କୃଷି ଋଣ ଛାଡ଼ ସହ ବିଜେପିକୁ ସମାଲୋଚନା କଲା ଶିବସେନା

ମୁମ୍ବାଇ: ମହାରାଷ୍ଟ୍ରରେ କୃଷିଋଣ ଛାଡ଼ ନେଇ ବିଜେପିକୁ ଟାର୍ଗେଟ କରିଛି ଶିବସେନା । ରାଜ୍ୟରେ କୃଷ୍ଟି ଋଣକୁ ଛାଡ଼ ହେବା ପରେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ସରକାରଙ୍କ ନିଷ୍ପତ୍ତିକୁ ସ୍ବାଗତ କରିବା ସହିତ ବେଶ ଖୁସି ବ୍ୟକ୍ତ କରିଥିବା ଜଣାପଡ଼ିଛି । ଏହା ସହିତ ପୂର୍ବୁର ଏହି ଦାବି କରି ଆସୁଥିବା ବିଜେପିକୁ ସେ କଡ଼ା ସମାଲୋଚନା କରିଛନ୍ତି । ଏନେଇ ସେ କହିଛନ୍ତି କି, ଯେତେବେଳେ ବିଜେପି ସରକାରରେ ଥିଲା, ସେତେବେଳେ ଏହାକୁ କାହିଁକି କାର୍ଯ୍ୟକାରୀ କରାଗଲା ନାହିଁ ବୋଲି ସେ କହିଛନ୍ତି । 

ଶିବସେନା ତାର ମୁଖପତ୍ରରେ ଦର୍ଶାଇଛି ଯେ, ଯେତେବେଳେ ଦେଶରେ ନାଗରିକତା ସଂଶୋଧନକୁ ନେଇ ଜଳାପୋଡ଼ା ହେଉଛି, ସେଭଳି ସମୟରେ ଠାକରେ ସରକାର କୃଷକଙ୍କ ଋଣ ଛାଡ଼ କରିବା ପାଇଁ ନିଷ୍ପତ୍ତି ନେଇଛି । ଦେଶରେ ଏଭଳି ପରିସ୍ଥିତି ସୃଷ୍ଟି କରିବାରେ କିଛି ନିର୍ଦ୍ଦିଷ୍ଟ ଗୋଷ୍ଠୀଙ୍କର ଉଦ୍ଦେଶ୍ୟ ରହିଛି । କିଛି ଲୋକ ସାଧାରଣ ଲୋକଙ୍କ ଭାବନାକୁ ନେଇ ରାଜନୀତି କରୁଥିବା ବେଳେ ଏଭଳି ହିଂସା ଘଟାଇବା ପାଇଁ ଲୋକମାନଙ୍କୁ ପ୍ରୋତ୍ସାହିତ କରୁଛନ୍ତି ବୋଲି ଉଦ୍ଧବ କହିଛନ୍ତି । 

ଚଳିତ ବର୍ଷ ସେପ୍ଟେମ୍ବର ମାସ 30 ତାରିଖ ମଧ୍ୟରେ ଚାଷୀମାନେ 2 ଲକ୍ଷ ପର୍ଯ୍ୟନ୍ତ ନେଇଥିବା ଋଣକୁ ଛାଡ଼ କରିବା ପାଇଁ ଶିବଶେନା ଶନିବାର ଘୋଷଣା କରିଛି । ଶିବସେନା କହିଛି ଏହି ପଦକ୍ଷେପ ନେବାରେ ରାଜ୍ୟର ନୂଆ ସରକାରର ଏହା ପ୍ରଥମ ପଦକ୍ଷେପ ହେବ । ଏହା ପୂର୍ବରୁ ଦଳ ଦେବେନ୍ଦ୍ର ଫଡନାବିସ ମୂଖ୍ୟମନ୍ତ୍ରୀ ଥିବା ସମୟରେ ମଧ୍ୟ କୃଷିଋଣ ଛାଡ଼ କରିବା ପାଇଁ ଦାବି କରିଆସୁଥିଲା । ଦେବେନ୍ଦ୍ରଙ୍କ ନେତୃତ୍ବାଧିନ ସରକାର ଚାହିଁଥିଲେ ତାହାକୁ ଛାଡ଼ କରିପାରିଥାନ୍ତେ । ମାତ୍ର ତାହା ହୋଇନଥିଲା ବୋଲି ଶିବସେନା କହିଛି । ଶିବସେନା ଆହୁରି ମଧ୍ୟ କହିଛି ଯେ, ମହାରାଷ୍ଟ୍ରର ଅଧିଂକାଶ ଚାଷୀ ହିନ୍ଦୁ ଓ ଚାଷ ସେମାନଙ୍କର ଏକ ମାତ୍ର ରୋଜଗାରର ମାଧ୍ୟମ । ଏଭଳି ସ୍ଥଳେ ସେମାନେ ଦୈନନ୍ଦିନ ଜୀବନରେ ବେଶ ସଂଘର୍ଷ କରୁଛନ୍ତି ବୋଲି ଶିବସେନା କହିଛି ।

ଆମେ ସରକାରକୁ ଆସିବା ପୂର୍ବରୁ ରାଜ୍ୟରେ ଥିବା ସରକାର ଚାଷୀମାନଙ୍କ ସମସ୍ୟା ସମ୍ପର୍କରେ କେବେ ହେଲେ ମଧ୍ୟ ଚିନ୍ତା କରିନାହିଁ । ଆମେ ସରକାରକୁ ଆସିବା ପରେ ସେମାନଙ୍କ ସମସ୍ୟା ଉପରେ ଅଧିକ ଧ୍ୟାନ ଦେଇଛୁ । ତାହାକୁ ଲକ୍ଷ୍ୟ କରି ଆମ ସରକାର କୃଷି ଋଣ ଛାଡ଼ କରିବାକୁ ନିଷ୍ପତ୍ତି ନେଇଛି ବୋଲି ଶିବସେନା କହିଛି । ଏହି ଋଣ ଛାଡ଼ କରିବା ସହିତ ଗରୀବଙ୍କୁ 10 ଟଙ୍କାରେ ଶିବ ଭୋଜନ ଯୋଗାଇ ଜରୁରୀ ହୋଇ ପଡ଼ିଛି । ଯାହାକୁ ବିଜେପି କେବେହେଲେ ଧ୍ୟାନକୁ ନେଇ ନାହିଁ ବୋଲି ସେ ଶିବସେନା କହିଛି ।