Punjab Breaking Live Updates: ਸ਼੍ਰੋਮਣੀ ਅਕਾਲੀ ਦਲ ਦੀ ਵਰਕਿੰਗ ਕਮੇਟੀ ਦੀ ਮੀਟਿੰਗ ਅੱਜ, ਜਾਣੋ ਹੁਣ ਤੱਕ ਦੀਆਂ ਵੱਡੀਆਂ ਖ਼ਬਰਾਂ

Punjab Breaking Live Updates: ਪੰਜਾਬ ਦੀ ਸਿਆਸਤ, ਅਪਰਾਧ ਤੇ ਹੋਰ ਅਹਿਮ ਖਬਰਾਂ ਦੀ ਹਰ ਅਪਡੇਟਸ ਲਈ ਜ਼ੀ ਪੰਜਾਬ ਹਰਿਆਣਾ ਹਿਮਾਚਲ ਦੇ ਡਿਜੀਟਲ ਪਲੇਟਫਾਰਮ ਨਾਲ ਜੁੜੇ ਰਹੋ।

Punjab Breaking Live Updates: ਸ਼੍ਰੋਮਣੀ ਅਕਾਲੀ ਦਲ ਵਰਕਿੰਗ ਕਮੇਟੀ ਦੇ ਪ੍ਰਧਾਨ ਬਲਵਿੰਦਰ ਸਿੰਘ ਭੂੰਦੜ ਨੇ 18 ਨਵੰਬਰ ਨੂੰ ਪਾਰਟੀ ਦੀ ਵਰਕਿੰਗ ਕਮੇਟੀ ਦੀ ਹੰਗਾਮੀ ਮੀਟਿੰਗ ਸੱਦ ਲਈ ਹੈ।  ਪੰਜਾਬ, ਹਰਿਆਣਾ ਅਤੇ ਹਿਮਾਚਲ ਪ੍ਰਦੇਸ਼ ਦੀ ਰਾਜਨੀਤੀ, ਖੇਡਾਂ, ਅਪਰਾਧ ਅਤੇ ਮਨੋਰੰਜਨ ਜਗਤ ਨਾਲ ਜੁੜੀਆਂ ਹਰ ਖ਼ਬਰਾਂ ਬਾਰੇ ਜਾਣਨ ਲਈ ਜ਼ੀ ਪੰਜਾਬ ਹਰਿਆਣਾ ਹਿਮਾਚਲ ਦੇ ਡਿਜ਼ੀਟਲ ਪਲੇਟਫਾਰਮ ਨਾਲ ਜੁੜੇ ਰਹੋ। ਇੱਥੇ ਤੁਹਾਨੂੰ ਦਿਨ ਭਰ ਵਿੱਚ ਕੀ-ਕੀ ਹੋ ਰਿਹਾ ਹੈ ਉਸ ਦੀ ਹਰ ਅਪਡੇਟਸ ਮਿਲੇਗੀ।

Punjab Breaking Live Updates

18 November 2024

09:57 AM

ਕੰਗਨਾ ਰਨੌਤ ਥੱਪੜ ਮਾਮਲਾ
ਕੁਲਵਿੰਦਰ ਕੌਰ ਦੇ ਭਰਾ ਸ਼ੇਰ ਸਿੰਘ ਮਹੀਵਾਲ ਵੀਡੀਓ ਜਾਰੀ ਕਰ ਕਿਹਾ- ਕੇਸ ਸਬੰਧੀ ਇਨਕੁਆਇਰੀ ਪੂਰੀ ਹੋ ਚੁੱਕੀ ਹੈ। ਹੁਣ ਫੈਸਲੇ ਦੀ ਉਡੀਕ ਹੈ। ਇਸ ਦੇ ਨਾਲ ਹੀ ਕਿਹਾ ਕਿ ਇੱਕ ਤਰਫਾ ਫੈਸਲਾ ਨਾ ਕੀਤਾ ਜਾਵੇ ਸਜ਼ਾ ਦੋਹਾਂ ਹਿੱਸੇ ਪਾਈ ਜਾਵੇ।

