ପୀଡିତାଙ୍କ ପରିବାରକୁ ଭେଟିବାକୁ ଯାଇ ହଟହଟା ହେଲେ ମନ୍ତ୍ରୀ ଓ ସାଂସଦ

ନୂଆଦିଲ୍ଲୀ: ଉନ୍ନାଓ ପୀଡିତାଙ୍କ ମୃତ୍ୟୁ ପରେ କଡା ବିରୋଧର ସମ୍ମୁଖୀନ ହେଉଛନ୍ତି ଉତ୍ତର ପ୍ରଦେଶ ସରକାର । ମହିଳାଙ୍କୁ ସୁରକ୍ଷା ଦେବାରେ ଯୋଗୀ ସରକାର ଫେଲ ବୋଲି ବିରୋଧୀ ଅଭିଯୋଗ କରୁଛନ୍ତି । ଆଉ ଏହାରି ଭିତରେ ଆଜି ପୀଡିତାଙ୍କ ପରିବାରକୁ ଭେଟିଥିଲେ ଯୋଗୀ ସରକାରଙ୍କ ଦୁଇ ମନ୍ତ୍ରୀ ଏବଂ ଉନ୍ନାଓ ସାଂସଦ । ମାତ୍ର ଏହି ସମୟରେ କଡା ବିରୋଧର ସମ୍ମୁଖୀନ ହୋଇଥିଲେ ଏମାନେ । 

ଆଜି ପୀଡିତାଙ୍କ ପରିବାର ଲୋକଙ୍କୁ ସମବେଦନା ଜଣାଇବା ପାଇଁ ପହଞ୍ଚିଥିଲେ ମନ୍ତ୍ରୀ କମଲ ରାଣୀ ବରୁଣ, ମନ୍ତ୍ରୀ ସ୍ୱାମୀ ପ୍ରସାଦ ମୌଯ୍ୟ ଏବଂ ଉନ୍ନାଓ ସାଂସଦ ସାକ୍ଷୀ ମହାରାଜ । ମାତ୍ର ଏହି ଗସ୍ତକୁ କଡା ବିରୋଧ କରିଥିଲା  ନ୍ୟାସନାଲ ଷ୍ଟୁଡେଣ୍ଟ ୟୁନିୟନ ଅଫ୍‌ ଇଣ୍ଡିଆ (NSUI)। ଏହି ସମୟରେ ପୋଲିସ ଏବଂ ସଙ୍ଗଠନର କର୍ମକର୍ତ୍ତାଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲା । ସରକାର ବିରୋଧୀ ନାରା ଲଗାଇଥିଲେ ଏନଏସୟୁଆଇ ସଦସ୍ୟ । କିଛି ସଦସ୍ୟଙ୍କୁ ପୋଲିସ ହେପାଜତକୁ ମଧ୍ୟ ନେଇଛି । 

#WATCH Unnao: National Students' Union of India (NSUI) members being detained by police, while they were protesting against the visit of Ministers Kamal Rani Varun, Swami Prasad Maurya and MP Sakshi Maharaj to Unnao rape victim's residence. pic.twitter.com/mkDZo5lUeA

— ANI UP (@ANINewsUP) December 7, 2019

ଅନ୍ୟପଟେ ଏହା ପୂର୍ବରୁ ଆଜି ସକାଳୁ ପୀଡିତାଙ୍କ ପରିବାରକୁ ଭେଟିଥିଲେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା । ନ୍ୟାୟ ନ ମିଳିବା ଯାଏ ଲଢେଇ ଜାରି ରହିବ ବୋଲି ପୀଡିତାଙ୍କ ପରିବାରକୁ ଆଶ୍ୱସନା ଦେଇଥିଲେ ପ୍ରିୟଙ୍କା । ସେହିପରି ସମାଜବାଦୀ ପାର୍ଟି ଏବଂ ବହୁଜନ ସମାଜବାଦୀ ପାର୍ଟିର ବହୁ ନେତା ମଧ୍ୟ ପୀଡିତାଙ୍କ ପରିବାରକୁ ଭେଟିଛନ୍ତି । 

ଗୁରୁବାର ପୀଡିତାଙ୍କୁ ଉନ୍ନତ ଚିକିତ୍ସା ପାଇଁ  ଦିଲ୍ଲୀ ସଫଦରଜଙ୍ଗ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହି ହସ୍ପିଟାଲରେ ତାଙ୍କ ପାଇଁ ସ୍ୱତନ୍ତ୍ର ଆଇସିୟୁର ମଧ୍ୟ ବ୍ୟବସ୍ଥା ହୋଇଥିଲା । ଏକ ଡାକ୍ତରୀ ଟିମ ପୀଡିତାଙ୍କ ଚିକିତ୍ସାରେ ଲାଗିଥିଲେ । ତେବେ ଅଭିଯୁକ୍ତମାନେ ପୀଡିତାଙ୍କ ଶରୀରକୁ ୯୦ ପ୍ରତିଶତ ପୋଡି ଦେଇଥିବାରୁ ତାଙ୍କୁ ବଞ୍ଚାଇବା ସମ୍ଭବ ହୋଇନଥିଲା । 

କ'ଣ ଥିଲା ପୀଡିତାଙ୍କ ଶେଷ କଥା ? 

