7th Pay Commission: ୪ ପ୍ରତିଶତ ବଢିବ କେନ୍ଦ୍ରୀୟ କର୍ମଚାରୀଙ୍କ DA ! ଏହି ମାସରେ ନିଆଯାଇପାରେ ବଡ଼ ନିଷ୍ପତ୍ତି

7th Pay Commission News In Odia: ସପ୍ତମ ବେତନ ଆୟୋଗ ଅଧୀନରେ ସରକାର ପୁଣି ଥରେ କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା ପ୍ରତିଶତ ଡିଏ ବୃଦ୍ଧି ହେବାର ଖୁସି ଖବର ଖୁବ ଶୀଘ୍ର ମିଳିବାକୁ ଯାଉଛି । ଯଦି DA ରେ ଏହି ବୃଦ୍ଧି ହୁଏ, ତେବେ କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା ୪୬ ପ୍ରତିଶତକୁ ବୃଦ୍ଧି ହେବ ।

7th Pay Commission News In Odia: କେନ୍ଦ୍ରୀୟ କର୍ମଚାରୀମାନେ  (Central Employees)  ଚଳିତ ବର୍ଷ ଜୁଲାଇରେ ଆଉ ଏକ ବଡ଼ ଖବର ତଥା ଖୁସି ଖବର ପାଇବାକୁ ଯାଉଛନ୍ତି। ଗତ ଦୁଇଥର ସରକାର କ୍ରମାଗତ ଭାବରେ DA କୁ ୪ ପ୍ରତିଶତ ବୃଦ୍ଧି କରୁଥିବାରୁ ସରକାର ମହଙ୍ଗା ଭତ୍ତାକୁ (Dearness Allowance) ୪ ପ୍ରତିଶତ ବୃଦ୍ଧି କରିବାର ଧାରା ଜାରି ରଖିପାରନ୍ତି। ପ୍ରଥମ ଥର ପାଇଁ ୩୪ ପ୍ରତିଶତରେ 4 ପ୍ରତିଶତ ବୃଦ୍ଧି ଘଟିଛି। ଏହା ପରେ, ନିକଟରେ କେନ୍ଦ୍ର ସରକାର ଏହାକୁ ୪ ପ୍ରତିଶତ ବୃଦ୍ଧି କରିଛନ୍ତି, ଯେଉଁ କାରଣରୁ ସରକାରୀ କର୍ମଚାରୀଙ୍କ ବର୍ତ୍ତମାନର ମହଙ୍ଗା ଭତ୍ତା ୪୨ ପ୍ରତିଶତକୁ ବୃଦ୍ଧି ପାଇଛି । 

ଗତ ଚାରିମାସ ଧରି ଅଲ ଇଣ୍ଡିଆ ଗ୍ରାହକ ମୂଲ୍ୟ ସୂଚକାଙ୍କ (AICPI) ରିପୋର୍ଟ ଅନୁଯାୟୀ ଯଦି କିଛି ଗଣମାଧ୍ୟମ ରିପୋର୍ଟକୁ ବିଶ୍ୱାସ କରାଯାଏ, ତେବେ ଚଳିତ ବର୍ଷ ଜୁଲାଇ ମାସରେ କେନ୍ଦ୍ରୀୟ କ୍ୟାବିନେଟ୍ ପୁଣି ଥରେ ମହଙ୍ଗା ଭତ୍ତା ଏବଂ ମହଙ୍ଗା ରିଲିଫକୁ ୪ପ୍ରତିଶତ ବୃଦ୍ଧି କରିପାରନ୍ତି । ତେବେ AICPI ର ନୂତନ ଆକଳନ ଆସିବା ପରେ ସରକାର DA କୁ ୩ ପ୍ରତିଶତ କିମ୍ବା ୪ ପ୍ରତିଶତ ବୃଦ୍ଧି କରିବେ କି ନାହିଁ ତାହା ସ୍ଥିର ହେବ।

