'ଆସାମର ପୂର୍ବତନ ସିଏମ୍ ବହୁତ ମାରିଥିଲେ ...' ଯେତେବେଳେ ଗୁଆହାଟୀରେ ଅମିତ ଶାହ ମନେ ପକାଇଲେ ପୁରୁଣା କଥା

ଗୁଆହାଟୀ: Amit Shah Assam Visits: କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଶୁକ୍ରବାର ଠାରୁ ଆସାମ ଗସ୍ତରେ ଅଛନ୍ତି । ଶନିବାର ସେ ଗୁଆହାଟୀରେ ଏକ ସମାବେଶକୁ ସମ୍ବୋଧିତ କରିଛନ୍ତି । ଅମିତ ଶାହ (Amit Shah) ତାଙ୍କ ସମ୍ବୋଧନରେ ରାଜନୀତିରେ ନିଜର ପ୍ରାରମ୍ଭିକ ବର୍ଷଗୁଡ଼ିକୁ ମନେ ପକାଇଛନ୍ତି ଯେତେବେଳେ ସେ ଛାତ୍ର ସଂଗଠନର ନେତା ଭାବରେ ଆସାମ ଗସ୍ତ (Assam Visits) କରିଥିଲେ । ଏହି ସମୟରେ ସେ ପୁରୁଣା କଥାକୁ କହିବାବେଳେ ଆସାମରେ ତାଙ୍କୁ ଥରେ ମାଡ଼ ଖାଇବାକୁ ପଡ଼ିଥିଲା ବୋଲି କହିଛନ୍ତି । ଗୁଆହାଟୀରେ ଦଳର ନୂତନ କାର୍ଯ୍ୟାଳୟର ଉଦଘାଟନ ସମୟରେ ଅମିତ ଶାହ କହିଛନ୍ତି ଯେ, ମୁଁ ବିଦ୍ୟାର୍ଥୀ ପରିଷଦ (ABVP) ର କାର୍ଯ୍ୟକ୍ରମ ପାଇଁ ଏଠାକୁ ଆସିଥିଲି, ସେତେବେଳେ ହିତେଶ୍ୱର ସାଇକିଆ (Hiteswar Saikia) (ଆସାମର ପୂର୍ବତନ ମୁଖ୍ୟମନ୍ତ୍ରୀ) ଆମକୁ ବହୁତ ମାଡ଼ ମାରିଥିଲେ ।

ଶାହ (Amit Shah) ଆଗକୁ କହିଛନ୍ତି ଯେ, ଆମେ ନାରା ଲଗାଉଥିଲୁ ଆସାମର ରାସ୍ତା ଶୁନଶାନ୍ ରହିଛି ଇନ୍ଦିରା ଗାନ୍ଧୀ ଜଣେ ହତ୍ୟାକାରୀ । ସେତେବେଳେ କଳ୍ପନା କରାଯାଇ ନଥିଲା ଯେ ଭାରତୀୟ ଜନତା ପାର୍ଟି (BJP) ନିଜ ଦମରେ ଦୁଇଥର ଜିତି ଏଠାରେ ସରକାର ଗଠନ କରିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Narendra Modi) ଙ୍କ ବିଗତ ଆଠ ବର୍ଷ ମଧ୍ୟରେ ବିଜେପି ଶାସନ (BJP Rule) ରେ ଆସାମ ଓ ଉତ୍ତର-ପୂର୍ବ ଅଞ୍ଚଳ ଶାନ୍ତି ଏବଂ ବିକାଶ ପଥରେ ଅଗ୍ରଗତି କରିଛି ବୋଲି ସେ ଜୋର ଦେଇ କହିଛନ୍ତି । 

