Muktsar Roof Collapsed: ਮੁਕਤਸਰ 'ਚ ਛੱਤ ਡਿੱਗਣ ਕਾਰਨ 6 ਔਰਤਾਂ ਜ਼ਖ਼ਮੀ; ਪਰਿਵਾਰ ਨੇ ਮਦਦ ਲਈ ਲਗਾਈ ਗੁਹਾਰ

Muktsar House Roof Collapsed: ਸ੍ਰੀ ਮੁਕਤਸਰ ਸਾਹਿਬ ਦੇ ਸੁੰਦਰ ਨਗਰ ਵਿਖੇ ਘਰ ਦੀ ਛੱਤ ਡਿੱਗਣ ਕਾਰਨ ਪਰਿਵਾਰ ਦੇ 6 ਮੈਂਬਰ ਹੋਏ ਗੰਭੀਰ ਜ਼ਖ਼ਮੀ ਹੋ ਗਏ ਹਨ।ਸਿਵਲ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ। ਪਰਿਵਾਰਕ ਮੈਬਰਾਂ ਨੇ ਪ੍ਰਸਾਸਨ ਤੋਂ ਮੱਦਦ ਦੀ ਗੁਹਾਰ ਲਗਾਈ ਹੈ।

Muktsar House Roof Collapsed/ਅਨਮੋਲ ਸਿੰਘ ਵੜਿੰਗ: ਪੰਜਾਬ ਦੇ ਮੁਕਤਸਰ ਦੀ ਸੁੰਦਰ ਨਗਰ ਬਸਤੀ 'ਚ ਸ਼ੁੱਕਰਵਾਰ ਸਵੇਰੇ ਇਕ ਘਰ ਦੀ ਛੱਤ ਡਿੱਗਣ ਕਾਰਨ ਦੋ ਔਰਤਾਂ ਸਮੇਤ ਇਕ ਪਰਿਵਾਰ ਦੇ 6 ਮੈਂਬਰ ਜ਼ਖਮੀ ਹੋ ਗਏ ਜਦਕਿ ਘਰ ਦਾ ਸਾਮਾਨ ਪੂਰੀ ਤਰ੍ਹਾਂ ਨੁਕਸਾਨਿਆ ਗਿਆ। ਜ਼ਖਮੀਆਂ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ।

ਪ੍ਰਾਪਤ ਜਾਣਕਾਰੀ ਅਨੁਸਾਰ ਅੱਜ ਸਵੇਰੇ ਕਰੀਬ 6 ਵਜੇ ਸੁੰਦਰ ਨਗਰ ਬਸਤੀ ਦੇ ਰਹਿਣ ਵਾਲੇ ਮੁਖਤਿਆਰ ਸਿੰਘ ਦੇ ਘਰ ਦੀ ਛੱਤ ਅਚਾਨਕ (Muktsar House Roof Collapsed) ਡਿੱਗ ਗਈ। ਘਰ ਦੀ ਛੱਤ ਡਿੱਗਣ ਸਮੇਂ ਉਸ ਦੇ ਪਰਿਵਾਰ ਦੇ 6 ਮੈਂਬਰ ਸੁੱਤੇ ਪਏ ਸਨ।

ਇਹ ਵੀ ਪੜ੍ਹੋ: Kedarnath Rescue: ਕੇਦਾਰਨਾਥ ਧਾਮ 'ਚ ਫਸੇ ਹਜ਼ਾਰਾਂ ਲੋਕ! 2200 ਤੋਂ ਵੱਧ ਲੋਕਾਂ ਨੂੰ ਬਚਾਇਆ, ਬਚਾਅ ਕਾਰਜ ਜਾਰੀ

ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਮੁਖਤਿਆਰ ਸਿੰਘ ਦੀਆਂ ਵਿਆਹੁਤਾ ਲੜਕੀਆਂ ਗੁਰਪ੍ਰੀਤ ਕੌਰ (27) ਅਤੇ ਹਰਪ੍ਰੀਤ ਕੌਰ (29) ਆਪਣੇ ਬੱਚਿਆਂ ਲਵਪ੍ਰੀਤ ਸਿੰਘ, ਅਰਮਾਨ, ਸ਼ਿਵਜੋਤ, ਅਮਨਦੀਪ ਨਾਲ ਬੀਤੀ ਸ਼ਾਮ ਆਪਣੇ ਮਾਤਾ-ਪਿਤਾ ਲਈ ਦਵਾਈ ਲੈਣ ਆਈਆਂ ਸਨ। ਉਸ ਨੇ ਅੱਜ ਸਵੇਰੇ ਆਪਣੇ ਮਾਪਿਆਂ ਲਈ ਦਵਾਈ ਲੈਣ ਫਰੀਦਕੋਟ ਜਾਣਾ ਸੀ।

ਅੱਜ ਸਵੇਰੇ ਜਿਸ ਕਮਰੇ ਵਿੱਚ ਦੋਵੇਂ ਧੀਆਂ ਆਪਣੇ ਬੱਚਿਆਂ ਨਾਲ ਸੌਂ ਰਹੀਆਂ ਸਨ, ਉਸ ਕਮਰੇ ਦੀ ਛੱਤ ਅਚਾਨਕ ਡਿੱਗ ਗਈ ਜਿਸ ਕਾਰਨ ਸਾਰੇ ਗੰਭੀਰ ਜ਼ਖਮੀ ਹੋ ਗਏ। ਉਸ ਨੂੰ ਸਿਵਲ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ, ਜਿੱਥੇ ਉਸ ਦਾ ਇਲਾਜ ਚੱਲ ਰਿਹਾ ਹੈ। ਦੱਸ ਦਈਏ ਕਿ ਵੀਰਵਾਰ ਸ਼ਾਮ ਨੂੰ ਮੁਕਤਸਰ 'ਚ ਭਾਰੀ ਮੀਂਹ ਪਿਆ। ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਕੁਝ ਸਮਾਂ ਪਹਿਲਾਂ ਮੁਖਤਿਆਰ ਸਿੰਘ ਨੇ ਫਰਨੀਚਰ ਦਾ ਸਮਾਨ ਕਿਸ਼ਤਾਂ 'ਤੇ ਲਿਆ ਸੀ ਜੋ ਕਿ ਛੱਤ ਡਿੱਗਣ (Muktsar House Roof Collapsed)  ਕਾਰਨ ਪੂਰੀ ਤਰ੍ਹਾਂ ਨੁਕਸਾਨਿਆ ਗਿਆ ਹੈ।

ਇਹ ਵੀ ਪੜ੍ਹੋ:  Punjab News: ਕਿਰਾਏ ਦੀ ਜ਼ਮੀਨ ਦੀ ਖਸਤਾ ਹਾਲ, ਥਾਣਾ ਸਿਟੀ ਸਾਊਥ ਮੌਤ ਨੂੰ ਦੇ ਰਿਹਾ ਹੈ ਸੱਦਾ