Khanna News: ਇਸ ਮਾਮਲੇ ਵਿੱਚ ਸ਼ਰੀਫ਼ ਅਤੇ ਕਨੂੰ ਉਰਫ਼ ਫ਼ਿਰੋਜ਼ ਵਾਸੀ ਗਗੜੇਵਾਲ (ਤਰਨਤਾਰਨ) ਦੀ ਭਾਲ ਜਾਰੀ ਹੈ। ਮੁਲਜ਼ਮ ਬੱਲੂ ਦਾ 6 ਦਿਨ ਦਾ ਰਿਮਾਂਡ ਲਿਆ ਗਿਆ ਹੈ ਅਤੇ ਉਸ ਦੇ ਸਾਥੀਆਂ ਦਾ ਪਤਾ ਲਗਾਇਆ ਜਾ ਰਿਹਾ ਹੈ।
Trending Photos
5
6
6
5 "Khanna News: ਗੱਡੀ ਸਮੇਤ ਅਗਵਾ ਕੀਤੇ ਟਰਾਂਸਪੋਰਟ ਦੇ ਮਾਮਲੇ ਨੂੰ ਪੁਲਿਸ ਨੇ ਸੁਲਝਾਇਆ")
Khanna News: 28 ਜੂਨ ਨੂੰ ਖੰਨਾ ਤੋਂ ਗੱਡੀ ਸਮੇਤ ਅਗਵਾ ਹੋਏ ਟਰਾਂਸਪੋਰਟਰ ਦਾ ਮਾਮਲਾ ਪੁਲਿਸ ਨੇ ਸੁਲਝਾ ਲਿਆ ਹੈ। ਇਸ ਮਾਮਲੇ ਵਿੱਚ 36 ਦਿਨਾਂ ਬਾਅਦ ਇੱਕ ਮੁਲਜ਼ਮ ਬੱਲੂ ਨੂੰ ਤਰਨਤਾਰਨ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਜਿਸ ਨੇ ਖੁਲਾਸਾ ਕੀਤਾ ਕਿ ਜਿਸ ਵੇਲੇ ਘਟਨਾ ਨੂੰ ਅੰਜਾਮ ਦਿੱਤਾ ਗਿਆ ਉਹ ਇਕੱਲਾ ਸੀ।
ਉਸ ਨੇ ਦੱਸਿਆ ਕਿ ਚੱਲਦੀ ਗੱਡੀ ਵਿੱਚ ਰਾਜ ਕੁਮਾਰ ਉਸਦਾ ਮੁਕਾਬਲਾ ਕਰ ਰਿਹਾ ਸੀ। ਉਸ ਨੇ ਰਾਜ ਕੁਮਾਰ ਨੂੰ ਧੱਕਾ ਦੇ ਕੇ ਸੁੱਟ ਦਿੱਤਾ। ਇਸ ਤੋਂ ਬਾਅਦ ਉਹ ਉਸ ਨੂੰ ਜ਼ਖਮੀ ਹਾਲਤ ਵਿਚ ਆਪਣੀ ਕਾਰ ਵਿਚ ਆਪਣੇ ਪਿੰਡ ਲੈ ਗਿਆ। ਉਦੋਂ ਤੱਕ ਰਾਜ ਕੁਮਾਰ ਦੀ ਮੌਤ ਹੋ ਚੁੱਕੀ ਸੀ।
ਉੱਥੇ ਉਸ ਨੇ ਆਪਣੇ ਦੋ ਹੋਰ ਸਾਥੀਆਂ ਨਾਲ ਮਿਲ ਕੇ ਰਾਜ ਕੁਮਾਰ ਦੀ ਲਾਸ਼ ਨਦੀ ਵਿੱਚ ਸੁੱਟ ਦਿੱਤੀ। ਗੱਡੀ ਅੱਗੇ ਪਲਟ ਗਈ ਅਤੇ ਪੁਲਿਸ ਨੇ ਬਰਾਮਦ ਕਰ ਲਈ। ਇਸ ਮਾਮਲੇ ਵਿੱਚ ਸ਼ਰੀਫ਼ ਅਤੇ ਕਨੂੰ ਉਰਫ਼ ਫ਼ਿਰੋਜ਼ ਵਾਸੀ ਗਗੜੇਵਾਲ (ਤਰਨਤਾਰਨ) ਦੀ ਭਾਲ ਜਾਰੀ ਹੈ। ਮੁਲਜ਼ਮ ਬੱਲੂ ਦਾ 6 ਦਿਨ ਦਾ ਰਿਮਾਂਡ ਲਿਆ ਗਿਆ ਹੈ ਅਤੇ ਉਸ ਦੇ ਸਾਥੀਆਂ ਦਾ ਪਤਾ ਲਗਾਇਆ ਜਾ ਰਿਹਾ ਹੈ।
