VVIP ହେଲିକ୍ୟାପ୍ଟର ଡିଲରେ ସୋନିଆ-ଅହମ୍ମଦଙ୍କୁ ମିଳିଥାନ୍ତା ୭୦୦ କୋଟି ଟଙ୍କାର କମିଶନ: ବିଜେପି

ମଙ୍ଗଳବାର କେନ୍ଦ୍ର ଆଇନ ମନ୍ତ୍ରୀ ରବି ଶଙ୍କର ପ୍ରସାଦ ପ୍ରତିରକ୍ଷା ସାମଗ୍ରୀ କ୍ରୟ ଦୁର୍ନୀତି ମାମଲାରେ କଂଗ୍ରେସର ପୁରୁଣା ଯୋଗଦାନକୁ ଦର୍ଶାଇଛନ୍ତି।

ନୂଆଦିଲ୍ଲୀ: ଭିଭିଆଇପିଙ୍କ (VVIP)ଲାଗି କିଣାଯିବାକୁ ଥିବା ଅଗଷ୍ଟା ୱେଷ୍ଟଲ୍ୟାଣ୍ଡ (Augusta Westland)ହେଲିକପ୍ଟର ଡିଲ୍ (Helicaptor Deal)ପ୍ରସଙ୍ଗରେ ବିରୋଧି କଂଗ୍ରେସକୁ (Congress)ପୁଣି ଥରେ ଘେରିଛି କେନ୍ଦ୍ରରେ କ୍ଷମତାସୀନ ବିଜେପି (BJP)।  

ଏନେଇ ଦଳ ପକ୍ଷରୁ କଂଗ୍ରେସ ବିରୁଦ୍ଧରେ କରାଯାଇଥିବା ଅଭିଯୋଗରେ କୁହାଯାଇଛି ହେଲିକ୍ୟାପ୍ଟର କ୍ରୟ କରିବା ଲାଗି ହୋଇଥିବା ଚୁକ୍ତିରୁ ସୋନିଆ ଗାନ୍ଧୀ (Sonia Gandhi),ଅହମ୍ମଦ ପଟେଲଙ୍କୁ (Ahmed Patel)୭୦୦ କୋଟି ଟଙ୍କାର କମିଶନ ମିଳିଥାନ୍ତା। ଏହି ଦୁର୍ନୀତି ମାମଲା ସହ ଜଡିତ ରାଜୀବ ସାକ୍ସେନା ମଧ୍ୟ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲନାଥଙ୍କ (Ex CM Kamalnath)ପୁଅ ନାକୁଲ ନାଥ (Nakulnath),ପୂର୍ବତନ ବୈଦେଶିକ ମନ୍ତ୍ରୀ ସଲମାନ ଖୁର୍ସିଦଙ୍କ ନାମ ପ୍ରବର୍ତ୍ତନ ନିର୍ଦ୍ଦେଶାଳୟ-ଇଡି(ED)ଆଗରେ ଦେଇଥିବା ବିବୃତ୍ତିରେ ସ୍ପଷ୍ଟ କରିଛନ୍ତି। ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲନାଥଙ୍କ ଭଣଜା ରତୁଲ ପୁରୀ ଏହି ଦୁର୍ନୀତିରେ ସମ୍ପୃକ୍ତ ଥିବା ଅଭିଯୋଗରେ ଗିରଫ ହୋଇ ବର୍ତ୍ତମାନ ଜାମିନରେ ଅଛନ୍ତି।

ବୁଧବାର ଏକ ସାମ୍ବାଦିକ ସମ୍ମିଳନୀରେ ବିଜେପି ନେତା ରାଜ୍ୟବର୍ଦ୍ଧନ ସିଂ ରାଠୋର କହିଛନ୍ତି ୨୦୦୮ ଫେବୃଆରୀ ୮  ତାରିଖରେ ତତ୍କାଳୀନ ୟୁପିଏ ସରକାର ଅଗଷ୍ଟା ୱେଷ୍ଟଲ୍ୟାଣ୍ଡ ସହ ୧୨ଟି ହେଲିକପ୍ଟର କିଣିବା ନେଇ ଏକ ଚୁକ୍ତିନାମା ହୋଇଥିଲା। ଯାହାର ମୂଲ୍ୟ ପ୍ରାୟ ୬୦୦ ନିୟୁତ ୟୁରୋ ହେବ। ଏହି ହେଲିକ୍ୟାପ୍ଟର ୨୦୧୩ ଜୁଲାଇରେ ଭାରତକୁ ହସ୍ତାନ୍ତର କରାଯାଇଥିଲା।

ସେ ଆହୁରି ମଧ୍ୟ କହିଛନ୍ତି ୨୦୧୨ ଫେବୃଆରୀରେ ଇଟାଲୀରେ ଏକ ଅନୁସନ୍ଧାନ ଆରମ୍ଭ ହୋଇଥିଲା ଏହାର ପ୍ୟାରେଣ୍ଟ୍ କମ୍ପାନୀ ଏକ ଅନୈତିକ ଉପାୟରେ କାର୍ଯ୍ୟ କରୁଛି। ୨୦୧୪ରେ ଖ୍ରୀଷ୍ଟିଆନ ମିଚେଲଙ୍କ ନୋଟରୁ ଅନେକ ସୂଚନା ଆସିଛି। ସେ ତାଙ୍କ ନୋଟରେ ଲେଖିଛନ୍ତି ସୋନିଆ ଗାନ୍ଧୀ ଏବଂ ତାଙ୍କର ଘନିଷ୍ଠ ବନ୍ଧୁଙ୍କୁ ଟାର୍ଗେଟ କରି ଆମର ଏହି ଡିଲ୍ ଅନୁମୋଦନ ହେବ। ସେହି ଘନିଷ୍ଠଙ୍କ ତାଲିକାରେ ଅହମ୍ମଦ ପଟେଲଙ୍କ ସମେତ ବହୁ ବରିଷ୍ଠ ନେତାଙ୍କ ନାମ ଲେଖାଯାଇଛି।

