ବିଧାୟକଙ୍କ ପରଲୋକ, ମୁଖ୍ୟମନ୍ତ୍ରୀ କହିଲେ ମୋ ପାଇଁ ବୃହତ କ୍ଷତି

ନୂଆଦିଲ୍ଲୀ: ମଧ୍ୟପ୍ରଦେଶ ଜୌରାର କଂଗ୍ରେସ ବିଧାୟକ ବନୱାରୀ ଲାଲ ଶର୍ମାଙ୍କ ପରଲୋକ । ଶନିବାର ସକାଳ ୬।୩୦ ମିନିଟ ସମୟରେ ସେ ଇହଧାମ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୬୫ ବର୍ଷ ବୟସ ହୋଇଥିଲା । ବିଧାୟକଙ୍କ ମୃତ୍ୟୁ ଖବର ଆସିବା ପରେ ଟ୍ୱିଟ କରି ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ କମଲନାଥ । 

ଦୀର୍ଘ ଦିନ ହେଲା ବିଧାୟକ ବନୱାରୀ ଲାଲ ଶର୍ମା କ୍ୟାନସରରେ ପୀଡିତ ଥିଲା । ଭୋପଲର ଏକ ଘରୋଇ ମେଡିକାଲରେ ସେ ଚିକିତ୍ସିତ ହେଉଥିଲେ । ତେବେ ଆଜି ସକାଳୁ ହଠାତ ତାଙ୍କ ରକ୍ତ ଚାପ କମି ଯାଇଥିଲା । ସେପଟେ ବିଧାୟକଙ୍କ ମୃତ୍ୟୁ ଖବର ଜଣାପଡିବା ପରେ ମେଡିକାଲରେ କଂଗ୍ରେସ ନେତାଙ୍କ ଭିଡ ଜମିଛି । କଂଗ୍ରେସ ନେତା ଜ୍ୟୋତିରାଦିତ୍ୟ ସିନ୍ଧିଆଙ୍କ ସେ ବହୁ ନିକଟତର ଥିଲେ ।

जौरा के विधायक,हमारे परिवार के सदस्य बनवारी लाल शर्मा के दुःखद निधन का समाचार मिला
वे पिछले कुछ समय से बीमार चल रहे थे
उनका निधन मेरे लिये एक व्यक्तिगत क्षति है
परिवार के प्रति मेरी शोक संवेदनाएँ
ईश्वर उन्हें अपने श्रीचरणो में स्थान,पीछे परिजनो को यह दुःख सहने की शक्ति प्रदान करे

— Office Of Kamal Nath (@OfficeOfKNath) December 21, 2019

ମଧ୍ୟପ୍ରଦେଶ ମୁଖ୍ୟମନ୍ତ୍ରୀ କମଲନାଥ ମଧ୍ୟ ଟ୍ୱିଟ କରି ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି । ଶର୍ମାଜୀଙ୍କ ମୃତ୍ୟୁ ମୋ ପାଇଁ ବ୍ୟକ୍ତିଗତ ଭାବେ ବହୁତ ବଡ କ୍ଷତି ବୋଲି କହିଛନ୍ତି କମଲନାଥ । ସ୍ୱର୍ଗତ ବିଧାୟକଙ୍କ ସଦଗତି କାମନା କରିଛନ୍ତି ମଧ୍ୟପ୍ରଦେଶ ମୁଖ୍ୟମନ୍ତ୍ରୀ । 

ଆହୁରି ପଢନ୍ତୁ; 'ସାର୍ବଜନୀନ ସମ୍ପତ୍ତି ନଷ୍ଟ କରୁଥିବା ଲୋକ ଦେଶର ଶତ୍ରୁ'