 "School Time: ଶିକ୍ଷକଙ୍କ ଚିନ୍ତା ହେଲା ଦୂର, ସକାଳ ୯ଟାରୁ ୫ଟା ଡ୍ୟୁଟି ଅର୍ଡର ବାତିଲ୍")
)
Bihar School Time: ବିହାରରେ ବିଦ୍ୟାଳୟଗୁଡ଼ିକର ସମୟକୁ ନେଇ ଚାଲିଥିବା ବିବାଦ ବର୍ତ୍ତମାନ ସମୟରେ ଶେଷ ହୋଇପାରେ । କାରଣ ବିଦ୍ୟାଳୟଗୁଡ଼ିକର ସମୟ ସାରଣୀ ସମ୍ପର୍କରେ ଶିକ୍ଷା ବିଭାଗ ପକ୍ଷରୁ ଏକ ନୂଆ ବିଜ୍ଞପ୍ତି ଜାରି କରାଯାଇଛି । ବିଜ୍ଞପ୍ତି ଅନୁଯାୟୀ, ଶିକ୍ଷକମାନଙ୍କୁ ସକାଳ ୯ଟାରୁ ୫ ପର୍ଯ୍ୟନ୍ତ ଡ୍ୟୁଟିକୁ ବାତିଲ କରାଯାଇଛି । ବର୍ତ୍ତମାନ ଶିକ୍ଷକମାନେ ସକାଳ ୯ଟା ୪୫ରେ ଶିକ୍ଷାଦାନ ପାଇଁ ସ୍କୁଲକୁ ଆସିବେ ଏବଂ ଅପରାହ୍ଣ ୪ଟା୧୫ ପର୍ଯ୍ୟନ୍ତ ବିଦ୍ୟାଳୟରେ ରହିବେ ।
ଶିକ୍ଷା ବିଭାଗ ଦ୍ୱାରା ଜାରି ହୋଇଥିବା ବିଜ୍ଞପ୍ତି ଅନୁଯାୟୀ, ବର୍ତ୍ତମାନ ସକାଳ ୧୦ଟାରୁ ୧୦.୩୦ ମଧ୍ୟରେ ପ୍ରାର୍ଥନା କରାଯିବ । ଏଥି ସହିତ ସକାଳ ୧୦ଟା୩୦ରୁ ୧୧ଟା୨୦ ମଧ୍ୟରେ ପ୍ରଥମ ପିରିଅଡରେ ପାଠ ପଢା ହେବ । ଦ୍ୱିତୀୟ ପିରିଅଡ ୧୧ଟା୨୦ରୁ ୧୨ଟା ପର୍ଯ୍ୟନ୍ତ ଚାଲିବ । ତୃତୀୟ ପିରିଅଡ ୧୨ଟାରୁ ୧୨ଟା ୪୦ ଏବଂ ଚତୁର୍ଥ ପିରିଅଡ ୧୨ଟା୪୦ରୁ ୧ଟା୨୦ ପର୍ଯ୍ୟନ୍ତ ଚାଲିବ ।
ଦିନ ୧ଟା୨୦ରୁ ଅପରାହ୍ନ ୨ ଟା ପର୍ଯ୍ୟନ୍ତ ଛାତ୍ରଛାତ୍ରୀଙ୍କୁ ବିରତି ଦିଆଯିବ । ପରେ ଷଷ୍ଠ ତମ ପିରିଅଡ ଅପରାହ୍ନ ୨ ଟାରୁ ଆରମ୍ଭ ହୋଇ ୨ଟା୪୦ ପର୍ଯ୍ୟନ୍ତ ବାଜିବ। ସପ୍ତମ ପିରିଅଡରେ ୨ଟା୪୦ରୁ ୩ଟା୨୦ ପର୍ଯ୍ୟନ୍ତ ପାଠପଢା ହେବ । ଅଷ୍ଟମ ତଥା ଶେଷ ପିରିଅଡ ସମୟ ରହିଛି ୩ଟା୨୦ରୁ ୪ଟା ପର୍ଯ୍ୟନ୍ତ । ଅପରାହ୍ନ ୪ଟା ସମୟରେ ଛାତ୍ରଛାତ୍ରୀଙ୍କ ପାଇଁ ଛୁଟି କରାଯିବ । ବାକି ୧୫ ମିନିଟ୍ ସମୟରେ ବିଦ୍ୟାଳୟର ଅନ୍ୟାନ୍ୟ କାର୍ଯ୍ୟ ସରିବା ପରେ ୪ଟା ୧୫ ମିନିଟରେ ସ୍କୁଲ୍ ବନ୍ଦ ହେବ ।
ପୂର୍ବରୁ କେ.କେ ପାଠକ ନିର୍ଦ୍ଦେଶ ଦେଇଥିଲେ ଯେ, ବିହାରରେ ସକାଳ ୯ ଟା ସମୟରେ ସ୍କୁଲକୁ ଆସିବାକୁ ପଡ଼ିବ । ବିଦ୍ୟାଳୟ ଗୁଡ଼ିକ ସକାଳ ୯ ଟାରୁ ୫ ଟା ପର୍ଯ୍ୟନ୍ତ ଚାଲିବ । ଶିକ୍ଷା ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ କେ.କେ ପାଠକ ଭିସିରେ ଥିବା ସମସ୍ତ ଶିକ୍ଷା ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ ଯେ, ପ୍ରାର୍ଥନା ଏବଂ ଶାରୀରିକ ଉପସ୍ଥାନ ସମୟ ସକାଳ ୯ଟାରୁ ୧୦ଟା ମଧ୍ୟରେ ହେବା ଉଚିତ୍। ସକାଳ ୧୦ଟାରୁ ଅପରାହ୍ଣ ୪ ଟା ମଧ୍ୟରେ ସ୍କୁଲରେ ୮ଟି ପିରିଅଡ ପାଠପଢା ହେବ ବୋଲି କହିଥିଲେ । ପର୍ଯ୍ୟନ୍ତ 8 ଟି ଘଣ୍ଟି ଅଧ୍ୟୟନ ହେବ ।
ମୁଖ୍ୟମନ୍ତ୍ରୀ ନୀତୀଶ କୁମାର ଫେବୃଆରୀ ୨୦ ତାରିଖ (ମଙ୍ଗଳବାର) ଦିନ ବିଧାନସଭାରେ ଅସନ୍ତୋଷ ବ୍ୟକ୍ତ କରିଥିଲେ । ସେ କହିଥିଲେ ଯେ, ବିଦ୍ୟାଳୟର ସମୟ କେବଳ ସକାଳ ୧୦ ଟାରୁ ୪ ଟା ମଧ୍ୟରେ ହେବା ଉଚିତ । ସକାଳ ୯ଟା ପୂର୍ବରୁ ଶିକ୍ଷକ ଏବଂ ଛାତ୍ରଛାତ୍ରୀ ସ୍କୁଲକୁ ଆସିବା ଉଚିତ୍ ନୁହେଁ ବୋଲି ମୁଖ୍ୟମନ୍ତ୍ରୀ ମତ ଦେଇଥିଲେ ।
