କେନ୍ଦ୍ରମନ୍ତ୍ରୀଙ୍କ ଭବିଷ୍ୟବାଣୀ: ମହାରାଷ୍ଟ୍ରରେ ହେବ 'ଭୂକମ୍ପ'

ମୌକା ଦେଖି ଛକା ମାରିବ ବିଜେପି

ନୂଆଦିଲ୍ଲୀ: ମହାରାଷ୍ଟ୍ର ରାଜନୀତିକୁ ନେଇ କେନ୍ଦ୍ରମନ୍ତ୍ରୀଙ୍କ ଭବିଷ୍ୟବାଣୀ । ମହାରାଷ୍ଟ୍ରରେ ହୋଇପାରେ ଭୂକମ୍ପ । ଏବେ ବି ବାକି ଅଛି 'ମହା' ନାଟକ ! ଏବେ ରାଜ୍ୟରେ ମହା ବିକାଶ ଅଘାଡି ମେଣ୍ଟ ସରକାର ଚାଲିଛି । ମାତ୍ର ଏହି ସରକାର କେତେବେଳେ ବି ଭାଙ୍ଗିଯାଇପାରେ । ମୌକା ଦେଖି ଛକା ମାରିବା ଚକ୍କରରେ ବିଜେପି । କେନ୍ଦ୍ରମନ୍ତ୍ରୀ ରାମଦାସ ଅଠାୱାଲେଙ୍କ ଭବିଷ୍ୟବାଣୀ ଏପରି କିଛି ହିଁ କହୁଛି । 

ଅଠାୱାଲେ କହିଛନ୍ତି, ''ମହାରାଷ୍ଟ୍ରରେ କିଛି ଗୋଟିଏ ଭୂକମ୍ପ ହେବାକୁ ଯାଉଛି । ପୂର୍ବରୁ ଦୁଇଥର ଭୂକମ୍ପ ହୋଇଥିଲା । ପ୍ରଥମ ଭୂକମ୍ପ ଦେବେନ୍ଦ୍ର ଫଡନାଫିସ ଏବଂ ଅଜିତ ପାୱାର କରିଥିଲେ । ଦ୍ୱିତୀୟ ଭୂକମ୍ପ କରିଥିଲେ ଉଦ୍ଧବ ଠାକରେ । ଆଉ ଏବେ କିପରି ଭୂକମ୍ପ ହେବ, ତାହା ଆମେ ଦେଖିବା । ହେଲେ ଭୂକମ୍ପ ତ ହେବ ହିଁ ହେବ ।''

Union Minister Ramdas Athawale: Maharashtra me ye 2 mahina bhukamp wala hi hai. Ek baar Devendra Fadnavis ji aur Ajit Pawar ka bhukamp ho gya, uske baad Uddhav Thackeray ji ka hua aur abhi kaisa bhukamp hota hai hum dekhenge,lekin koi na koi bhukamp hone ki sambhavna hai. pic.twitter.com/pP8sO2zn5a

— ANI (@ANI) December 15, 2019

ଅଠାୱାଲେଙ୍କ ଏହି ବୟାନରୁ ସ୍ପଷ୍ଟ ବାରି ହେଉଛି,  ସେ କ'ଣ କହିବାକୁ ଚାହୁଁଛନ୍ତି । ରାତି ପାହିଲେ ସରକାର ଗଠନ ପାଇଁ ଦାବି କରିଥାନ୍ତେ ଏନସିପି, କଂଗ୍ରେସ ଓ ଶିବସେନା । ମାତ୍ର ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀ ଭାବରେ ଶପଥ ନେଇଥିଲେ ଦେବେନ୍ଦ୍ର ଫଡନାଭିସ ଓ ଅଜିତ ପାୱାର । ଏହାକୁ ପ୍ରଥମ ଭୂକମ୍ପ ଭାବରେ ଅବିହିତ କରିଛନ୍ତି ଅଠାୱାଲେ । ସେହିପରି ଏନସିପି ଓ କଂଗ୍ରେସକୁ ସାଙ୍ଗରେ ଘେନି ସରକାର ଗଢିବା ଶିବସେନା ପାଇଁ ଏକ ଚ୍ୟାଲେଞ୍ଜ ଥିଲା । ମାତ୍ର ଏହା କରି ଦେଖାଇଥିଲେ ଉଦ୍ଧବ । ଏବେ ସେ ମହା ମୁଖ୍ୟମନ୍ତ୍ରୀ । ଏହାକୁ ଦ୍ୱିତୀୟ ଭୂକମ୍ପ ବୋଲି ଅଠାୱାଲେ ଇଙ୍ଗିତ କରିଥିବା କୁହାଯାଉଛି । 

ତେବେ ଅଠାୱାଲେଙ୍କ ତୃତୀୟ ଭୂକମ୍ପ ଆହୁରି ଚମକାଇଲା ପରି । ଯାହା ଅନୁମାନ କରାଯାଉଛି, ଖୁବଶୀଘ୍ର ମହା ବିକାଶ ଅଘାଡି ସରକାର ଭାଙ୍ଗିବା ଆଡକୁ ଇଙ୍ଗିତ କରିଛନ୍ତି ସେ । କାହିଁକିନା ଫୁଲ୍ ଟସ୍ ବଲକୁ ଅପେକ୍ଷା କରିଛି ବିଜେପି । ମେଣ୍ଟ ଭିତରେ ଟିକିଏ ଦୁର୍ବଳତା ଦେଖିଲେ, ଦଳ ଖେଳିବ ମାଷ୍ଟରଷ୍ଟୋକ । ଆଉ ଏହାରି ଭିତରେ ଅଠାୱାଲେଙ୍କ ଏହି ବୟାନ ମହା ରାଜନୀତିକୁ ଆହୁରି ସରଗରମ କରିଦେଇଛି । 

ଆହୁରି ପଢନ୍ତୁ; ଉଦ୍ଧବ ଦେବେ ଆଉ ଏକ ପରୀକ୍ଷା !