ସାଉଦି ଆରବ ଡାକିବାକୁ ଯାଉଛି କାଶ୍ମୀର ପ୍ରସଙ୍ଗରେ OICବୈଠକ, ଭାରତ ସହ ସମ୍ପର୍କରେ ଆସିପାରେ ଫାଟ

ନୂଆଦିଲ୍ଲୀ: କାଶ୍ମୀର ସ୍ଥିତି ଉପରେ ଚର୍ଚ୍ଚା ପାଇଁ ଇସଲାମିକ୍ ସହଯୋଗୀ ସଙ୍ଗଠନ (OIC) ସଦସ୍ୟ ରାଷ୍ଟ୍ରର ବିୈଦେଶିକ ମନ୍ତ୍ରୀଙ୍କ ବୈଠକ ଡାକିବାକୁ ଯୋଜନା କରୁଛି ସାଉଦି ଆରବ । ପାକିସ୍ତାନକୁ ଖୁସି କରିବାକୁ ପ୍ରୟାସ କରିବାକୁ ସାଉଦି ଆରବ ଏହି ପଦକ୍ଷେପ ନେବାକୁ ଯାଉଥିବା କୁହାଯାଉଛି । କାରଣ କ୍ୱାଲାଲାମପୁରରେ ନିକଟରେ ହୋଇଥିବା ମୁସଲିମ୍ ସଙ୍ଗଠନର ଏକ ସମ୍ମିଳନୀରେ ପାକିସ୍ତାନ ଯୋଗଦେଇନଥିଲା ।

ପାକିସ୍ତାନ  ଚାହୁଁଛି କାଶ୍ମୀରରେ ମାନବାଧିକାର ସ୍ଥିତି ଉପରେ ଚର୍ଚ୍ଚା ପାଇଁ OICର ବୈଦେଶିକ ମନ୍ତ୍ରୀଙ୍କ ବୈଠକ ଶୀଘ୍ର ବସୁ । ପାକ୍ ବୈଦେଶିକ ମନ୍ତ୍ରୀ ଶାହା ମହମ୍ମଦ କ୍ୟୁରେସୀ ରବିବାର ଏନେଇ ସ୍ପଷ୍ଟ କରିଥିଲେ ।  କୁହାଯାଉଛି ପାକିସ୍ତାନ ଗସ୍ତରେ ଆସି ସାଉଦି ଆରବ ବୈଦେଶିକ ମନ୍ତ୍ରୀ ଶେହଜାଦା ଫୈସଲ ବିନ୍ ଫରହାନ ଚଳିତ ସପ୍ତାହରେ ପାକିସ୍ତାନକୁ ଏହା ସ୍ପଷ୍ଟ କରିଥିବା ପାକିସ୍ତାନ ବୈଦେଶିକ ମନ୍ତ୍ରୀ ଶାହା କ୍ୟୁରେସୀ ଏହା ମଧ୍ୟ ସ୍ପଷ୍ଟ କରିଛନ୍ତି  । ଏହି ଖବର ଆସିବା ପରେ  କାଶ୍ମୀର ପ୍ରସଙ୍ଗରେ ବୈଠକ ଆୟୋଜନ କରିବାକୁ ଯୋଜନା ପ୍ରସ୍ତୁତ କରାଯାଉଛି । ଏକ ସରକାରୀ  ପାକିସ୍ତାନୀ ରେଡିଓରେ ପ୍ରସାରିତ ଖରବରୁ ଏହା ଜଣାପଡ଼ିଛି । OICର ମନ୍ତ୍ରୀ ସ୍ତରୀୟ ବୈଠକ ଇସଲାମାବାଦରେ ଏପ୍ରିଲ୍ ୨୦୨୦ରେ ବସିବାକୁ ଆଶା କରାଯାଉଛି ।

