Weather News: ଏହି ସ୍ଥାନରେ ସକାଳ ଓ ସନ୍ଧ୍ୟାରେ ହେବ କୁହୁଡି, ୩ ଦିନ ପରେ ବଢିବ ଥଣ୍ଡା

Weather Update: ରାଜଧାନୀ ଦିଲ୍ଲୀରେ ରବିବାର ସକାଳରୁ ସୂର୍ଯ୍ୟ କିରଣ ଦେଖିବାକୁ ମିଳିନଥିଲା କିନ୍ତୁ ମଧ୍ୟାହ୍ନ ବେଳକୁ ସୂର୍ଯ୍ୟକିରଣକୁ ଉପଭୋଗ କରିଥିଲେ ଲୋକମାନେ । ସନ୍ଧ୍ୟା ପାଖେଇ ଆସିବା ସମୟରେ ଶୀତଳ ପବନ କାରଣରୁ ଥଣ୍ଡା ବଢିଛି ।

ତେବେ ପାଣିପାଗ ବିଭାଗ ଆକଳନ ଅନୁଯାୟୀ, ସୋମବାର ସକାଳ ଏବଂ ସନ୍ଧ୍ୟାରେ ରାଜଧାନୀରେ କୁହୁଡି ହୋଇପାରେ । ଏହାଦ୍ୱାରା ସୂର୍ଯ୍ୟକିରଣ ଭୁପୃଷ୍ଠରେ କମ୍ ପଡିପାରେ। ଯାହାର ପ୍ରଭାବ ତାପମାତ୍ରାରେ ପରିବର୍ତ୍ତନ ଦେଖାଯିବ । ଗୁରୁବାର ଠାରୁ ଥଣ୍ଡା ଅଧିକ ପ୍ରଭାବ ଦେଖାଇବ ବୋଲି ପାଣିପାଗ ବିଭାଗ ପକ୍ଷରୁ ଆକଳନ କରାଯାଇଛି। ଦୁଇରୁ ତିନି ଦିନ ମଧ୍ୟରେ ତାପମାତ୍ରା ହ୍ରାସର କୌଣସି ଲକ୍ଷଣ ନାହିଁ । ଏହି ସମୟରେ ଆକାଶ ମୁଖ୍ୟତଃ ସ୍ୱଚ୍ଛ ରହିବ । ଏପରି ପରିସ୍ଥିତିରେ ସର୍ବାଧିକ ତାପମାତ୍ରା ପ୍ରାୟ ୨୭ ଏବଂ ସର୍ବନିମ୍ନ ତାପମାତ୍ରା ୧୧ ଡିଗ୍ରୀ ସେଲସିୟସ ରହିବ ବୋଲି ଆକଳନ କରାଯାଉଛି । ପର୍ବତରୁ ଆସୁଥିବା ଥଣ୍ଡା ପବନ ସମତଳ ଅଞ୍ଚଳରେ ପ୍ରଭାବ ଦେଖାଇବା ଆରମ୍ଭ କରିଛି । ରବିବାର ସକାଳେ ଦିଲ୍ଲୀବାସିନ୍ଦା ବହୁତ ଥଣ୍ଡା ଅନୁଭବ କରିଥିଲେ ।

ରିପୋର୍ଟ ଅନୁଯାୟୀ, ସଫଦରଜଙ୍ଗ ଅଞ୍ଚଳରେ ସକାଳ 7.30 ରେ ଭିଜିବିଲିଟି 500 ମିଟର ରେକର୍ଡ କରାଯାଇଥିଲା। ସୂର୍ଯ୍ୟଉଦୟ ହେବା ପରେ ଧିରେ ଧିରେ କୁହୁଡ଼ି ଅଦୃଶ୍ୟ ହୋଇଥିଲା । କୁହୁଡି କାରଣରୁ ଗାଡି ଚାଳକମାନଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡିଥିଲା । 

ସନ୍ଧ୍ୟାରେ ଶୀତଳ ପବନ ଦିଲ୍ଲୀବାସିନ୍ଦାଙ୍କୁ ଥରାଇଥିଲା । ଏହି ଅବଧିରେ ସର୍ବନିମ୍ନ ତାପମାତ୍ରା 11.4 ଡିଗ୍ରୀରେ ରେକର୍ଡ କରାଯାଇଥିଲା । ଗତ 24 ଘଣ୍ଟା ମଧ୍ୟରେ ଏହା 1.6 ଡିଗ୍ରୀ ବୃଦ୍ଧି ପାଇଛି । ଏଥି ସହିତ ସର୍ବାଧିକ ତାପମାତ୍ରା ଆଜି 27 ଡିଗ୍ରୀ ସେଲସିୟସରେ ରେକର୍ଡ କରାଯାଇଥିଲା । ସର୍ବନିମ୍ନ ସର୍ବନିମ୍ନ ତାପମାତ୍ରା 10.2 ଡିଗ୍ରୀ ସେଲସିୟସ୍ ଆୟା ନଗର ଏବଂ ଲୋଧୀ ରୋଡରେ ରେକର୍ଡ କରାଯାଇଥିଲା । ସେହିଭଳି ପାଲାମରେ 12.6 ଡିଗ୍ରୀ ସେଲସିୟସ ଏବଂ ରିଜରେ 13.5 ଡିଗ୍ରୀ ସେଲସିୟସ ତାପମାତ୍ରା ରେକର୍ଡ କରାଯାଇଛି।

ଅନ୍ୟପଟେ, ସୋମବାର ସକାଳ ସମୟରେ କେତେକ ସ୍ଥାନରେ ହାଲୁକାରୁ ମଧ୍ୟମ ଧରଣର କୁହୁଡି ହେବାର ସମ୍ଭାବନା ରହିଛି ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି। ଡିସେମ୍ବର 5 ତାରିଖ ପର୍ଯ୍ୟନ୍ତ ସର୍ବାଧିକ ତାପମାତ୍ରା 26ରୁ 27 ଡିଗ୍ରୀ ମଧ୍ୟରେ ରହିବ ବୋଲି ଆକଳନ କରାଯାଉଛି ।