ମହାରାଷ୍ଟ୍ର ଯାଉଛନ୍ତି ତ ଏହି ୧୦ଟି ସୁନ୍ଦରସ୍ଥାନ ବୁଲିବାରୁ ଜମା ଭୁଲନ୍ତୁ ନାହିଁ

ପ୍ରଦ୍ୟୁମ୍ନ କୁମାର ମାଝୀ, ନୂଆଦିଲ୍ଲୀ: ଭାରତର ଦକ୍ଷିଣ-ମଧ୍ୟ ସ୍ଥିତ ମହାରାଷ୍ଟ୍ର ଭାରତର ତୃତୀୟ ସବୁଠୁ ବଡ଼ ରାଜ୍ୟ ଅଟେ । ଏହା ପର୍ଯ୍ୟଟକଙ୍କୁ ସବୁବେଳେ ଆକର୍ଷିତ କରିଥାଏ । ମହାରାଷ୍ଟ୍ରର ରାଜଧାନୀ ମୁମ୍ୱାଇ ଦେଶର ଆର୍ଥିକ ରାଜଧାନୀ ଭାବେ ଜଣାଯାଇଥାଏ ।  ସେହିପରି ପୁଣେ ଭାରତର ଷଷ୍ଠ ତମ ସବୁଠୁ ବଡ଼ ସହର । ଏହାଛଡ଼ା ଏଠାରେ ଅନେକ ପର୍ଯ୍ୟଟନସ୍ଥଳୀ ରହିଛି  । ଆସନ୍ତୁ ଜାଣିବା ମହାରାଷ୍ଟ୍ରର ସେହି ୧୦ଟି ସୁନ୍ଦର ପର୍ଯ୍ୟଟନସ୍ଥଳୀ ବିଷୟରେ । ସେହି ସ୍ଥାନକୁ ଆପଣ ନିଶ୍ଚୟ ବୁଲିବାକୁ ଯିବାକୁ ପସନ୍ଦ କରିବେ ।

ଅମରାବତୀ:

ମହାରାଷ୍ଟ୍ରର ଉତ୍ତର-ପୂର୍ବ ଦିଗରେ ଅବସ୍ଥିତ ଅମରାବତୀ ଦେବତାଙ୍କ ରାଜା ଇନ୍ଦ୍ରଙ୍କ ସହର ବୋଲି କୁହାଯାଏ । ତାଙ୍କ ଐତିହାସିକ ମନ୍ଦିର ଏବଂ ଅଭୟାରଣ୍ୟ ଏହାର ମୁଖ୍ୟ ପର୍ଯ୍ୟଟନସ୍ଥଳୀ ।  ଏଠାର ଦେବୀ ଅମ୍ୱା, ଭଗବାନ ଶ୍ରୀକୃଷ୍ଣ ଏବଂ ଭେଙ୍କଟେଶ୍ୱର ମନ୍ଦିର ମହାରାଷ୍ଟ୍ରରେ ପ୍ରସିଦ୍ଧିଲାଭ କରିଛି । ଅମରାବତୀର ବୀର ଏବଂ ଶଙ୍କର ହ୍ରଦ ରହିଛି ଯାହା ପର୍ଯ୍ୟଟକଙ୍କୁ ଆକର୍ଷିତ କରିଥାଏ । ଅମରାବତୀ ଜିଲ୍ଲାରେ ଚିକଲଧାରା ଏବଂ ଧରଣୀ ତହସିଲର ଅଞ୍ଚଳରେ ବାଘ ଅଭୟାରଣ୍ୟ ୧୫୯୭ ବର୍ଗ କିଲୋମିଟର ଅଞ୍ଚଳରେ ବ୍ୟାପିଛି ।

ନାସିକ:

