Nabarangpur Vigilance Raid: ଉପଜିଲ୍ଲାପାଳଙ୍କ ଘରେ ରେଡ୍ ପରେ ଜବରଦସ୍ତ ସେଲିବ୍ରେସନ୍ କଲେ ସ୍ଥାନୀୟ ବାସିନ୍ଦା, ଆଉ କିଛି ଜଣ କଲେ ଏଭଳି କିଛି କାମ...

Nabarangpur Vigilance Raid: ଭିଜିଲାନ୍ସ (Vigilance Raid) ହାତରେ ନବରଙ୍ଗପୁର ଉପଜିଲ୍ଲାପାଳ (Nabarangpur Additional Sub Collector Prashant Kumar Rout ) ଧରାପଡିବା ପରେ ସହରରେ ଖୁସିର ମାହଲ ଦେଖିବାକୁ ମିଳିଛି । ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଜବରଦସ୍ତ ସେଲିବ୍ରେସନ କରିଛନ୍ତି ସ୍ଥାନୀୟ ଲୋକେ । ଏହା ସହ ଆଉ କିଛି ଲୋକେ... ପଢନ୍ତୁ ପୂରା ରିପୋର୍ଟ...

Nabarangpur Vigilance Raid: ଭିଜିଲାନ୍ସ ଜାଲରେ (Vigilance Raid) ନବରଙ୍ଗପୁର ଉପଜିଲ୍ଲାପାଳ (Nabarangpur addl sub collector)। ଭିଜିଲାନ୍ସ ହାତରେ ଉପଜିଲ୍ଲାପାଳ ଧରାପଡିବା ପରେ ନବରଙ୍ଗପୁର ସହରରେ ଖୁସିର ମାହଲ ଦେଖିବାକୁ ମିଳିଛି । ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ସ୍ଥାନୀୟ ଅଞ୍ଚଳର କିଛି ଲୋକେ ବାଣ ଫୁଟାଇ ପରପ୍ପରକୁ ମିଠା ଖୁଆଉ ଥିବା ଦେଖିବାକୁ ମିଳିଛି । ଜବରଦସ୍ତ ସେଲିବ୍ରେସନର ହୋଇଥିଲା। ଏହା ସହ ଆଉ କିଛି ଲୋକେ ଡିଜେ ଲଗାଇ ନାଚୁ ଥିବାର ମଧ୍ୟ ଦେଖିବାକୁ ମିଳିଥିଲା ।  ଆଦିବାସୀ ଅଧ୍ୟ୍ୟଷିତ ନବରଙ୍ଗପୁର ଜିଲ୍ଲା ଜଣେ ଦୁର୍ନୀତି ଖୋର ଅଧିକାରୀଙ୍କ ହାତରୁ ମୁକ୍ତି ପାଇଛି ବୋଲି କହିଛନ୍ତି ସ୍ଥାନୀୟ ଲୋକେ । ପ୍ରଶାନ୍ତ କୁମାର ରାଉତ ଉପଜିଲ୍ଲାପାଳ ଭାବେ ଦାୟିତ୍ୱରେ ଏଠାରେ ରାହିବା ପରେ ସରକାରୀ ସ୍ତରରେ ଅନେକ ଦୁର୍ନୀତି କରୁଥିବା ଅଭିଯୋଗ ହୋଇଛି। 

ସୂଚନା ଅନୁସାରେ, ଗତକାଲି(ଶୁକ୍ରବାର) ଆୟ ବହିର୍ଭୁତ ସମ୍ପତି ଠୁଳ ଅଭିଯୋଗରେ ନବରଙ୍ଗପୁର ଅତିରିକ୍ତ ଉପଜିଲ୍ଲାପାଳ ପ୍ରଶାନ୍ତ ରାଉତଙ୍କ (district Additional Sub Collector Prashant Kumar Rout) ଘରେ ଭିଜିଲାନ୍ସର ଚଢ଼ାଉ ହୋଇଥିଲା ।  ଚଢ଼ାଉ ପରେ ପ୍ରଶାନ୍ତଙ୍କ ନବରଙ୍ଗପୁର ଏବଂ ଭୁବନେଶ୍ବର ଘରୁ ନଗଦ ୩ କୋଟି ୨ ଲକ୍ଷ ୩୦ ହଜାର ୮ଶହ ଟଙ୍କା ଜବତ ହୋଇଛି । ଏହା ସହ କେତେକ ସୁନା ବିସ୍କୁଟ ବି ଭିଜିଲାନ୍ସ ହାତରେ ଲାଗିଛି।  ଏହି ଚଢ଼ଉରେ ଭିଜିଲାନ୍ସ ବିଭାଗର ୯ଟି ଟିମ୍ ସାମିଲ ହୋଇଥିଲେ । ଏହି  ଚଢାଉରେ ପାଖାପାଖି ୫୦ ଅଫିସର ସାମିଲ ହୋଇଥିଲେ।

