BJP MP Janardan Mishra: ଆପଣ ମଦ୍ୟପାନ କରନ୍ତୁ, ତମାଖୁ ଖାଆନ୍ତୁ କିମ୍ବା ଧୂମପାନ କରନ୍ତୁ, ହେଲେ...

Janardan Mishra Viral Video: ପୁଣି ଥରେ ନିଜର ବୟାନ ପାଇଁ ଚର୍ଚ୍ଚାକୁ ଆସିଛନ୍ତି ମଧ୍ୟ ପ୍ରଦେଶ ରୀୱା ଲୋକସଭା ଆସନର ସାଂସଦ ଜନାର୍ଦ୍ଦନ ମିଶ୍ରା। ସଦ୍ୟ ବିଜେପି ସାଂସଦଙ୍କ ବୟାନର ଭିଡି଼ଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

Rewa MP Janardan Mishra: ବର୍ତ୍ତମାନ ସମୟରେ ଜଳ ସଂରକ୍ଷଣ ଏକ ବଡ ପ୍ରସଙ୍ଗ ଭାବେ ଉଭୟ ଉଭା ହୋଇଛି। ନିକଟ ଅତୀତରେ ବିଶ୍ୱର ଅନେକ ଦେଶରେ ଜଳ ସଙ୍କଟ ମଧ୍ୟ ଦେଖିବାକୁ ମିଳିଥିଲା। ଯେଉଁଥିରୁ ବାଦ ପଡିନାହିଁ ଭାରତ। ଏଭଳି ସମସ୍ୟା ଦେଶର ଅନେକ ରାଜ୍ୟରେ ମଧ୍ୟ ଦେଖିବାକୁ ମିଳିଛି। ଏହାକୁ ଦୃଷ୍ଟିରେ ରଖି ଉଭୟ କେନ୍ଦ୍ର ଏବଂ ରାଜ୍ୟ ସରକାରଙ୍କ ପକ୍ଷରୁ ଜଳ ସଂରକ୍ଷଣ ବିଷୟରେ ବିଭିନ୍ନ ସମୟରେ ଅନେକ କାର୍ଯ୍ୟକ୍ରମ କରାଯାଇ ଲୋକଙ୍କୁ ସଚେତନ କରାଯାଉଛି। ହେଲେ ବେଳେବେଳେ ସଚେତନତା ଅଭିଯାନ ସମୟରେ ବେଳେ ବେଳେ ଏପରି ଘଟଣା ଘଟିଥାଏ ଯାହା ଏକ ଭିନ୍ନ ବାର୍ତ୍ତା ଦେଇଥାଏ।

ସଦ୍ୟ ମଧ୍ୟ ପ୍ରଦେଶ ରୀୱା ଲୋକସଭା ଆସନର ବିଜେପି ସାଂସଦ ଜନାର୍ଦ୍ଦନ ମିଶ୍ର ମଧ୍ୟ ଏଭଳି କାର୍ଯ୍ୟ କରିଛନ୍ତି। ଗତ ରବିବାର ରୀୱାସ୍ଥିତ କୃଷ୍ଣରାଜ କପୁର ଅଡିଟୋରିୟମ ଠାରେ ଜଳ ସଂରକ୍ଷଣ ବାବଦରେ ଏକ କାର୍ଯ୍ୟକ୍ରମ ଆୟୋଜିତ ହୋଇଥିଲା। ହେଲେ ଏହି କାର୍ଯ୍ୟକ୍ରମରେ ଯୋଗ  ଦେବା ଅବସରରେ ସ୍ଥାନୀୟ ସାଂସଦ ଯେଉଁ ମନ୍ତବ୍ୟ ଦେଇଛନ୍ତି ତାହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ଜଳ ସଂରକ୍ଷଣ କାର୍ଯ୍ୟକ୍ରମକୁ ସମ୍ବୋଧିତ କରି ରୀୱା ସାଂସଦ ଜନାର୍ଦ୍ଦନ ମିଶ୍ରା କହିଛନ୍ତି ଭୂତଳ ଜଳ ଦ୍ରୁତ ଗତିରେ ଶୁଖିବାରେ ଲାଗିଛି। ଏହାକୁ ସଞ୍ଚୟ କରାଯିବା ଆବଶ୍ୟକ। ଆପଣ ମଦ୍ୟପାନ କରନ୍ତୁ, ତମାଖୁ ଖାଆନ୍ତୁ କିମ୍ବା ଧୂମପାନ କରନ୍ତୁ କିମ୍ବା ଗନ୍ଧକୁ ହ୍ରାସ କରନ୍ତୁ, ହେଲେ ଜଳର ମହତ୍ତ୍ୱ ବୁଝନ୍ତୁ ଏବଂ ନିଶ୍ଚିତ ଭାବରେ ଏହାକୁ ସଂରକ୍ଷଣ କରନ୍ତୁ। ତାଙ୍କର ଏହି ଭିଡ଼ିଓ ସୋସିଆଲ ମିଡିଆରେ ଏବେ ଭାଇରାଲ ଲାଗିଛି। ତାଙ୍କ ଭାଷଣର ଭିଡିଓ ବହୁତ ସଂଖ୍ୟାରେ ସେୟାର କରାଯାଉଛି।