ਐਸਐਸਪੀ ਅਮਨੀਤ ਕੌਂਡਲ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਪੁਲਿਸ ਨੇ ਅਗਵਾ ਦੀ ਧਾਰਾ 365 ਤਹਿਤ ਕੇਸ ਦਰਜ ਕੀਤਾ ਸੀ। ਹੁਣ ਇਸ ਮਾਮਲੇ ਵਿੱਚ ਧਾਰਾਵਾਂ ਵਧਾ ਕੇ ਕਤਲ ਦੀ ਧਾਰਾ 302, ਸਾਜ਼ਿਸ਼ ਦੀ ਧਾਰਾ 120ਬੀ ਅਤੇ ਸਬੂਤ ਨਸ਼ਟ ਕਰਨ ਦੀ ਧਾਰਾ 201 ਵੀ ਲਗਾਈ ਗਈ ਹੈ।
ਪੂਰਾ ਮਾਮਲਾ
ਥਾਣਾ ਸਿਟੀ ਪੁਲਿਸ ਨੇ ਰਾਜ ਕੁਮਾਰ ਪੁੱਤਰ ਪ੍ਰਿੰਸ ਦੀ ਸ਼ਿਕਾਇਤ ’ਤੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਅਗਵਾ ਦਾ ਕੇਸ ਦਰਜ ਕੀਤਾ ਸੀ। ਪ੍ਰਿੰਸ ਅਨੁਸਾਰ ਉਸ ਦਾ ਪਿਤਾ ਕਾਫੀ ਸਮੇਂ ਤੋਂ ਬਲੇਰੋ ਪਿਕਅੱਪ ਗੱਡੀ ਨੰਬਰ ਪੀਬੀ 10 ਜੀਕੇ 0512 ਚਲਾ ਰਿਹਾ ਸੀ।
26 ਜੂਨ 2024 ਨੂੰ ਉਸ ਦੇ ਪਿਤਾ ਕੋਲ ਖਟੜਾ ਟਰਾਂਸਪੋਰਟ ਵਿੱਚ ਮੋਨਾ ਨਾਲ ਦਾ ਵਿਅਕਤੀ ਆਇਆ। ਜਿਸ ਨੇ ਉਸ ਦੇ ਪਿਤਾ ਨੂੰ ਦੱਸਿਆ ਕਿ ਉਸ ਦੀ ਗੱਡੀ ਮੰਜੀ ਸਾਹਿਬ ਦੇ ਨੇੜੇ ਖਰਾਬ ਹੋ ਗਈ ਹੈ, ਕਿਉਂਕਿ ਉਸਦੀ ਕਾਰ ਸਬਜ਼ੀਆਂ ਨਾਲ ਭਰੀ ਹੋਈ ਸੀ, ਇਸ ਲਈ ਉਸਨੂੰ ਟੋਅ ਕਰਕੇ ਖੰਨਾ ਸਬਜ਼ੀ ਮੰਡੀ ਦੀ ਦੁਕਾਨ ਨੰਬਰ ਪੰਜ 'ਤੇ ਲਿਆਉਣਾ ਪਵੇਗਾ।
ਕਿਰਾਇਆ ਤੈਅ ਕਰਨ ਤੋਂ ਬਾਅਦ ਦੋਵੇਂ 8 ਵਜੇ ਦੇ ਕਰੀਬ ਮੰਜੀ ਸਾਹਿਬ ਵੱਲ ਚੱਲ ਪਏ। ਫਿਰ 20 ਤੋਂ 25 ਮਿੰਟ ਬਾਅਦ ਜਦੋਂ ਉਸ ਦੇ ਪਿਤਾ ਦਾ ਮੋਬਾਈਲ ਬੰਦ ਆਉਣ ਲੱਗ ਪਿਆ ਤਾਂ ਉਹ ਆਪਣੇ ਪਿਤਾ ਦੀ ਭਾਲ ਕਰਨ ਲਈ ਉਸ ਥਾਂ ਵੱਲ ਗਿਆ ਪਰ ਕੋਈ ਸੁਰਾਗ ਨਹੀਂ ਮਿਲਿਆ। ਜਿਸ ਤੋਂ ਬਾਅਦ ਉਸਨੇ ਪੁਲਿਸ ਨੂੰ ਸਾਰੀ ਘਟਨਾ ਦੱਸਕੇ ਮਾਮਲਾ ਦਰਜ ਕਰਵਾਇਆ ਸੀ।
