Twitter କୁ ଭାରତୀୟ ଆଇଟି ନିୟମ ନ ମାନିବା ପଡିଲା ମାହାଙ୍ଗା, ସମାପ୍ତ ହେଲା ଆଇନଗତ ସୁରକ୍ଷା

Twitter India latest News: ଟ୍ୱିଟରର ଆଇନଗତ ସୁରକ୍ଷା ସମାପ୍ତ ହୋଇଛି । ଖବର ଅନୁଯାୟୀ ବର୍ତ୍ତମାନ ଅନ୍ୟ ପ୍ରକାଶକଙ୍କ (Publisher) ପରି ଟ୍ୱିଟର ଆଇନଗତ କାର୍ଯ୍ୟାନୁଷ୍ଠାନର ସମ୍ମୁଖୀନ ହେବ ।

Twitter India latest News: ମାଇକ୍ରୋ ବ୍ଲଗିଂ ସାଇଟ୍ ଟ୍ୱିଟର (Twitter) ବିଷୟରେ ଏକ ବଡ ଖବର ସାମ୍ନାକୁ ଆସିଛି । ନିକଟରେ ଭାରତ ସରକାର ସୋସିଆଲ ମିଡିଆ (Social media) କମ୍ପାନୀଗୁଡିକ ପାଇଁ ନୂତନ ଆଇଟି ଆକ୍ଟ କାର୍ଯ୍ୟକାରୀ କରିଥିଲେ । ଯାହାକୁ ଟ୍ୱିଟର ଅନୁସରଣ କରିନାହିଁ । ଏଭଳି ପରିସ୍ଥିତିରେ ବର୍ତ୍ତମାନ ଟ୍ୱିଟରର ଆଇନଗତ ସୁରକ୍ଷା ସମାପ୍ତ ହୋଇଛି । ଖବର ଅନୁଯାୟୀ ବର୍ତ୍ତମାନ ଅନ୍ୟ ପ୍ରକାଶକଙ୍କ (Publisher) ପରି ଟ୍ୱିଟର ଆଇନଗତ କାର୍ଯ୍ୟାନୁଷ୍ଠାନର ସମ୍ମୁଖୀନ ହେବ ।

କମ୍ପାନୀର intermediary ସ୍ଥିତି ହଟାଗଲା
ଖବର ଅନୁଯାୟୀ, ଅବ୍ଦୁଲ ସନଦ ମାମଲାରେ ଟ୍ୱିଟର ବିରୁଦ୍ଧରେ ଏଫଆଇଆର ଦାଖଲ କରାଯାଇଛି କାରଣ ସେ ଭୁଲ ଟ୍ୱିଟକୁ ଫ୍ଲାଗ କରି ନାହିଁ । କମ୍ପାନୀର ମଧ୍ୟସ୍ଥି ସ୍ଥିତିକୁ ହଟାଇ ଦିଆଯାଇଛି । ଜଣେ ଟ୍ୱିଟର ମୁଖପାତ୍ର କହିଛନ୍ତି ଯେ ପ୍ରକ୍ରିୟାର ପ୍ରତ୍ୟେକ ପର୍ଯ୍ୟାୟରେ ଘଟୁଥିବା ବିକାଶ ବିଷୟରେ ଆମେ MEITY କୁ ସଚେତନ କରୁଛୁ । ଜଣେ ମଧ୍ୟବର୍ତ୍ତୀକାଳୀନ ମୁଖ୍ୟ ଅନୁପାଳନ ଅଧିକାରୀଙ୍କୁ (Chief Compliance Officer) ରଖାଯାଇଛି । ଖୁବ୍ ଶୀଘ୍ର ଏହା ସମ୍ବନ୍ଧୀୟ ସୂଚନା ମନ୍ତ୍ରଣାଳୟ ସହିତ ସିଧାସଳଖ ସେୟାର କରିବୁ । ନୂତନ ଆଇଟି ନିୟମ ମାନିବାକୁ ଟ୍ୱିଟର ସମସ୍ତ ପ୍ରୟାସ କରୁଛି ।

ଅଧିକ ପଢ଼ନ୍ତୁ: SBI ର ୪୪ କୋଟି ଗ୍ରାହକଙ୍କ ପାଇଁ ଜରୁରୀ ସୂଚନା, ୧୭ ଜୁନରେ ବନ୍ଦ ରହିବ ଏହି ସେବା!