କେବଳ ଏତିକି ନୁହେଁ ଭାଇରାଲ ଭିଡିଓରେ ସାଂସଦ ମିଶ୍ରା ଏହା ମଧ୍ୟ କହୁଛନ୍ତି ଯେ ଯେତେବେଳେ ଜଣେ ବ୍ୟକ୍ତିଙ୍କ ଟଙ୍କା ଯେଉଁ ଜିନିଷ ପାଇଁ ଖର୍ଚ୍ଚ ହୋଇଥାଏ, ସେତେବେଳେ ସେ ଏହି ଜିନିଷ ସଞ୍ଚୟ କରିଥାନ୍ତ। ଜଳ ସଂରକ୍ଷଣ ସେତେବେଳେ ଯାଇ ହେବ ଯେତେବେଳେ ଆପଣ ଆପଣଙ୍କ ଟଙ୍କା ଖର୍ଚ୍ଚ କରିବେ। ଯଦି କୌଣସି ସରକାର ଜଳ କର ଛାଡ଼ କରିବାକୁ ଘୋଷଣା କରନ୍ତି, ତାହେଲେ ସେମାନଙ୍କୁ କୁହ ଯେ ଆମେ ଏହାକୁ ଭରଣା କରିବୁ। ଆପଣ ବିଦ୍ୟୁତ ବିଲ୍ ସମେତ ଅନ୍ୟ ଟ୍ୟାକ୍ସ ଛାଡ଼ କରିପାରନ୍ତି।

ଏହା ପ୍ରଥମ ଥର ପାଇଁ ନାହିଁ ଯେତେବେଳେ ବିଜେପି ସାଂସଦ ଜନାର୍ଦ୍ଦନ ମିଶ୍ର ଚର୍ଚ୍ଚାକୁ ଆସିଛନ୍ତି। ଏହା ପୂର୍ବରୁ ଗତ ସେପ୍ଟେମ୍ବରରେ ତାଙ୍କର ଏକ ଭିଡିଓ ଭାଇରାଲ ହୋଇଥିଲା। ଯେଉଁଥିରେ ସାଂସଦଙ୍କୁ ଖାଲି ହାତରେ ଶୌଚାଳୟ ସଫା କରୁଥିବାର ଦେଖିବାକୁ ମିଳୁଥିଲା। ତାଙ୍କୁ ତାଙ୍କର ନିର୍ବାଚନମଣ୍ଡଳୀରେ ଥିବା ଏକ ବାଳିକା ବିଦ୍ୟାଳୟରେ ବୃକ୍ଷରୋପଣ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ନିମନ୍ତ୍ରଣ କରାଯାଇଥିଲା। ହେଲେ ଏହି କାର୍ଯ୍ୟକ୍ରମରେ ଯୋଗ ଦେବା ସମୟରେ ସେ ବିଦ୍ୟାଳୟରେ ଥିବା ଶୌଚାଳୟ ସଫା କରିବାରେ ଲାଗିଥିଲେ। 

ଗତ ବର୍ଷ ସେ ଦୁର୍ନୀତି ସମ୍ପର୍କରେ ଏକ ମନ୍ତବ୍ୟ ଦେଇଥିଲେ, ଯାହାର ଭିଡିଓ ଭାଇରାଲ ହୋଇଥିଲା। ନିଜ ନିର୍ବାଚନମଣ୍ଡଳୀ ରୀୱା ଠାରେ ଏକ କାର୍ଯ୍ୟକ୍ରମରେ ଯୋଗ ଦେଇ ସେ କହିଥିଲେ, ଯେତେବେଳେ ଲୋକେ ସରପଞ୍ଚଙ୍କ ଦ୍ୱାରା କରାଯାଉଥିବା ଦୁର୍ନୀତି ବାବଦରେ ମୋ ପାଖକୁ ଅଭିଯୋଗ ନେଇ ଆସନ୍ତି, ସେତେବେଳେ ମୁଁ ଥଟ୍ଟା କରି କହିଥାଏ ଯେ ଯଦି ଦୁର୍ନୀତି ୧୫ ଲକ୍ଷ ଟଙ୍କା ପର୍ଯ୍ୟନ୍ତ ହୁଏ ତାହେଲେ ସେମାନେ ମୋତେ ଏହି ବିଷୟରେ କହିବା ଠିକ ନୁହେଁ। ଯଦି ଦୁର୍ନୀତିର ପରିମାଣ ୧୫ ଲକ୍ଷ ଟଙ୍କାରୁ ଅଧିକ ତାହେଲେ ଏହାକୁ ଦୁର୍ନୀତି ବୋଲି ବିଚାର କରାଯାଇପାରେ।