Top 10 News Today: ବବି ଦାସଙ୍କ ନାମରେ କ୍ୟାପିଟାଲ ଥାନରେ ରୁଜୁ ହେଲା ମାମଲା, ପଢ଼ନ୍ତୁ ଅପରାହ୍ନର ୧୦ ବଡ଼ ଖବର

Top 10 Afternoon Headlines from 5th July 2024: ପୂର୍ବତନ ଯାଜପୁର ବିଧାୟକ ତଥା ବିଜେଡି ସଂଗଠନ ସଂପାଦକ ପ୍ରଣବ ପ୍ରକାଶ ଦାସ (ବବି)ଙ୍କ ନାଁରେ ଆଜି ଭୁବନେଶ୍ୱରର କ୍ୟାପିଟାଲ ଥାନାରେ ଏତଲା ଦିଆଯାଇଛି। ଏଠାରେ ସଂକ୍ଷେପରେ ପଢ଼ନ୍ତୁ ଅପରାହ୍ନର ୧୦ଟି ବଡ଼ ଖବର।

Top 10 News Today: H1. FIR against Bobby Das: ପୂର୍ବତନ ଯାଜପୁର ବିଧାୟକ ତଥା ବିଜେଡି ସଂଗଠନ ସଂପାଦକ ପ୍ରଣବ ପ୍ରକାଶ ଦାସ (ବବି)ଙ୍କ ନାଁରେ ଆଜି ଭୁବନେଶ୍ୱରର କ୍ୟାପିଟାଲ ଥାନାରେ ଏତଲା ଦିଆଯାଇଛି। ଏତଲା ଦେଇଛନ୍ତି ହାଇକୋର୍ଟ ଆଇନଜୀବୀ ସତ୍ୟଶିବ ସୁନ୍ଦର ମହାନ୍ତି। ସେ ଅଭିଯୋଗରେ ଦର୍ଶାଇଛନ୍ତି ଯେ, ପ୍ରଣବ ପ୍ରକାଶ ଦାସ ଅନୁମତି ନନେଇ ସରକାରୀ ବାସଭବନରେ ନିର୍ମାଣ କାର୍ଯ୍ୟ କରିଥିଲେ। ସ୍ୱତନ୍ତ୍ର କମିଟି ଗଢ଼ି ଏହାର ଉଚ୍ଚସ୍ତରୀୟ ତଦନ୍ତ ପାଇଁ ଅଭିଯୋଗପତ୍ରରେ ଆଇନଜୀବୀ ସତ୍ୟ ଶିବସୁନ୍ଦର ମହାନ୍ତି ଦର୍ଶାଇଛନ୍ତି।

H2. Puri Srimandir Ratna Bhandar News: ପୂର୍ବତନ ଜଜ୍ ଜଷ୍ଟିସ୍ ବିଶ୍ୱନାଥ ରଥଙ୍କ ଅଧ୍ୟକ୍ଷତାରେ ଗଠିତ ୧୬ ସଦସ୍ୟ ବିଶିଷ୍ଟ କମିଟି ଜୁଲାଇ ୬ ରେ ଶ୍ରୀମନ୍ଦିର ରତ୍ନ ଭଣ୍ଡାର ଖୋଲିବାକୁ ନେଇ ଚୂଡ଼ାନ୍ତ ନିଷ୍ପତ୍ତି ନେବ ବୋଲି ଗୁରୁବାର ଦିନ ଆଇନ ମନ୍ତ୍ରୀ ପୃଥୀରାଜ ହରିଚନ୍ଦନ ସୂଚନା ଦେଇଛନ୍ତି।

H3. Ex Minister Surendranath Nayak Passes Away: ଆଉ ନାହାଁନ୍ତି କାକଟପୁରର ପୂର୍ବତନ ବିଧାୟକ ସୁରେନ୍ଦ୍ର ନାଥ ନାୟକ। ଭୁବନେଶ୍ବର ସ୍ଥିତ ବାସଭବନରେ ତାଙ୍କର ଦେହାନ୍ତ ହୋଇଛି। ମୃତ୍ୟୁ ବେଳକୁ ତାଙ୍କୁ ୯୩ ବର୍ଷ ହୋଇଥିଲା। ଦିର୍ଘ ଦିନ ଧରି ସେ ବାର୍ଦ୍ଧକ୍ୟ ଜନିତ ରୋଗରେ ପୀଡ଼ିତ ଥିଲେ।  ପୂର୍ବତନ ମନ୍ତ୍ରୀ ତଥା ବିଧାୟକ ସୁରେନ୍ଦ୍ର ନାଥ ନାୟକଙ୍କ ବିୟୋଗରେ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଗଭୀର ଶୋକ ପ୍ରକାଶ କରିଛନ୍ତି। ମୁ

