Vishnupad Temple Controversy: ମନ୍ତ୍ରୀଙ୍କ ମନ୍ଦିର ଦର୍ଶନକୁ ନେଇ ସରଗରମ ରାଜନୀତି, ମୁହାଁମୁହିଁ ଶାସକ-ବିରୋଧି

Bihar Politics: ବିହାର ଗୟା ଜିଲ୍ଲାରେ ଅବସ୍ଥିତ ବିଷ୍ଣୁପଦ ମନ୍ଦିରର ପ୍ରବେଶ ଦ୍ୱାରର ଉଭୟ ପାର୍ଶ୍ୱରେ ଏକ ପଥର ଫଳକ ଅଛି। ଯେଉଁଥିରେ ଲେଖା ଅଛି ଯେ ଏହି ମନ୍ଦିରରେ ଅଣ ହିନ୍ଦୁ ଭକ୍ତଙ୍କ ପ୍ରବେଶ ନିଷେଧ। ମାତ୍ର ପସମାନ୍ଦା ମୁସଲିମ ହୋଇଥିବା ସତ୍ତ୍ୱେ ମନ୍ତ୍ରୀ ମହମ୍ମଦ ଇସରାଇଲ ମନସୁରୀ ବିଷ୍ଣୁପଦ ମନ୍ଦିରର ଗର୍ଭ ଗୃହରେ ପ୍ରବେଶ କରିଥିଲେ।

Bihar Politics: ସଦ୍ୟ ବିହାର ଗୟା ଜିଲ୍ଲାରେ ଅବସ୍ଥିତ ବିଷ୍ଣୁପଦ ମନ୍ଦିର ଗର୍ଭ ଗୃହରେ ମନ୍ତ୍ରୀ ମହମ୍ମଦ ଇସରାଇଲ ମନସୁରୀଙ୍କ ପ୍ରବେଶକୁ ନେଇ ସରଗରମ ହୋଇଉଠିଛି ବିହାର ରାଜନୀତି। ଏହି ପ୍ରସଙ୍ଗରେ ବିରୋଧି ବିଜେପି ରାଜ୍ୟରେ କ୍ଷମତାସୀନ ମହାମେଣ୍ଟ ସରକାରକୁ ଟାର୍ଗେଟ କରି କହିଛି ଯେ ଏହା ହେଉଛି ହିନ୍ଦୁ ଧର୍ମ ପ୍ରତି ଅପମାନ। ଜାଣିଶୁଣି ହିନ୍ଦୁ ଧାର୍ମିକ ଭାବନାକୁ ଆଘାତ କରାଯାଇଛି। ଅନ୍ୟପଟେ ବିରୋଧ ପକ୍ଷରୁ ଆସିଥିବା ଅଭିଯୋଗ ରଖି ଶାସକ ଦଳ ପକ୍ଷରୁ କୁହାଯାଇଛି ଏହାକୁ  ନେଇ ରାଜନୀତି କରାଯିବା ରହ ରାଜ୍ୟର ସାମ୍ପ୍ରଦାୟିକ ସୌହାର୍ଦ୍ଦ୍ୟ ନଷ୍ଟ କରିବାକୁ ଚେଷ୍ଟା କରାଯାଉଛି।  

ମଙ୍ଗଳବାର ବିହାର ମୁଖ୍ୟମନ୍ତ୍ରୀ ନୀତୀଶ କୁମାର (Bihar Chief Minister Nitish Kumar) ରାଜ୍ୟର ଗୟା (Gaya District) ଜିଲ୍ଲାରେ ଅବସ୍ଥିତ ବିଷ୍ଣୁପଦ ମନ୍ଦିରରେ (Vishnupad Temple) ପହଞ୍ଚିଥିଲେ। ଏଠାରେ ସେ ମନ୍ଦିରର ଗର୍ଭଗୃହକୁ ଯାଇ ବିଶେଷ ପୂଜାର୍ଚ୍ଚନା କରିଥିଲେ। ଏହି ସମୟରେ ରାଜ୍ୟର ସୂଚନା ପ୍ରଯୁକ୍ତି ମନ୍ତ୍ରୀ ମହମ୍ମଦ ଇସରାଇଲ ମନସୁରୀଙ୍କ (Bihar IT Minister Mohammad Israil Mansuri) ସମେତ ଅନ୍ୟ ନେତା ମଧ୍ୟ ମୁଖ୍ୟମନ୍ତ୍ରୀଙ୍କ ସହ ଉପସ୍ଥିତ ରହିଥିଲେ। 