ନୂଆ ଫର୍ମୁଲା ଆଣିବାକୁ ପ୍ରସ୍ତୁତ ହେଉଛନ୍ତି ସରକାର (Central Government) 
ଅନ୍ୟପକ୍ଷରେ, ଗଣମାଧ୍ୟମ ରିପୋର୍ଟରେ ଦାବି କରାଯାଇଛି ଯେ ମହଙ୍ଗା ଭତ୍ତା ଗଣନା ପାଇଁ କେନ୍ଦ୍ର ସରକାର ଏକ ନୂତନ ସୂତ୍ର ପ୍ରଣୟନ କରିପାରନ୍ତି। କୁହାଯାଉଛି ଯେ ସରକାର କିଛି ବର୍ଷ ମଧ୍ୟରେ ବେତନ କମିଶନ ହଟାଇବାକୁ ଯୋଜନା କରୁଛନ୍ତି ଏବଂ କେନ୍ଦ୍ର ତଥା ରାଜ୍ୟ ସରକାରୀ କର୍ମଚାରୀଙ୍କ ବେତନ ହିସାବରେ ଏକ ନୂତନ ସୂତ୍ର ପ୍ରଣୟନ କରାଯାଇପାରିବ।

ଫିଟମେଣ୍ଟ ଫ୍ୟାକ୍ଟର ବୃଦ୍ଧି ନେଇ ଚର୍ଚ୍ଚା (Fitment Factor) 
ସପ୍ତମ ବେତନ ଆୟୋଗ ଅଧୀନରେ ୨.୫୭ ଗୁଣ ଫିଟମେଣ୍ଟ ଫ୍ୟାକ୍ଟର କେନ୍ଦ୍ର ସରକାରୀ କର୍ମଚାରୀଙ୍କୁ ଦିଆଯାଉଛି। ଫିଟମେଣ୍ଟ ଫ୍ୟାକ୍ଟରକୁ ୩ ରୁ ୩.୬୮ ଗୁଣ ବୃଦ୍ଧି କରାଯାଇପାରେ ।

କେବେ କେବେ ବୃଦ୍ଧି କରାଯାଇଛି ମହଙ୍ଗା ଭତ୍ତା  ( Dearness Allowance) 
କୋଭିଡ ସମୟରେ ସରକାରୀ କର୍ମଚାରୀଙ୍କ ଡିଏ ଫ୍ରିଜ୍ କରାଯାଇଥିଲା। ଯଦିଓ ଏହା କୋଭିଡ ପରେ ଖୋଲା ଯାଇଥିଲା ଏବଂ ୧୧ ପ୍ରତିଶତ DA ଏକାସାଙ୍ଗରେ ବୃଦ୍ଧି କରାଯାଇଥିଲା । ଜୁଲାଇ ୨୦୨୧ ରେ ଏତେ ବଡ ବୃଦ୍ଧି ହେତୁ ମହଙ୍ଗା ଭତ୍ତା ୧୭ ପ୍ରତିଶତରୁ ୨୮ ପ୍ରତିଶତକୁ ବୃଦ୍ଧି ପାଇଛି । ଏହା ପରେ, ଅକ୍ଟୋବର ୨୦୨୧ ରେ, DA ପୁନର୍ବାର ୩ ପ୍ରତିଶତ ବୃଦ୍ଧି ପାଇଲା, ଯେଉଁ କାରଣରୁ ଏହା ୩୧ ପ୍ରତିଶତରେ ପହଞ୍ଚିଥିଲା। ଏହା ପରେ ୪ ପ୍ରତିଶତ ଏବଂ ପରେ ନିକଟରେ ୪ ପ୍ରତିଶତ ବୃଦ୍ଧି ହେତୁ ମହଙ୍ଗା ଭତ୍ତା ୪୨ ପ୍ରତିଶତରେ ପହଞ୍ଚିଛି।