Refrigerator Compressor Blast Reason: ਫਰਿੱਜ਼ ਦੇ ਕੰਪ੍ਰੈਸ਼ਰ 'ਚ ਹੋਣ ਵਾਲੇ ਧਮਾਕੇ ਦੇ ਜਾਣੋ ਕਾਰਨ; ਕੀ ਫਰਿੱਜ਼ 'ਚ ਹੋਣ ਵਾਲਾ ਬਲਾਸਟ ਹੋ ਸਕਦੈ ਜਾਨਲੇਵਾ ਸਾਬਿਤ

Refrigerator Compressor Blast Reason: ਹੈਰਾਨੀ ਦੀ ਗੱਲ ਇਹ ਹੈ ਕਿ ਡਬਲ ਡੋਰ ਫਰਿੱਜ਼ ਜ਼ਿਆਦਾ ਪੁਰਾਣੀ ਵੀ ਨਹੀ ਸੀ। ਇਸ ਫਰਿੱਜ ਨੂੰ ਖਰੀਦੇ ਨੂੰ ਅਜੇ 7 ਮਹੀਨੇ ਹੋਏ ਸਨ। ਇਸ ਮਾਮਲੇ ਤੋਂ ਇੱਕ ਗੱਲ ਤਾਂ ਸਪੱਸ਼ਟ ਹੈ ਕਿ ਜੇਕਰ ਬਿਜਲਈ ਉਪਕਰਨਾਂ ਨੂੰ ਧਿਆਨ ਨਾਲ ਨਾ ਸੰਭਾਲਿਆ ਜਾਵੇ ਤਾਂ ਉਨ੍ਹਾਂ 'ਤੇ ਭਰੋਸਾ ਨਹੀਂ ਕੀਤਾ ਜਾ ਸਕਦਾ।

Refrigerator Compressor Blast Reason: ਆਧੁਨਿਕ ਜ਼ਮਾਨੇ ਵਿੱਚ ਆਰਾਮਦਾਇਕ ਸਹਲੂਤਾਂ ਲਈ ਅਸੀਂ ਘਰਾਂ, ਦਫਤਰਾਂ ਤੇ ਹੋਰ ਥਾਵਾਂ ਉਤੇ ਕਈ ਇਲੈਕਟ੍ਰਾਨਿਕ ਚੀਜ਼ਾਂ ਦਾ ਇਸਤੇਮਾਲ ਕਰਦੇ ਹਾਂ। ਫਰਿੱਜ਼, ਟੀਵੀ ਤੇ ਵਾਸ਼ਿੰਗ ਮਸ਼ੀਨਾਂ ਹਰ ਘਰ ਦੀ ਮੁੱਢਲੀ ਜ਼ਰੂਰਤ ਬਣ ਚੁੱਕਿਆ ਹੈ। ਇਥੇ ਗੌਰ ਦੇਣ ਵਾਲੀ ਗੱਲ ਇਹ ਹੈ ਕਿ ਜੇਕਰ ਬਿਜਲੀ ਨਾਲ ਚੱਲਣ ਵਾਲੇ ਉਪਕਰਨਾਂ ਦਾ ਧਿਆਨ ਨਾ ਰੱਖਿਆ ਜਾਵੇ ਤਾਂ ਉਹ ਤੁਹਾਡੀ ਜਾਨ ਦਾ ਦੁਸ਼ਮਣ ਬਣ ਸਕਦਾ ਹੈ।

