Faridkot News: ਤਿੰਨ ਵਿਦਿਆਰਥਣਾਂ ਸ਼ੱਕੀ ਹਾਲਾਤ ਵਿੱਚ ਲਾਪਤਾ; ਮਾਪਿਆਂ ਨੇ ਪੁਲਿਸ ਨੂੰ ਲਗਾਈ ਗੁਹਾਰ

Faridkot News: ਫਰੀਦਕੋਟ ਦੇ ਇੱਕ ਸਰਕਾਰੀ ਸਕੂਲ ਵਿੱਚ ਪੜ੍ਹਦੀਆਂ ਤਿੰਨ ਵਿਦਿਆਰਥਣਾਂ ਸ਼ੱਕੀ ਹਾਲਾਤ ਵਿੱਚ ਲਾਪਤਾ ਹੋ ਗਈਆਂ ਹਨ।

Faridkot News: ਫਰੀਦਕੋਟ ਵਿੱਚ ਇੱਕ ਸਕੂਲ ਵਿਚੋਂ ਤਿੰਨ ਵਿਦਿਆਰਥਣਾਂ ਦੇ ਲਾਪਤਾ ਹੋਣ ਦੀ ਸਨਸਨੀਖੇਜ ਖਬਰ ਸਾਹਮਣੇ ਰਹੀ ਹੈ। ਦਰਅਸਲ ਸ਼ਹਿਰ ਦੇ ਸਰਕਾਰੀ ਸਕੂਲ ਵਿਚੋਂ ਤਿੰਨ ਬੱਚੀਆਂ ਗਾਇਬ ਹੋ ਗਈਆਂ ਹਨ। ਪੀੜਤਾਂ ਦੇ ਪਰਿਵਾਰਕ ਮੈਂਬਰਾਂ ਨੇ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾ ਕੇ ਕੁੜੀਆਂ ਨੂੰ ਲੱਭਣ ਦੀ ਅਪੀਲ ਕੀਤੀ ਹੈ।

ਲਾਪਤਾ ਲੜਕੀਆਂ ਦੇ ਪਰੇਸ਼ਾਨ ਪਰਿਵਾਰਕ ਜੀਆਂ ਨੇ ਦੱਸਿਆ ਤਿੰਨੋਂ ਵਿਦਿਆਰਥਣਾਂ ਤਿਆਰ ਹੋ ਕੇ ਸਕੂਲ ਪੜ੍ਹਨ ਲਈ ਗਈਆਂ ਸਨ ਪਰ ਦੁਪਹਿਰ ਨੂੰ ਸਕੂਲ ਵਿਚੋਂ ਫੋਨ ਆਇਆ ਕਿ ਉਨ੍ਹਾਂ ਦੀਆਂ ਲੜਕੀਆਂ ਅੱਜ ਸਕੂਲ ਨਹੀਂ ਪੁੱਜੀਆਂ। ਇਸ ਤੋਂ ਬਾਅਦ ਉਹ ਕਾਫੀ ਘਬਰਾ ਗਏ ਅਤੇ ਬੱਚੀਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ।

ਦੱਸਿਆ ਜਾ ਰਿਹਾ ਹੈ ਕਿ 7ਵੀਂ ਜਮਾਤ 'ਚ ਪੜ੍ਹਦੀਆਂ 13 ਸਾਲਾ ਪ੍ਰਗਤੀ ਕੁਮਾਰੀ ਅਤੇ ਸਪਨਾ ਥਾਪਰ (14) ਨੂੰ ਸਵੇਰੇ ਸਕੂਲ ਦੇ ਗੇਟ 'ਤੇ ਬੱਚਿਆਂ ਨੇ ਦੇਖਿਆ ਪਰ ਬਾਅਦ 'ਚ ਉਹ ਸਕੂਲ 'ਚ ਨਹੀਂ ਪੁੱਜੀਆਂ। ਇਸੇ ਤਰ੍ਹਾਂ 17 ਸਾਲਾ ਸਰਸਵਤੀ ਗਿਰੀ ਵੀ ਸਕੂਲ ਨਹੀਂ ਪੁੱਜੀ। ਇਸ ਦੀ ਖਬਰ ਮਿਲਣ ਉਪਰ ਮਾਪੇ ਕਾਫੀ ਘਬਰਾ ਗਏ।

