7th Pay Commission: ಸರ್ಕಾರಿ ನೌಕರರಿಗೆ ವೇತನದಲ್ಲಿ ಸಿಗಲಿದೆ ಹೆಚ್ಚುವರಿ 30,000 ರೂ.ಗಳ ಲಾಭ! ಈ ಷರತ್ತು ಪೂರೈಸಬೇಕು

7th Pay Commission Latest News: ಕೇಂದ್ರ ಸರ್ಕಾರ ತನ್ನ ನೌಕರರಿಗೆ ವೇತನದ ಜೊತೆಗೆ ಹಲವು ರೀತಿಯ ಸವಲತ್ತುಗಳು ನೀಡುತ್ತದೆ. ಪ್ರತಿ ವರ್ಷ ನೌಕರರ ವೇತನ ತುಟ್ಟಿಭತ್ಯೆಯ ರೂಪದಲ್ಲಿ ಹೆಚ್ಚಾಗುತ್ತದೆ. ಇದಲ್ಲದೆ, ಬಡ್ತಿ ಮತ್ತು ಇತರ ಭತ್ಯೆಗಳ ಪ್ರಯೋಜನವನ್ನು ಕೂಡ ನೌಕರರಿಗೆ ನೀಡಲಾಗುತ್ತದೆ. ಆದರೆ, ಇದರ ಹೊರತಾಗಿ, ಉದ್ಯೋಗಿಯು ಕೆಲಸದಲ್ಲಿರುವಾಗ ಉನ್ನತ ಪದವಿಯನ್ನು ಗಳಿಸಿದರೆ, ಅವನು ಪ್ರತ್ಯೇಕ ಪ್ರಯೋಜನವನ್ನು ಪಡೆಯುತ್ತಾನೆ. ಉನ್ನತ ಪದವಿ ಪಡೆದ ಉದ್ಯೋಗಿಗಳಿಗೆ ಕೇಂದ್ರ ಸರ್ಕಾರ ಪ್ರೋತ್ಸಾಹಧನವನ್ನು 5 ಪಟ್ಟು ಹೆಚ್ಚಿಸಿದೆ. ಪಿಎಚ್.ಡಿ.ಯಂತಹ ಉನ್ನತ ಪದವಿ ಪಡೆದ ಉದ್ಯೋಗಿಗಳಿಗೆ ಪ್ರೋತ್ಸಾಹ ಧನವನ್ನು ರೂ.10,000 ದಿಂದ ರೂ.30,000ಕ್ಕೆ ಹೆಚ್ಚಿಸಲಾಗಿದೆ.

ಉನ್ನತ ಶಿಕ್ಷಣ ಪಡೆದವರ ಪ್ರೋತ್ಸಾಹ ಧನ 5 ಪಟ್ಟು ಹೆಚ್ಚಾಗಿದೆ
ಸಿಬ್ಬಂದಿ ಸಚಿವಾಲಯವು ಉನ್ನತ ಪದವಿ ಸಾಧಿಸಿದ ನೌಕರರ ಪ್ರೋತ್ಸಾಹ ಧನವನ್ನು ಹೆಚ್ಚಿಸಲು 20 ವರ್ಷಗಳ ಹಳೆಯ ನಿಯಮವನ್ನು ತಿದ್ದುಪಡಿ ಮಾಡಿದೆ. ಹಳೆಯ ನಿಯಮಗಳ ಪ್ರಕಾರ, ಇದುವರೆಗೆ, ಉದ್ಯೋಗದ ಅವಧಿಯಲ್ಲಿ ಉನ್ನತ ಪದವಿಗಳನ್ನು ಸಾಧಿಸಿದ ಉದ್ಯೋಗಿಗಳಿಗೆ 2000 ರೂ.ಗಳಿಂದ 10,000 ರೂ. ನೀಡುತ್ತಿತ್ತು.  ಆದರೆ, 2019 ರಿಂದ, ಈ ಪ್ರೋತ್ಸಾಹ ಧನವನ್ನು  ಕನಿಷ್ಠ 2000 ರೂ.ನಿಂದ 10,000 ರೂ.ಗೆ ಹೆಚ್ಚಿಸಲಾಗಿದೆ.

ಇದನ್ನೂ ಓದಿ-Aadhaar Security Tips: ನಿಮ್ಮ ಆಧಾರ್ ಅನ್ನು ಸೇಫ್ ಆಗಿರಿಸಲು UIDAI ಸಲಹೆಗಳಿವು

ಯಾವ ಪದವಿ ಪಡೆದವರಿಗೆ ಎಷ್ಟು ಪ್ರಯೋಜನ?
ಸಿಬ್ಬಂದಿ ಸಚಿವಾಲಯದ ಸುತ್ತೋಲೆ ಪ್ರಕಾರ, 3 ವರ್ಷ ಅಥವಾ ಅದಕ್ಕಿಂತ ಕಡಿಮೆ ಅವಧಿಯ ಪದವಿ ಡಿಪ್ಲೊಮಾ ಪಡೆಯಲು 10,000 ರೂ.ಗಳನ್ನು ಪ್ರೋತ್ಸಾಹ ಧನ ರೂಪದಲ್ಲಿ ನೀಡಲಾಗುತ್ತದೆ. ಇದೇ ವೇಳೆ, 3 ವರ್ಷಕ್ಕಿಂತ ಹೆಚ್ಚಿನ ಪದವಿ ಅಥವಾ ಡಿಪ್ಲೊಮಾವನ್ನು ಪಡೆಯಲು 15000 ರೂಪಾಯಿಗಳನ್ನು ನೀಡಲಾಗುತ್ತದೆ.

ಇದನ್ನೂ ಓದಿ-Extremely Poor Category: ಬಡತನಕ್ಕೆ ಹೊಸ ಮಾನದಂಡ , ದಿನಕ್ಕೆ ಇಷ್ಟು ಸಂಪಾದನೆ ಇದ್ದರೆ ಬಡವರಲ್ಲ

30000 ರೂಪಾಯಿ ಯಾರಿಗೆ ಸಿಗುತ್ತದೆ?
1 ವರ್ಷ ಅಥವಾ ಅದಕ್ಕಿಂತ ಕಡಿಮೆ ಅವಧಿಯ ಸ್ನಾತಕೋತ್ತರ ಪದವಿ/ಡಿಪ್ಲೊಮಾ ಪಡೆಯಲು 20,000 ನೀಡಲಾಗುತ್ತದೆ. ಇದಲ್ಲದೆ, 1 ವರ್ಷಕ್ಕಿಂತ ಹೆಚ್ಚಿನ ಸ್ನಾತಕೋತ್ತರ ಪದವಿ / ಡಿಪ್ಲೊಮಾ ತೆಗೆದುಕೊಳ್ಳುವ ಉದ್ಯೋಗಿಗಳಿಗೆ 25,000 ರೂ. ಪಿಎಚ್‌ಡಿ ಅಥವಾ ಅದಕ್ಕೆ ಸಮಾನವಾದ ವಿದ್ಯಾರ್ಹತೆಯನ್ನು ಪಡೆದವರಿಗೆ 30,000 ರೂಪಾಯಿಗಳನ್ನು ನೀಡಲಾಗುತ್ತದೆ.