ନାସିକକୁ ନାସହିକ ନାମରେ ମଧ୍ୟ ଜଣାଯାଏ ।  ନାସିକ ମହାରାଷ୍ଟ୍ର ରାଜ୍ୟର ଉତ୍ତର-ପଶ୍ଚିମ ଦିଗରେ  ଅବସ୍ଥିତ । ଏହି ସହର ପ୍ରମୁଖ ରୂପେ ହିନ୍ଦୁ ତୀର୍ଥଯାତ୍ରୀଙ୍କ ପ୍ରମୁଖ କେନ୍ଦ୍ର ଭାବେ ଜଣାଯାଇଥାଏ । ନାସିକର  କୁମ୍ଭ ମେଳା ସହରର ମୁଖ୍ୟ ଆକର୍ଷଣ କେନ୍ଦ୍ର ଅଟେ । ୧୨ ଜ୍ୟୋତିଲିଙ୍ଗ ମଧ୍ୟରୁ ଏଠାର ତୟମ୍ୱକେଶ୍ୱର ମନ୍ଦିର ପ୍ରମୁଖ ଲିଙ୍ଗ ଭାବେ ଜଣାଯାଇଥାଏ ।

ପୁଣେ:

ପୁଣେ ମହାରାଷ୍ଟ୍ରର ସାଂସ୍କୃତିକ ରାଜଧାନୀ ଏବଂ 'କୱିନ ଅଫ ଦ ଦକ୍କନ' ନାମରେ ମଧ୍ୟ ଜଣାଯାଇଥାଏ । ପୁଣେର ଶନିବାରୱାଡ଼ା ମହଲ  ମଧ୍ୟ  ପେଶବାଙ୍କ ନିବାସ ସ୍ଥାନ । ୧୭୩୦ରେ  ଏହି ମହଲର  ଭିତ୍ତିପ୍ରସ୍ତର  ବାଜିରାଓ  ପ୍ରଥମ  ରଖିଥିଲେ ।  ୧୯୬୯ରେ ଆଗା ଖାନ୍ ଚତୁର୍ଥ ଏହାକୁ ଭାରତକୁ ହସ୍ତାନ୍ତର କରିଥିଲେ ।

ମୁମ୍ୱାଇ: 

ମୁମ୍ୱାଇ ସହର ଆଗରୁ ବମ୍ୱେ ନାମରେ ଜଣାଯାଉଥିଲା । ଭାରତର ୪ ପ୍ରମୁଖ ମହାନଗର ମଧ୍ୟରୁ ଏହା ଏକ ପ୍ରମୁଖ  ସହର  ସହ ଓ ଏହା ମହାରାଷ୍ଟ୍ରର ରାଜଧାନୀ ଅଟେ ।  ଏହାକୁ ଭାରତର ଆର୍ଥିକ ରାଜଧାନୀ ବା ସବୁଠୁ ବଡ଼ ବ୍ୟବସାୟୀକ ସହର ଭାବେ ଜଣାଯାଇଥାଏ । ଏହା ଦେଶର ପ୍ରମୁଖ ଆର୍ଥିକ ଏବଂ ସଞ୍ଚାର କେନ୍ଦ୍ର ମଧ୍ୟ ଅଟେ । ଯଦି ଆପଣ ମୁମ୍ୱାଇ ଯାଉଛନ୍ତି ତ ଏଠାରେ ଥିବା ଗେଟ୍ ୱେ ଅଫ୍ ଇଣ୍ଡିଆ, ହାଜି ଅଲ୍ଲୀ, ଜୁହୁ ବିଚ୍, ଜୋଗେଶ୍ୱର ଗୁମ୍ଫା, ହ୍ୟାଙ୍ଗିଙ୍ଗ୍ ଗାର୍ଡେନ୍, ସିଦ୍ଧିବିନାୟକ ମନ୍ଦିର, ମେରାଇନ୍ ଡ୍ରାଇଭ୍  ବୁଲିଦେଖିପାରିବେ ।

ରତ୍ନଗିରି:

