Banking System: ಇತ್ತೀಚೆಗಷ್ಟೇ ಭಾರತೀಯ ಬ್ಯಾಂಕುಗಳಲ್ಲಿ ಭಾರಿ ನಗದು ಕೊರತೆ ಎದುರಾಗಿದೆ ಎನ್ನಲಾಗಿದೆ. ಮೇ 2019 ರ ನಂತರ ಇದೇ ಮೊದಲ ಬಾರಿಗೆ ಬ್ಯಾಂಕ್‌ಗಳು ನಗದು ಕೊರತೆಯನ್ನು ಎದುರಿಸುತ್ತಿವೆ, ನವೆಂಬರ್ 2021 ರ ಹೊತ್ತಿಗೆ ಬ್ಯಾಂಕ್‌ಗಳು ರೂ 8 ಲಕ್ಷ ಕೋಟಿಗಿಂತ ಹೆಚ್ಚಿನ ಹೆಚ್ಚುವರಿ ಹಣವನ್ನು ಹೊಂದಿದ್ದವು. ಆದರೆ ಸೆಪ್ಟೆಂಬರ್ 20, 2022 ರಂದು, ಬ್ಯಾಂಕುಗಳಲ್ಲಿ ವ್ಯತಿರಿಕ್ತ ಪರಿಸ್ಥಿತಿ ಎದುರಾಗಿದೆ ಮತ್ತು ಅವು 21,873 ಕೋಟಿ ರೂಪಾಯಿಗಳ ನಗದು ಕೊರತೆಯನ್ನು ಎದುರಿಸುತ್ತಿವೆ. ವಾಸ್ತವದಲ್ಲಿ, ಸಾಲದ ಬೇಡಿಕೆ ಹೆಚ್ಚಳ, ಕಾರ್ಪೊರೇಟ್‌ ಮತ್ತು ಬ್ಯಾಂಕ್‌ಗಳು ಮುಂಗಡ ತೆರಿಗೆ ಪಾವತಿಯಿಂದ ಠೇವಣಿ ದರಗಳನ್ನು ಹೆಚ್ಚಿಸದ ಕಾರಣ, ಈ ನಗದು ಕೊರತೆ ಉಂಟಾಗಿದೆ.


COMMERCIAL BREAK
SCROLL TO CONTINUE READING

ಬ್ಯಾಂಕ್ ಗ್ರಾಹಕರ ಮೇಲೆ ಏನು ಪರಿಣಾಮ?
ನಗದು ಕೊರತೆಯಿಂದಾಗಿ ಸರ್ಕಾರದ ಬಾಂಡ್ ಇಳುವರಿಯಲ್ಲಿ ಹೆಚ್ಚಳವಾಗಿದೆ. ಆಗಸ್ಟ್ 20, 2022 ರಂದು, 10-ವರ್ಷದ ಸರ್ಕಾರಿ ಬಾಂಡ್‌ಗಳ ಇಳುವರಿಯು ಶೇ.7.18ರಷ್ಟು ಇದೆ, ಇದು ಸೆಪ್ಟೆಂಬರ್ 21 ರಂದು ಶೇ.7.23 ಕ್ಕೆ ಏರಿಕೆಯಾಗಿದೆ. ಇದರರ್ಥ ಠೇವಣಿದಾರರನ್ನು ಓಲೈಸಲು ಬ್ಯಾಂಕುಗಳು ಮುಂಬರುವ ದಿನಗಳಲ್ಲಿ ಠೇವಣಿ ಬಡ್ಡಿ ದರಗಳನ್ನು ಹೆಚ್ಚಿಸಬಹುದು. ಆರ್‌ಬಿಐ ರೆಪೊ ದರವನ್ನು ಹೆಚ್ಚಿಸಿದ ನಂತರ ಬ್ಯಾಂಕ್‌ಗಳು ಠೇವಣಿಗಳ ಮೇಲಿನ ಬಡ್ಡಿದರವನ್ನು ಹೆಚ್ಚಿಸಿವೆ. ಆದರೆ ಸಾಲವು ದುಬಾರಿ ದರಕ್ಕೆ ಅನುಗುಣವಾಗಿ ಹೆಚ್ಚಾಗಿಲ್ಲ. ಹೀಗಾಗಿ ಇದೀಗ ಬ್ಯಾಂಕ್‌ಗಳು ಎಫ್‌ಡಿ (ಫಿಕ್ಸೆಡ್ ಡೆಪಾಸಿಟ್‌ಗಳು) ಆರ್‌ಡಿ (ಮರುಕಳಿಸುವ ಠೇವಣಿಗಳು) ಮೇಲಿನ ಬಡ್ಡಿದರಗಳನ್ನು ಹೆಚ್ಚಿಸುವ ಮೂಲಕ ಠೇವಣಿದಾರರನ್ನು ಓಲೈಸಲು ಯತ್ನಿಸುವ ಸಾಧ್ಯತೆ ಇದೆ, ಇದು ಬ್ಯಾಂಕ್‌ಗಳಿಗೆ ಹಣವನ್ನು ತಂದು ಕೊಡಲಿದೆ.