ਹਾਲ ਵਿੱਚ ਜਲੰਧਰ ਵਿੱਚ ਇੱਕ ਘਟਨਾ ਵਿੱਚ ਘਰ ਵਿੱਚ ਰੱਖੀ ਫਰਿੱਜ ਵਿੱਚ ਜ਼ਬਰਦਸਤ ਧਮਾਕਾ ਹੋ ਗਿਆ, ਜਿਸ ਕਾਰਨ 5 ਲੋਕਾਂ ਦੀ ਕੀਮਤੀ ਜਾਨ ਚਲੀ ਗਈ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਡਬਲ ਡੋਰ ਫਰਿੱਜ਼ ਜ਼ਿਆਦਾ ਪੁਰਾਣੀ ਵੀ ਨਹੀ ਸੀ। ਇਸ ਫਰਿੱਜ ਨੂੰ ਖਰੀਦੇ ਨੂੰ ਅਜੇ 7 ਮਹੀਨੇ ਹੋਏ ਸਨ। ਇਸ ਮਾਮਲੇ ਤੋਂ ਇੱਕ ਗੱਲ ਤਾਂ ਸਪੱਸ਼ਟ ਹੈ ਕਿ ਜੇਕਰ ਬਿਜਲਈ ਉਪਕਰਨਾਂ ਨੂੰ ਧਿਆਨ ਨਾਲ ਨਾ ਸੰਭਾਲਿਆ ਜਾਵੇ ਤਾਂ ਉਨ੍ਹਾਂ 'ਤੇ ਭਰੋਸਾ ਨਹੀਂ ਕੀਤਾ ਜਾ ਸਕਦਾ। ਫਰਿੱਜ ਦੇ ਧਮਾਕੇ ਦੇ ਪਿੱਛੇ ਕਈ ਕਾਰਨ ਹੋ ਸਕਦੇ ਹਨ, ਜਿਨ੍ਹਾਂ 'ਚੋਂ ਇਕ ਸਭ ਤੋਂ ਵੱਡਾ ਕਾਰਨ ਹੈ ਕੰਪ੍ਰੈਸ਼ਰ। 

ਧਮਾਕੇ ਦਾ ਸਭ ਤੋਂ ਵੱਡਾ ਕਾਰਨ
ਤੁਹਾਡੇ ਫਰਿੱਜ਼ ਵਿੱਚ ਵੱਡੇ ਧਮਾਕੇ ਦਾ ਮੁੱਖ ਕਾਰਨ ਇਸਦਾ ਕੰਪ੍ਰੈਸ਼ਰ ਹੈ। ਇਹ ਯੂਨਿਟ ਦੇ ਪਿਛਲੇ ਪਾਸੇ ਹੁੰਦਾ ਹੈ। ਇਸ ਵਿੱਚ ਇੱਕ ਪੰਪ ਤੇ ਮੋਟਰ ਸ਼ਾਮਲ ਹੁੰਦੀ ਹੈ ਜੋ ਕੌਆਇਲ ਰਾਹੀਂ ਸਿੱਧੇ ਫਰਿੱਜ ਗੈਸ ਨੂੰ ਧੱਕਦਾ ਹੈ। ਜਿਵੇਂ ਕਿ ਇਹ ਗੈਸ ਠੰਢੀ ਹੋ ਜਾਂਦੀ ਹੈ ਅਤੇ ਤਰਲ ਵਿੱਚ ਬਦਲ ਜਾਂਦੀ ਹੈ, ਇਹ ਫਰਿੱਜ ਯੂਨਿਟ ਤੋਂ ਗਰਮੀ ਨੂੰ ਸੋਖ ਲੈਂਦੀ ਹੈ ਤੇ ਅੰਦਰਲੀਆਂ ਸਾਰੀਆਂ ਚੀਜ਼ਾਂ ਨੂੰ ਠੰਢਾ ਕਰਨ ਵਿੱਚ ਮਦਦ ਕਰਦੀ ਹੈ।