ଆଭାର ପ୍ରକଟ କରିବାକୁ ପାକିସ୍ତାନ ପହଞ୍ଚିଥିବା ଶେହଜାଦା ଫୈସଲ କ୍ୟୁରେସୀ ଏହା ମଧ୍ୟ କହିଛନ୍ତି ପାକିସ୍ତାନ ଉଚିତ୍ ମଞ୍ଚରେ କାଶ୍ମୀର ପ୍ରସଙ୍ଗ ଉଠାଯାଇଛି  । ଭାରତ ନିୟନ୍ତ୍ରଣ ରେଖାରେ ଅସ୍ତ୍ରବିରତି  ଉଲ୍ଲଙ୍ଘନ କରୁଥିବା ଦୋଷ ମଧ୍ୟ ଲଦିଛି ପାକିସ୍ତାନ । ନିକଟରେ ଅନୁଷ୍ଠିତ ହୋଇଥିବା କ୍ୱାଲାଲାମପୁର ମୁସଲିମ୍ ରାଷ୍ଟ୍ର ସମ୍ମିଳନୀରେ ପାକିସ୍ତାନ ଯୋଗ ଦେଇ ନ ଥିବାରୁ ଦେଶ ତରଫରୁ ଆଭାର ପ୍ରକଟ କରିବାକୁ ଦିନିକିଆ ଗସ୍ତରେ ଆସିଥିଲେ ସାଉଦି ବୈଦେଶିକ ମନ୍ତ୍ରୀ ଶେହଜାଦା ଫୈସଲ । ମାଲେସିଆ ଦ୍ୱାରା ଆୟୋଜିତ ସମ୍ମିଳନୀରେ ଯୋଗଦେବାକୁ ପ୍ରଥମେ ସ୍ପଷ୍ଟ କରିଥିଲେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ।  ହେଲେ ସାଉଦି ଆରବ ଏବଂ ସଂଯୁକ୍ତ ରାଷ୍ଟ୍ର ଆରବ ଅମିରାତରଙ୍କ ଚାପ ଯୋଗୁଁ ଅନ୍ତିମ ସମୟରେ ପାକିସ୍ତାନ ସମ୍ମିଳନୀରୁ ଓହରି ଯାଇଥିଲା ।

ସାଉଦି ଆରବ ବୈଦେଶିକ ମନ୍ତ୍ରୀ ଶେହଜାଦା ଫୈସଲଙ୍କୁ  ଭାରତ ଦ୍ୱାରା ଅଗଷ୍ଟ ୫ରେ  ଧାରା ୩୭୦ର ପରିବର୍ତ୍ତନ ନେଇ କାଶ୍ମୀରରେ ସ୍ଥିତି ବାବଦରେ ସୂଚନା ଦେଇଥିଲେ ପାକିସ୍ତାନ ବୈଦେଶିକ ମନ୍ତ୍ରୀ ଶାହା କ୍ୟୁରେସୀ । ବୈଦେଶିକ କାର୍ଯ୍ୟାଳୟ ସୂତ୍ରରୁ ଜଣାପଡ଼ିଛି ଦୁଇ ଦେଶର ବୈଦେଶିକ ମନ୍ତ୍ରୀ କାଶ୍ମୀର ପ୍ରସଙ୍ଗରେ OICର ଭୂମିକା ଉପରେ ଚର୍ଚ୍ଚା କରିଛନ୍ତି । ବେଦେଶିକ କାର୍ଯ୍ୟାଳୟ କହିଛନ୍ତି, ସେ ସଂଶୋଧିକ ନାଗରିକତା ଆଇନ ଏବଂ ଏନଆରସି ପ୍ରସଙ୍ଗରେ ଭରତ ସରକାରଙ୍କ କାର୍ଯ୍ୟାନୁଷ୍ଠାନ ଏବଂ ଭାରତରେ ଲଗାତର ସଂଖ୍ୟାଲଘୁଙ୍କୁ କଥିତ ଭାବେ ଟାର୍ଗେଟ୍ କରାଯାଉଥିବା ପ୍ରସଙ୍ଗ ଉଠାଇଥିଲେ । OIC ଏକ ସଂକ୍ଷିପ୍ତ ବୟାନରେ ଗତ ସପ୍ତାହରେ କହିଥିଲେ, ସେ ଭରତରେ ମୁସଲିମ୍ ସଂଖ୍ୟାଲଘୁଙ୍କୁ ପ୍ରଭାବିତ କରୁଥିବା ଘଟଣା ଉପରେ ନଜର ରଖୁଛନ୍ତି ।    