ସମ୍ପର୍କୀୟଙ୍କ ମୁହଁରୁ ଯିଏ ବି ଶୁଣିବ, ତା ଲୋମ ଟାଙ୍କୁରି ଯିବ । ନିଜ ଭାଇଙ୍କ ସହ ମୃତ୍ୟୁ ପୂର୍ବରୁ କଥା ହୋଇଥିଲେ ଉନ୍ନାଓ ପୀଡିତା । ମେଡିକାଲ ବେଡରେ ପୀଡିତା ନିଜ ଭାଇଙ୍କୁ କହିଥିଲେ, ''ଭାଇ, ମୋତେ ବଞ୍ଚାଇ ଦିଅ'' । ଆଉ ଭାଇ ପ୍ରତିଉତ୍ତରରେ କହିଥିଲେ, ''ହିଁ, ଆମେ ଭଲ କରି ନେଇଯିବୁ'' । ତେବେ ଆମେ ବଞ୍ଚାଇ ପାରିଲୁନି ବୋଲି କୋହଭରା କଣ୍ଠରେ କହିଛନ୍ତି ଦୁଷ୍କର୍ମ ପୀଡିତାଙ୍କ ଭାଇ ।  ଏବେ ଅଭିଯୁକ୍ତମାନେ ସେଇଠିକୁ ଯିବା ଦରକାର, ଯେଉଁଠିକୁ ମୋ ଭଉଣୀ ଯାଇଛି ବୋଲି ସେ ଦାବି କରିଛନ୍ତି । 

ଗୁରୁବାର ପୀଡିତାଙ୍କୁ ଉନ୍ନତ ଚିକିତ୍ସା ପାଇଁ  ଦିଲ୍ଲୀ ସଫଦରଜଙ୍ଗ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହି ହସ୍ପିଟାଲରେ ତାଙ୍କ ପାଇଁ ସ୍ୱତନ୍ତ୍ର ଆଇସିୟୁର ମଧ୍ୟ ବ୍ୟବସ୍ଥା ହୋଇଥିଲା । ଏକ ଡାକ୍ତରୀ ଟିମ ପୀଡିତାଙ୍କ ଚିକିତ୍ସାରେ ଲାଗିଥିଲେ । ତେବେ ଅଭିଯୁକ୍ତମାନେ ପୀଡିତାଙ୍କ ଶରୀରକୁ ୯୦ ପ୍ରତିଶତ ପୋଡି ଦେଇଥିବାରୁ ତାଙ୍କୁ ବଞ୍ଚାଇବା ସମ୍ଭବ ହୋଇନଥିଲା । 

କେମିତି ପୀଡିତାଙ୍କୁ ଆକ୍ରମଣ କରିଥିଲେ ଅଭିଯୁକ୍ତ ?

ଯେତେବେଳେ ଗୁରୁତର ପୀଡିତାଙ୍କୁ ଦିଲ୍ଲୀକୁ ସ୍ଥାନାନ୍ତର କରାଯାଉଥିଲା, ସେତେବେଳେ ଚେତାରେ ସେ ଚେତାରେ ଥିଲେ । ପୋଲିସ ଆଗରେ ଅଭିଯୁକ୍ତଙ୍କ ବିଷୟରେ ସବୁକଥା କହିଥିଲେ ପୀଡିତା । ତାଙ୍କ ଦେହରେ ନିଆଁ ଲଗାଇବା ପୂର୍ବରୁ ପ୍ରଥମେ ଅଭିଯୁକ୍ତମାନେ ମାରପିଟ କରିଥିଲେ । ଏପରିକି ଛୁରୀରେ ମଧ୍ୟ ଆକ୍ରମଣ କରିଥିଲେ । ଯିଏ ଦୁଷ୍କର୍ମ ଅଭିଯୁକ୍ତ ଥିଲେ, ସେ ହିଁ ଏହି କାଣ୍ଡ ଭିଆଇଥିବା ପୀଡିତା ସ୍ପଷ୍ଟ କରିଥିଲେ । 

କେତେବେଳେ ଆକ୍ରମଣ କରିଥିଲେ ଅଭିଯୁକ୍ତ ?

ଦୁଷ୍କର୍ମ ମାମଲାର ଶୁଣାଣି ପାଇଁ ରାୟବରେଲୀ ଯାଉଥିଲେ ପୀଡିତା । ଥିବା ବେଳେ ତାଙ୍କ ଉପରେ ଆକ୍ରମଣ ହୋଇଥିଲା । ରେଲୱେ ଷ୍ଟେସନ ପହଞ୍ଚିବା ପୂର୍ବରୁ ୫ ଅଭିଯୁକ୍ତ ତାଙ୍କୁ ଘେରିଯାଇଥିଲେ । ଏହି ୫ ଅଭିଯୁକ୍ତଙ୍କ ନାଁ ମଧ୍ୟ ମୃତ୍ୟୁ ପୂର୍ବରୁ ସେ କହିଯାଇଛନ୍ତି । ପେଟ୍ରୋଲ ଲଗାଇ ନିଆଁ ଲଗାଇ ଦେଇଥିଲେ ଅଭିଯୁକ୍ତ । 

ଆହୁରି ପଢନ୍ତୁ; ଉନ୍ନାଓ ଦୁଷ୍କର୍ମ ଅଭିଯୁକ୍ତକୁ ଜନ୍ମଦିନର ଶୁଭେଚ୍ଛା ଜଣାଇଲେ ବିଜେପି ସାଂସଦ, ଟ୍ରୋଲ ପରେ ହଟାଇଲେ ଟ୍ୱିଟ