ସମୁଦ୍ର ଘେରାରେ ରତ୍ନଗିରି ବାଲ୍ ଗଙ୍ଗାଧର ତିଲକଙ୍କ  ଜନ୍ମସ୍ଥାନ ଭାରତର ମହାରାଷ୍ଟ୍ର ରାଜ୍ୟର ଦକ୍ଷିଣ-ପଶ୍ଚିମ ଦିଗ ସମୁଦ୍ର ତଟରେ ଅବସ୍ଥିତ । ଏହା କୋଙ୍କଣ କ୍ଷେତ୍ରର ଏକ ଭାଗ ଅଟେ । ଏଠାରେ ବହୁତ ଲମ୍ୱା ସମୁଦ୍ର ତଟ ରହିଛି । ଏଠାରେ ଅନେକ ବନ୍ଦରଗାହ ମଧ୍ୟ ରହିଛି ।  ରତ୍ନଗିରିରେ ଦୁଇଟି ବିଶାଳ ବୌଦ୍ଧ ମଠ ଥିଲା, ମଠକୁ ଛାଡ଼ିଦେଲେ ୬ଟି ମନ୍ଦିର, ହଜାରେରୁ ଅଧିକ  ଛୋଟ ଛୋଟ ସ୍ତୁପ,  ୧୩୮୬ ମୋହର, ଅସଂଖ୍ୟ ମୂର୍ତ୍ତିର ଉଦ୍ଧାର କରାଯାଇଛି ।  ଥୀବା ମହଲ, ରତ୍ନଗିରି  କିଲ୍ଲା ଭଳି ଆକର୍ଷୀୟ କେନ୍ଦ୍ର ମଧ୍ୟ ରହିଛି ।

ଖଣ୍ଡାଲା:

ମୁମ୍ୱାଇ ଠାରୁ ୧୦୦ କିଲୋମିଟର ଦୂର ଏବଂ ପୁଣେଠାରୁ ୭୦ କିଲୋମିଟର ଦୂରରେ ମୁମ୍ୱାଇର ଦକ୍ଷିଣ-ପୂର୍ବ ଦିଗରେ ଖଣ୍ଡାଲା ସହର । ଏଠାରୁ ୫ କିଲୋମିଟର ଦୂରରେ  ଲୋନାବାଲା  ଅବସ୍ଥିତ । ଖଣ୍ଡାଲା ଘାଟରେ ଅମୃତାଞ୍ଜନ ପଏଣ୍ଟ ସବୁଠୁ ବଡ଼ ଆକର୍ଷଣୀୟ ପର୍ଯ୍ୟଟନସ୍ଥଳୀ ଅଟେ । ଏଠାର ସବୁଜିମା ସୁନ୍ଦର ଘାଟି ଏବଂ ଡ୍ୟୁକ ନୋଜ୍  ପର୍ଯ୍ୟଟକଙ୍କ ମନ ମୋହିଥାଏ  ।

ଲୋନାବାଲା:

ଲୋନାବାଲା ଏକ ହିଲ୍ ଷ୍ଟେସନ ଅଟେ ।  ଏହାକୁ ସହୟାଦ୍ରୀ ପାହାଡ଼ର ମଣୀ ନାମରେ ମଧ୍ୟ ଜଣାଯାଇଥାଏ । ଏହାକୁ ସ୍ୱାସ୍ଥ୍ୟବର୍ଦ୍ଧକ ସ୍ଥଳ ଭାବେ ମଧ୍ୟ  ଜଣାଯାଇଥାଏ । ଏହା ସମୁଦ୍ର ତଟରୁ ୬୨୫ ମିଟର ଉଚ୍ଚରେ ଅବସ୍ଥିତ ।  ଏହା ମୁମ୍ୱାଇ ଏବଂ ପୁଣେର ପ୍ରବେଶ ଦ୍ୱାର ମଧ୍ୟ କୁହାଯାଏ । ବୁଡ଼ ପାର୍କ ଲୋନାବାଲାର ପ୍ରମୁଖ ବଜାରର ଠିକ୍ ପଛରେ ଅବସ୍ଥିତ । ଏହା ଏକ ଜୈବିକ ଉଦ୍ୟାନ ଅଟେ ।  ଏହି ପାର୍କର ବୀପରିତ ଦିଗରେ ଏକ ପୁରୁଣା ଇସାଇ କବରସ୍ଥାନ ମଧ୍ୟ ରହିଛି । ଏଠାରେ ଅନେକ କବରସ୍ଥଳୀ ରହିଛି ଯାହା ୧୦୦ ବର୍ଷରୁ ଅଧିକ ପୁରୁଣା ।  

