Rajasthan Politics: ରାଜସ୍ଥାନ କଂଗ୍ରେସ(Rajasthan congress)ରେ ଅନେକ ସମୟରେ ଗୋଡ ଟଣାଟଣି ରାଜନୀତି ଦେଖାଯାଏ। କାହାର ନାମ ନନେଇ ଗେହେଲତ କହିଛନ୍ତି ଯେ, କିଛି ନେତା କର୍ମଚାରୀଙ୍କର ସମ୍ମାନ(Respect to Worker) ଦେବା ଉଚିତ ବୋଲି କହି ସେମାନଙ୍କୁ ଉସକାଇଥାନ୍ତି ।
Trending Photos
6
6
12
5 "ପ୍ରତୀକାତ୍ମକ")
Rajasthan Politics: ରାଜସ୍ଥାନ କଂଗ୍ରେସ(Rajasthan congress)ରେ ଅନେକ ସମୟରେ ଗୋଡ ଟଣାଟଣି ରାଜନୀତି ଦେଖାଯାଏ। ଅତିତରେ ଏପରି ଅନେକ ଘଟଣା ରହିଛି, ଯାହାକୁ ନେଇ ମୁଖ୍ୟମନ୍ତ୍ରୀ ଅଶୋକ ଗେହେଲତ(Ashok Gehlot) ଏବଂ ଶକ୍ତିଶାଳୀ ନେତା ସଚିନ ପାଇଲଟ (sachin pilot)ଙ୍କ ମଧ୍ୟରେ ବିଦ୍ରୋହ ଲାଗିରହେ। ମୁଖ୍ୟମନ୍ତ୍ରୀ ଅଶୋକ ଗେହେଲତ ପରୋକ୍ଷରେ ପୂର୍ବତନ ଉପମୁଖ୍ୟମନ୍ତ୍ରୀ ସଚିନ ପାଇଲଟଙ୍କୁ 'ପାର୍ଟି କର୍ମୀଙ୍କୁ ସମ୍ମାନ ଦେବା' ପ୍ରସଙ୍ଗରେ କହିଛନ୍ତି ଯେ, କାର୍ଯ୍ୟକର୍ତ୍ତା ମାନଙ୍କୁ ସମ୍ମାନ ଦିଆଯିବା ଉଚିତ, ଏହା ଏକ ହାସ୍ୟାସ୍ପଦ ପ୍ରସଙ୍ଗ ପାଲଟି ଯାଇଛି। କାହାର ନାମ ନନେଇ ଗେହେଲତ କହିଛନ୍ତି ଯେ, କିଛି ନେତା କର୍ମଚାରୀଙ୍କର ସମ୍ମାନ(Respect to Worker) ଦେବା ଉଚିତ ବୋଲି କହି ସେମାନଙ୍କୁ ଉସକାଇଥାନ୍ତି । ଜୟପୁରର ଶହୀଦ ମେମୋରିଆଲରେ ଆୟୋଜିତ ସ୍ୱାଧୀନତା ଦିବସ କାର୍ଯ୍ୟକ୍ରମରେ ଗେହେଲତ କହିଛନ୍ତି, ଆମର କିଛି ନେତା କାର୍ଯ୍ୟକର୍ତ୍ତାଙ୍କୁ ଉସକାଉଛନ୍ତି। କାର୍ଯ୍ୟକର୍ତ୍ତାଙ୍କୁ ସମ୍ମାନ ଦିଆଯିବା ଉଚିତ୍, ଏହି ଶବ୍ଦ ଆଜିକାଲି ଏକ ପ୍ରହସନ ପାଲଟିଯାଇଛି।
ସିଏମ୍ ଗେହେଲତ ସଚିନଙ୍କୁ କଟାକ୍ଷ କରି କହିଛନ୍ତି, "ଆପଣ କେବେ କାର୍ଯ୍ୟକର୍ତ୍ତାଙ୍କୁ ସମ୍ମାନ ଦେଇଛନ୍ତି କି? ଆପଣ ଜାଣନ୍ତି କି ଶ୍ରମିକ ମାନଙ୍କର ମାନ-ସମ୍ମାନ ବିଷୟରେ? ଆମେ ମାନ-ସମ୍ମାନ ପାଇ ପାଇ କାର୍ଯ୍ୟକର୍ତ୍ତାରୁ ନେତା ହୋଇଛୁ। ଯଦିଓ ଗେହେଲତ କୌଣସି ନିର୍ଦ୍ଦିଷ୍ଟ ନେତାଙ୍କ ନାମ ନେଇ ନାହାଁନ୍ତି, ତଥାପି ତାଙ୍କ ଏହି ବିବୃତ୍ତି ପୂର୍ବତନ ଉପ-ମୁଖ୍ୟମନ୍ତ୍ରୀ ସଚିନ ପାଇଲଟଙ୍କ ପ୍ରତି ଥିବା କଟାକ୍ଷ ଭାବରେ ବିବେଚନା କରାଯାଉଛି। ସୂଚନାଯୋଗ୍ୟ ଯେ, ୨୦୧୮ ବିଧାନସଭା ନିର୍ବାଚନରେ ଦଳକୁ ଜିତାଇଥିବା କାର୍ଯ୍ୟକର୍ତ୍ତା ମାନଙ୍କୁ ସମ୍ମାନ ଦିଆଯାଉ ବୋଲି ପାଇଲଟ ବାରମ୍ବାର ଦାବି ଉପସ୍ଥାପନ କରିଛନ୍ତି।
ଏକଦା ସଚିନ୍ ପାଇଲଟ୍ କହିଥିଲେ, ମୋର ସମ୍ପୂର୍ଣ୍ଣ ବିଶ୍ୱାସ ଅଛି ଯେ ଯଦି ଆମେ କାର୍ଯ୍ୟକର୍ତ୍ତାଙ୍କୁ ସମ୍ପୂର୍ଣ୍ଣ ସମ୍ମାନ ଦେବା ଏବଂ ଅଧିକ ପରିଶ୍ରମ ସହିତ ଲୋକଙ୍କ ନିକଟକୁ ଯିବା, ତେବେ ଆଗାମି ନିର୍ବାଚନରେ ଆମେ ନିଶ୍ଚିତ ଜିତିବା। ଆଗକୁ ରାଜ୍ୟରେ (୨୦୨୩ ବିଧାନସଭା ନିର୍ବାଚନ) ନିର୍ବାଚନ ହେବ। ତେଣୁ, ଏପରି ସୌହାର୍ଦ୍ଦ୍ୟପୂର୍ଣ୍ଣ ବାତାବରଣ ବଜାୟ ରଖିଲେ ଆମକୁ ସଫଳତା ନିଶ୍ଚୟ ମିଳିବ। ଗେହେଲତ ନିଜ ସମ୍ବୋଧନରେ କହିଛନ୍ତି ଯେ, ସେ ଜଣେ କାର୍ଯ୍ୟକର୍ତ୍ତା ଥିଲେ ଯିଏକି ନ୍ୟାସନାଲ ଷ୍ଟୁଡେଣ୍ଟସ୍ ୟୁନିଅନ୍ ଅଫ୍ ଇଣ୍ଡିଆ (NSUI)ରେ ଥିଲେ। ସେତେବେଳେ ସେ ସମଗ୍ର ରାଜସ୍ଥାନ ଭ୍ରମଣ କରିଛନ୍ତି। ସେ କହିଥିଲେ ଯେ, ସେ ଝାଲାଓ୍ବାଡ, ବାଂଶଓ୍ବାଡା, ଡୁଙ୍ଗରପୁରରେ ଯେତେବେଳେ ବାଇକରେ ଭ୍ରମଣ ପାଇଁ ବାହାରିଥିଲେ ସେତେବେଳେ ସେଠାରେ ଘଞ୍ଚ ଜଙ୍ଗଲ ଥିଲା।
ମୁଖ୍ୟମନ୍ତ୍ରୀ ଅଶୋକ ଗେହେଲତ କହିଛନ୍ତି, ତାଙ୍କ ପାଇଁ ଦଳୀୟ କର୍ମୀଙ୍କ ସମ୍ମାନ ସବୁଠାରୁ ଗୁରୁତ୍ୱପୂର୍ଣ୍ଣ। ସେ କାର୍ଯ୍ୟକର୍ତ୍ତା ମାନଙ୍କୁ ଆଶ୍ୱାସନା ଦେଇଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ପ୍ରତିଶ୍ରୁତି ଦିଆଯାଇଥିବା ''ଆଚ୍ଛେ ଦିନ'' ଆସିଲା କି ନାହିଁ? ବାସ୍ତବରେ, ସନ୍ଧ୍ୟା ବେଳେ ମୁଖ୍ୟମନ୍ତ୍ରୀ ଆବାସରୁ ଭିଡିଓ କନଫରେନ୍ସ ଜରିଆରେ ଲମ୍ପି ଭୂତାଣୁ ସଂକ୍ରମଣ ଉପରେ ଜନପ୍ରତିନିଧିଙ୍କ ସର୍ବଦଳୀୟ ବୈଠକ ଡକାଯାଇଥିଲା। ସେହି ସମୟରେ ଗେହେଲତ ନିଜର ବିଚାର ବ୍ୟକ୍ତ କରିବା ପାଇଁ ସଚିନ ପାଇଲଟଙ୍କ ନାମ ନେଇଥିଲେ। ପରନ୍ତୁ, ପାଇଲଟ ଉକ୍ତ ବୈଠକରେ ସାମିଲ ନଥିଲେ।
