ಬೀದಿನಾಯಿಯನ್ನು ದತ್ತು ಪಡೆದ ನಟಿ ಜ್ಯೋತಿಕಾ ಆ ನಾಯಿಗೆ ಇಟ್ಟಿದ್ದು ಈ ತಾರೆಯ ಹೆಸರನ್ನು…! ಯಾರ ಹೆಸರು ಗೊತ್ತಾ?

Actress Jyothika Pet Dog Name: ಸುದೀರ್ಘ ವಿರಾಮ ಪಡೆದು ಮತ್ತೆ ಕಂಬ್ಯಾಕ್ ಮಾಡುತ್ತಿರುವ ಸ್ಟಾರ್ ನಟಿ ಜ್ಯೋತಿಕಾ ಮಲಯಾಳಂ ಚಿತ್ರವೊಂದರಲ್ಲಿ ನಟಿಸುತ್ತಿದ್ದಾರೆ. ಮಮ್ಮುಟ್ಟಿ ಅಭಿನಯದ ಕಥಲ್: ದಿ ಕೋರ್ ಚಿತ್ರದಲ್ಲಿ ಜ್ಯೋತಿಕಾ ನಾಯಕಿಯಾಗಿ ಬಣ್ಣ ಹಚ್ಚುತ್ತಿದ್ದಾರೆ. ಈ ಚಿತ್ರದ ಭಾಗವಾಗಿ, ಜ್ಯೋತಿಕಾ ಹಲವಾರು ಸಂದರ್ಶನಗಳನ್ನು ನೀಡಿದ್ದು, ಆ ಸಂದರ್ಭದಲ್ಲಿ ತನ್ನ ಮನೆಯ ಕೆಲ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ವಿಶ್ವದಾಖಲೆ ಹೊಸ್ತಿಲಲ್ಲಿ ರೋಹಿತ್: ಯಾರೂ ಬರೆದಿರದ ವಿಶಿಷ್ಟ ರೆಕಾರ್ಡ್ ಇದು…

ಜ್ಯೋತಿಕಾ ಮತ್ತು ಸೂರ್ಯ ಅವರ ಮಗಳು ದಿಯಾ ಈ ಹಿಂದೆ ನಾಯಿಮರಿಯೊಂದನ್ನು ಹಿಡಿದು ಆಟವಾಡುತ್ತಿರುವ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿತ್ತು. ಸಾಮಾನ್ಯವಾಗಿ ಸ್ಟಾರ್ ನಟ-ನಟಿಯರು ಟಾಪ್ ಬ್ರೀಡ್ ನಾಯಿಗಳನ್ನು ದುಬಾರಿ ಬೆಲೆಗೆ ಖರೀದಿಸುತ್ತಿದ್ದರೆ, ಸೂರ್ಯ ಮತ್ತು ಜ್ಯೋತಿಕಾ ದಂಪತಿ ಮುದ್ದಾದ ಬೀದಿನಾಯಿಯನ್ನು ದತ್ತು ಪಡೆದಿದ್ದಾರೆ.

ಅಂದಹಾಗೆ ಈ ನಾಯಿಮರಿಗೆ ಸ್ಟಾರ್ ಒಬ್ಬರ ಹೆಸರನ್ನು ಇಡಲಾಗಿದೆಯಂತೆ. ಆದರೆ ಚಿತ್ರನಟರ ಹೆಸರಲ್ಲ, ಬದಲಾಗಿ ಸ್ಟಾರ್ ಆಟಗಾರರೊಬ್ಬರ ಹೆಸರನ್ನು ಇಡಲಾಗಿದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ಈ ಇಬ್ಬರು ಆಟಗಾರರನ್ನು ಪಡೆದ ಟೀಂ ಇಂಡಿಯಾವೇ ಜಗತ್ತಿನ ಅದೃಷ್ಟಶಾಲಿ ತಂಡ: ಇಂಗ್ಲೆಂಡ್ ಆಟಗಾರ ಹೇಳಿಕೆ

ಕಳೆದ ವರ್ಷ ಈ ನಾಯಿಮರಿಯನ್ನು ಸೂರ್ಯ ಮತ್ತು ಜ್ಯೋತಿಕಾ ದತ್ತು ಪಡೆದಿದ್ದರು. ಅದಕ್ಕೆ ಕೋಬ್ ಎಂದು ಹೆಸರಿಟ್ಟಿದ್ದರು. ಇದು ಇದು ಅಮೆರಿಕದ ವೃತ್ತಿಪರ ಬ್ಯಾಸ್ಕೆಟ್‌ ಬಾಲ್ ಆಟಗಾರ ಕೋಬ್ ಬ್ರ್ಯಾಂಟ್ ಅವರ ಹೆಸರು.