ଔରଙ୍ଗାବାଦ: ଔରଙ୍ଗାବାଦ ବିଶ୍ୱରେ ଅଜନ୍ତା ଏବଂ ଏଲୋରାର ପ୍ରସିଦ୍ଧ ବୌଦ୍ଧ ଗୁମ୍ଫା ପାଇଁ ଜଣାଯାଇଥାଏ । ଏହି ଗୁମ୍ଫା ଗୁଡ଼ିକୁ ବିଶ୍ୱ ହେରିଟେଜରେ ସାମିଲ କରାଯାଇଛି । ମଧ୍ୟକାଳରେ ଔରଙ୍ଗାବାଦ ଭାରତର ମହତ୍ୱପୂର୍ଣ୍ଣ ସ୍ଥାନ ଭାବେ ଜଣାଯାଏ ।   ଔରଙ୍ଗଜେବ ତାଙ୍କ ଶେଷ ସମୟ ଏଠାରେ ଅତିବାହିତ କରି ଶେଷ ନିଶ୍ୱାସ ତ୍ୟାଗ କରିଥିଲେ । ଏଠାର ଔରାଙ୍ଗବାଦ ଙ୍କ ସ୍ତ୍ରୀ ରବିନା ଦୁରାନୀଙ୍କ ମଧ୍ୟ ସମାଧି ରହିଛି । ଏଠାର ପଚକ୍କୀ ଏକ ଭଲ ପର୍ଯ୍ୟଟନସ୍ଥଳୀ ଭାବେ ଜଣାଯାଇଥାଏ ।

ଦୌଲତାବାଦ:  ମହାରାଷ୍ଟ୍ରର ଔରଙ୍ଗାବାଦ ଜିଲ୍ଲାରେ ଦୌଲତାବାଦ ଅବସ୍ଥିତ । ଏହାକୁ ଦେବଗିରି ନାମରେ ମଧ୍ୟ ଜଣାଯାଇଥାଏ । ଦୌଲତାବାଦରେ ଅନେକ ଐତିହାସିକ ମହଲ ରହିଛି ଯାହାକୁ ନିଶ୍ଚୟ ଦେଖିବା କଥା । ଏହି  ମହଲରେ ଜାମା ମସଜିଦ୍, ଚାନ୍ଦ ମିନାର, ଚୀନୀ ମହଲ,ଏବଂ ଦୌଲତାବାଦ କିଲ୍ଲା ରହିଛି ।

ମହାବଳେଶ୍ୱର: ମହାରାଷ୍ଟ୍ରର ସତାରା ଜିଲ୍ଲାରେ ମହାବଳେଶ୍ୱର ହିଲ୍ ଷ୍ଟେସନ ପଶ୍ଚିମଘାଟରେ  ଅବସ୍ଥିତ । ଏଠାରେ କୃଷ୍ଣା ଭାଇ ମନ୍ଦିର, ୩ ମଙ୍କୀ ପଏଣ୍ଟ,  ବେନ୍ନା ହ୍ରଦ, ଲିଙ୍ଗମାଳା ଜଳପ୍ରପାତ, କାଟେସ୍ ପଏଣ୍ଟ, ବିଲସନ୍ ପଏଣ୍ଟ,  ମହାବଳେଶ୍ୱର ନିକଟରେ ପ୍ରତାପଗଡ଼ କିଲ୍ଲା ରହିଛି । ଯାହା ପର୍ଯ୍ୟଟକଙ୍କୁ ଆକର୍ଷିତ କରିଥାଏ ।