Top News Headlines: ଦିନଯାକର ୧୦ ପ୍ରମୁଖ ଖବର

Top 10 News Headlines | 15th December 2023 | ସଂକ୍ଷେପରେ ପଢ଼ନ୍ତୁ ଦିନଯାକର ୧୦ ପ୍ରମୁଖ ଖବର...

Top 10 News Headlines Today in Odia | 15th December 2023 | Evening | 1. Dhiraj Sahu On Income Tax Raid: କଂଗ୍ରେସ ରାଜ୍ୟସଭା ସାଂସଦ ଧୀରଜ ସାହୁ ରେଡ୍ ସମୟରେ ମିଳିଥିବା ୩୫୦ କୋଟିରୁ ଅଧିକ ନଗଦ ଟଙ୍କା ନେଇ ନିଜର ପ୍ରଥମ ପ୍ରତିକ୍ରିୟା ଦେଇଛନ୍ତି । ଧୀରଜ ସାହୁ କହିଛନ୍ତି, “ଏହି ଟଙ୍କା ସହିତ ମୋର କୌଣସି ସମ୍ପର୍କ ନାହିଁ । ଏହା ମୋର ପରିବାରର ଟଙ୍କା । ଆମ ପରିବାର ବହୁତ ବଡ଼ ତେଣୁ ଏହି ଟଙ୍କା ସେମାନଙ୍କର ଅଟେ । ବର୍ତ୍ତମାନ ସୁଦ୍ଧା, ଏହି ଅର୍ଥ ବେଆଇନ ବୋଲି ଆୟକର ପକ୍ଷରୁ କୁହାଯାଇ ନାହିଁ । ଏଭଳି ପରିସ୍ଥିତିରେ, ଏହି ଟଙ୍କା ବିଷୟରେ କିଛି କହିବା ବହୁତ ଶୀଘ୍ର ହେବ ।"

2. Hardik Pandya Named MI Captain: ନିକଟରେ ହାର୍ଦ୍ଦିକ ପାଣ୍ଡ୍ୟାଙ୍କ ନାମକୁ ନେଇ ଅନେକ ଆଲୋଚନା ଚାଲିଥିଲା । ସେ ଆଇପିଏଲ ୨୦୨୪ ନିଲାମ ପୂର୍ବରୁ ମୁମ୍ବାଇ ଇଣ୍ଡିଆନ୍ସରେ ଯୋଗ ଦେଇଥିଲେ । ଆଗାମୀ ବର୍ଷରେ ସେ ଦଳର ଅଧିନାୟକ ହେବେ ବୋଲି ଖବର ଆସିଥିଲା । କିନ୍ତୁ ବର୍ତ୍ତମାନ ଖବର ଅନୁଯାୟୀ ସେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ହୋଇଛନ୍ତି । ଯେଉଁଠାରେ ସେ ରୋହିତ ଶର୍ମାଙ୍କଠାରୁ ଅଧିନାୟକତ୍ୱ ଛଡ଼ାଇ ନିଆଯାଇଛି ।

3. VK Pandian won’t fight 2024 elections: ବିଜୁ ଜନତା ଦଳର ପରିବର୍ଦ୍ଧିତ ରାଜ୍ୟ କାର୍ଯ୍ୟକାରିଣୀ ବୈଠକ ଶୁକ୍ରବାର ଦିନ ଶଙ୍ଖ ଭବନଠାରେ ଅନୁଷ୍ଠିତ ହୋଇଥିଲା । ବିଜେଡ଼ି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକ ପରେ ଗଣମାଧ୍ୟମକୁ ସମ୍ବୋଧନ କରିବା ସମୟରେ ଦଳର ବରିଷ୍ଠ ନେତା ଦେବୀ ମିଶ୍ର ଏକ ବଡ଼ ସୂଚନା ଦେଇଥିଲେ । ସେ କହିଥିଲେ ପାଣ୍ଡିଆନ ରାଜନୀତିରେ ରହି ସେବା କରିବେ, କିନ୍ତୁ ୨୦୨୪ ନିର୍ବାଚନ ଲଢ଼ିବେ ନାହିଁ । ତେବେ ସେ ନିର୍ବାଚନ ଲଢ଼ିଲେ କୌଣସି ଅସୁବିଧା ନାହିଁ ବୋଲି ମଧ୍ୟ କହିଥିଲେ ।

