SBI Alert: ଗ୍ରାହକମାନେ ଶନିବାର ଦିନ ରାତିରେ ଅଭିଯୋଗ ସେବା ପୋର୍ଟାଲକୁ (Complaint Service Portal) 7 ଘଣ୍ଟା ବ୍ୟବହାର କରିପାରିବେ ନାହିଁ । ଏହି ସମୟରେ ଗ୍ରାହକମାନେ ଯେକୌଣସି ପ୍ରକାରର ଅଭିଯୋଗ, ଯାଞ୍ଚ ଇତ୍ୟାଦି ପାଇଁ ବ୍ୟାଙ୍କର ଟୋଲ୍ ଫ୍ରି ନମ୍ବରେ ଯୋଗାଯୋଗ କରିପାରିବେ ।
Trending Photos
3
12
7
8 "SBI ଜାରି କଲା ଆଲର୍ଟ; ୭ ଘଣ୍ଟା ପାଇଁ ପ୍ରଭାବିତ ହେବ ଏହି ସେବା, ଜାଣନ୍ତୁ ଡିଟେଲ୍ସ")
ନୂଆଦିଲ୍ଲୀ: ଯଦି ଆପଣ ଦେଶର ସର୍ବବୃହତ ବ୍ୟାଙ୍କ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ଅର୍ଥାତ୍ ଏସବିଆଇର ଗ୍ରାହକ ଅଟନ୍ତି, ତେବେ ଆପଣଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ଖବର ଅଛି ।ଗ୍ରାହକଙ୍କୁ ଉନ୍ନତ ସୁବିଧା ଯୋଗାଇବା ପାଇଁ SBI ସମୟ ସମୟରେ ଏହାର ପୋର୍ଟାଲକୁ ଅପଡେଟ୍ କରିଥାଏ । ଏହି କ୍ରମରେ ବ୍ୟାଙ୍କ ଗ୍ରାହକଙ୍କ ପାଇଁ ଏକ ଆଲର୍ଟ ଜାରି କରିଛି । ବ୍ୟାଙ୍କ କହିଛି ଯେ ଫେବୃଆରୀ ୨୬ ଏବଂ ୨୭ ତାରିଖରେ ଅଭିଯୋଗ ସେବା ପୋର୍ଟାଲ (Complaint Service Portal) କିଛି ଘଣ୍ଟା ପାଇଁ ଉପଲବ୍ଧ ହେବ ନାହିଁ । ଟ୍ୱିଟ୍ କରି ଏସବିଆଇ ଏହି ସୂଚନା ଦେଇଛି । ଏପରି ପରିସ୍ଥିତିରେ, ଯଦି ଆପଣଙ୍କୁ କୌଣସି ଗୁରୁତ୍ୱପୂର୍ଣ୍ଣ ଡିଜିଟାଲ୍ କାରବାର କରିବାକୁ ପଡେ, ତେବେ ଶୀଘ୍ର ଏହାକୁ ସମ୍ପୂର୍ଣ୍ଣ କରନ୍ତୁ ।
ଅଫିସିଆଲ୍ ଟ୍ୱିଟର ଆକାଉଣ୍ଟ୍ ମାଧ୍ୟମରେ SBI ଗ୍ରାହକଙ୍କୁ ଏହି ସୂଚନା ଦେଇ କହିଛି ଯେ ଆମେ ଆମର ସମ୍ମାନିତ ଗ୍ରାହକଙ୍କୁ ଅନୁରୋଧ କରୁଛୁ ଯେ ଆମ ସହିତ ଯୋଡ଼ି ରୁଅନ୍ତୁ, କାରଣ ଆମେ ଏକ ଉନ୍ନତ ବ୍ୟାଙ୍କିଙ୍ଗ୍ ସେବା ପ୍ରଦାନ କରିବାକୁ ଚେଷ୍ଟା କରୁଛୁ ।
ବ୍ୟାଙ୍କ କହିଛି ଯେ ଫେବୃଆରୀ ୨୬ ରେ ରାତି ୧୧ ଟାରୁ ସକାଳ ୬ ଟା ପର୍ଯ୍ୟନ୍ତ ଗ୍ରାହକଙ୍କ ଅଭିଯୋଗ ସେବା ପୋର୍ଟାଲ http://crcf.sbi.co.in ଉପଲବ୍ଧ ହେବ ନାହିଁ । ବ୍ୟାଙ୍କ ଅନୁଯାୟୀ, ଏହି ଏହି ସମୟରେ ଗ୍ରାହକମାନେ ଯେକୌଣସି ପ୍ରକାରର ଅଭିଯୋଗ, ଯାଞ୍ଚ ଇତ୍ୟାଦି ପାଇଁ ବ୍ୟାଙ୍କର ଟୋଲ୍ ଫ୍ରି ନମ୍ବର ୧୮୦୦୧୧୨୨୧୧/୧୮୦୦୧୨୩୪/୧୮୦୦୨୧୦୦ ସହିତ ଯୋଗାଯୋଗ କରିପାରିବେ ।
ଏସବିଆଇର ୱେବସାଇଟ୍ ଅନୁଯାୟୀ ଏହା ଏକ ଚତୁର୍ଥାଂଶ ବଜାର ଅଂଶ ସହିତ ଦେଶର ସବୁଠାରୁ ବଡ ବ୍ୟାଙ୍କ ଅଟେ । ଏହା ୧୧ ଟି ସହାୟକ କମ୍ପାନୀ ମାଧ୍ୟମରେ SBI ଜେନେରାଲ୍ ଇନସୁରାନ୍ସ, SBI ଲାଇଫ୍ ଇନସୁରାନ୍ସ, SBI ମ୍ୟୁଚୁଆଲ୍ ଫଣ୍ଡ, SBI କାର୍ଡ ଇତ୍ୟାଦି ବିଭିନ୍ନ ବ୍ୟବସାୟରେ ସଫଳତାର ସହିତ କାର୍ଯ୍ୟ କରୁଛି ।
ଏହା ବି ପଢ଼ନ୍ତୁ: ୟୁକ୍ରେନରେ ଯୁଦ୍ଧ ମଧ୍ୟରେ ଭାରତ-ଋଷ ସମ୍ପର୍କକୁ ନେଇ ଆମେରିକା ଦେଲା ଏକ ବଡ଼ ବୟାନ
ଏହା ବି ପଢ଼ନ୍ତୁ: ଦେଶ ଛାଡିବାକୁ ମନା କଲେ ଜେଲେନସ୍କି, ଆମେରିକାକୁ କହିଲେ- ମୋତେ ହତିଆର ଦରକାର
