ଇତିହାସ ରଚିବେ ଦ୍ରୌପଦୀ ମୁର୍ମୁ ନା ଯଶୱନ୍ତ ସିହ୍ନା ମାରିବେ ବାଜି, କାହା ପଲା କେତେ ଭାରି? ଜାଣନ୍ତୁ ୧୦ଟି ବଡ଼ କଥା

President Election Result 2022: ଓଡ଼ିଶାର ପୂର୍ବତନ ମନ୍ତ୍ରୀ, ଝାଡଖଣ୍ଡର ପୂର୍ବତନ ରାଜ୍ୟପାଳ ତଥା ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ୪୪ଟି ଦଳ ସମର୍ଥନ କରିଥିବାବେଳେ ବିରୋଧୀ ପ୍ରାର୍ଥୀ ଯଶୱନ୍ତ ସିହ୍ନାଙ୍କୁ ୩୪ଟି ଦଳର ସମର୍ଥନ ମିଳିଛି । ଯଦିଓ ଏହି ନିର୍ବାଚନରେ ​​କ୍ରସ୍ ଭୋଟିଂକୁ ନେଇ ଅଧିକ ଚର୍ଚ୍ଚା ହୋଇଥିଲା, କିନ୍ତୁ ଆଜି ଫଳାଫଳ ଆସିବା ପରେ ଦେଶର ରାଷ୍ଟ୍ରପତି କିଏ ହେବେ ତାହା ଉପରେ ମଧ୍ୟ ମୋହର ଲାଗିଯିବ ।

ନୂଆଦିଲ୍ଲୀ: President Election Result 2022: ଆଜି ଅର୍ଥାତ ଜୁଲାଇ ୨୧ରେ ଦେଶକୁ ନୂତନ ରାଷ୍ଟ୍ରପତି ମିଳିବ । ଆଜି ରାଷ୍ଟ୍ରପତି ନିର୍ବାଚନର ଫଳାଫଳ ଘୋଷଣା ହେବ । ଭୋଟ୍ ଗଣତି ପାଇଁ ପ୍ରସ୍ତୁତି ଶେଷ ହୋଇସାରିଛି । ଭୋଟ୍ ଗଣନା ଆଜି ସକାଳ ୧୧ଟାରୁ ଆରମ୍ଭ ହେବ । ଗୋଟିଏ ପଟେ ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁ (Droupadi Murmu) ଙ୍କ ବିଜୟକୁ ନେଇ ବିଜେପି ଆଶ୍ୱସ୍ତି ଅଛି । ଏଥିପାଇଁ ଦଳ ପ୍ରସ୍ତୁତି ମଧ୍ୟ ଆରମ୍ଭ କରିଦେଇଛି । ବିଜେପି ନିଶ୍ଚିତ ଯେ ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁ ବିରୋଧୀ ପ୍ରାର୍ଥୀ ଯଶୱନ୍ତ ସିହ୍ନା (Yashwant Sinha) ଙ୍କୁ ପରାସ୍ତ କରିବେ ।

ଓଡ଼ିଶାର ପୂର୍ବତନ ମନ୍ତ୍ରୀ, ଝାଡଖଣ୍ଡର ପୂର୍ବତନ ରାଜ୍ୟପାଳ ତଥା ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ୪୪ଟି ଦଳ ସମର୍ଥନ କରିଥିବାବେଳେ ବିରୋଧୀ ପ୍ରାର୍ଥୀ ଯଶୱନ୍ତ ସିହ୍ନାଙ୍କୁ ୩୪ଟି ଦଳର ସମର୍ଥନ ମିଳିଛି । ଯଦିଓ ଏହି ନିର୍ବାଚନରେ ​​କ୍ରସ୍ ଭୋଟିଂକୁ ନେଇ ଅଧିକ ଚର୍ଚ୍ଚା ହୋଇଥିଲା, କିନ୍ତୁ ଆଜି ଫଳାଫଳ ଆସିବା ପରେ ଦେଶର ରାଷ୍ଟ୍ରପତି କିଏ ହେବେ ତାହା ଉପରେ ମଧ୍ୟ ମୋହର ଲାଗିଯିବ । ତେବେ ଆସନ୍ତୁ ଜାଣିବା ଏହି ନିର୍ବାଚନ ସହିତ ଜଡିତ ୧୦ଟି ବଡ଼ କଥ...

