Vikrant Rona: ಟಿಕ್.. ಟಿಕ್.. ಟಿಕ್ ಬರುತಿದೆ ಕಾಲ..! `ವಿಕ್ರಾಂತ್ ರೋಣ` ಟೀಸರ್ ರಿಲೀಸ್ ಗೆ ಕೌಂಟ್ ಡೌನ್..!

Vikrant Rona: ಇನ್ನೇನು ಕೆಲವೇ ಹೊತ್ತಲ್ಲಿ ನಟ ಕಿಚ್ಚ ಸುದೀಪ್ ಅಭಿಮಾನಿ ಬಳಗಕ್ಕೆ ಯುಗಾದಿ ಹಬ್ಬದ ಉಡುಗೊರೆ ಸಿಗಲಿದೆ. ಸರಿಯಾಗಿ 9:55ಕ್ಕೆ ನಟ ಕಿಚ್ಚ ಸುದೀಪ್ ಅಭಿನಯದ 'ವಿಕ್ರಾಂತ್ ರೋಣ' ಸಿನಿಮಾ ಟೀಸರ್ (Vikrant Rona Teaser) ರಿಲೀಸ್ ಆಗಲಿದ್ದು, ಅಭಿಮಾನಿಗಳ ಸಂಭ್ರಮ ಮುಗಿಲು ಮುಟ್ಟಿದೆ.

ಇಂಗ್ಲೀಷ್ ಸೇರಿದಂತೆ ಕನ್ನಡ, ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿ ಭಾಷೆಗಳಲ್ಲಿ 'ವಿಕ್ರಾಂತ್ ರೋಣ' ಟೀಸರ್ ರಿಲೀಸ್ (Vikrant Rona Teaser Release) ಮಾಡಲಿದೆ ಚಿತ್ರತಂಡ. ಹೀಗಾಗಿ ಕುತೂಹಲ ಮತ್ತಷ್ಟು ಹೆಚ್ಚಾಗಿದ್ದು, 'ವಿಕ್ರಾಂತ್ ರೋಣ' ಟೀಸರ್ ಕಣ್ತುಂಬಿಕೊಳ್ಳಲು ನಟ ಕಿಚ್ಚ ಸುದೀಪ್ ಅಭಿಮಾನಿಗಳು ತುದಿಗಾಲಲ್ಲಿ ನಿಂತಿದ್ದಾರೆ.

ಫ್ಯಾನ್ಸ್ ಕನಸು ನನಸು..!
ಕನ್ನಡ ಚಿತ್ರರಂಗದ ಪಾಲಿಗೆ 'ವಿಕ್ರಾಂತ್ ರೋಣ' (Vikrant Rona) ಎಂದೂ ಮರೆಯಲಾಗದ ಸಿನಿಮಾ ಎನ್ನಬಹುದು. ಯಾಕಂದ್ರೆ ಇದೇ ಮೊದಲಬಾರಿಗೆ ಕನ್ನಡ ಚಿತ್ರವೊಂದು ದೊಡ್ಡ ಮಟ್ಟದಲ್ಲಿ ಹಾಲಿವುಡ್ ಪ್ರವೇಶಿಸುತ್ತಿದೆ. ಅಂದ್ರೆ ಇಂಗ್ಲಿಷ್ ಭಾಷೆಯಲ್ಲೂ 'ವಿಕ್ರಾಂತ್ ರೋಣ' ಸಿನಿಮಾ ರಿಲೀಸ್ ಆಗಲಿದೆ. ಈ ಮೂಲಕ ನಟ ಕಿಚ್ಚ ಸುದೀಪ್ ಹಾಲಿವುಡ್ ಪ್ರವೇಶಿಸಬೇಕು ಎಂಬ ಅಭಿಮಾನಿಗಳ ಕನಸು 'ವಿಕ್ರಾಂತ್ ರೋಣ' ಸಿನಿಮಾ ಮೂಲಕ ನನಸಾಗುತ್ತಿದೆ.

ಇದನ್ನೂ ಓದಿ- #VikrantRonaReleaseTeaser: ಹಾಲಿವುಡ್ ನಲ್ಲೂ ಕಿಚ್ಚ ಸುದೀಪ್ ಹವಾ..!

ಇನ್ನು ಟೀಸರ್ ವಿಚಾರಕ್ಕೆ ಬರುವುದಾದರೆ, ಹಲವು ಭಾಷೆಗಳಲ್ಲಿ ಟೀಸರ್ ರಿಲೀಸ್ ಆಗಲಿದೆ. ಒಂದು ಕಡೆ ಟೀಸರ್‌ ರಿಲೀಸ್‌ಗೆ ಮಲಯಾಳಂ ಚಿತ್ರರಂಗದ ದಿಗ್ಗಜ ನಟ ಮೋಹನ್ ಲಾಲ್ & ಟಾಲಿವುಡ್ ‘ಮೆಗಾಸ್ಟಾರ್’ ಚಿರಂಜೀವಿ ಸಾಥ್‌ ನೀಡಲಿದ್ದಾರೆ. ಮತ್ತೊಂದು ಕಡೆ ತಮಿಳು ಭಾಷೆಯ 'ವಿಕ್ರಾಂತ್‌ ರೋಣ' ಟೀಸರ್‌ ರಿಲೀಸ್‌ಗೆ ನಟ ಸಿಂಬು ಸಾಥ್‌ ನೀಡಲಿದ್ದಾರೆ. ಇದರ ಜೊತೆಗೆ 'ವಿಕ್ರಾಂತ್‌ ರೋಣ' ಹಿಂದಿ ಟೀಸರ್‌ ಬಿಡುಗಡೆಗೆ ನಟ ಸಲ್ಮಾನ್‌ ಖಾನ್‌ ಸಾಥ್‌ ಕೊಡಲಿದ್ದಾರೆ. ಹಾಗೇ ಹಾಲಿವುಡ್ ಟೀಸರ್ ರಿಲೀಸ್ ಮಾಡಲು ಭಾರತ ಕ್ರಿಕೆಟ್ ತಂಡದ ಮಾಜಿ ಓಪನರ್, ಭರ್ಜರಿ ಬ್ಯಾಟ್ಸ್‌ಮನ್ ಸೆಹವಾಗ್ ಎಂಟ್ರಿ ಕೊಡಲಿದ್ದು, ಇದರ ನಡುವೆ ಮತ್ತೊಂದು ವಿಶೇಷತೆ ಏನಪ್ಪಾ ಅಂದ್ರೆ ಕನ್ನಡದ ಟೀಸರ್ ಅನ್ನ ಖುದ್ದು ನಟ ಸುದೀಪ್ ಅವರೇ ರಿಲೀಸ್ ಮಾಡಲಿದ್ದಾರೆ.