ਇਹ ਵੀ ਪੜ੍ਹੋ : Punjab Kisan Andolan Live Update: ਕਿਸਾਨੀ ਅੰਦੋਲਨ 'ਤੇ ਹਰ ਅਪਡੇਟ, ਦੂਜੇ ਦਿਨ ਕਿਸਾਨਾਂ ਨੇ ਸ਼ੰਭੂ ਬਾਰਡਰ 'ਤੇ ਮੋਰਚਾ ਸਾਂਭਿਆ

ਘਰ ਦ ਆਲੇ-ਦੁਆਲੇ ਵੀ ਪੁੱਛਗਿੱਛ ਕੀਤੀ। ਬੱਚੀਆਂ ਦੇ ਘਰ ਵੀ ਨਹੀਂ ਪੁੱਜਣ ਉਤੇ ਮਾਪਿਆਂ ਨੇ ਤਿੰਨਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ। ਤਿੰਨਾਂ ਲੜਕੀਆਂ ਦੇ ਮਾਤਾ-ਪਿਤਾ ਮੂਲ ਰੂਪ ਤੋਂ ਨੇਪਾਲ ਦੇ ਰਹਿਣ ਵਾਲੇ ਹਨ। ਅਜਿਹੇ 'ਚ ਫਰੀਦਕੋਟ 'ਚ ਰਹਿੰਦੇ ਨੇਪਾਲੀ ਭਾਈਚਾਰੇ ਨੇ ਇਕੱਠੇ ਹੋ ਕੇ ਤਿੰਨ ਲਾਪਤਾ ਲੜਕੀਆਂ ਨੂੰ ਲੱਭਣ ਲਈ ਪੁਲਿਸ ਪ੍ਰਸ਼ਾਸਨ ਨੂੰ ਸ਼ਿਕਾਇਤ ਕੀਤੀ ਹੈ ਤੇ ਸਮਾਜਿਕ ਸੰਸਥਾਵਾਂ ਨੂੰ ਲੜਕੀਆਂ ਦੀ ਭਾਲ 'ਚ ਮਦਦ ਦੀ ਅਪੀਲ ਕੀਤੀ ਹੈ। ਸੰਸਥਾਵਾਂ ਨੁਮਾਇੰਦਿਆਂ ਕਿਹਾ ਕਿ ਜਲਦ ਤੋਂ ਜਲਦ ਬੱਚੀਆਂ ਨੂੰ ਲੱਭ ਕੇ ਮਾਪਿਆਂ ਦੇ ਹਵਾਲੇ ਕੀਤੀਆਂ ਜਾਣ।

ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕੀਤੀ

ਅਜਿਹੇ 'ਚ ਫਰੀਦਕੋਟ 'ਚ ਰਹਿੰਦੇ ਨੇਪਾਲੀ ਭਾਈਚਾਰੇ ਨੇ ਇਕੱਠੇ ਹੋ ਕੇ ਤਿੰਨ ਲਾਪਤਾ ਲੜਕੀਆਂ ਨੂੰ ਲੱਭਣ ਲਈ ਪੁਲਿਸ ਪ੍ਰਸ਼ਾਸਨ ਅਤੇ ਸਮਾਜਿਕ ਸੰਸਥਾਵਾਂ ਨੂੰ ਲੜਕੀਆਂ ਦੀ ਭਾਲ 'ਚ ਮਦਦ ਦੀ ਗੁਹਾਰ ਕੀਤੀ ਹੈ।