09:29 AM

ਕਾਹਨੂੰਵਾਨ ਰੋਡ 'ਤੇ ਸਥਿਤ ਸੁਨਿਆਰੇ ਰਾਮ ਲੁਭਾਏ ਦੇ ਘਰ ਕੁਝ ਅਣਪਛਾਤੇ ਵਿਅਕਤੀਆਂ ਨੇ ਬੀਤੀ ਦੇਰ ਰਾਤ ਹਮਲਾ ਕੀਤਾ। ਦੋਨਾਂ ਧਿਰਾਂ ਨੇ ਇੱਕ ਦੂਜੇ ਉੱਪਰ ਕੀਤੀ ਫਾਇਰਿੰਗ ਹਮਲੇ ਵਿੱਚ ਸੁਨਿਆਰਾ ਰਾਮ ਲੁਭਾਇਆ ਜ਼ਖ਼ਮੀ ਹੋਇਆ।  ਨਿੱਜੀ ਹਸਪਤਾਲ ਵਿੱਚ ਚੱਲ ਰਿਹਾ ਇਲਾਜ ਮੌਕੇ ਤੇ ਪਹੁੰਚੇ ਪੁਲਿਸ ਅਧਿਕਾਰੀ ਕਰ ਰਹੇ ਮਾਮਲੇ ਦੀ ਜਾਂਚ ਪੜਤਾਲ।

09:19 AM

ਫਿਰੋਜ਼ਪੁਰ ਕੇਂਦਰੀ ਜੇਲ 'ਚ ਬਾਹਰੋਂ ਸੁੱਟੇ ਗਏ ਪੈਕਟਾਂ ਦੀ ਜਾਂਚ ਦੌਰਾਨ 9 ਮੋਬਾਇਲ ਫੋਨ, 53 ਪੈਕਟ ਜ਼ਰਦਾ ਅਤੇ 7 ਪੈਕਟ ਸਿਗਰਟ ਬਰਾਮਦ ਕੀਤੇ ਗਏ ਹਨ, ਜਿਸ 'ਤੇ ਥਾਣਾ ਸਿਟੀ 'ਚ ਅਣਪਛਾਤੇ ਵਿਅਕਤੀਆਂ ਖਿਲਾਫ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।

09:19 AM

ਫਿਰੋਜ਼ਪੁਰ 'ਚ ਬੀ.ਐੱਸ.ਐੱਫ ਨੇ ਮਮਦੋਟ ਸੈਕਟਰ ਦੇ ਗੱਟੀ ਹਯਾਤ ਇਲਾਕੇ 'ਚ ਇਕ ਡ੍ਰੋਨ ਬਰਾਮਦ ਕੀਤਾ ਹੈ, ਜੋ ਕਿ ਟੁੱਟੀ ਹੋਈ ਹਾਲਤ 'ਚ ਮਿਲਿਆ ਹੈ।ਇਹ ਡਰੋਨ ਚਾਈਨਾ ਮੇਡ ਮੈਵਿਕ 130 ਹੈ।ਬੀਐੱਸਐੱਫ ਨੇ ਇਸ ਡਰੋਨ ਨੂੰ ਕਬਜ਼ੇ 'ਚ ਲੈ ਲਿਆ ਹੈ ਨਾਲ