H4. NEET PG 2024 Exam New date: ଜାତୀୟ ପରୀକ୍ଷା ବୋର୍ଡ (NBE) NEET PG ପରୀକ୍ଷାର ନୂତନ ତାରିଖ ଘୋଷଣା କରିଛି। NEET PG ପରୀକ୍ଷା ବର୍ତ୍ତମାନ ୧୧ ଅଗଷ୍ଟ ୨୦୨୪ ରେ ଦୁଇଟି ସିଫ୍ଟରେ କରାଯିବ। ଏହାପୂର୍ବରୁ NEET PG ପରୀକ୍ଷା ୨୩ ଜୁନ୍ ୨୦୨୪ ରେ ଅନୁଷ୍ଠିତ ହେବାର ଥିଲା କିନ୍ତୁ ପରେ ଏହାକୁ ସ୍ଥଗିତ ରଖାଯାଇଥିଲା।

H5. Bajaj Freedom CNG Bike Launched: ବଜାଜ ଆଜି ଦୁନିଆର ପ୍ରଥମ ସିଏନଜି ମୋଟରସାଇକେଲ ଲଞ୍ଚ କରିଛି। କମ୍ପାନୀ ଏହାର ନାମ ଫ୍ରିଡମ୍ 125 CNG ରଖିଛି। କମ୍ପାନୀ ପୁଣେର ଏହାର ଚାକାନ ପ୍ଲାଣ୍ଟରେ ଏହାକୁ ଲଞ୍ଚ କରିଛି। ଏହି ସମୟରେ କେନ୍ଦ୍ର ସଡ଼କ ପରିବହନ ମନ୍ତ୍ରୀ ନୀତିନ ଗଡକରୀ ମଧ୍ୟ ଉପସ୍ଥିତ ଥିଲେ। 

H6. Arvind Kejriwal Bail: ଦିଲ୍ଲୀ ଏକ୍ସାଇଜ୍ ପଲିସି ସ୍କାମରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଜାମିନ ଆବେଦନ ଶୁକ୍ରବାର ଦିନ (୫ ଜୁଲାଇ ୨୦୨୪) ରେ ଦିଲ୍ଲୀ ହାଇକୋର୍ଟରେ ଶୁଣାଣି ହୋଇଥିଲା। ଏହି ଆବେଦନରେ କେଜ୍ରିୱାଲଙ୍କ ଗିରଫଦାରୀକୁ ମଧ୍ୟ ସିବିଆଇ ଚ୍ୟାଲେଞ୍ଜ କରିଥିଲା। ଏହି ମାମଲାର ଶୁଣାଣି ବେଳେ ହାଇକୋର୍ଟ ସିବିଆଇକୁ ନୋଟିସ ଜାରି କରିଛନ୍ତି। ବର୍ତ୍ତମାନ ଏହି ମାମଲାର ପରବର୍ତ୍ତୀ ଶୁଣାଣି ୧୭ ଜୁଲାଇରେ ହେବ।

H7. UK General Election Results 2024: ମାନବ ଅଧିକାର ଆଇନଜୀବୀ କିର ଷ୍ଟାରମର ଶୁକ୍ରବାର ଦିନ ବ୍ରିଟେନର ନୂତନ ପ୍ରଧାନମନ୍ତ୍ରୀ ଭାବରେ ନିର୍ବାଚିତ ହୋଇଛନ୍ତି, ଯିଏ ଭାରତୀୟ ମୂଳ ଋଷି ସୁନକଙ୍କୁ ପରାସ୍ତ କରିବାରେ ସଫଳ ହୋଇଥିଲେ। ଭାରତୀୟ ମୂଳ ବ୍ରିଟିଶ ପ୍ରଧାନମନ୍ତ୍ରୀ ତଥା କନ୍ଜରଭେଟିବ ପାର୍ଟି ନେତା ଋଷି ସୁନକ ନିଜ ପରାଜୟକୁ ସ୍ୱୀକାର କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୁନକଙ୍କୁ ତାଙ୍କ ଅବଦାନ ପାଇଁ ଅଭିନନ୍ଦନ ମଧ୍ୟ ଜଣାଇଛନ୍ତି।