ଟ୍ୱିଟର ଭାରତ ପାଇଁ ମଧ୍ୟବର୍ତ୍ତୀକାଳୀନ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ନିଯୁକ୍ତ କରିଛି
ଟ୍ୱିଟର ଭାରତ ପାଇଁ ମଧ୍ୟବର୍ତ୍ତୀକାଳୀନ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (Chief Compliance Officer) ନିଯୁକ୍ତ କରିଛି ଓ ଖୁବ୍ ଶୀଘ୍ର ଅଧିକାରୀଙ୍କ ବିବରଣୀ ସିଧାସଳଖ ଆଇଟି ମନ୍ତ୍ରଣାଳୟକୁ (Ministry of IT) ଦେବ । କିଛି ଦିନ ପୂର୍ବରୁ ଟ୍ୱିଟରକୁ ଦିଆଯାଇଥିବା ବିଜ୍ଞପ୍ତିରେ ସରକାର କହିଛନ୍ତି ଯେ ଆଇଟି ଆକ୍ଟ ସହ ଜଡିତ ନୂତନ ନିୟମ ମାନିବା ପାଇଁ ତାଙ୍କୁ ଶେଷ ସୁଯୋଗ ଦିଆଯାଇଛି । ତାଙ୍କୁ ତୁରନ୍ତ ନିୟମ ମାନିବାକୁ ପଡିବ । ଯଦି ସେ ଏଥିରେ ବିଫଳ ହୁଅନ୍ତି, ତେବେ ଆଇଟି ଆକ୍ଟ ଅନୁଯାୟୀ ତାଙ୍କୁ ଦିଆଯାଇଥିବା ରିହାତି ଫେରାଇ ନିଆଯିବ । ଏହା ସହିତ ତାଙ୍କୁ ଆଇଟି ଆକ୍ଟ ଓ ଅନ୍ୟାନ୍ୟ ଦଣ୍ଡବିଧାନ ବ୍ୟବସ୍ଥା ପାଇଁ ଟ୍ୱିଟର ପ୍ରସ୍ତୁତ ରହିବା ଉଚିତ । ନୂତନ ଆଇଟି ନିୟମ ୨୬ ମେ ଠାରୁ ଲାଗୁ ହୋଇଛି ।

ଅଧିକ ପଢ଼ନ୍ତୁ: ବଦଳିଲା କୋରୋନା ଟିକାକରଣ ନିୟମ, ବର୍ତ୍ତମାନ ସିଧାସଳଖ ସେଣ୍ଟରକୁ ଯାଇ ନେଇପାରିବେ ଟିକା

ଟ୍ୱିଟର ଓ ଭାରତ ସରକାରଙ୍କ ମଧ୍ୟରେ ବିବାଦ
ଗତ କିଛି ମାସ ମଧ୍ୟରେ ଟ୍ୱିଟର ଓ ଭାରତ ସରକାରଙ୍କ ମଧ୍ୟରେ ଅନେକଥର ବିବାଦ ଦେଖା ଦେଇଛି ଯେଉଁଥିରେ କୃଷକଙ୍କ ଆନ୍ଦୋଳନ ସମୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା । ଆମେରିକୀୟ କମ୍ପାନୀ ଶାସକ ଦଳ ବିଜେପିର ଅନେକ ନେତାଙ୍କ ରାଜନୈତିକ ପୋଷ୍ଟକୁ ମନିପ୍ୟୁଟେଡ୍ ମିଡିଆ ଭାବରେ ଟ୍ୟାଗ୍ କରିବା ପରେ ମଧ୍ୟ ଉଭୟଙ୍କ ମଧ୍ୟରେ କଳହ ଲାଗି ରହିଥିଲା । ଯାହାକୁ ନେଇ କେନ୍ଦ୍ର ତୀବ୍ର ପ୍ରତିକ୍ରିୟା ପ୍ରକାଶ କରିଥିଲା । ନୂତନ ନିୟମ ଅନୁଯାୟୀ ଟ୍ୱିଟର, ଫେସବୁକ୍, ଇନଷ୍ଟାଗ୍ରାମ ଓ ହ୍ୱାଟସଆପ୍ (Twitter, Facebook, Instagram, WhatsApp) ଭଳି ବଡ଼ ସୋସିଆଲ୍ ମିଡିଆ ପ୍ଲାଟଫର୍ମକୁ ଅତିରିକ୍ତ ପଦକ୍ଷେପ ନେବାକୁ ପଡିବ । ଏଥିରେ ଭାରତରେ ସେମାନେ ମୁଖ୍ୟ କମ୍ପ୍ଲେନ୍ସ ଅଫିସର, ନୋଡାଲ ଅଫିସର ଓ ଅଭିଯୋଗ ଅଧିକାରୀଙ୍କ ନିଯୁକ୍ତି ଦେବା ସାମିଲ ରହିଛି ।