ଲାଭା ଉଦ୍ଗୀରଣ ଯୋଗୁଁ ଜଳୁଛି ସ୍ପେନ! ଜାରି ରହିଛି ବିପର୍ଯ୍ୟୟ, ଦେଖନ୍ତୁ ଭିଡ଼ିଓ

Spain Volcano Eruption: ସ୍ପେନର ଲା-ପାଲ୍ମା ଦ୍ୱୀପରେ ଲାଭା ଉଦ୍ଗୀରଣ ହେବାର ତେର ଦିନରୁ ଅଧିକ ହୋଇଗଲାଣି, ତଥାପି ବିପର୍ଯ୍ୟୟ ଜାରି ରହିଛି । ଏପର୍ଯ୍ୟନ୍ତ ୪୦୦ ରୁ ଅଧିକ ବଡ଼ ବଡ଼ କୋଠା ମଧ୍ୟ ନଷ୍ଟ ହୋଇ ସାରିଛି ।

ସ୍ପେନର କୋନାରି ଦ୍ୱୀପପୁଞ୍ଜରେ ଆଗ୍ନେୟଗିରି ବିସ୍ଫୋରଣ ହେବା ପରେ ସ୍ଥିତି ସ୍ୱାଭାବିକ ହୋଇପାରି ନାହିଁ । ଆଗ୍ନେୟଗିରି ବିସ୍ଫୋରଣ ହେବାର ଦଶ ଦିନ ବିତିଗଲାଣି କିନ୍ତୁ ଏହାର ପ୍ରଭାବ ଜାରି ରହିଛି । ଯେଉଁଥିପାଇଁ ପାର୍ବତ୍ୟ ଅଞ୍ଚଳରେ ରହୁଥିବା ଲୋକମାନେ ବହୁତ ଭୟଭୀତ ଅଛନ୍ତି ।

ଲା ପାଲ୍ମା ଦ୍ୱୀପରୁ ଏହା ଆଟଲାଣ୍ଟିକ୍ ମହାସାଗରକୁ ଆଡକୁ ପ୍ରବାହିତ ହେଉଛି । ୟୁରୋପୀୟ ୟୁନିଅନର ମନିଟରିଂ ଗୋଷ୍ଠୀ କହିଛି ଯେ ଲାଭା ପାଲ୍ମାର ପ୍ରାୟ ୪୦୦ କୋଠା ଓ ଦ୍ୱୀପର ପଶ୍ଚିମ ପାର୍ଶ୍ୱରେ ଥିବା ଅନେକ ଘରକୁ ନଷ୍ଟ କରିଦେଇଛି ଯେଉଁଠାରେ ୮୫,୦୦୦ ଲୋକ ବାସ କରନ୍ତି ।

ଏଠାରେ କ୍ଲିକ୍ କରି ଦେଖନ୍ତୁ ଭିଡ଼ିଓ

ଆଗ୍ନେୟଗିରିର ବିସ୍ଫୋରଣର ଅନେକ ଚିତ୍ର ଓ ଭିଡ଼ିଓ ମଧ୍ୟ ସାମ୍ନାକୁ ଆସିଛି । ଯେଉଁଥିରେ ଆକାଶ କଳା ଓ ଧଳା ଧୂଆଁରେ ଆଚ୍ଛାଦିତ ହୋଇଥିବା ଦେଖାଯାଏ । ଏଥି ସହିତ, ରାତିରେ ସବୁ ସ୍ଥାନରେ ଧୂଆଁ ଓ ନାଲି ଆଲୋକ ଦେଖାଯାଏ । ବିସ୍ଫୋରଣ ଯୋଗୁଁ ସତର୍କତା ଅବଲମ୍ବନ କରି ଜରୁରୀକାଳୀନ ସେବା କର୍ମଚାରୀଙ୍କୁ ଏହି ଅଞ୍ଚଳରୁ ପ୍ରତ୍ୟାହାର କରାଯାଇଥିଲା ।

ଏହା ବି ପଢ଼ନ୍ତୁ: ସରକାରୀ କର୍ମଚାରୀଙ୍କ ପାଇଁ ଖୁସି ଖବର! ଦଶହରା ପୂର୍ବରୁ ବୃଦ୍ଧି ପାଇବ ୩ ପ୍ରତିଶତ HRA

ଆଗ୍ନେୟଗିରିରୁ ବିଷାକ୍ତ ଗ୍ୟାସ ନିର୍ଗତ ହେବା ଓ ଉଦ୍ବେଗ ଯୋଗୁଁ ଚିନ୍ତା ବଢ଼ିଚାଲିଛି । କୈନରି ଦ୍ୱୀପପୁଞ୍ଜ ଆଗ୍ନେୟଗିରି ପ୍ରତିଷ୍ଠାନ (INVOLCAN) ଟ୍ୱିଟରରେ ଲେଖିଛି ଯେ ଲାଭା ପ୍ଲେ ନୁଏଭାରେ ସମୁଦ୍ରରେ ପହଞ୍ଚିଛି । ୧୯ ସେପ୍ଟେମ୍ବରରେ କୁମ୍ବ୍ରେ ଭିଜା ଆଗ୍ନେୟଗିରି ବିସ୍ଫୋରଣ ହୋଇଥିଲା ।

ଏହା ବି ପଢ଼ନ୍ତୁ: SBI ଦେଉଛି ରୋଜଗାରର ସୁଯୋଗ! ଏହି ଡକ୍ୟୁମେଣ୍ଟଗୁଡିକ ଦାଖଲ କରି ପ୍ରତି ମାସରେ ପାଇପାରିବେ ୬୦ ହଜାର ଟଙ୍କା 

ଜରୁରୀକାଳୀନ ବିଭାଗ ଲୋକଙ୍କୁ ଆଶ୍ରୟ ନେବାକୁ ନିରାପଦ ସ୍ଥାନକୁ ଯିବାକୁ କହିଛନ୍ତି । ପେଭୋଲ୍କା ପ୍ରତିକ୍ରିୟା କମିଟିର ନିର୍ଦ୍ଦେଶକ ମିଗୁଏଲ୍ ନାଗେଲ ମର୍କୁଣ୍ଡେ କହିଛନ୍ତି ଯେ ଯେତେବେଳେ ପର୍ଯ୍ୟନ୍ତ ଲାଭା ସମୁଦ୍ରକୁ ପ୍ରବାହିତ ହୋଇନାହିଁ ସେପର୍ଯ୍ୟନ୍ତ ଲକଡାଉନକୁ କଡାକଡି ପାଳନ କରାଯିବା ଆବଶ୍ୟକ ।