ਪਰ ਕਈ ਵਾਰ ਫਰਿੱਜ ਦਾ ਪਿਛਲਾ ਹਿੱਸਾ ਅਸਲ ਵਿੱਚ ਗਰਮ ਹੋ ਸਕਦਾ ਹੈ ਕਿਉਂਕਿ ਫਰਿੱਜ ਕੰਪ੍ਰੈਸਰ ਦੁਆਰਾ ਘੁੰਮਦਾ ਰਹਿੰਦਾ ਹੈ। ਜਦੋਂ ਅਜਿਹਾ ਹੁੰਦਾ ਹੈ ਤਾਂ ਇਹ ਕੰਡੈਂਸਰ ਕੌਆਇਲ ਦੇ ਸੁੰਗੜਨ ਦਾ ਕਾਰਨ ਬਣਦਾ ਹੈ। ਇਹ ਗੈਸ ਨੂੰ ਬਾਹਰ ਨਿਕਲਣ ਤੋਂ ਰੋਕਦਾ ਹੈ। ਜਿਵੇਂ ਕਿ ਸਮੇਂ ਦੇ ਨਾਲ ਕੰਪ੍ਰੈਸਰ ਕੌਆਇਲ ਦੇ ਅੰਦਰ ਵਧੇਰੇ ਗੈਸ ਇਕੱਠੀ ਹੁੰਦੀ ਹੈ, ਦਬਾਅ ਵਧਦਾ ਹੈ ਜਿਸ ਨਾਲ ਖ਼ਤਰਨਾਕ ਧਮਾਕਾ ਹੁੰਦਾ ਹੈ।

ਫਰਿੱਜ ਵਿੱਚ ਰੱਖੀਆਂ ਚੀਜ਼ਾਂ ਨੂੰ ਠੰਢਾ ਕਰਨ ਲਈ ਕੰਪ੍ਰੈਸਰ ਦੀ ਵਰਤੋਂ ਕੀਤੀ ਜਾਂਦੀ ਹੈ ਪਰ ਜਦੋਂ ਇਸ ਵਿੱਚ ਕੋਈ ਸਮੱਸਿਆ ਆਉਂਦੀ ਹੈ ਇਸ ਵਿੱਚ ਹੋਣ ਵਾਲੇ ਧਮਾਕੇ ਨਾਲ ਕੀਮਤੀ ਜਾਨਾਂ ਵੀ ਜਾ ਸਕਦੀਆਂ ਹਨ। ਕਈ ਵਾਰ ਜਦੋਂ ਗੈਸ ਫਰਿੱਜ ਕੰਪ੍ਰੈਸਰ ਵਿੱਚੋਂ ਲੰਘਦੀ ਹੈ ਤਾਂ ਫਰਿੱਜ ਦਾ ਪਿਛਲਾ ਹਿੱਸਾ ਬਹੁਤ ਗਰਮ ਹੋ ਜਾਂਦਾ ਹੈ। ਇਸ ਕਾਰਨ ਫਰਿੱਜ ਦੇ ਕੰਪ੍ਰੈਸਰ ਦੀ ਕੌਆਇਲ ਸੁੰਗੜ ਜਾਂਦੀ ਹੈ, ਜਿਸ ਵਿੱਚ ਗੈਸ ਫਸ ਜਾਂਦੀ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਇਹ ਗੈਸ ਬਹੁਤ ਜਲਦੀ ਅੱਗ ਫੜਦੀ ਹੈ। ਅਜਿਹੇ 'ਚ ਜਦੋਂ ਗੈਸ ਇੱਕ ਜਗ੍ਹਾ 'ਤੇ ਸੁੰਗੜ ਜਾਂਦੀ ਹੈ ਤਾਂ ਫਰਿੱਜ 'ਚ ਧਮਾਕਾ ਹੋਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ। ਘਰ ਵਿੱਚ ਕਿਸੇ ਵੀ ਵੱਡੇ ਨੁਕਸਾਨ ਤੋਂ ਬਚਣ ਲਈ, ਤੁਹਾਨੂੰ ਇਹ ਪਤਾ ਹੋਣਾ ਚਾਹੀਦਾ ਹੈ ਕਿ ਧਮਾਕੇ ਦੇ ਖ਼ਤਰੇ ਨੂੰ ਕਿਵੇਂ ਪਛਾਣਨਾ ਹੈ। ਅਜਿਹਾ ਨਹੀਂ ਹੈ ਕਿ ਕੋਈ ਵੀ ਮਸ਼ੀਨ ਬਿਨਾਂ ਕਿਸੇ ਨੁਕਸ ਦੇ ਫਟ ਜਾਂਦੀ ਹੈ, ਧਮਾਕਾ ਉਦੋਂ ਹੁੰਦਾ ਹੈ ਜਦੋਂ ਤੁਸੀਂ ਛੋਟੀਆਂ-ਛੋਟੀਆਂ ਤਕਨੀਕੀ ਨੁਕਸ ਨੂੰ ਨਜ਼ਰਅੰਦਾਜ਼ ਕਰਦੇ ਹੋ।

