କାର ଉପରେ ଚଢି ରାସ୍ତାରେ ହଙ୍ଗମା ମଚାଇଲେ ଯୁବତୀ

Young Lady create ruckus in Chandigarh:ଚଣ୍ଡିଗଡ଼ସ୍ଥିତ ସେକ୍ଟର ୧୧/୧୨ ଡିଭାଇଡିଂ ରୋଡ଼ ଠାରେ ବୁଧବାର ବିଳମ୍ବିତ ରାତ୍ରୀରେ ହଙ୍ଗମା କରିଛନ୍ତି ଜଣେ ଯୁବତୀ। ରାସ୍ତାରେ ହଙ୍ଗମା ସୃଷ୍ଟି କରିଥିବା ଯୁବତୀଙ୍କୁ ପୋଲିସ ଉଦ୍ଧାର କରି ସ୍ଥାନୀୟ ସେକ୍ଟର ୧୬ ଡାକ୍ତରଖାନାରେ ଭର୍ତ୍ତି କରିଛି।  ନିଶାସକ୍ତ ଅବସ୍ଥାରେ ଯୁବତୀ ଜଣଙ୍କ ଏଭଳି କାଣ୍ଡ ଭିଆଇଛନ୍ତି ନା ନାହିଁ ତାହାର ତଦନ୍ତ କରୁଛି ସେକ୍ଟର-୧୧ ଥାନା ପୋଲିସ।

ରାସ୍ତାରେ ଜଣେ ଯୁବତୀ  ଏକ କାର ଉପରେ ଚଢି ହଙ୍ଗାମା କରୁଥିବା ନେଇ ଖବର ପାଇଥିଲା ଚଣ୍ଡିଗଡ଼ ସେକ୍ଟର-୧୧ ଥାନା ପୋଲିସ। ଖବର ପାଇବା ମାତ୍ରେ ଘଟଣାସ୍ଥଳରେ ପହଞ୍ଚି ଥିଲେ ପିସିଆର ଏବଂ ମହିଳା ପୋଲିସ।  ଘଟଣାସ୍ଥଳରେ ପହଞ୍ଚିଥିବା ପୋଲିସ କାର ଉପରେ ଚଢି ହଙ୍ଗାମା କରୁଥିବା ଯୁବତୀଙ୍କୁ ତଳକୁ ଆସିବାକୁ କହିଥିଲା। ମାତ୍ର ତଥାପି ଯୁବତୀ ଜଣକ ଗାଡିରୁ ଓହ୍ଲାଇ ନଥିଲେ। କେତେବେଳେ ସେ ଗାଡ଼ି ଉପରେ ଠିଆ ହୋଇଯାଉଥିଲେ ଆଉ କେତେବେଳେ ଗାଡ଼ିରେ ଶୋଇପଡୁଥିଲେ। 

ରାସ୍ତାରେ ଜଣେ ଜଣେ ଯୁବତୀ ଏପରି ହଙ୍ଗାମା କରୁଥିବା ଦେଖିବା ପରେ ସେଠାରେ ଲୋକଙ୍କ ଭିଡ ଜମିଥିଲା। ଅନେକ ପ୍ରୟାସ ପରେ  ପୋଲିସ ତାଙ୍କୁ ଗାଡି଼ରୁ ତଳକୁ ଓହ୍ଲାଇବାରେ ସଫଳ ହୋଇଥିଲା। ଏହା ପରେ ପୋଲିସ  ସମ୍ପୃକ୍ତ ଯୁବତୀଙ୍କୁ ସାଥିରେ ନେଇ ସ୍ଥାନୀୟ ସେକ୍ଟର ୧୬ ସ୍ଥିତ ଡାକ୍ତରଖାନାରେ ଭର୍ତ୍ତି କରିଥିଲା। ଯୁବତୀ ଜଣକ ନିଶାସକ୍ତ ଅବସ୍ଥାରେ ଏପରି କାରନାମା କରିଛନ୍ତି କି  ତାହାର ପରୀକ୍ଷା କରିଥିଲା ପୋଲିସ।      

