Delhi Airport News: ਦਿੱਲੀ ਏਅਰਪੋਰਟ 'ਤੇ ਹੁਣ ਤੱਕ ਦੀ ਸਭ ਤੋਂ ਵੱਡੀ ਵਿਦੇਸ਼ੀ ਕਰੰਸੀ ਜ਼ਬਤ! 3 ਗ੍ਰਿਫ਼ਤਾਰ

Delhi Airport News: ਕਸਟਮ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਏਅਰਪੋਰਟ 'ਤੇ ਅੱਜ ਤੱਕ ਇੰਨੀ ਵਿਦੇਸ਼ੀ ਕਰੰਸੀ ਕਦੇ ਜ਼ਬਤ ਨਹੀਂ ਕੀਤੀ ਗਈ।

Delhi Airport News: ਦਿੱਲੀ ਹਵਾਈ ਅੱਡੇ 'ਤੇ ਕਸਟਮ ਵਿਭਾਗ ਨੂੰ ਤਸਕਰੀ ਕੀਤੀ ਜਾ ਰਹੀ ਵਿਦੇਸ਼ੀ ਕਰੰਸੀ ਦੀ ਹੁਣ ਤੱਕ ਦੀ ਸਭ ਤੋਂ ਵੱਡੀ ਖੇਪ ਜ਼ਬਤ ਕੀਤੀ ਗਈ ਹੈ। ਜਾਂਚ ਦੌਰਾਨ ਵਿਭਾਗ ਦੇ ਅਧਿਕਾਰੀਆਂ ਨੇ ਤਜ਼ਾਕਿਸਤਾਨ ਮੂਲ ਦੇ 3 ਨਾਗਰਿਕਾਂ ਕੋਲੋਂ 7,20,000 ਡਾਲਰ ਅਤੇ 4,66,200 ਯੂਰੋ ਬਰਾਮਦ ਕੀਤੇ ਹਨ। ਇਨ੍ਹਾਂ ਦੀ ਕੀਮਤ ਲਗਭਗ 10 ਕਰੋੜ ਰੁਪਏ ਦੱਸੀ ਗਈ ਹੈ। ਫਿਲਹਾਲ ਤਿੰਨੋਂ ਤਸਕਰਾਂ ਖਿਲਾਫ਼ ਮਾਮਲਾ ਦਰਜ ਕਰਕੇ ਉਨ੍ਹਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। 

ਕਸਟਮ ਵਿਭਾਗ ਨੇ ਨੋਟਾਂ ਦੀ ਇਹ ਖੇਪ 21 ਜੁਲਾਈ ਨੂੰ ਟਰਮੀਨਲ-3 'ਤੇ ਬਰਾਮਦ ਕੀਤੀ ਹੈ। ਕਸਟਮ ਅਧਿਕਾਰੀਆਂ ਨੇ ਦੱਸਿਆ ਕਿ ਮੁਲਜ਼ਮਾਂ ਨੂੰ ਉਦੋਂ ਰੋਕਿਆ ਗਿਆ ਜਦੋਂ ਉਹ ਇਸਤਾਂਬੁਲ ਜਾਣ ਵਾਲੀ ਫਲਾਈਟ ਵਿੱਚ ਸਵਾਰ ਹੋਣ ਲਈ ਅੱਗੇ ਵਧ ਰਹੇ ਸਨ। ਏਅਰਪੋਰਟ ਕਸਟਮ ਅਧਿਕਾਰੀਆਂ, ਇੰਦਰਾ ਗਾਂਧੀ ਇੰਟਰਨੈਸ਼ਨਲ (ਆਈਜੀਆਈ) ਏਅਰਪੋਰਟ, ਨਵੀਂ ਦਿੱਲੀ ਦੇ ਟਰਮੀਨਲ-3 ਨੇ 21 ਜੁਲਾਈ ਨੂੰ ਤਿੰਨ ਤਾਜਿਕਸਤਾਨੀ ਯਾਤਰੀਆਂ ਦੇ ਖਿਲਾਫ ਭਾਰਤ ਦੇ ਕਿਸੇ ਵੀ ਹਵਾਈ ਅੱਡੇ ਤੋਂ ਵਿਦੇਸ਼ੀ ਮੁਦਰਾ ਦੀ ਤਸਕਰੀ ਦਾ ਸਭ ਤੋਂ ਵੱਡਾ ਮਾਮਲਾ ਦਰਜ ਕੀਤਾ ਹੈ। 