08:11 AM

BSF ਨੇ ਤਰਨਤਾਰਨ ਬਾਰਡਰ 'ਤੇ ਸੰਘਣੀ ਧੁੰਦ ਦੇ ਮੌਸਮ 'ਚ ਡਰੋਨ ਅਤੇ ਹੈਰੋਇਨ ਬਰਾਮਦ ਕੀਤੀ

ਪੰਜਾਬ ਦੀ ਸਰਹੱਦ 'ਤੇ ਸੰਘਣੀ ਧੁੰਦ ਅਤੇ ਚੁਣੌਤੀਪੂਰਨ ਸਥਿਤੀਆਂ ਦੇ ਵਿਚਕਾਰ, ਬੀ.ਐੱਸ.ਐੱਫ. ਪੰਜਾਬ ਨੇ ਤਰਨਤਾਰਨ ਵਿੱਚ ਵੱਖ-ਵੱਖ ਤਲਾਸ਼ੀ ਮੁਹਿੰਮਾਂ ਦੌਰਾਨ ਦੋ ਡਰੋਨਾਂ ਨੂੰ ਰੋਕਿਆ ਅਤੇ ਇੱਕ ਹੈਰੋਇਨ ਦੀ ਖੇਪ (570 ਗ੍ਰਾਮ) ਜ਼ਬਤ ਕੀਤੀ। ਹੈਰੋਇਨ ਦੀ ਇੱਕ ਖੇਪ ਸਮੇਤ DJI Mavic 3 ਕਲਾਸਿਕ ਮਾਡਲਾਂ ਵਜੋਂ ਪਛਾਣੇ ਗਏ ਦੋਵੇਂ ਡਰੋਨ, ਸੰਭਾਵਤ ਤੌਰ 'ਤੇ ਰੋਕੇ ਗਏ ਸਨ ਅਤੇ ਪ੍ਰਭਾਵਸ਼ਾਲੀ ਜਵਾਬੀ ਉਪਾਵਾਂ ਨੂੰ ਲਾਗੂ ਕਰਨ ਕਾਰਨ ਹੇਠਾਂ ਲਿਆਂਦਾ ਗਿਆ ਸੀ BSF ਦੇ ਜਵਾਨਾਂ ਨੇ ਪੰਜਾਬ ਦੀ ਸਰਹੱਦ 'ਤੇ ਮੌਜੂਦਾ ਕਠੋਰ ਮੌਸਮ ਦੇ ਬਾਵਜੂਦ ਸਰਹੱਦ ਪਾਰ ਤੋਂ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਨੂੰ ਰੋਕਣ ਲਈ ਆਪਣੇ ਅਣਥੱਕ ਯਤਨ ਜਾਰੀ ਰੱਖੇ ਹੋਏ ਹਨ।

08:10 AM

ਅੰਮ੍ਰਿਤਸਰ ਦੇ ਇਸਲਾਮਾਬਾਦ ਪੁੱਲ ਦੇ ਉੱਤੇ ਹੋਇਆ ਭਿਆਨਕ ਐਕਸੀਡੈਂਟ, ਦੋ ਐਕਟੀਵਾ ਸਵਾਰ ਪੁੱਲ ਤੋਂ ਡਿੱਗੇ ਥੱਲੇ, ਹਾਲਤ ਬਣੀ ਹੋਈ ਗੰਭੀਰ, ਹਸਪਤਾਲ 'ਚ ਜੇਰੇ ਇਲਾਜ।

ਜਾਣਕਾਰੀ ਮੁਤਾਬਿਕ ਦੱਸਿਆ ਜਾ ਰਿਹਾ ਕਿ ਇੱਕ ਲੜਕਾ ਲੜਕੀ ਜੋ ਐਕਟੀਵਾ ਸਵਾਰ ਸਨ ਉਹਨਾਂ ਦੇ ਵਿੱਚ ਤੇਜ਼ ਰਫਤਾਰ ਵਿੱਚ ਆਈ ਗੱਡੀ ਵੱਜੀ ਜਿਸ ਦੇ ਕਰਕੇ ਲੜਕਾ ਲੜਕੀ ਪੁੱਲ ਦੇ ਉੱਤੋਂ ਥੱਲੇ ਡਿੱਗੇ , ਐਕਟੀਵਾ ਸਵਾਰ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ ਜਿਨਾਂ ਦਾ ਨਿੱਜੀ ਹਸਪਤਾਲ ਤੇ ਚੱਲ ਰਿਹਾ ਇਲਾਜ

ਪੁਲਿਸ ਵੀ ਪਹੁੰਚੀ ਮੌਕੇ ਤੇ, ਜਾਂਚ ਅਧਿਕਾਰੀ ਨੇ ਕਿਹਾ ਕਿ ਉਹ ਮੌਕੇ ਤੇ ਪਹੁੰਚੇ ਹੈ ਉਹਨਾਂ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ।

07:42 AM

ਘਰ ਤੋਂ ਦਵਾਈ  ਲੈਣ ਗਏ ਨੌਜਵਾਨ ਦੀ ਸ਼ੱਕੀ ਹਾਲਤ ਚ ਮੌਤ 

ਘਰੋਂ ਦਵਾਈ ਲੈ ਕੇ ਆਉਣ ਦੇ ਲਈ ਕਹਿ ਕੇ ਗਏ  ਬੁਢਲਾਡਾ ਦੇ ਇੱਕ ਨੌਜਵਾਨ ਦੀ ਭੇਦਭਰੇ ਹਾਲਾਤਾਂ ਵਿੱਚ ਡਰੇਨ ਦੇ ਵਿੱਚੋਂ ਦੋ ਦਿਨ ਬਾਅਦ ਲਾਸ਼ ਮਿਲੀ ਹੈ ਜਿਸ ਤੋਂ ਬਾਅਦ ਪਰਿਵਾਰਿਕ ਮੈਂਬਰਾਂ ਨੇ ਮ੍ਰਿਤਕ ਨੌਜਵਾਨ ਦੀ ਲਾਸ਼ ਦਾ ਪੋਸਟਮਾਰਟਮ ਕਰਵਾਉਣ ਦੇ ਲਈ ਬੁਢਲਾਡਾ ਦੇ ਹਸਪਤਾਲ ਵਿਖੇ ਭੇਜ ਦਿੱਤਾ ਹੈ ਅਤੇ ਇਸ ਮਾਮਲੇ ਦੀ ਜਾਂਚ ਕਰਨ ਦੀ ਮੰਗ ਕੀਤੀ ਹੈ