ଏହି ଘଟଣାରେ ପ୍ରତିକ୍ରିୟା ରଖି ଚଣ୍ଡିଗଡ଼ ପୋଲିସ (Chandigarh POLICE) ପକ୍ଷରୁ କୁହାଯାଇଛି ଗତ ମଙ୍ଗଳବାର ଏହି ଯୁବତୀ ଜଣଙ୍କ ଅଭିଯୋଗ କରିବାକୁ ପିଜିଆଇ ପୋଲିସ ପୋଷ୍ଟ (PGI POLICE POST) ଆସିଥିଲେ। ଅଭିଯୋଗ କରିବାକୁ ଆସିଥିବା ଯୁବତୀ ଜଣଙ୍କ ଉତ୍ତରାଖଣ୍ଡ ବାସିନ୍ଦା ଏବଂ ସେ ଫାର୍ମାସୀ ପାଠ ପଢିଥିଲେ। କିଛି ଦିନ ପୂର୍ବରୁ ସେ ଚାକିରୀ ପାଇବା ପାଇଁ ପିଜିଆଇ ପରିସରରେ ନିର୍ମିତ ମେଡିକାଲ ଷ୍ଟୋର ଠାରେ ପହଞ୍ଚିଥିଲେ। ଚାକିରୀ ଦେବା ପୂର୍ବରୁ ଯୁବତୀଙ୍କ ପରୀକ୍ଷା ନିଆଯାଇଥଲା। ସେ ପ୍ରଥମ ଦିନ କାମ କରିବାକୁ ଯାଇଥିଲେ ମାତ୍ର ଏହାର ପରଦିନ ଡ୍ୟୁଟି କରିନଥିଲେ। ଏହା ପରେ ତାଙ୍କୁ ସେଠାରେ କାମ କରିବାକୁ ମନା କରାଯାଇଥିଲା। 

ଏହା ପରେ ସେ ୧୦୦ ନମ୍ବର କୁ  ଫୋନ କରିଥିଲେ ଏହା ପରେ ପୋଲିସ ତାଙ୍କୁ ପିଜିଆଇ ପୋଷ୍ଟ ନେଇଯାଇଥିଲା।  ଯେଉଁଠାରେ ସେ ଏକ ଅଭିଯୋଗ ଆଣି କହିଥିଲେ ଯେ ସେହି ମେଡିକାଲ ଷ୍ଟୋର ଠାରେ କାର୍ଯ୍ୟ କରୁଥିବା ଜଣେ କର୍ମଚାରୀ ତାଙ୍କୁ ଦୁଷ୍କର୍ମ କରିବାକୁ ଉଦ୍ୟମ କରିଥିଲେ। ବର୍ତ୍ତମାନ ପୋଲିସ ଯୁବତୀଙ୍କ ଅଭିଯୋଗ କ୍ରମେ ଏହି ଘଟଣାର ତଦନ୍ତ କରୁଛି।

ଅନ୍ୟପଟେ ସ୍ଥାନୀୟ ଲୋକଙ୍କ ପକ୍ଷରୁ କୁହାଯାଇଛି ଗତ ବୁଧବାର ରାତିରେ ସେକ୍ଟର ୧୧/୧୨ ଡିଭାଇଡିଂ ରୋଡ଼ ଠାରେ ହଙ୍ଗମା କରିଥିବା ଯୁବତୀ ଜଣଙ୍କ ପୂର୍ବରୁ ନୟାଗାଓଁ ଅଞ୍ଚଳରେ ଏଭଳି ଉତ୍ପାତ ମଚାଇଥିଲେ। ଘଟଣାସ୍ଥଳରେ ଉପସ୍ଥିତ ଲୋକ ଯୁବତୀ କରିଥିବା କାରନାମାରେ ଭିଡ଼ିଓ  ରେକର୍ଡିଂ କରିବା ପରେ ଏହା ଭାଇରାଲ ହେବାରେ ଲାଗିଥିଲା।