4. Odisha IPS reshuffle: ଓଡ଼ିଶାରେ ଆଇପିଏସ୍ ସ୍ତରରେ ଛୋଟ ଧରଣର ଅଦଳବଦଳ ଦେଖିବାକୁ ମିଳିଛି । ଆଇପିଏସ ବି ରାଧିକାଙ୍କୁ ନୂଆ ଦାୟିତ୍ୱ ମିଳିଛି । ବର୍ତ୍ତମାନ ପୋଲିସ ରିକ୍ୟୁରୁଟମେଣ୍ଟ୍ ବୋର୍ଡର ଅଧକ୍ଷା ଭାବରେ ନୂଆ ଦାୟିତ୍ୱ ତୁଳାଇବେ ବି ରାଧିକା । ଏଥିସହିତ ଏସଏଫଏସଏଲ ର ଅତିରିକ୍ତ ଦାୟିତ୍ୱ ମଧ୍ୟ ନିର୍ବାହ କରିବେ ବି ରାଧିକା । ୨୦୦୧ ମସିହା ବ୍ୟାଚ ଆପିଏସ ଅଫିସର ଏସ ସାଇନିଙ୍କୁ CAW&CW ଅତିରିକ୍ତ ଦାୟିତ୍ୱ ମିଳିଥିବା ବେଳେ OPHWCର CEO ଭାବେ ୨୦୦୪ ମସିହାର ଆଇପିଏସ ଅଫିସର ଆଶିଷ ସିଂଙ୍କୁ ଦାୟିତ୍ୱ ଦିଆଯାଇଛି ।

5. Odisha Plus Two Exam: ଫେବୃଆରୀ ୧୬ ତାରୀଖରୁ ରାଜ୍ୟରେ ଯୁକ୍ତ ୨ ପରୀକ୍ଷା ଆରମ୍ଭ ହେବ । ଏନେଇ ଶୁକ୍ରବାର ଉଚ୍ଚ ମାଧ୍ୟମିକ ଶିକ୍ଷା ପରିଷଦ (Council of higher secondary education) ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଫେବୃଆରୀ ୧୬ରୁ ଆରମ୍ଭ ହୋଇ ମାର୍ଚ୍ଚ ୨୦ ତାରିଖ ଯାଏଁ ପରୀକ୍ଷା ଚାଲିବ ।

6. Rajasthan CM Oath Taking: ବିଜେପି ନେତା ଭଜନଲ ଶର୍ମା ରାଜସ୍ଥାନର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି । ଏହି ଶପଥ ଗ୍ରହଣ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଓ ଅନ୍ୟାନ୍ୟ ରାଜ୍ୟର ମୁଖ୍ୟମନ୍ତ୍ରୀ ମଧ୍ୟ ଅଂଶଗ୍ରହଣ କରିଥିଲେ । ଏହି ସମୟରେ ଶର୍ମାଙ୍କ ସହ ଦୁଇ ଉପମୁଖ୍ୟମନ୍ତ୍ରୀ ଦିୟା କୁମାରୀ ଓ ପ୍ରେମଚାନ୍ଦ ବୈରୱା ମଧ୍ୟ ଶପଥ ଗ୍ରହଣ କରିଛନ୍ତି । ରାଜ୍ୟପାଳ କଲରାଜ ମିଶ୍ର ଏହି ତିନିଜଣଙ୍କୁ ଶପଥ ପାଠ କରାଇଥିଲେ ।

7. Shri Krishna Janmbhoomi Row: ଶ୍ରୀକୃଷ୍ଣ ଜନ୍ମଭୂମି ବିବାଦ ଉପରେ ସୁପ୍ରିମକୋର୍ଟ ବର୍ତ୍ତମାନ ବିବାଦୀୟ ପରିସରର ସର୍ଭେ ପାଇଁ କୋର୍ଟ କମିଶନର ନିଯୁକ୍ତ କରିବାକୁ ଆହ୍ଲାବାଦ ହାଇକୋର୍ଟଙ୍କ ଆଦେଶରେ ହସ୍ତକ୍ଷେପ କରିବାକୁ ମନା କରି ଦେଇଛନ୍ତି । ସୁପ୍ରିମକୋର୍ଟ କହିଛନ୍ତି ଯେ ଏହା ପୂର୍ବରୁ ମସଜିଦ ପକ୍ଷର ଆବେଦନ ଯେଉଁଥିରେ ଶ୍ରୀକୃଷ୍ଣ ଜନ୍ମଭୂମି ବିବାଦ ସହ ଜଡିତ ମାମଲାଗୁଡ଼ିକୁ ଆହ୍ଲାବାଦ ହାଇକୋର୍ଟକୁ ହସ୍ତାନ୍ତର କରିବାକୁ ଚ୍ୟାଲେଞ୍ଜ କରାଯାଇଛି । ୯ ଜାନୁଆରୀରେ ସେ ଏହା ଶୁଣିବେ । ବର୍ତ୍ତମାନ କୌଣସି ମଧ୍ୟବର୍ତ୍ତୀକାଳୀନ ଆଦେଶ ଦେବାର ଆବଶ୍ୟକତା ନାହିଁ ।

