ਪੰਜਾਬ ਵਿਚ ਬੀ.ਐਡ. ਕਰਨ ਵਾਲੇ ਵਿਦਿਆਰਥੀਆਂ ਲਈ ਜ਼ਰੂਰੀ ਖ਼ਬਰ, 28 ਜੂਨ ਫਾਰਮ ਭਰਨ ਦੀ ਆਖਰੀ ਮਿਤੀ

ਚੰਡੀਗੜ:  ਬੀ.ਐਡ. ਕਰਨ ਦੇ ਚਾਹਵਾਨ ਵਿਦਿਆਰਥੀਆਂ ਲਈ 28 ਜੂਨ ਆਪਣਾ ਫਾਰਮ ਜਮ੍ਹਾ ਕਰਵਾਉਣ ਦੀ ਆਖਰੀ ਮਿਤੀ ਹੈ। ਇਸ ਵਾਰ ਪੂਰੇ ਸੂਬੇ ਵਿੱਚ ਬੀ.ਐੱਡ. ਦੀਆਂ 20,200 ਸੀਟਾਂ ਹਨ। ਇਸ ਵਾਰ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਨੂੰ ਬੀ.ਐੱਡ ਦੀ ਸਾਂਝੀ ਦਾਖਲਾ ਪ੍ਰੀਖਿਆ ਦੀ ਜ਼ਿੰਮੇਵਾਰੀ ਮਿਲੀ ਹੈ। ਇਸ ਤਹਿਤ ਆਨਲਾਈਨ ਫਾਰਮ ਲੈਣ ਅਤੇ ਫੀਸ ਜਮ੍ਹਾ ਕਰਵਾਉਣ ਦੀ ਆਖਰੀ ਮਿਤੀ 28 ਜੂਨ ਹੈ। ਹੁਣ ਸਿਰਫ਼ ਦੋ ਦਿਨ ਬਚੇ ਹਨ। ਹਾਲਾਂਕਿ 7 ਹਜ਼ਾਰ ਤੋਂ ਵੱਧ ਅਰਜ਼ੀ ਫਾਰਮ ਜੀ. ਐਨ. ਡੀ. ਯੂ. ਵਿਚ ਪਹੁੰਚ ਚੁੱਕੇ ਹਨ।

ਉਮੀਦ ਹੈ ਕਿ ਅਗਲੇ ਦੋ ਦਿਨਾਂ ਵਿਚ ਬਾਕੀ ਸਾਰੀਆਂ ਸੀਟਾਂ ਲਈ ਅਰਜ਼ੀਆਂ ਆ ਜਾਣਗੀਆਂ। ਇਸ ਦੇ ਨਾਲ ਹੀ ਸ਼ਡਿਊਲ ਅਨੁਸਾਰ ਪ੍ਰੀਖਿਆ ਵਿਚ ਬੈਠਣ ਲਈ ਦਾਖਲਾ ਕਾਰਡ 12 ਜੁਲਾਈ ਤੱਕ ਮੁਹੱਈਆ ਕਰਵਾਏ ਜਾਣਗੇ ਅਤੇ ਦਾਖਲਾ ਪ੍ਰੀਖਿਆ ਦੀ ਮਿਤੀ 24 ਜੁਲਾਈ ਰੱਖੀ ਗਈ ਹੈ।

ਕੋਆਰਡੀਨੇਟਰ ਡਾ. ਅਮਿਤ ਕੋਟਸਾ ਨੇ ਦੱਸਿਆ ਕਿ ਪੰਜਾਬ ਦੀਆਂ ਮਾਨਤਾ ਪ੍ਰਾਪਤ ਯੂਨੀਵਰਸਿਟੀਆਂ ਵਿਚ 6950 ਸੀਟਾਂ ਵਾਲੀ ਪੰਜਾਬ ਯੂਨੀਵਰਸਿਟੀ ਦੇ 59 ਕਾਲਜ, 4800 ਸੀਟਾਂ ਵਾਲੀ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ 51 ਕਾਲਜ, 8450 ਸੀਟਾਂ ਵਾਲੀ ਪੰਜਾਬ ਯੂਨੀਵਰਸਿਟੀ ਪਟਿਆਲਾ ਦੇ 79 ਕਾਲਜ ਸ਼ਾਮਲ ਹੋਣ ਦੀ ਸੰਭਾਵਨਾ ਹੈ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ।

ਉਨ੍ਹਾਂ ਦੱਸਿਆ ਕਿ ਨੋਟੀਫਿਕੇਸ਼ਨ ਅਨੁਸਾਰ ਕਿਸੇ ਵੀ ਸਟਰੀਮ ਵਿੱਚ ਬੈਚਲਰ ਡਿਗਰੀ ਦੇ ਨਾਲ-ਨਾਲ ਕਿਸੇ ਵੀ ਸਟਰੀਮ ਵਿੱਚ 50 ਫੀਸਦੀ ਅੰਕਾਂ ਵਾਲੇ ਸਾਰੇ ਗ੍ਰੈਜੂਏਟ ਅਤੇ ਕਿਸੇ ਵੀ ਸਟਰੀਮ ਵਿੱਚ ਮਾਸਟਰ ਡਿਗਰੀ ਵਾਲੇ ਵਿਦਿਆਰਥੀ ਦਾਖਲਾ ਪ੍ਰੀਖਿਆ ਵਿੱਚ ਬੈਠ ਸਕਦੇ ਹਨ। ਉਨ੍ਹਾਂ ਦੱਸਿਆ ਕਿ ਸਰਕਾਰ ਵੱਲੋਂ ਇਸ ਦਾਖ਼ਲੇ ਤਹਿਤ 211 ਕਾਲਜ ਰੱਖੇ ਗਏ ਹਨ।