ରାଜଭବନକୁ ନିୟନ୍ତ୍ରଣ କରିବାର ଅଧିକାର ରାଜ୍ୟ ସରକାରଙ୍କ ପାଖରେ ନାହିଁ: ରାଜ୍ୟପାଳ

ତିରୁଅନନ୍ତପୁରମ: ରାଜଭବନକୁ ନିୟନ୍ତ୍ରଣ କରିବାର ଅଧିକାର ରାଜ୍ୟ ସରକାରଙ୍କ ପାଖରେ ନାହିଁ। ସର୍ବସାଧାରଣରେ ରାଜ୍ୟରେ କ୍ଷମତାସୀନ ବାମପନ୍ଥୀ ସରକାରଙ୍କ ଉଦ୍ଦେଶ୍ୟରେ ଟାର୍ଗେଟ କରି ଏହା କହିଛନ୍ତି କେରଳ ରାଜ୍ୟପାଳ ଆରିଫ ମହମ୍ମଦ ଖାନ। ଏହି ଦାକ୍ଷିଣାତ୍ୟ ରାଜ୍ୟରେ ରାଜ୍ୟପାଳ ଏବଂ ସରକାରଙ୍କ ମଧ୍ୟରେ ଚାଲିଥିବା ବିବାଦ ଶନିବାର ଦିନ ନୂଆ ମୋଡ଼ ନେଇଥିଲା। 

ଏହି ବିବାଦ ପ୍ରସଙ୍ଗରେ ଜବାବ ରଖି କେରଳ ରାଜ୍ୟପାଳ (Kerala Governor) ଆରିଫ ମହମ୍ମଦ ଖାନ (Arif Mohammad Khan) କହିଛନ୍ତି ରାଜଭବନକୁ (Kerala Raj Bhavan) ନିୟନ୍ତ୍ରଣ କରିବାର ଅଧିକାର ରାଜ୍ୟ ସରକାରଙ୍କ (Kerala Left Government) ପାଖରେ ନାହିଁ। ରାଜ୍ୟ ସରକାରଙ୍କ କାର୍ଯ୍ୟ ସମ୍ବିଧାନ ଅନୁଯାୟୀ ହେବା ଆବଶ୍ୟକ। ଏହାକୁ ନିଶ୍ଚିତ କରିବା ତାଙ୍କର କର୍ତ୍ତବ୍ୟ ବୋଲି ରାଜ୍ୟପାଳ କହିଛନ୍ତି। 

ରାଜ୍ୟପାଳ କହିଛନ୍ତି କିଛି ମାସ ପୂର୍ବେ ମନ୍ତ୍ରୀଙ୍କ ବେସରକାରୀ କର୍ମଚାରୀଙ୍କୁ ୨ ବର୍ଷ ପୂରଣ କରିବା ପରେ ପେନ୍‌ସନ୍‌ ପ୍ରଦାନ କରିବାର ପରମ୍ପରା ହେଉଛି କ୍ଷମତା ଏବଂ ଲୋକଙ୍କ ଟଙ୍କାର ଅପବ୍ୟବହାର। ଯେତେବେଳେ ଏହି ମାମଲା ମୋ ନଜରକୁ ଆସିଲା ସେତେବେଳେ ସେ ଏହାକୁ ବନ୍ଦ କରିବାକୁ ରାଜ୍ୟ ସରକାରଙ୍କୁ ଅନୁରୋଧ କରିଥିଲେ। ସେ ପେନସନ ମାମଲାକୁ ଆଗକୁ ବଢାଇବାକୁ ଯାଉଛନ୍ତି ବୋଲି ରାଜ୍ୟପାଳ ସ୍ପଷ୍ଟ କରିଛନ୍ତି।