୧. ସଂସଦ ଗୃହରେ ସକାଳ ୧୧ଟାରୁ ଭୋଟ୍ ଗଣନା ଆରମ୍ଭ ହେବ । ଫଳାଫଳ ଅପରାହ୍ନ ୪ଟା ସୁଦ୍ଧା ଆସିବାର ସମ୍ଭାବନା ଅଛି ।

୨. ସୂଚନାନୁସାରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ଭେଟିବାର ସମ୍ଭାବନା ରହିଛି । ଫଳାଫଳ ବାହାରିବା ପରେ ପିଏମ ମୋଦି ତାଙ୍କୁ ଅଭିନନ୍ଦନ ଜଣାଇବାକୁ ଯିବେ ।

୩. ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କ ବିଜୟ ପରେ ଦଳ ମୁଖ୍ୟାଳୟରୁ ରାଜପଥ ପର୍ଯ୍ୟନ୍ତ ଏକ ରୋଡ୍ ଶୋ' ଆୟୋଜନ କରିବାକୁ ବିଜେପି ପ୍ରସ୍ତୁତି ଚଳାଇଛି । ଏହି ଅବସରରେ ଦଳର ବହୁ ବରିଷ୍ଠ ନେତା ମଧ୍ୟ ନଜର ଆସିବେ ।

୪. କେବଳ ଏତିକି ନୁହେଁ, ଫଳାଫଳ ଘୋଷଣା ପରେ ବିଜେପିର ଅନେକ ରାଜ୍ୟ ୟୁନିଟ୍ ମୁର୍ମୁଙ୍କ ବିଜୟ ଉପରେ ଏକ ଶୋଭାଯାତ୍ରା କରିବାକୁ ପ୍ରସ୍ତୁତି ଚଳାଇଛନ୍ତି ।

୫. ଦ୍ରୌପଦୀ ମୁର୍ମୁଙ୍କ ଗୃହକ୍ଷେତ୍ର ରାଇରଙ୍ଗପୁରରେ ବିଜୟ ଉତ୍ସବ ପାଳନ କରିବାକୁ ମଧ୍ୟ ପ୍ରସ୍ତୁତି ଚାଲିଛି । ଏଠାକାର ଲୋକମାନେ ୨୦ ହଜାର ମିଠା ତିଆରି କରିଛନ୍ତି । ଏହା ବ୍ୟତୀତ ଆଦିବାସୀ ନୃତ୍ୟ ଓ ବିଜୟ ଶୋଭାଯାତ୍ରା ପାଇଁ ପ୍ରସ୍ତୁତି ଚାଲିଛି ।

୬. ପୂର୍ବତନ ଝାଡଖଣ୍ଡର ରାଜ୍ୟପାଳ ତଥା ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ମଧ୍ୟ ନବୀନ ପଟ୍ଟନାୟକଙ୍କ ବିଜେଡି ଓ ଜଗନ୍ ମୋହନ ରେଡ୍ଡୀଙ୍କ YSR ଦଳ ସମେତ ଅଣ ଏନଡିଏ ଦଳ ସମର୍ଥନ କରିଥିଲେ ।

ଏହା ବି ପଢ଼ନ୍ତୁ:-ସୋନିଆ ଗାନ୍ଧୀ ଆଜି ଇଡି ଆଗରେ ହେବେ ହାଜର, ଜାଣନ୍ତୁ ଏହି ମାମଲାରେ ଏପର୍ଯ୍ୟନ୍ତ କ'ଣ କ'ଣ ହୋଇଛି...