ಸಣ್ಣ ಉಳಿತಾಯ ಯೋಜನೆಗಳ ಮೇಲಿನ ಬಡ್ಡಿದರವೂ ಹೆಚ್ಚಾಗುವ ಸಾಧ್ಯತೆ ಇದೆ
ಸೆಪ್ಟೆಂಬರ್ 30, 2022 ರಂದು, ಹಣಕಾಸು ಸಚಿವಾಲಯವು PPF, ಸುಕನ್ಯಾ ಸಮೃದ್ಧಿ ಯೋಜನೆ, ಕಿಸಾನ್ ವಿಕಾಸ್ ಪತ್ರ ಮತ್ತು NSC ನಂತಹ ಉಳಿತಾಯ ಯೋಜನೆಗಳ ಮೇಲಿನ ಬಡ್ಡಿದರಗಳನ್ನು ಹೆಚ್ಚಿಸುವ ಸಾಧ್ಯತೆ ಇದೆ. ಎರಡು ವರ್ಷಗಳಿಗೂ ಹೆಚ್ಚು ಕಾಲ ಈ ಯೋಜನೆಗಳ ಮೇಲಿನ ಬಡ್ಡಿದರಗಳಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಲಾಗಿಲ್ಲ, ಆದರೆ ಈ ಅವಧಿಯಲ್ಲಿ ಬ್ಯಾಂಕುಗಳು FD ಮೇಲಿನ ಬಡ್ಡಿ ದರಗಳನ್ನು ಹೆಚ್ಚಿಸಿವೆ. ಈ ಯೋಜನೆಗಳಲ್ಲಿ ಹೂಡಿಕೆಯನ್ನು ಆಕರ್ಷಿಸಲು, ಸರ್ಕಾರವು ಬಡ್ಡಿದರಗಳನ್ನು ಹೆಚ್ಚಿಸಬಹುದು. ಇದರಿಂದ ಹೆಚ್ಚು ಹೆಚ್ಚು ಜನರು ಈ ಉಳಿತಾಯ ಯೋಜನೆಗಳಲ್ಲಿ ಹೂಡಿಕೆ ಮಾಡುವ ಸಾಧ್ಯತೆ ಇದೆ.


ಇದನ್ನೂ ಓದಿ-Share Market Closing: ಹೂಡಿಕೆದಾರರ ಭಾರಿ ಮಾರಾಟ ಪ್ರಕ್ರಿಯೆಯ ಹಿನ್ನೆಲೆ ಗೋತಾ ಹೊಡೆದ ಷೇರುಪೇಟೆ


