Ukraine Russia Conflict: ପୁତିନଙ୍କୁ ଫୋନ କରି ଏହି ଚେତାବନୀ ଦେଲେ ବାଇଡେନ

Ukraine Russia Conflict: ଏକ ଘଣ୍ଟାରୁ ଅଧିକ ସମୟ ଧରି ଚାଲିଥିବା ଟେଲିଫୋନିକ ବାର୍ତ୍ତାଳାପରେ ଦୁଇ ନେତାଙ୍କ ମଧ୍ୟରେ ତିକ୍ତତା ଦେଖାଦେଇଥିଲା । କଥାବାର୍ତ୍ତା ସମୟରେ ବାଇଡେନ ଋଷକୁ ଚେତାବନୀ ଦେଇଛନ୍ତି ।

Ukraine Russia Conflict: ୟୁକ୍ରେନ ସଙ୍କଟ ମଧ୍ୟରେ ଋଷର ରାଷ୍ଟ୍ରପତି ଭ୍ଲାଦିମିର ପୁତିନ ଏବଂ ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ମଧ୍ୟରେ ଏକ ଫୋନ୍ ବାର୍ତ୍ତାଳାପ ହୋଇଛି । ଏକ ଘଣ୍ଟାରୁ ଅଧିକ ସମୟ ଧରି ଚାଲିଥିବା ବାର୍ତ୍ତାଳାପ ସମୟରେ ଦୁଇ ନେତାଙ୍କ ମଧ୍ୟରେ ତିକ୍ତତା ଦେଖାଦେଇଥିଲା । କଥାବାର୍ତ୍ତା ସମୟରେ ବାଇଡେନ ଋଷକୁ ଚେତାବନୀ ଦେଇଛନ୍ତି ଯେ ଯଦି ସେ ଆକ୍ରମଣ କରେ ତେବେ ଏହାର ମୂଲ୍ୟ ଦେବାକୁ ପଡିବ ।

ହ୍ୱାଇଟ ହାଉସ କହିଛି ଯେ ଋଷ ଶୀଘ୍ର ୟୁକ୍ରେନ ଉପରେ ଆକ୍ରମଣ କରିପାରେ । ଆମେରିକାର ରାଷ୍ଟ୍ରପତି ଜୋ ବାଇଡେନ ଶନିବାର ଦିନ ୟୁକ୍ରେନ ସୀମାରେ ଏକ ମିଲିୟନରୁ ଅଧିକ ଠୁଳ କରିଥିବା ସୈନ୍ୟ ହଟାଇବାକୁ ଋଷର ରାଷ୍ଟ୍ରପତିଙ୍କୁ କହିଛନ୍ତି । ହ୍ୱାଇଟ ହାଉସ ଆହୁରି ମଧ୍ୟ କହିଛି ଯେ ୟୁକ୍ରେନ ଆକ୍ରମଣ କଲେ ଆମେରିକା ଏବଂ ଏହାର ସହଯୋଗୀମାନେ ଦୃଢ଼ ଭାବରେ ଏହାର ଜବାବ ଦେବେ । ଋଷକୁ ଏକ ଭାରି ମୂଲ୍ୟ ଦେବାକୁ ପଡିବ ।

କହି ରଖୁଛୁ ଯେତେବେଳେ ଠାରୁ ଆମେରିକା ଚେତାବନୀ ଦେଇଛି ଯେ ଋଷ ଶୀଘ୍ର ୟୁକ୍ରେନ ଉପରେ ଆକ୍ରମଣ କରିବ ଏବଂ ଏହାକୁ ଅଧିକାର କରିବ । ସେବେଠାରୁ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା । ଏକ ଡଜନରୁ ଅଧିକ ଦେଶ ସେମାନଙ୍କ ନାଗରିକମାନଙ୍କୁ ୟୁକ୍ରେନ ଛାଡିବାକୁ କହିଛନ୍ତି ।

ଆମେରିକା, ବ୍ରିଟେନ ଏବଂ ଜର୍ମାନୀ ସେହି ଦେଶମାନଙ୍କ ମଧ୍ୟରେ ଅଛନ୍ତି ଯେଉଁମାନେ ନିଜ ନାଗରିକଙ୍କୁ ୟୁକ୍ରେନ ଛାଡିବାକୁ କହିଛନ୍ତି । ଅନ୍ୟପକ୍ଷରେ ଋଷ ୟୁକ୍ରେନ ସୀମାରେ ପ୍ରାୟ ୧୦୦,୦୦୦ ସୈନ୍ୟ ମୁତୟନ କରିଛି କିନ୍ତୁ କୌଣସି ଆକ୍ରମଣ କିମ୍ବା ଦଖଲକୁ ଅସ୍ୱୀକାର କରିଛି ।

ଆମେରିକା କହିଛି ଯେ ୟୁକ୍ରେନ ଉପରେ ଋଷର ଆକ୍ରମଣ ଏୟାର ଷ୍ଟ୍ରାଇକ ଏବଂ କ୍ଷେପଣାସ୍ତ୍ର ଆକ୍ରମଣରୁ ଆରମ୍ଭ ହୋଇପାରେ ଏବଂ ପରେ ସେନା ଏବଂ ନୌ-ସେନାର ଆକ୍ରମଣ ମଧ୍ୟ ହୋଇପାରେ । ଫେବୃଆରୀ ୨୦ ରେ ବେଜିଂରେ ଶୀତକାଳୀନ ଅଲିମ୍ପିକ୍ସ ଶେଷ ହେବା ପୂର୍ବରୁ ଏହି ଆକ୍ରମଣ ହୋଇପାରେ ।