ବନ୍ୟା ସମସ୍ୟାର ସମ୍ପୂର୍ଣ୍ଣ ସମାଧାନ ପାଇଁ ଶାହା ଆସାମବାସୀଙ୍କଠାରୁ ପାଞ୍ଚ ବର୍ଷ ସମୟ ମାଗିଛନ୍ତି । ସେ କହିଛନ୍ତି ଯେ, ସରକାର ପ୍ରାକୃତିକ ବିପର୍ଯ୍ୟୟକୁ ଇତିହାସର ଏକ ଅଂଶ କରିବାକୁ ଚେଷ୍ଟା କରୁଛନ୍ତି । ଶାହା କହିଛନ୍ତି ଯେ, ବର୍ତ୍ତମାନ ବନ୍ୟା ପରିସ୍ଥିତିରୁ ମୁକ୍ତି ପାଇଁ ଏକ ମହତ୍ୱକାଂକ୍ଷୀ ପ୍ରକଳ୍ପ ପ୍ରସ୍ତୁତ ହେଉଛି । ଶୁକ୍ରବାର ସନ୍ଧ୍ୟାରେ ବିଭିନ୍ନ ହିତାଧିକାରୀଙ୍କ ସହ ଏହି ସମସ୍ୟା ବିଷୟରେ ବିସ୍ତୃତ ଭାବରେ ଆଲୋଚନା କରାଯାଇଥିଲା । ଉତ୍ତର ପୂର୍ବାଞ୍ଚଳ ପରିଷଦ ଅଧୀନରେ ଏକ ମହତ୍ୱକାଂକ୍ଷୀ ପ୍ରକଳ୍ପ ପ୍ରସ୍ତୁତ କରାଯାଉଛି ।

ଅଧିକ ପଢ଼ନ୍ତୁ:-'ମୁଁ ତାଙ୍କୁ କିପରି ଭୁଲିଯିବି', ଇମୋସନାଲ ପୋଷ୍ଟ କଲେ ଉର୍ବଶୀ ରୌତେଲା; ୟୁଜର୍ସ କହିଲେ- ଋଷଭ ଭାଇଙ୍କୁ ମନେଇ ନେବା

ଅଧିକ ପଢ଼ନ୍ତୁ:-ସରକାରୀ କର୍ମଚାରୀଙ୍କୁ ମିଳିବ ଆଉ ଏକ ଭଲ ଖବର, ଖୁବ୍ ଶୀଘ୍ର ଘୋଷଣା ହେବ DA ବକେୟା ରାଶି! ଜାଣନ୍ତୁ କେତେ ମିଳିବ ଟଙ୍କା

ଅଧିକ ପଢ଼ନ୍ତୁ:-ଆମେରିକା ଓ ଦକ୍ଷିଣ କୋରିଆକୁ କିମ ଜୋଙ୍ଗଙ୍କ ଖୋଲା ଚ୍ୟାଲେଞ୍ଜ! ଜାପାନ ଉପରୁ ପୁଣି ମାଡ଼ କଲେ ୨ଟି ମିସାଇଲ

ଉଲ୍ଲେଖଯୋଗ୍ୟ ଯେ, ଆସାମରେ ପ୍ରାୟ ପ୍ରତିବର୍ଷ ୩-୪ ଥର ବନ୍ୟା ପରିସ୍ଥିତି (Assam Flood) ଦେଖାଦେଇଥାଏ । ଏହି ବନ୍ୟା ଯୋଗୁଁ ଧନ ଜୀବନ ନଷ୍ଟ ହୋଇଥାଏ । ୨୦୨୧-୨୨ ପାଇଁ ଆସାମର ଅର୍ଥନୈତିକ ସର୍ବେକ୍ଷଣ ଅନୁଯାୟୀ, ଏହି ବିପର୍ଯ୍ୟୟ ଯୋଗୁଁ ବାର୍ଷିକ ହାରାହାରି ୨୦୦ କୋଟି ଟଙ୍କା କ୍ଷତି ହେଉଛି । ୧୯୯୮ରେ ଏହି କ୍ଷତି ୫୦୦ କୋଟି ଓ ୨୦୦୪ରେ ୭୭୧ କୋଟି ଟଙ୍କା ଥିଲା ।