ಬ್ಯಾಂಕ್‌ಗಳಲ್ಲಿನ ನಗದು ಅಂದರೆ ಏನು?
ಅಲ್ಪಾವಧಿಯ ಅಗತ್ಯಗಳನ್ನು ಪೂರೈಸಲು ಬ್ಯಾಂಕುಗಳು ತಮ್ಮ ಬಳಿ ಇರಿಸಿಕೊಳ್ಳುವ ಹಣವನ್ನು ಬ್ಯಾಂಕಿಂಗ್ ವ್ಯವಸ್ಥೆಯಲ್ಲಿ ನಗದು ಎಂದು ಕರೆಯಲಾಗುತ್ತದೆ. ಲಿಕ್ವಿಡಿಟಿ ಅಡ್ಜಸ್ಟ್‌ಮೆಂಟ್ ಫೆಸಿಲಿಟಿ ಅಡಿಯಲ್ಲಿ ಬ್ಯಾಂಕ್ ಆರ್‌ಬಿಐನಿಂದ ಹಣವನ್ನು ತೆಗೆದುಕೊಂಡರೆ, ಬ್ಯಾಂಕ್‌ಗಳಲ್ಲಿ ನಗದು ಕೊರತೆ ಎದುರಾಗಿದೆ ಎಂದರ್ಥ. ಆರ್‌ಬಿಐಗೆ ಸಾಲ ನೀಡುವ ಕೆಲಸವನ್ನು ಬ್ಯಾಂಕ್ ಮಾಡಿದರೆ, ಬ್ಯಾಂಕ್‌ಗಳಲ್ಲಿ ಹೆಚ್ಚುವರಿ ನಗದು ಇದೆ ಎಂದರ್ಥ. ಲಿಕ್ವಿಡಿಟಿ ಅಡ್ಜಸ್ಟ್‌ಮೆಂಟ್ ಫೆಸಿಲಿಟಿ ಮೂಲಕ, ಬ್ಯಾಂಕಿಂಗ್ ವ್ಯವಸ್ಥೆಯಲ್ಲಿ ಹಣವನ್ನು ಇಂಜೆಕ್ಟ್ ಮಾಡಲು ಅಥವಾ ಹಿಂಪಡೆಯಲು RBI ಕೆಲಸ ಮಾಡುತ್ತದೆ.


ಇದನ್ನೂ ಓದಿ-UPA ಸರ್ಕಾರದ ಅವಧಿಯಲ್ಲಿ ಭಾರತದ ಆರ್ಥಿಕತೆಗೆ ಬ್ರೇಕ್ ಬಿದ್ದಿತ್ತು, ಇನ್ಫೋಸಿಸ್ ಸಹಸಂಸ್ಥಾಪಕರು ಹೇಳಿದ್ದೇನು?


ನಗದು ಬಿಕ್ಕಟ್ಟು ಏಕೆ ಎದುರಾಗಿದೆ?
ಕರೋನಾ ಅವಧಿಯ ನಂತರ ಆರ್ಥಿಕತೆಯು ವೇಗ ಪಡೆಯುವುದನ್ನು ಮುಂದುವರೆಸಿದ ಕಾರಣ, ಬ್ಯಾಂಕ್‌ಗಳಿಂದ ಸಾಲದ ಬೇಡಿಕೆ ಹೆಚ್ಚಾಗಿದೆ. ಕಾರ್ಪೊರೇಟ್ ಪ್ರತಿ ತ್ರೈಮಾಸಿಕದ ಕೊನೆಯ 15 ರಂದು ಮುಂಗಡ ತೆರಿಗೆಯನ್ನು ಜಮಾ ಮಾಡಬೇಕು. ಸೆಪ್ಟೆಂಬರ್ 15ರ ಸುಮಾರಿಗೆ ಅದು ಸಂಭವಿಸಿದೆ. ಹೀಗಾಗಿ ಡಾಲರ್ ಎದುರು ರೂಪಾಯಿ ದುರ್ಬಲತೆಯನ್ನು ತಡೆಯಲು ಆರ್‌ಬಿಐ ಮಧ್ಯಸ್ಥಿಕೆ ವಹಿಸಿದ್ದರಿಂದ ಈ ಬಿಕ್ಕಟ್ಟು ಉದ್ಭವಿಸಿದೆ ಮತ್ತು ಠೇವಣಿ ದರಗಳು ಕೂಡ ಹೆಚ್ಚಾಗಿಲ್ಲ.


ಇದನ್ನೂ ನೋಡಿ-


https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.