କୋହଲିଙ୍କ ପରେ ଏହି ଖେଳାଳି ହେବେ ଟିମ ଇଣ୍ଡିଆର ନୂତନ ଅଧିନାୟକ; T20 ବିଶ୍ୱକପ ପରେ ହେବ ଘୋଷଣା

ନୂଆଦିଲ୍ଲୀ: ବିରାଟ କୋହଲି ଟି-20 ବିଶ୍ୱକପ 2021 ପରେ ଟି -20 ଫର୍ମାଟରୁ ଭାରତୀୟ କ୍ରିକେଟ୍ ଦଳର ଅଧିନାୟକତ୍ୱ ଛାଡିବାକୁ ଘୋଷଣା କରିଛନ୍ତି । ଏଭଳି ପରିସ୍ଥିତିରେ, ଟି -20 ବିଶ୍ୱକପ 2021 ପରେ ଭାରତୀୟ ଦଳ ଏକ ନୂଆ ଅଧିନାୟକ ପାଇବ । ବର୍ତ୍ତମାନ ପର୍ଯ୍ୟନ୍ତ ବିସିସିଆଇ ଏ ବିଷୟରେ ଅଧିକାରିକ ବୟାନ ଦେଇନାହିଁ । କିନ୍ତୁ ଏହି ମାମଲାରେ ବର୍ତ୍ତମାନ ଏକ ଖୁଲାସା ହୋଇଛି । ମିଡିଆ ରିପୋର୍ଟ ଅନୁଯାୟୀ, ଟି -20 ବିଶ୍ୱକପ ପରେ ଟିମ ଇଣ୍ଡିଆ ଟି-20 କ୍ରିକେଟରେ ଜଣେ ନୂଆ ଅଧିନାୟକ ପାଇବ । ନ୍ୟୁଜିଲ୍ୟାଣ୍ଡ ବିପକ୍ଷ ଟି -20 ସିରିଜରେ ଭାରତ ନୂଆ ଅଧିନାୟକଙ୍କ ନେତୃତ୍ୱରେ ଖେଳିବ । ବିସିସିଆଇ ସୂତ୍ରରୁ ପ୍ରକାଶ ଯେ, ବିରାଟ କୋହଲିଙ୍କ ସ୍ଥାନରେ ରୋହିତ ଶର୍ମାଙ୍କୁ ନୂତନ ଅଧିନାୟକ ଭାବେ ମନୋନୀତ କରାଯିବ ।

ଏହି ରିପୋର୍ଟରେ ବିସିସିଆଇ ସୂତ୍ରରୁ ପ୍ରକାଶ ଯେ ପରବର୍ତ୍ତୀ ସମୟରେ କିଏ ଦାୟିତ୍ୱ ଗ୍ରହଣ କରିବେ ତାହା ରହସ୍ୟ ହୋଇ ନାହିଁ । ରୋହିତ ଶର୍ମା ନେତୃତ୍ୱ ଦଳର ଏକ ଅଂଶ ଓ ଟି -20 ବିଶ୍ୱକପ ପରେ ବିରାଟଙ୍କ ସ୍ଥାନ ନେବେ । ବିଶ୍ୱକପ ପରେ ଏ ବିଷୟରେ ଏକ ଅଧିକାରିକ ଭାବେ ଘୋଷଣା କରାଯିବ । ବିରାଟ କୋହଲି ଆଇପିଏଲ୍ 2021 ର ଦ୍ୱିତୀୟାର୍ଦ୍ଧ ପୂର୍ବରୁ ଟି -20 ଅଧିନାୟକତ୍ୱ ଛାଡିବାକୁ ଘୋଷଣା କରିଥିଲେ। କାର୍ଯ୍ୟଭାର ପରିଚାଳନାକୁ ଦୃଷ୍ଟିରେ ରଖି ସେ ଏହି ନିଷ୍ପତ୍ତି ନେଇଥିଲେ। କୋହଲି ଶେଷ ଥର ପାଇଁ ଅଧିନାୟକ ଭାବରେ ଟି -20 ବିଶ୍ୱକପ ଖେଳିବେ । ତାଙ୍କ ଅଧିନାୟକତ୍ୱରେ ଭାରତ ଏପର୍ଯ୍ୟନ୍ତ ତିନୋଟି ଆଇସିସି ଟୁର୍ନାମେଣ୍ଟ ଖେଳିଛି । ଏଥିମଧ୍ୟରେ 2017 ଚାମ୍ପିଅନ୍ସ ଟ୍ରଫି, 2019 ବିଶ୍ୱକପ୍ ଏବଂ 2021 ବିଶ୍ୱ ଟେଷ୍ଟ ଚାମ୍ପିଅନସିପ୍ ସାମିଲ ଅଛି । କିନ୍ତୁ ସେ ଏପର୍ଯ୍ୟନ୍ତ କୌଣସି ଆଇସିସି ଟ୍ରଫି ଜିତି ନାହାଁନ୍ତି ।

