 "ଆଫଗାନିସ୍ତାନ ଅର୍ଥ ବ୍ୟବସ୍ଥାକୁ ନିୟନ୍ତ୍ରଣ କରିବା ପାଇଁ ପାକିସ୍ତାନର ନୂଆ ଗେମ୍ ପ୍ଲାନ, ପାକିସ୍ତାନୀ ଟଙ୍କା ଆପଣାଇବ ତାଲିବାନ")
କାବୁଲ: Taliban take over Afghanistan: ପାକିସ୍ତାନ ଆରମ୍ଭରୁ ଆଫଗାନିସ୍ତାନ (Afghanistan) ରେ ତାଲିବାନ ସରକାର (Taliban Govt) କୁ ଖୋଲାଖୋଲି ଭାବେ ସମର୍ଥନ କରିଆସୁଥିବା ବେଳେ ଅନ୍ୟପଟେ ତାଲିବାନ (Taliban) ମଧ୍ୟ ପାକିସ୍ତାନ (Pakistan) କୁ ଏହାର ଦ୍ୱିତୀୟ ଘର ବୋଲି କହୁଛି । ବର୍ତ୍ତମାନ ପାକିସ୍ତାନ ଆଫଗାନିସ୍ତାନ ସହ ନିଜ ମୁଦ୍ରା (Pakistani Currency) ରେ ହିଁ ବାଣିଜ୍ୟ ଆରମ୍ଭ କରିବା ବିଷୟରେ କହିଛି ।
ପାକିସ୍ତାନର କେନ୍ଦ୍ର ଅର୍ଥମନ୍ତ୍ରୀ ଶୌକତ ତାରିନ (Pakistan Finance Minister Shaukat Tarin) ଗୁରୁବାର କହିଛନ୍ତି ଯେ, ତାଙ୍କ ସରକାର ଆଫଗାନିସ୍ତାନ ସହ ପାକିସ୍ତାନୀ ମୁଦ୍ରା (Pakistani Rupee) ରେ ବାଣିଜ୍ୟ କରିବାକୁ ନିଷ୍ପତ୍ତି ନେଇଛନ୍ତି । ତାରିନ କହିଛନ୍ତି ଯେ ଆଫଗାନିସ୍ତାନ ପାଖରେ ଡଲାର (Dollar) ର ଅଭାବ ରହିଛି ତେଣୁ ପାକିସ୍ତାନ ନିଜ ମୁଦ୍ରାରେ ବାଣିଜ୍ୟ କରିବ ।
ଆଫଗାନିସ୍ତାନକୁ ନିଜ ଟିମ ପଠାଇବ ପାକିସ୍ତାନ
ଶୌକତ କହିଛନ୍ତି ଯେ ଆଫଗାନିସ୍ତାନର ସ୍ଥିତିକୁ ନିରନ୍ତର ନଜର ରଖାଯାଉଛି । ଆଫଗାନିସ୍ତାନର ଅର୍ଥ ବ୍ୟବସ୍ଥାକୁ ବାଟକୁ ଫେରାଇ ଆଣିବା ପାଇଁ ପାକିସ୍ତାନ ମଧ୍ୟ ସେଠାରେ ଏକ ଦଳ ପଠାଇପାରେ । ବାସ୍ତବରେ, ଆନ୍ତର୍ଜାତୀୟ ମୁଦ୍ରା ପାଣ୍ଠି ସମେତ ଅନେକ ସଂସ୍ଥା ଆଫଗାନିସ୍ତାନକୁ ଦିଆଯାଉଥିବା ଫଣ୍ଡିଂ ଉପରେ ଲଗାଇଦେଇଛନ୍ତି । ଏହାସହ ସରକାରୀ ସମ୍ପତ୍ତିକୁ ମଧ୍ୟ ଫ୍ରିଜ୍ କରିଦିଆଯାଇଛି । ଯାହା ଫଳରେ ତାଲିବାନ ଆର୍ଥିକ ସଙ୍କଟ ଦେଇ ଗତି କରୁଛି ।