ਬੁਢਲਾਡਾ ਸ਼ਹਿਰ ਦੇ ਵਾਰਡ ਨੰਬਰ 4 ਦੇ ਵਸਨੀਕ ਨੌਜਵਾਨ  ਹਰਜੋਤ ਸਿੰਘ ਪੁੱਤਰ ਅਮਰੀਕ ਸਿੰਘ ਬੀਤੇ ਦਿਨੀ ਮਾਨਸਾ ਵਿਖੇ ਆਪਣੀ ਸਰੀਰਕ ਬਿਮਾਰੀ ਲਈ ਦਵਾਈ ਲੈਣ ਗਿਆ ਸੀ ਜਿਸ ਦੀ ਸ਼ੱਕੀ ਲਾਸ਼ ਅੱਜ ਸਵੇਰੇ ਬੁਢਲਾਡਾ ਦੇ ਨਜ਼ਦੀਕ ਪਿੰਡ ਅਹਿਮਦਪੁਰ ਅਤੇ ਪਿੰਡ ਕੁੱਲਹੈਰੀ ਦੇ ਵਿਚਕਾਰ ਬਣੀ ਡਰੇਨ ਦੀ ਪਟੜੀ ਤੇ ਮਿਲੀ। ਪੁਲਿਸ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਮ੍ਰਿਤਕ ਹਰਜੋਤ ਸਿੰਘ ਆਪਣੇ ਪਿਤਾ ਨਾਲ ਟਰੱਕ ਤੇ ਕੰਡਕਟਰ ਦਾ ਕੰਮ ਕਰਦਾ ਸੀ ਕੱਲ ਉਸਦੇ ਪਿਤਾ ਕਰਨਾਲ (ਹਰਿਆਣਾ) ਵਿਖੇ ਚਾਵਲ ਦਾ ਟਰੱਕ ਭਰ ਕੇ ਜਾ ਰਹੇ ਸੀ ਤਾਂ ਉਕਤ ਨੌਜਵਾਨ ਆਪਣੇ ਘਰ ਰਹਿ ਗਿਆ ਅਤੇ ਦੁਪਹਿਰ ਸਮੇਂ ਦਵਾਈ ਲੈਣ ਲਈ ਮਾਨਸਾ ਦੇ ਇੱਕ ਨਿੱਜੀ ਹਸਪਤਾਲ ਵਿਖੇ ਗਿਆ ਜਿਸ ਤੋਂ ਵਾਪਸ ਘਰ ਨਹੀਂ ਪਰਤਿਆ ਅਤੇ ਅੱਜ ਸਵੇਰੇ ਉਸ ਦੀ ਸ਼ੱਕੀ ਹਾਲਾਤਾਂ ਵਿੱਚ ਲਾਸ਼ ਬੁਢਲਾਡਾ ਦੇ ਨੇੜਲੇ ਪਿੰਡ ਅਹਿਮਦਪੁਰ ਅਤੇ ਪਿੰਡ ਕਲਹਿਰੀ ਦੇ ਵਿਚਕਾਰ ਬਣੀ ਡਰੇਨ ਦੀ ਪਟੜੀ ਤੇ ਮਿਲੀ ਉਨਾਂ ਦੱਸਿਆ ਕਿ ਇਸ ਸਬੰਧੀ ਅਸੀਂ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਲਾਸ਼ ਦਾ ਪੋਸਟਮਾਰਟਮ ਕਰਵਾਉਣ ਲਈ ਬੁਢਲਾਡਾ ਦੇ ਸਰਕਾਰੀ ਸਿਵਲ ਹਸਪਤਾਲ ਦੀ ਮੋਰਚਰੀ ਵਿੱਚ ਰਖਵਾ ਦਿੱਤੀ ਹੈ ।