ਇਹ ਵੀ ਪੜ੍ਹੋ: Russia News: ਮਾਸਕੋ ਦੇ ਸ਼ਾਪਿੰਗ ਮਾਲ 'ਚ ਗਰਮ ਪਾਣੀ ਦੀ ਪਾਈਪ ਫਟਿਆ; 4 ਦੀ ਮੌਤ, 10 ਜ਼ਖ਼ਮੀ

ਇੱਕ ਸੀਨੀਅਰ ਕਸਟਮ ਅਧਿਕਾਰੀ ਨੇ ਦੱਸਿਆ ਕਿ ਤਸਕਰਾਂ ਵਿੱਚ ਇੱਕ ਨਾਬਾਲਗ ਵੀ ਸ਼ਾਮਲ ਸੀ। ਸਾਮਾਨ ਵਿੱਚ ਰੱਖੀ ਜੁੱਤੀ ਦੇ ਅੰਦਰੋਂ ਵਿਦੇਸ਼ੀ ਕਰੰਸੀ ਛੁਪੀ ਹੋਈ ਮਿਲੀ। 13 ਜੂਨ ਨੂੰ ਆਈਜੀਆਈ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਤਸਕਰੀ ਦੇ ਸੋਨੇ ਦੀ ਸਭ ਤੋਂ ਵੱਡੀ ਖੇਪ ਫੜੀ ਗਈ ਸੀ। ਇਹ ਸੋਨਾ ਇੱਕ ਉਜ਼ਬੇਕ ਨਾਗਰਿਕ ਗਹਿਣਿਆਂ ਦੇ ਰੂਪ ਵਿੱਚ ਲਿਆਇਆ ਸੀ। ਜਾਂਚ ਦੌਰਾਨ ਉਸ ਕੋਲੋਂ ਕੁੱਲ 16.570 ਕਿਲੋ ਸੋਨਾ ਜ਼ਬਤ ਕੀਤਾ ਗਿਆ। ਅੰਤਰਰਾਸ਼ਟਰੀ ਬਾਜ਼ਾਰ 'ਚ ਇਸ ਦੀ ਕੀਮਤ ਲਗਭਗ 8.16 ਕਰੋੜ ਰੁਪਏ ਦੱਸੀ ਗਈ ਹੈ। ਇਸ ਮਾਮਲੇ ਵਿੱਚ ਦਾਦੀ-ਪੋਤੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ।

ਅਫਸਰਾਂ ਨੇ ਇਕ ਯਾਤਰੀ ਨੂੰ ਆਸਾਨੀ ਨਾਲ ਫੜ ਲਿਆ ਪਰ ਦੂਜੇ ਨੂੰ ਫੜਨ ਵਿਚ ਬਹੁਤ ਮੁਸ਼ਕਲ ਆਈ ਕਿਉਂਕਿ ਉਸ ਨੇ ਹਵਾਈ ਅੱਡੇ 'ਤੇ ਉਤਰਦੇ ਹੀ ਆਪਣੇ ਕੱਪੜੇ ਬਦਲ ਲਏ ਸਨ। ਹਾਲਾਂਕਿ, ਬਾਅਦ ਵਿੱਚ ਉਹ ਗ੍ਰੀਨ ਚੈਨਲ ਪਾਰ ਕਰਦੇ ਹੋਏ ਵੀ ਫੜਿਆ ਗਿਆ ਸੀ। ਜਾਂਚ ਦੌਰਾਨ ਉਸ ਦੇ ਬੈਗ ਅਤੇ ਕੱਪੜਿਆਂ 'ਚੋਂ 265 ਸੋਨੇ ਦੀਆਂ ਚਾਬੀਆਂ ਅਤੇ 9 ਬਰੇਸਲੇਟ ਬਰਾਮਦ ਹੋਏ। ਉਨ੍ਹਾਂ ਦਾ ਕੁੱਲ ਵਜ਼ਨ 16.570 ਕਿਲੋਗ੍ਰਾਮ ਸੀ।