ਫਰਿੱਜ਼ 'ਚ ਖ਼ਰਾਬੀ ਦੇ ਇੰਝ ਪਛਾਣੋ ਚਿੰਨ੍ਹ

ਫਰਿੱਜ ਦੇ ਵਿਸਫੋਟ ਦੇ ਖਤਰੇ ਨੂੰ ਪਹਿਲਾਂ ਤੋਂ ਸਮਝਣ ਲਈ ਇਨ੍ਹਾਂ ਚਿੰਨ੍ਹਾਂ ਦੀ ਪਛਾਣ ਕਰੋ। ਜੇ ਤੁਹਾਡੇ ਫਰਿੱਜ ਤੋਂ ਆਵਾਜ਼ ਆਉਣੀ ਸ਼ੁਰੂ ਹੋ ਜਾਂਦੀ ਹੈ ਤਾਂ ਤੁਸੀਂ ਆਵਾਜ਼ ਦੁਆਰਾ ਧਮਾਕੇ ਦੇ ਖ਼ਤਰੇ ਦਾ ਪਤਾ ਲਗਾ ਸਕਦੇ ਹੋ। ਦਰਅਸਲ, ਜਦੋਂ ਫਰਿੱਜ ਠੀਕ ਤਰ੍ਹਾਂ ਕੰਮ ਕਰਦਾ ਹੈ, ਤਾਂ ਕੰਪ੍ਰੈਸਰ ਤੋਂ ਉੱਚੀ ਉੱਚੀ ਆਵਾਜ਼ ਆਉਂਦੀ ਹੈ ਪਰ ਜੇਕਰ ਤੁਹਾਡਾ ਫਰਿੱਜ ਕਿਸੇ ਹੋਰ ਤਰ੍ਹਾਂ ਦੀ ਉੱਚੀ ਆਵਾਜ਼ ਕਰਦਾ ਹੈ ਜਾਂ ਬਿਲਕੁਲ ਵੀ ਆਵਾਜ਼ ਨਹੀਂ ਕਰਦਾ ਹੈ ਤਾਂ ਕੌਆਇਲ ਦੀ ਸਮੱਸਿਆ ਹੋ ਸਕਦੀ ਹੈ। ਜੇਕਰ ਕੌਆਇਲ ਬੰਦ ਹੋ ਜਾਂਦੀ ਹੈ ਤਾਂ ਫਰਿੱਜ 'ਚ ਧਮਾਕਾ ਹੋਣ ਦਾ ਖਤਰਾ ਰਹਿੰਦਾ ਹੈ। ਅਜਿਹੀ ਸਥਿਤੀ ਵਿੱਚ, ਇਹ ਜ਼ਰੂਰੀ ਹੈ ਕਿ ਤੁਸੀਂ ਸਮੇਂ-ਸਮੇਂ 'ਤੇ ਆਪਣੇ ਫਰਿੱਜ ਦੇ ਕੰਡੈਂਸਰ ਕੌਆਇਲ ਨੂੰ ਸਾਫ਼ ਕਰਦੇ ਰਹੋ।