ସେପଟେ ପାକିସ୍ତାନର ଅର୍ଥ ଅବସ୍ଥା ମଧ୍ୟ ଭଲ ନୁହେଁ । ପାକିସ୍ତାନ ଅର୍ଥମନ୍ତ୍ରୀ ତାରିନ କହିଛନ୍ତି ଯେ କିଛି ସପ୍ତାହ ମଧ୍ୟରେ ଆଫଗାନିସ୍ତାନ ସହ ବାଣିଜ୍ୟର ପରିଣାମ ଦେଖିବାକୁ ଲାଗିବ । ସେ କହିଛନ୍ତି ଯେ ସରକାର ଚଳିତ ଆର୍ଥିକ ବର୍ଷରେ ପାକିସ୍ତାନର ଜିଡିପି ଅଭିବୃଦ୍ଧିକୁ ୪ ପ୍ରତିଶତରୁ ୪.୮ ପ୍ରତିଶତକୁ ବୃଦ୍ଧି କରିବାକୁ ଚାହୁଁଛନ୍ତି । ଯେତେବେଳେ ପାକିସ୍ତାନୀ ମୁଦ୍ରାର ଖରାପ ଅବସ୍ଥା ବିଷୟରେ ତାରିନଙ୍କୁ ପଚରାଗଲା, ସେ କହିଛନ୍ତି ଯେ ୨୦୧୮-୧୯ ବର୍ଷରେ ପାକିସ୍ତାନୀ ଟଙ୍କା ମୂଲ୍ୟର ଅବନତି ଅର୍ଥନୀତି ଉପରେ ଖରାପ ପ୍ରଭାବ ପକାଇଛି । ବର୍ତ୍ତମାନ ଗୋଟିଏ ଡଲାର ମୂଲ୍ୟ ୧୬୯ ପାକିସ୍ତାନୀ ଟଙ୍କା ।
ତାଲିବାନ ଆସିବା ମାତ୍ରେ ଆଫଗାନିସ୍ତାନରେ ପାକିସ୍ତାନର ହସ୍ତକ୍ଷେପ ବୃଦ୍ଧି
ପାକିସ୍ତାନର ଅନେକ ମନ୍ତ୍ରୀ ଖୋଲାଖୋଲି ଭାବେ ତାଲିବାନ (Taliban) କୁ ସମର୍ଥନ କହିସାରିଛନ୍ତି । ଯେତେବେଳେ ସାରା ଦୁନିଆର ଦେଶଗୁଡ଼ିକ ଆଫଗାନିସ୍ତାନରେ ତାଲିବାନ ସରକାରକୁ ସ୍ୱୀକୃତି ଦେବାକୁ ନେଇ ସଂଶୟରେ ଅଛନ୍ତି, ପାକିସ୍ତାନୀ ମନ୍ତ୍ରୀମାନେ ତାଲିବାନ ସରକାରଙ୍କ ସହ ବନ୍ଧୁତା ସ୍ଥାପନ କରିବା ସପକ୍ଷରେ ଅଛନ୍ତି । ପାକିସ୍ତାନର ବୈଦେଶିକ ମନ୍ତ୍ରୀ ଶାହା ମେହମୁଦ କୁରେଶି ଗୁରୁବାର ରଏଟର୍ସକୁ କହିଛନ୍ତି ଯେ ଆଫଗାନିସ୍ତାନର ସମ୍ପତ୍ତିକୁ ଅଣଫ୍ରିଜ୍ କରାଯିବା ଉଚିତ ଯାହା ଦ୍ୱାରା ସେଗୁଡିକ ବ୍ୟବହାର ହୋଇପାରିବ ।
କିଛି ଦିନ ପୂର୍ବେ ପାକିସ୍ତାନର ଗୁଇନ୍ଦା ଏଜେନ୍ସି ଆଇଏସଆଇ ମୁଖ୍ୟ ଫୈଜ ହମିଦ କାବୁଲରେ ପହଞ୍ଚିଥିଲେ ଓ ଏହାର ଗୋଟିଏ ଦିନ ପରେ ତାଲିବାନ ମଧ୍ୟବର୍ତ୍ତୀକାଳୀନ ସରକାର ଘୋଷଣା କରିଥିଲା । ଅନେକ ରିପୋର୍ଟରେ କୁହାଯାଇଛି ଯେ ପାକିସ୍ତାନର ଅର୍ଥମନ୍ତ୍ରୀ ତାଲିବାନ ସରକାରଙ୍କୁ ବୈଷୟିକ ସହାୟତାର ଆଶ୍ୱାସନ ଦେଇଛନ୍ତି । ତାଲିବାନ କ୍ଷମତାକୁ ଆସିବା ପରେ ବୈଷୟିକ ଦକ୍ଷତା ଥିବା ଅନେକ ଲୋକ ଆଫଗାନିସ୍ତାନ ଛାଡିଛନ୍ତି ।
ଅଧିକ ପଢ଼ନ୍ତୁ:-ଲେଫ୍ଟରୁ ସେଣ୍ଟର; କଂଗ୍ରେସରେ ସାମିଲ ହେବେ କହ୍ନେୟା କୁମାର?
)