ଏହା ବି ପଢ଼ନ୍ତୁ: Mumbai Rave Party Case: ହ୍ୱାଟସ ଆପ ଚାଟ୍ ଖୋଲିଲା ଆର୍ୟନ ଖାନଙ୍କ ଗୁମର; ବେଲ୍ ହେଲା ନାମଞ୍ଜୁର

ଅଧିନାୟକତ୍ୱରେ ଭାବେ ରୋହିତ କରିଛନ୍ତି କମାଲ
ଆଇପିଏଲରେ ରୋହିତ ଶର୍ମାଙ୍କ ପ୍ରଦର୍ଶନ ଭଲ ରହିଛି । ଏଥିସହ ସେ ଭାରତ ପାଇଁ ଅଧିନାୟକତ୍ୱ କରିଥିବା ସମସ୍ତ ଟି -20 ମ୍ୟାଚରେ ରୋହିତ ଚମତ୍କାର ପ୍ରଦର୍ଶନ କରିଛନ୍ତି। ସେ ଏପର୍ଯ୍ୟନ୍ତ 19 ଟି ଟି -20 ମ୍ୟାଚରେ ଭାରତର ଅଧିନାୟକତ୍ୱ କରିଛନ୍ତି ଓ ସେଥିମଧ୍ୟରୁ 15 ଟି ଜିତିଛନ୍ତି । ଅଧିନାୟକ ଭାବରେ ରୋହିତ ହାରାହାରି 41.88 ରେ 712 ରନ୍ ସ୍କୋର କରିଛନ୍ତି । ଏଥିରେ ଦୁଇ ଶତକ ଓ ପାଞ୍ଚଟି ଅର୍ଦ୍ଧ ଶତକ ସାମିଲ ରହିଛି ।

ଏହା ବି ପଢ଼ନ୍ତୁ: ପରବର୍ତ୍ତୀ IPL ରେ CSK ପାଇଁ ଖେଳିବେ କି ଧୋନି? ଫ୍ରାଞ୍ଚାଇଜ୍ ନିଜେ ଦେଲା ଏହାର ଜବାବ

ଆଇପିଏଲ୍ ବିଷୟରେ କହିବାକୁ ଗଲେ ଏଠାରେ ରୋହିତ ନିଜ ଅଧିନାୟକତ୍ୱରେ 59.68 ପ୍ରତିଶତ ମ୍ୟାଚ୍ ଜିତିଛନ୍ତି । ସେ ମୁମ୍ବାଇ ଇଣ୍ଡିଆନ୍ସ ପାଇଁ ପାଞ୍ଚ ଥର ଆଇପିଏଲ ଟ୍ରଫି ଜିତିଛନ୍ତି । ରୋହିତ ଦୀର୍ଘ ଦିନ ଧରି ଟି -20 ଓ ODI ରେ ଭାରତର ଉପ-ଅଧିନାୟକ ରହିଆସିଛନ୍ତି । ଏଭଳି ପରିସ୍ଥିତିରେ ସେ ଟିମ୍ ଇଣ୍ଡିଆ ସହ ଜଡିତ ନିଷ୍ପତ୍ତିଗୁଡ଼ିକର ଏକ ଅଂଶ ହୋଇଛନ୍ତି । ଏସବୁ ଯୋଗୁଁ ରୋହିତ ଟି -20 କ୍ରିକେଟରେ ଭାରତ ପାଇଁ ଏକ ଭଲ ବିକଳ୍ପ ବୋଲି ପ୍ରମାଣ କରିପାରନ୍ତି ।