H8. Amritpal Singh took oath: ପଞ୍ଜାବର ଖଡୁର ସାହିବରୁ ଲୋକସଭା ନିର୍ବାଚନରେ ​​ଜିତି ସାଂସଦ ହୋଇଥିବା ଖାଲିସ୍ତାନ ସମର୍ଥକ ଅମୃତପଲ ସିଂ ଆଜି ଦିଲ୍ଲୀର ସଂସଦରେ ଶପଥ ଗ୍ରହଣ କରିଛନ୍ତି। ଆଜି ସେ ଆନୁଷ୍ଠାନିକ ଭାବରେ ସଂସଦର ସ୍ଥାୟୀ ସଦସ୍ୟ ହୋଇଛନ୍ତି। ଆଜି ସକାଳେ ଅମୃତପାଲଙ୍କୁ ଡିବ୍ରୁଗଡ ଜେଲରୁ ଏୟାରବେସକୁ ନିଆଯାଇଥିଲା ଏବଂ ଏଠାରୁ ଏକ ସ୍ୱତନ୍ତ୍ର ବିମାନ ଯୋଗେ ଦିଲ୍ଲୀକୁ ଅଣାଯାଇଥିଲା। କଡା ସୁରକ୍ଷା ବ୍ୟବସ୍ଥା ମଧ୍ୟରେ ଅମୃତ ପାଲଙ୍କୁ ସଂସଦ ଗୃହକୁ ନିଆଯାଇଥିଲା, ଯେଉଁଠାରେ ଅମୃତ ପାଲ ବାଚସ୍ପତି ଓମ ବିର୍ଲାଙ୍କ କୋଠରୀରେ ସାଂସଦ ଭାବରେ ଶପଥ ଗ୍ରହଣ କରିଥିଲେ।

H9. Petition Filed In Supreme Court On Hathras Stampede: ୨ ଜୁଲାଇରେ ଉତ୍ତରପ୍ରଦେଶର ହାଥରସରେ ଦଳଚକଟାରେ ୧୨୧ ଜଣଙ୍କର ଘଟିଥିବା ମୃତ୍ୟୁ ମାମଲା ବର୍ତ୍ତମାନ ସୁପ୍ରିମକୋର୍ଟରେ ପହଞ୍ଚିଛି। ଅବସରପ୍ରାପ୍ତ ତଦନ୍ତକାରୀଙ୍କ ତତ୍ତ୍ୱାବଧାନରେ ଦୁର୍ଘଟଣାର ତଦନ୍ତ ଦାବି କରି ଏକ ପିଟିସନ ଦାଖଲ କରାଯାଇଛି। ଏହା ବ୍ୟତୀତ ଦଲଚକଟା ପାଇଁ ଦାୟୀ ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଓ ସତସଙ୍ଗ ଆୟୋଜକଙ୍କ ପାଇଁ ନିର୍ଦ୍ଦେଶାବଳୀ ଜାରି କରିବାକୁ ମଧ୍ୟ ଦାବି କରାଯାଇଛି।

H10. Paris Olympics 2024: ପ୍ରଧାନମନ୍ତ୍ରୀ ମୋଦୀ ଆଜି ପ୍ୟାରିସ ଅଲିମ୍ପିକ୍ସ ୨୦୨୪ ରେ ଅଂଶଗ୍ରହଣ କରୁଥିବା ଭାରତୀୟ ଖେଳାଳିଙ୍କୁ ଭେଟିଥିଲେ। ସେ କହିଛନ୍ତି ଯେ ୧୪୦ କୋଟି ଭାରତୀୟଙ୍କ ଆକାଂକ୍ଷା ନିଶ୍ଚିତ ରୂପେ ପୂରଣ ହେବ। ଅଲିମ୍ପିକ୍ସ ୨୬ ଜୁଲାଇ ୨୦୨୪ ରୁ ପ୍ୟାରିସରେ ଆରମ୍ଭ ହେଉଛି, ଯାହା ୧୧ ଅଗଷ୍ଟ ୨୦୨୪ ପର୍ଯ୍ୟନ୍ତ ଚାଲିବ। ଏହା ସମେତ ଖେଳାଳିଙ୍କୁ ଭଲ ପ୍ରଦର୍ଶନ କରିବାକୁ ପ୍ରଧାନମନ୍ତ୍ରୀ ଉତ୍ସାହିତ କରିଥିଲେ।