ତେବେ , ଏଠାରେ ଆମେ ଆପଣଙ୍କୁ କହି ରଖିବୁ ଯେ, ଚଢାଉ ସମୟରେ କୋଟି କୋଟି ଟଙ୍କାର ସମ୍ପତି ଭିଜିଲାନ୍ସ ହାତରେ ଲାଗିଛି । ଏକାଧିକ ବେନାମି ଆକାଉଣ୍ଟରେ ଟଙ୍କା କାରବାର କରୁଥିଲେ ବାବୁ । ଗୋଟିଏ ବ୍ୟାଙ୍କର ପାସବୁକ, ଏଟିଏମ ଜବତ କରିଛି ଭିଜିଲାନ୍ସ । ଏଥିସହ ୪୧ ଲକ୍ଷ ଟଙ୍କାର ବୀମା କାଗଜପତ୍ର ଜବତ ହୋଇଥିବା ଜଣାପଡ଼ିଛି । ଜବତ ବ୍ୟାଙ୍କ ଆକାଉଣ୍ଟରେ ୨୦୧୯ରୁ ଏପର୍ଯ୍ୟନ୍ତ ୨୬ ଲକ୍ଷ ୨୭ ହଜାର ଟଙ୍କା ଡିପୋଜିଟ କରିଥିଲେ ପ୍ରଶାନ୍ତ ରାଉତ । ଚଢାଉ ବେଳେ ୫ଟି ପ୍ଲଟ, ୨ଟି ଚାରି ଚକିଆ ଗାଡ଼ି ଏବଂ ତାଙ୍କ ଦୁଇ ପିଲାଙ୍କ ଶିକ୍ଷା ବାବଦରେ ଖର୍ଚ୍ଚ ହୋଇଥିବା ୮୭ ଲକ୍ଷ ଟଙ୍କା ବିଷୟରେ ମଧ୍ୟ ଜାଣିବାକୁ ପାଇଛି ଭିଜିଲାନ୍ସ । ପାଞ୍ଚଟି ପ୍ଲଟ ଭିତରେ କିଛି ଭୁବନେଶ୍ବର ଓ କଟକରେ ଥିବା ଜଣାପଡ଼ିଛି ।

ସୁନା ଓ ରୂପାର ଗହଣା ମଧ୍ୟ ଜବତ ହୋଇଛି  ଯାହାର ମୂଲ୍ୟ ୨୧ ଲକ୍ଷ ଟଙ୍କାରୁ ଅଧିକ ହେବ । ପ୍ରଶାନ୍ତ ରାଉତଙ୍କ ଘରେ ଚଢାଉ ପରେ ତାଙ୍କୁ ଅଟକ ରଖି ମାରାଥନ ପଚରାଉଚରା କରୁଛି ଭିଜିଲାନ୍ସ । ଆଜି ସୁନ୍ଦରଗଡ ଭିଜିଲାନ୍ସ କୋର୍ଟରେ ତାଙ୍କୁ ହାଜର କରାଯିବ ବୋଲି ଜଣାପଡିଛି। ପ୍ରଶାନ୍ତ କୁମାର ରାଉତ ଜଣେ ଲାଞ୍ଚୁଆ ଅଧିକାରୀ ବୋଲି ସମସ୍ତେ ଜାଣନ୍ତି। ୨୦୧୮ରେ ସୁନ୍ଦରଗଡ଼ ଜିଲ୍ଲା ବିସ୍ରା ବ୍ଲକ୍‌ ବିଡ଼ିଓ ଥିବା ବଳେ ଏକ ଲକ୍ଷ ଟଙ୍କା ଲାଞ୍ଚ ନେଉଥିବା ବେଳେ ଗିରଫ ହୋଇଥିଲେ । ଏହାପରେ ଚାକିରିରୁ ନିଲମ୍ବିତ ହୋଇଥିଲେ । ପୁଣି ଥରେ ତାଙ୍କୁ ୨୦୨୦ରେ ଅତିରିକ୍ତ ଉପ ଜିଲ୍ଲପାଳ ଭାବେ ନବରଙ୍ଗପୁରରେ ଅବସ୍ଥାପିତ କରାଯାଇଥିଲା ।