ଶନିବାର ରାଜଧାନୀ ତିରୁଅନନ୍ତପୁରମ ଠାରେ ସର୍ବସାଧାରଣରେ ରାଜ୍ୟରେ କ୍ଷମତାସୀନ ବାମପନ୍ଥୀ ସରକାରଙ୍କ ଉଦ୍ଦେଶ୍ୟରେ ଟାର୍ଗେଟ କରି ରାଜ୍ୟପାଳ କହିଛନ୍ତି ମୁଁ ଏଠାରେ ପ୍ରଶାସନ ଚଳାଇବାକୁ ଆସିନାହିଁ। ରାଜ୍ୟ ସରକାରଙ୍କ କାର୍ଯ୍ୟ ସମ୍ବିଧାନ ଏବଂ ସାମ୍ବିଧାନିକ ପ୍ରକ୍ରିୟା ଅନୁଯାୟୀ ହେବା ଆବଶ୍ୟକ। ଏହାକୁ ନିଶ୍ଚିତ କରିବାକୁ ମୁଁ ଏଠାରେ ଅଛି। 

ଯେତେବେଳେ ମୁଁ କେନ୍ଦ୍ରମନ୍ତ୍ରୀ ଭାବେ କାର୍ଯ୍ୟ କରୁଥିଲି ସେତେବେଳେ କେବଳ ୧୧ ଜଣ ବ୍ୟକ୍ତିଗତ କର୍ମଚାରୀ ନିଯୁକ୍ତ କରିବାର ବ୍ୟବସ୍ଥା ଥିଲା। ହେଲେ କେରଳରେ ପ୍ରତ୍ୟେକ ମନ୍ତ୍ରୀଙ୍କ ପାଖରେ ୨୦ ଜଣରୁ ଅଧିକ ବ୍ୟକ୍ତିଗତ କର୍ମଚାରୀ ଅଛନ୍ତି। ଏହା ରାଜ୍ୟର ରାଜକୋଷ ଉପରେ ଏକ ଭାରୀ ଆର୍ଥିକ ବୋଝକୁ ବଢାଉଛି। 

ଦେଶର କୌଣସି ସ୍ଥାନରେ ଏଭଳି ବେସରକାରୀ କର୍ମଚାରୀ ପେନସନ ପାଇବାକୁ ଯୋଗ୍ୟ ନୁହଁନ୍ତି। ବେସରକାରୀ କର୍ମଚାରୀଙ୍କ ନିଯୁକ୍ତି ନାମରେ କେବଳ ଦଳୀୟ ନିଯୁକ୍ତି ଦିଆଯାଉଛି ବୋଲି ରାଜ୍ୟପାଳ ଅଭିଯୋଗ କରିଛନ୍ତି। ଏନେଇ ସେ କହିଛନ୍ତି ଯେ ୨ ବର୍ଷ ଧରି ଦଳୀୟ କାର୍ଯ୍ୟରେ ନିୟୋଜିତ ଥିବା ଜଣେ ବ୍ୟକ୍ତି ରାଜ୍ୟ ରାଜକୋଷରୁ ଦରମା ନେବାରେ ଲାଗିଥିଲେ। 

ରାଜ୍ୟପାଳଙ୍କ ଚାପରେ ବରିଷ୍ଠ ପ୍ରଶାସନିକ ଅଧିକାରୀ କେ.ଆର ଜ୍ୟୋତିଲାଲଙ୍କୁ ସାଧାରଣ ପ୍ରଶାସନ ବିଭାଗର ମୁଖ୍ୟ ସଚିବ ଭାବେ ନିଯୁକ୍ତି ଉପରେ ଆରିଫ ମହମ୍ମଦ ଖାନ କହିଛନ୍ତି "ହଁ ଯେତେବେଳେ ମୁଁ ସେହି ସ୍ଥିତିକୁ କେବେ ଗ୍ରହଣ କରିପାରିବି ନାହିଁ ଯେତେବେଳେ କେରଳ ସରକାରର ସହ ଜଡିତ କୌଣସି ବ୍ୟକ୍ତି ମୋ ଉପରେ ରଖି ଦେଇ ପରୋକ୍ଷରେ ରାଜ ଭବନକୁ ନିୟନ୍ତ୍ରଣ କରିବାର ଚେଷ୍ଟା କରାଯିବ। ରାଜ୍ୟ ସରକାର ରାଜ ଭବନରେ ନିଜ ପସନ୍ଦର କର୍ମଚାରୀଙ୍କୁ ପୁନର୍ବାର ନିଯୁକ୍ତିକୁ ମୁଁ ସ୍ୱୀକାର କରିପାରିବି ନାହିଁ। "