ଏହା ବି ପଢ଼ନ୍ତୁ:-ପରପାରିରେ ଓଡ଼ିଆ ଅଭିନେତ୍ରୀ ରାଜେଶ୍ୱରୀ ରାୟ

ଏହା ବି ପଢ଼ନ୍ତୁ:-ସୁସ୍ମିତା ସେନ-ଲଲିତ ମୋଦିଙ୍କ ସମ୍ପର୍କ ମଧ୍ୟରେ ପୂର୍ବତନ ପ୍ରେମିକା ରୋହମାନଙ୍କ ଆସିଲା ପ୍ରତିକ୍ରିୟା, ଜାଣନ୍ତୁ କ'ଣ କହିଲେ

୭. ଏହି ନିର୍ବାଚନରେ ​୪୪ଟି ଦଳ ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିଛନ୍ତି । ଅନ୍ୟପଟେ ୩୪ଟି ଦଳ ଯଶୱନ୍ତ ସିହ୍ନାଙ୍କୁ ସମର୍ଥନ କରିଛନ୍ତି କିନ୍ତୁ ଅନେକ ଦଳର ବିଧାୟକମାନେ ମଧ୍ୟ କ୍ରସ୍ ଭୋଟିଂ କରିଛନ୍ତି ଯାହା ଏହି ନିର୍ବାଚନକୁ ଅଧିକ ଆକର୍ଷଣୀୟ କରିଛି ।

୮. ଭୋଟ ଗଣତି ପୂର୍ବରୁ ସାଂସଦ ଓ ବିଧାୟକଙ୍କ ଭୋଟ୍ ଅଲଗା କରିାଯିବ । ପ୍ରତ୍ୟେକ ସାଂସଦଙ୍କ ଭୋଟର ମୂଲ୍ୟ ୭୦୦ ସ୍ଥିର କରାଯାଇଛି, ଯଦି ଆମେ ବିଧାୟକଙ୍କ ବିଷୟରେ ଆଲୋଚନା କରିବା, ତେବେ ପ୍ରତ୍ୟେକ ରାଜ୍ୟର ବିଧାୟକଙ୍କ ଭୋଟର ମୂଲ୍ୟ ଅଲଗା ଅଲଗା ହୋଇଥାଏ ।

୯. ମୋଟ ବୈଧ ଭୋଟର ମୂଲ୍ୟରୁ ଅଧାରୁ ଅଧିକ ଜିତିବା ପାଇଁ ଆବଶ୍ୟକ ହୋଇଥାଏ, ଯାହାକୁ କୋଟା କୁହାଯାଏ । କିନ୍ତୁ ରାଷ୍ଟ୍ରପତି ନିର୍ବାଚନରେ ​​ବିଜୟ ସର୍ବାଧିକ ଭୋଟ୍ ହାସଲ କଲେ ନୁହେଁ ବରଂ ସର୍ବାଧିକ ଭୋଟ୍ ମୂଲ୍ୟ ହାସଲ କଲେ ହୁଏ । ଅର୍ଥାତ ନିର୍ବାଚନ ପୂର୍ବରୁ ଏହା ସ୍ପଷ୍ଟ ହୋଇଥାଏ ଯେ ବିଜୟ ପାଇଁ କେତେ ଭୋଟ୍ ମୂଲ୍ୟ ହାସଲ କରିବାକୁ ପଡିବ । ଉଦାହରଣ ସ୍ୱରୂପ, ଏହି ନିର୍ବାଚନରେ ​​ଇଲେକ୍ଟୋରାଲ୍ କଲେଜର ସଦସ୍ୟମାନଙ୍କ ମୋଟ ଭୋଟ ୧୦,୯୮,୮୮୨ ରହିଛି ଅର୍ଥାତ୍ ପ୍ରାର୍ଥୀଙ୍କୁ ଜିତିବା ପାଇଁ ୫,୪୯,୪୪୩ ହାସଲ କରିବାକୁ ପଡ଼ିବ ।

୧୦. ଯିଏ ରାଷ୍ଟ୍ରପତି ଭାବରେ ନିର୍ବାଚିତ ହେବେ ସେ ଜୁଲାଇ ୨୫ରେ ଶପଥ ଗ୍ରହଣ କରିବେ ।