ଏହି ମନ୍ଦିରର ପ୍ରବେଶ ଦ୍ୱାରର ଉଭୟ ପାର୍ଶ୍ୱରେ ଏକ ପଥର ଫଳକ ଅଛି। ଯେଉଁଥିରେ ଲେଖା ଅଛି ଯେ ଏହି ମନ୍ଦିରରେ ଅଣ ହିନ୍ଦୁ ଭକ୍ତଙ୍କ (Non Hindu Devotee) ପ୍ରବେଶ ନିଷେଧ। ମାତ୍ର ପସମାନ୍ଦା ମୁସଲିମ ହୋଇଥିବା ସତ୍ତ୍ୱେ ମନ୍ତ୍ରୀ ମହମ୍ମଦ ଇସରାଇଲ ମନସୁରୀ ବିଷ୍ଣୁପଦ ମନ୍ଦିରର ଗର୍ଭ ଗୃହରେ ପ୍ରବେଶ କରିଥିଲେ। ଏନେଇ ମନ୍ତ୍ରୀ କହିଥିଲେ ମୁଖ୍ୟମନ୍ତ୍ରୀଙ୍କ ସହ ମନ୍ଦିର ଦର୍ଶନ କରି ନିଜକୁ ଧନ୍ୟ ମନେ କରୁଛି।

ବିଷ୍ଣୁପଦ ମନ୍ଦିରରେ ମନ୍ତ୍ରୀ ମହମ୍ମଦ ଇସରାଇଲ ମନସୁରୀଙ୍କ ପ୍ରବେଶକୁ ସହଜେ ଗ୍ରହଣ କରିପାରିନାହିଁ ବିଜେପି। ଏହି ଘଟଣାରେ ପ୍ରତିକ୍ରିୟା ରଖି ବିହାର ବିଜେପି ସଭାପତି ସଞ୍ଜୟ ଜୈସ୍ୱାଲ (Bihar BJP President Sanjay Jaiswal) କହିଛନ୍ତି ଯେ ବିଷ୍ଣୁପଦ ମନ୍ଦିରରେ କୌଣସି ଅଣ-ହିନ୍ଦୁଙ୍କ ପ୍ରବେଶ ନିଷେଧ। ହିନ୍ଦୁ ସମାଜକୁ ଅପମାନିତ କରିବା ପାଇଁ ମୁଖ୍ୟମନ୍ତ୍ରୀ ନୀତୀଶ କୁମାର ଏପରି କାର୍ଯ୍ୟ କରିଛନ୍ତି। ଏହି ଘଟଣାକୁ ଲଜ୍ଜାଜନକ ବୋଲି ବର୍ଣ୍ଣନା କରି ସେ କହିଛନ୍ତି ଯେ ଏହି କାମ ପାଇଁ ମୁଖ୍ୟମନ୍ତ୍ରୀ କ୍ଷମା ମାଗନ୍ତୁ। ଏହି ପ୍ରସଙ୍ଗରେ ଦଳ ବିଧାନସଭା ଠାରୁ ଆରମ୍ଭ ରାସ୍ତା ପର୍ଯ୍ୟନ୍ତ ସବୁଠାରେ ବିରୋଧ ପ୍ରଦର୍ଶନ କରିବ। ନୀତିଶ କୁମାର ମକ୍କାରେ ପ୍ରବେଶ କରିବାକୁ ମଧ୍ୟ ଚିନ୍ତା କରିପାରିବେ? ହିନ୍ଦୁ ସର୍ବଦା ସହନଶୀଳତା ନାମରେ ସେମାନଙ୍କର ଧାର୍ମିକ ସମ୍ବେଦନଶୀଳତାକୁ କାହିଁକି ଠିକ୍ କରିବେ? ଯଦି ମୁଖ୍ୟମନ୍ତ୍ରୀ କ୍ଷମା ମାଗିବାକୁ ମନା କରନ୍ତି ତେବେ ତାଙ୍କୁ ବିଜେପି କର୍ମକର୍ତ୍ତାଙ୍କ ବିରୋଧର ସାମ୍ନା କରିବାକୁ ହେବ।