ଏହା ସହିତ ରାଠୋର କହିଛନ୍ତି, 'ଯେତେବେଳେ ପ୍ରତିରକ୍ଷା କାରବାରରେ ଘୋଟାଲା କଥା ଆସେ, ସେତେବେଳେ କଂଗ୍ରେସର ନାମ ଆସେ। ଜିପ୍ ସ୍କାମ, ଟାଟ୍ରା ଟ୍ରକ୍ ସ୍କାମ, ବୋଫର୍ସ ସ୍କାମ ଏବଂ ବର୍ତ୍ତମାନ ଅଗସ୍ତା ୱେଷ୍ଟଲ୍ୟାଣ୍ଡ ସ୍କାମ, ଏହି ସବୁ କଂଗ୍ରେସ ଅଧୀନରେ ଘଟିଛି। ଦଳର ବରିଷ୍ଠ ସଦସ୍ୟ ଅର୍ଥାତ୍ ସୋନିଆ ଗାନ୍ଧୀ, ରାହୁଲ ଗାନ୍ଧୀ ଏହି ଘୋଟାଲାରେ ନିଜ ଦଳର ବଡ ନେତାଙ୍କ ନାମ ଉପରେ ସ୍ପଷ୍ଟୀକରଣ ଦେବା ଉଚିତ୍। କିନ୍ତୁ ବର୍ତ୍ତମାନ ପର୍ଯ୍ୟନ୍ତ ନିରବତା ଏବଂ ନିରବତା ରହିଛି।

ବିଜେପି ନେତା ଏହା ମଧ୍ୟ କହିଛନ୍ତି ଯେତେବେଳେ ପ୍ରତିରକ୍ଷା କ୍ଷେତ୍ରରେ ହେଉଥିବା କାରବାରରେ ଦୁର୍ନୀତି ପ୍ରସଙ୍ଗ ଉଠେ ସେତେବେଳେ କଂଗ୍ରେସର ନାମ ଆସେ। ଜିପ୍, ଟାଟ୍ରା ଟ୍ରକ୍, ବୋଫର୍ସଏବଂ ବର୍ତ୍ତମାନ ଅଗଷ୍ଟା ୱେଷ୍ଟଲ୍ୟାଣ୍ଡ ଦୁର୍ନୀତି ଭଳି ଘଟଣା କଂଗ୍ରେସ ସରକାର ଅମଳ ଘଟିଛି। କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ, ରାହୁଲ ଗାନ୍ଧୀ ଏହି ଦୁର୍ନୀତିରେ ନିଜ ଦଳର ବଡ ନେତାଙ୍କ ନାମ ଉପରେ ସ୍ପଷ୍ଟୀକରଣ ଦେବା ବଦଳରେ  ନିରବତା ଅବଲନମ୍ବନ କରୁଛନ୍ତି। ଏହାପୂର୍ବରୁ ମଙ୍ଗଳବାର କେନ୍ଦ୍ର ଆଇନ ମନ୍ତ୍ରୀ ରବି ଶଙ୍କର ପ୍ରସାଦ ପ୍ରତିରକ୍ଷା ସାମଗ୍ରୀ କ୍ରୟ ଦୁର୍ନୀତି ମାମଲାରେ କଂଗ୍ରେସର ପୁରୁଣା ଯୋଗଦାନକୁ ଦର୍ଶାଇ କହିଛନ୍ତି ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀଙ୍କୁ ସର୍ବସାଧାରଣରେ ଏହାର ଉତ୍ତର ଦେବାକୁ ହେବ।

ଇଡିକୁ ଦିଆଯାଇଥିବା ପ୍ରାୟ ଏକ ହଜାର ପୃଷ୍ଠାର ବିବୃତ୍ତିରେ ସାକ୍ସେନା ଭାରତରେ ଏହି ଚୁକ୍ତିରେ ନିଆଯାଇଥିବା କମିଶନୀ କାରବାରର ପରିମାଣ ପଠାଇବାରେ ତାଙ୍କର ସମ୍ପୃକ୍ତି ଥିବା ସ୍ୱୀକାର କରିଛନ୍ତି। ଜାନୁଆରୀ ୨୦୧୯ରେ ସାକ୍ସେନା ଦୁବାଇରୁ ପ୍ରତ୍ୟର୍ପଣ କରାଯାଇ ଭାରତକୁ ଅଣାଯାଇଥିଲା। ଅନୁସନ୍ଧାନରେ ସହଯୋଗ ଦେଖି ଇଡି ତାଙ୍କୁ ପ୍ରଥମେ ସରକାରୀ ସାକ୍ଷୀ କରିଥିଲା, ହେଲେ ପରେ ଜଣାପଡିଥିଲା ସେ ଏହି ଘୋଟାଲା ସହ ଜଡିତ ଗୁରୁତ୍ୱପୂର୍ଣ୍ଣ ତଥ୍ୟ ଲୁଚାଉଛନ୍ତି। ଏହା ପରେ ତାଙ୍କୁ ସରକାରୀ ସାକ୍ଷୀ ତାଲିକାରୁ ହଟାଇ ତାଙ୍କୁ ଅଭିଯୁକ୍ତ କରିବା ପାଇଁ ଇଡି କୋର୍ଟଙ୍କ ନିକଟରେ ପହଞ୍ଚିଛି।