ଜୀ ଓଡ଼ିଶାଏକ୍ସକ୍ଲୁସିଭ: ଗୋଟିଏ ଲୋକ ପାଖରେ ଦୁଇଟି ଜାତିର ପ୍ରମାଣ ପତ୍ର

ଯାଜପୁର: ସାରାଦେଶରେ ନାଗରିକତ୍ୱକୁ ନେଇ ବିବାଦ ଦେଖା ଦେଇଥିବା ବେଳେ ଯାଜପୁରରୁ ଆସିଛି ଏମିତି ଏକ ଅଭିଯୋଗ । ଜଣେ ବ୍ୟକ୍ତିଙ୍କୁ ଦୁଇଟି ପରିଚୟ ପତ୍ର ଥିବା ଅଭିଯୋଗ ଆସିଛି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଗୋଟିଏ ଆଧାର ନମ୍ବର ଥାଇ ଦୁଇଟି ଭିନ୍ନ ଭିନ୍ନ ପରିଚୟ ରହିଛି। ଆଉ ଉଭୟ ଆଧାର କାର୍ଡ ଏବେ ଲଗାଛି ଜୀ ଓଡ଼ିଶା ହାତରେ ।

ଗୋଟିଏ ଆଧାରକାର୍ଡରେ  ସୋଲେମାନ ଶେଖ ଅନ୍ୟଟିରେ ବିଟୁ ବିଶ୍ୱାସ ରହିଥିବା ସୂଚନା । ସୋଲେମାନ ନାଁରେ ଏକ ଭୋଟର ପରିଚୟ ପତ୍ର ମଧ୍ୟ ରହିଛି । ଉକ୍ତ ପରିଚୟ ପତ୍ରରେ ସୋଲେମାନ ପଶ୍ଚିମବଙ୍ଗର ମୁର୍ସିଦାବାଦ ଅଞ୍ଚଳର  ବୋଲି ଜଣା ପଡ଼ିଛି ।  ଅନ୍ୟପଟେ ଆଉ ଏକ ଆଧାର କାର୍ଡରେ ଚୋରଦା, ଯାଜପୁର ରୋଡ଼ ଠିକଣା ରହିଛି । ଦୁଇ ଦୁଇଟି ପରିଚୟ ଥିବା ଘଟଣା ସମ୍ପର୍କରେ ବଜରଙ୍ଗ ଦଳ ପକ୍ଷରୁ ଯାଜପୁର ରୋଡ଼ ଥାନାରେ ଲିଖିତ ଅଭିଯୋଗ କରାଯାଇଛି ।  ଜୀ ଓଡିଶା ପକ୍ଷରୁ କରାଯାଇଥିବା ଅନୁସନ୍ଧାନରୁ ଜଣାପଡିଛି ଯେ ସୋଲେମାନ ଓରଫ ବିଟୁ ଜଣେ ହିନ୍ଦୁ ଝିଅଙ୍କୁ ବିବାହ କରି ଏହି ବ୍ୟାସନଗର ଅଞ୍ଚଳରେ ରହି ଆସୁଅଛନ୍ତି । ଏବଂ  ବିଟୁ ବିଶ୍ୱାସ ନାଁରେ ଗୋଟିଏ ବୋଲେରୋ ଗାଡି କିଣିଛନ୍ତି । ଅଭିଯୋଗ  ପରେ ପୋଲିସ  ତଦନ୍ତ ଆରମ୍ଭ କରିଛି।