ଇମ୍ରାନ ଖାନଙ୍କ ସହ ସାକ୍ଷାତ କଲେ ଶେହଜାଦା ଫୈସଲ

ସାଉଦି ଆରବ ବୈଦେଶିକ ମନ୍ତ୍ରୀ ଶେହଜାଦା ଫୈସଲ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ସହ ମଧ୍ୟ ସାକ୍ଷାତ କରିଛନ୍ତି । ବୈଠରେ ପାକିସ୍ତାନ ବୈଦେଶିକ ମନ୍ତ୍ରୀ ଶାହା କ୍ୟୁରେଶୀ, ବୈଦେଶିକ ସଚିବ ସୋହେଲ ମହମ୍ମଦ, ଗୁଇନ୍ଦା ସଂସ୍ଥା ଆଇଏସଆଇଏସ ପ୍ରମୁଖ ଲେଫ୍ଟନାଣ୍ଟ ଜେନେରାଲ ଫୈଜ ହମ୍ମିଦ ଏବଂ ଅନ୍ୟ ବରିଷ୍ଠ ଅଧିକାରୀ ଉପସ୍ଥିତ ଥିଲେ । ଇମ୍ରାନ ଖାନ୍ ସାଉଦି ଆରବ ବୈଦେଶିକ ମନ୍ତ୍ରୀଙ୍କୁ କହିଛନ୍ତି ଭାରତ ଦ୍ୱାରା ଅସ୍ତ୍ର ବିରତୀ ଉଲ୍ଲଙ୍ଘନ ଯୋଗୁଁ ସୀମାରେ ଅଶାନ୍ତି ବଢୁଛି । ଏହି କ୍ଷେତ୍ରରେ ଶାନ୍ତି ଏବଂ ସୁରକ୍ଷା ପାଇଁ ବିପଦ ସୃଷ୍ଟି ହୋଇଛି । ସାଉଦି ଆରବକୁ ଭାରତଠାରୁ ମିଳୁଥିବା ବାଣିଜ୍ୟ ଏବଂ ମୁସଲିମ୍ ମୁଦ୍ଧା ଉପରେ କଡ଼ା ଆଭିମୁଖ୍ୟ ଗ୍ରହଣ କରିବାକୁ OIC ପଛଘୁଞ୍ଚା ଦେଉଥିବାରୁ କ୍ୱାଲାଲାମପୁର ସମ୍ମିଳନୀକୁ ପ୍ରତ୍ୟାକ୍ଷାନ କରିଥିଲା ପାକିସ୍ତାନ ।

କ୍ୱାଲାଲାମପୁର ସମ୍ମିଳନୀରେ ସତର୍କ ହେଲା ସାଉଦି

ସାଉଦି ଆରବ ବୈଦେଶିକ ମନ୍ତ୍ରୀ ଦିନିକିଆ ପାକିସ୍ତାନ ଗସ୍ତ ଏଭଳି ସମୟରେ ହେଲା, ଯେବେ କ୍ୱାଲାଲାମପୁର ସମ୍ମିଳନୀଠାରୁ ଦୂରେଇ ରହିବାକୁ ପାକିସ୍ତାନ ଉପରେ ଚାପ ପ୍ରୟୋଗ ଅଭିଯୋଗ ଲଗାଯାଇଥିଲା । ଏହି ସମ୍ମିଳନୀ ଡିସେମ୍ୱର ୧୯-୨୧ ମଧ୍ୟରେ ହୋଇଥିଲା । ସାଉଦି ଆରବ ମୁସଲିମ୍ ଜଗତରେ ଏହି ନୂଆ ସଂଗଠନ ତିଆରି ପାଇଁ ପ୍ରୟାସ ଆଧାରରେ ନେଇଛି ।

ଆହୁରି ପଢ଼ନ୍ତୁ; କାଲି ଯାଏ ଥିଲେ ଭଉଣୀ, କାଲି ହେବେ ସଉତୁଣୀ !