପୂର୍ବତନ ସଦସ୍ୟ (Former Member) ଶୋହେଲା ରସିଦଙ୍କ (Sahela Rashid) ବିରୋଧରେ ନିକଟରେ ତାଙ୍କ ବାପା ଗୁରୁତର ଅଭିଯୋଗ ଆଣିଥିଲେ । ଯାହାକୁ ସେ ଖାରଜ କରିଦେଇଛନ୍ତି। ପାଲଟା ଅଭିଯୋଗ ଆଣି ଶୋହେଲା କହିଛନ୍ତି କି, ତାଙ୍କ ବାପା କିଛି ଜାଣିନାହାନ୍ତି । ସେ ଯାହା କିଛି କହିଛନ୍ତି ତାହା ସମ୍ପୂର୍ଣ୍ଣ ଭାବେ ଭୁଲ ବୋଲି ଦର୍ଶାଇଛନ୍ତି ଶୋହେଲା । 

ଶୋହେଲାଙ୍କ ଅନୁୟାୟୀ ତାଙ୍କ ବାପା ଯଦି ଗୁଗୁଲରେ ସର୍ଚ୍ଚ କରିଥାନ୍ତେ ତେବେ ଅନେକ କିଛି ସୂଚନା ପାଇ ପାରିଥାନ୍ତେ । ସେ ଆହୁରି ମଧ୍ୟ କହିଛନ୍ତି କି ପିଲାବେଳୁ ତାଙ୍କ ମା ଓ ଭଉଣୀଙ୍କୁ ଉପରେ ତାଙ୍କ ବାପା ଅକଥନୀୟ ଅତ୍ୟାଚାର କରି ଆସୁଥିଲେ । କିନ୍ତୁ ବର୍ତ୍ତମାନ ସମୟ ଆସିଛି ତାହାର ମୁକାବିଲା କରିବା ପାଇଁ । 

ଅଧିକ ପଢନ୍ତୁ: ଚାଲିଗଲେ ମସଲା କିଙ୍ଗ, ପାକିସ୍ତାନରୁ ଭାରତକୁ ବ୍ୟବସାୟର ଲମ୍ବା ଯାତ୍ରା...

ଶୋହେଲା କହିଛନ୍ତି କି, ମୋ ଭଉଣୀ ଓ ମା' ମୋତେ ପାଳିପୋଷି ବଡ଼ କରିଛନ୍ତି । ମୋ ବାପା କେବେ ବି ଆମ ପାଖରେ ଠିଆ ହୋଇନଥିଲେ, ନା ଭାବପ୍ରବଣ କିମ୍ବା ଆର୍ଥିକ ଦୃଷ୍ଟିକୋଣରୁ ସେ କେବେ ଆମକୁ ସହାୟତା କରିନାହାନ୍ତି । ଏପରିକି ମୁଁ କେଉଁ ଶ୍ରେଣୀରେ ଅଛି ତାଙ୍କୁ ଜଣା ମଧ୍ୟ ନଥିଲା । ଏଥିରୁ ଏହା ସ୍ପଷ୍ଟ ଯେ ସେ ତାଙ୍କ ଚିଠିରେ ଲେଖିଛନ୍ତି ଯେ ଶୋହେଲା ୨୦୧୭ରେ ସମାଜବିଜ୍ଞାନର ଶେଷ ସେମିଷ୍ଟରରେ ଥିଲେ। ଯଦି ସେ ଗୁଗୁଲ୍ ସର୍ଚ୍ଚ କରିଥାନ୍ତେ, ତେବେ ସେ ସଠିକ୍ ସୂଚନା ପାଇଥାନ୍ତେ।

ଅଧିକ ପଢନ୍ତୁ: କୋରୋନା ଭ୍ୟାକ୍ସିନକୁ ନେଇ ବ୍ରିଟେନ ପରେ ଋଷରୁ ଆସିଲା ବହୁତ ବଡ଼ ଖୁସି ଖବର

ବ୍ୟାଙ୍କ ଆକାଉଣ୍ଟ ଯାଞ୍ଚ କରିବା ସମ୍ପର୍କରେ ଶୋହେଲା କହିଛନ୍ତି ଯେ ମୋ ବାପା ମୋ ଆକାଉଣ୍ଟ ନମ୍ବର ମଧ୍ୟ ଜାଣି ନାହାଁନ୍ତି କାରଣ ଆଜି ପର୍ଯ୍ୟନ୍ତ ସେ ଆକାଉଣ୍ଟକୁ ଟଙ୍କାଟିଏ ପଠାଇ ନାହାଁନ୍ତି। ୨୦୧୭ରେ ସେମାନେ ମୋତେ ଭେଟିବା ବିଷୟରେ ଯେତେ କଥାବାର୍ତ୍ତା କରନ୍ତି, ତାହା ମଧ୍ୟ ଭିତ୍ତିହୀନ | ଯେତେବେଳେ ସତ୍ୟ ହେଉଛି ଯେ ୨୦୧୭ରେ ମୁଁ ଅସୁସ୍ଥ ଥିଲି ଏବଂ ମୋ ଭଉଣୀ ମୋ ବାପାଙ୍କୁ ସାକ୍ଷାତ କରିବାକୁ ନିବେଦନ କରିଥିଲେ କିନ୍ତୁ ସେମାନେ ସାକ୍ଷାତ କରିନଥିଲେ। ସେବେଠାରୁ ମୋ ଭଉଣୀ ମଧ୍ୟ ତାଙ୍କ ପିତାଙ୍କ ସହ କଥା ହେବା ବନ୍ଦ କରିଦେଲେ।

ଶେହଲାଙ୍କ କହିବାନୁସାରେ, ଏହା କେବଳ ଏକ ରାଜନୈତିକ ଷ୍ଟଣ୍ଟ ଯାହା ଆମ ଉପରେ ଚାପ ପକାଇବ, ଯାହାଦ୍ୱାରା ଆମେ ସେମାନଙ୍କ ଉପରେ ଲଗାଯାଇଥିବା ଘରୋଇ ହିଂସା ମାମଲାକୁ ଫେରାଇ ଆଣିବା |