8. Iran Visa Free For Indian Tourists: ଭାରତର ପାସପୋର୍ଟର ଶକ୍ତି କ୍ରମାଗତ ଭାବେ ବୃଦ୍ଧି ପାଉଛି, ଯାହା ଭାରତୀୟଙ୍କ ପାଇଁ ଏକ ଖୁସି ଖବର । ବର୍ତ୍ତମାନ ଭାରତୀୟମାନେ କେବଳ ସେମାନଙ୍କ ପାସପୋର୍ଟ ସହିତ ଅନ୍ୟ ଦେଶକୁ ଯାଇପାରିବେ । ଏଥିପାଇଁ ସେମାନଙ୍କୁ ଭିସାର ଆବଶ୍ୟକତା ନାହିଁ । ଇରାନ ସରକାର ଭାରତକୁ ଏହି ଉପହାର ଦେଇଛନ୍ତି । ଇରାନର ଲକ୍ଷ୍ୟ ହେଉଛି ନିଜ ଦେଶରେ ପର୍ଯ୍ୟଟନକୁ ପ୍ରୋତ୍ସାହିତ କରିବା ଓ ସାରା ବିଶ୍ୱରୁ ପର୍ଯ୍ୟଟକଙ୍କୁ ଆକର୍ଷିତ କରିବା ।

9. Beijing Metro Collision: ଶୁକ୍ରବାର ଦିନ ଚାଇନାରେ ଏକ ଭୟଙ୍କର ଟ୍ରେନ୍ ଦୁର୍ଘଟଣା ଘଟିଛି । ଚାଇନାର ରାଜଧାନୀ ବେଜିଂରେ ଦୁଇଟି ମେଟ୍ରୋ ଟ୍ରେନ୍ ପରସ୍ପର ସହ ମୁହାଁମୁହିଁ ହୋଇ ଶହ ଶହ ଲୋକ ଆହତ ହୋଇଥିଲେ । କୁହାଯାଉଛି ଯେ ପ୍ରବଳ ତୁଷାରପାତ ଯୋଗୁଁ ଏହି ଦୁର୍ଘଟଣା ଘଟିଛି । ବେଜିଂ ମ୍ୟୁନିସିପାଲିଟି ଟ୍ରାନ୍ସପୋର୍ଟ କମିଶନ କହିଛନ୍ତି ଯେ ଏହି ଦୁର୍ଘଟଣାରେ ୫୧୫ ଜଣ ଆହତ ହୋଇଛନ୍ତି । ସେ କହିଛନ୍ତି ଯେ ଆହତମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।

10. U-19 Asia Cup Semi-Final: ଅଣ୍ଡର-୧୯ ଏସିଆ କପ୍‌ର ସେମିଫାଇନାଲରେ ବାଂଲାଦେଶ ଏକ ବଡ଼ ଓଲଟଫେର କରିଛି । ବାଂଲାଦେଶ ଚତ୍ମକାର ପ୍ରଦର୍ଶନ କରି ୮ ଥରର ଚାମ୍ପିୟନ ଦଳ ଭାରତକୁ ୪ ୱିକେଟରେ ପରାସ୍ତ କରିଛି । ବାଂଲାଦେଶ ବୋଲରମାନେ ଉତ୍କୃଷ୍ଟ ପ୍ରଦର୍ଶନ ପ୍ରଦର୍ଶନ କରି ସମଗ୍ର ଭାରତୀୟ ଦଳକୁ ମାତ୍ର ୧୮୮ ରନରେ ଅଲ୍ ଆଉଟ୍ କରିଥିଲେ । ଏହାପରେ  ବାଂଲାଦେଶ ୪୨.୫ ଓଭରରେ ୬ ୱିକେଟ୍ ହରାଇ ୧୮୯ ରନ୍ ଲକ୍ଷ୍ୟ ହାସଲ କରିନେଇଥିଲା ।