ସେହିପରି ରାଜ୍ୟର ବିଜେପି ବିଧାୟକ ହରିଭୂଷଣ ଠାକୁର (BJP MLA Hari Bhushan Thakur) ଅଣ ହିନ୍ଦୁ ମନ୍ତ୍ରୀଙ୍କ ମନ୍ଦିରରେ ପ୍ରବେଶ ଉପରେ ପ୍ରଶ୍ନ ଉଠାଇ କହିଛନ୍ତି ଯେ ବିଧର୍ମୀ ମନ୍ଦିରକୁ ଅପମାନିତ କରିଛନ୍ତି। ଯେତେବେଳେ ମନ୍ଦିରରେ ଲେଖା ହୋଇଛି ଯେ ଅଣ-ହିନ୍ଦୁଙ୍କ ପ୍ରବେଶ ନିଷେଧ ତଥାପି ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ହିନ୍ଦୁଙ୍କ ଧାର୍ମିକ ଭାବନାକୁ ଆଘାତ ଦେଇଛନ୍ତି।

ଏହି ଘଟଣାରେ ପ୍ରତିକ୍ରିୟା ରଖି ବିଜେପି ମୁଖପାତ୍ର ନିଖିଲ ଆନନ୍ଦ (Bihar BJP Spokesperson Nikhil Anand) କହିଛନ୍ତି ଯେ ନୀତୀଶ କୁମାର ହିନ୍ଦୁ ଧାର୍ମିକ ପରମ୍ପରାରେ ବିଶ୍ୱାସ କରନ୍ତି ନାହିଁ। ଯଦି ବିହାର ମୁଖ୍ୟମନ୍ତ୍ରୀ ଧର୍ମନିରପେକ୍ଷ ରୋଗରେ ପୀଡିତ ତାହେଲେ ସେ ମକ୍କା ମଦିନା ଯାଇ ସେଠାରେ ନମାଜ ପଢନ୍ତୁ। ନୀତୀଶ କୁମାର ଜାଣିଶୁଣି ପ୍ରାଚୀନ ସନାତନ ହିନ୍ଦୁ ଧାର୍ମିକ ନୀତି ଭଙ୍ଗ କରି ମନ୍ଦିର ପରିସରକୁ ପ୍ରଦୂଷିତ କରିବାକୁ ଚେଷ୍ଟା କରିଛନ୍ତି ଏବଂ ସେହି ସମୟରେ ସ୍ଥାନୀୟ ପୁରୋହିତଙ୍କ ନିୟମକୁ ଉଲ୍ଲଂଘନ କରିଛନ୍ତି। ସେ ବିଶ୍ୱ ସ୍ତରରେ ହିନ୍ଦୁ ଧର୍ମ ଏବଂ ସନାତନ ଧର୍ମରେ ବିଶ୍ୱାସ କରୁଥିବା ଲୋକଙ୍କୁ କ୍ଷମା ମାଗିବା ଆବଶ୍ୟକ।

ଏହି ପ୍ରସଙ୍ଗରେ ବିଜେପି ଉଦ୍ଦେଶ୍ୟରେ ଜବାବ ଦେଇ ଜେଡିୟୁ ନେତା ତଥା ବିହାର ମନ୍ତ୍ରୀ ଅଶୋକ ଚୌଧରୀ (Bihar Minister Ashok Choudhary) କହିଛନ୍ତି ଯେ ଉଭୟ ହିନ୍ଦୁ-ମୁସଲମାନ ପରସ୍ପର ପରସ୍ପରର ଧାର୍ମିକସ୍ଥଳକୁ ଯାଆନ୍ତୁ ନାହିଁ। ଏହା ହେଉଛି ବିଜେପି ମାନସିକତା। ଆମେ ଗୋଟିଏ ଭାବନା ସହ ମନ୍ଦିର-ମସଜିଦ ଯାଇଥାଉ। ବିଷ୍ଣୁପଦ ମନ୍ଦିରରେ ଅଣ ହିନ୍ଦୁ ପ୍ରବେଶ ନିଷେଧ ହୋଇଥିବା ସତ୍ତ୍ୱେ ମନ୍ତ୍ରୀ କିପରି ପ୍ରବେଶ କଲେ ବୋଲି ସେ ନେଇ ପଚରା ଯାଇଥିବା ପ୍ରଶ୍ନର ଉତ୍ତର ରଖି ମନ୍ତ୍ରୀ ଅଶୋକ ଚୌଧରୀ କହିଛନ୍ତି କହିଛନ୍ତି ଯେ ମନ୍ତ୍ରୀ ମହମ୍ମଦ ଇସରାଇଲ ମନସୁରୀ ଏକଥା ଜାଣି ନଥିଲେ। ହେଲେ ଏହାକୁ ନେଇ ସେପରି କୌଣସି ଘଟଣା ଘଟିନାହିଁ ଯାହାକୁ ନେଇ ହଙ୍ଗାମା କରାଯିବ।