One Nation One Id Card: ଜାଣନ୍ତୁ ଛାତ୍ରଛାତ୍ରୀଙ୍କୁ ଏଥିରୁ କ’ଣ ମିଳିବ ଫାଇଦା..

One Nation One Id: ଏବେ ସ୍କୁଲ ଛାତ୍ରଛାତ୍ରୀଙ୍କୁ ମିଳିବ ସ୍ୱତନ୍ତ୍ର ପରିଚୟ ପତ୍ର। ସେମାନଙ୍କ ପିତାମାତାଙ୍କ ସମ୍ମତି ପରେ ଛାତ୍ରଛାତ୍ରୀମାନେ ଖୁବ୍ ଶିଘ୍ର ଏହି ପରିଚୟ ପତ୍ର ପାଇବେ। ଜାତୀୟ ଶିକ୍ଷା ନୀତି (NEP) 2020 ର ଏକ ଅଂଶ ଭାବରେ କେନ୍ଦ୍ର ଶିକ୍ଷା ମନ୍ତ୍ରଣାଳୟ ପ୍ରାଥମିକରୁ ଉଚ୍ଚଶିକ୍ଷା ପର୍ଯ୍ୟନ୍ତ ପ୍ରତ୍ୟେକ ଛାତ୍ରଙ୍କ ପାଇଁ 'ସ୍ୱୟଂଚାଳିତ ସ୍ଥାୟୀ ଏକାଡେମିକ୍ ଆକାଉଣ୍ଟ୍ ରେଜିଷ୍ଟ୍ରି' (APAAR) ନାମକ 'ଏକ ଜାତି, ଏକ ଛାତ୍ର ID' ପ୍ରଚଳନ କରିବାକୁ ଯୋଜନା କରିଛନ୍ତି । ଏହି ପରିଚୟ ପତ୍ର ୧୨ ଅଙ୍କ ବିଶିଷ୍ଟ ଆଧାର ID ସହିତ ସଂଯୁକ୍ତ ରହିବ ଯାହା ପ୍ରତ୍ୟେକ ଛାତ୍ରଙ୍କୁ ମିଳିବ।

APAAR ID, ଏକ ଶିକ୍ଷା ଇକୋସିଷ୍ଟମ୍ ରେଜିଷ୍ଟ୍ରି କିମ୍ବା ଏଡୁଲାର୍ ବା ଏକ ଆଜୀବନ ID ନମ୍ବର ଭାବରେ ପରିଗଣିତ ହେବ ଏବଂ ଛାତ୍ରମାନଙ୍କର ଏକାଡେମିକ୍ ଯାତ୍ରା ଏବଂ କୃତିତ୍ୱକୁ ଟ୍ରାକ୍ କରିବ।ଛାତ୍ରମାନଙ୍କ ପାଇଁ APAAR ଆଇଡି ଉତ୍ପାଦନ ପ୍ରକ୍ରିୟା ଆରମ୍ଭ କରିବାକୁ ଶିକ୍ଷା ମନ୍ତ୍ରଣାଳୟ ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ନିର୍ଦ୍ଦେଶ ଦିଆଯାଇଛି। APAAR ଏବଂ ନ୍ୟାସନାଲ କ୍ରେଡିଟ୍ ଫ୍ରେମୱାର୍କ ଦ୍ୱାରା ସମଗ୍ର ଭାରତରେ ଛାତ୍ରମାନଙ୍କ ପାଇଁ QR କୋଡର ବ୍ୟବସ୍ଥା କରାଯାଇଛି।

ପିତାମାତାମାନଙ୍କ ସହିତ ଏକ ବୈଠକ ହେବ-

AICTE ଚେୟାରମ୍ୟାନ୍ ଟି.ଜି ସୀତାରମଣ କହିଛନ୍ତି ଯେ ଛାତ୍ରଛାତ୍ରୀମାନେ ଉଠାଇଥିବା ପ୍ରତ୍ୟେକ ଜ୍ଞାନ କୌଶଳକୁ ଏଠାରେ ଶ୍ରେୟ ଦିଆଯିବ। ଅକ୍ଟୋବର ୧୬ ରୁ ୧୮ ମଧ୍ୟରେ APAAR ID ସୃଷ୍ଟି କରିବାର ମହତ୍ତ୍ୱ ବିଷୟରେ ଆଲୋଚନା କରିବାକୁ ରାଜ୍ୟ ବିଦ୍ୟାଳୟ ଶିକ୍ଷା ବିଭାଗ ଶିକ୍ଷାନୁଷ୍ଠାନଗୁଡ଼ିକୁ ନିର୍ଦ୍ଦେଶ ଦିଆଯାଇଛି।

କାର୍ଡ ତିଆରି ପାଇଁ ପିଲାମାନଙ୍କର ପିତାମାତାଙ୍କ ସମ୍ମତି ନିତ୍ୟାନ୍ତ ଆବଶ୍ୟକ। ତେବେ ଏହି କାର୍ଡରେ ଥିବା ସମସ୍ତ ତଥ୍ୟ ଗୋପନୀୟ ରଖାଯିବ। ଏବଂ ଆବଶ୍ୟକ ସ୍ଥଳେ କେବଳ ସରକାରୀ ଏଜେନ୍ସି ସହ ସେୟାର କରାଯିବ। ପିତାମାତା ଦେଇଥିବା ସମ୍ମତିକୁ କୌଣସି ମୂହୁର୍ତ୍ତରେ ପ୍ରତ୍ୟାହାର କରିପାରିବେ।