Monkey Watching Adipursh: ಥಿಯೇಟರ್‌ಗೆ ಬಂದು ಆದಿಪುರುಷ ವೀಕ್ಷಿಸಿದ ವಾನರ.. ವಿಡಿಯೋ ವೈರಲ್!

Monkey In Adipurush Movie Theater: ಸೂಪರ್ ಸ್ಟಾರ್ ನಟ ಪ್ರಭಾಸ್ ಮತ್ತು ನಟಿ ಕೃತಿ ಸನೋನ್ ಅಭಿನಯದ ಆದಿಪುರುಷ ಚಿತ್ರ ಇಂದು ಬಿಡುಗಡೆಯಾಗಿದೆ. ಚಿತ್ರ ವೀಕ್ಷಿಸಲು ಇಂದು ಲಕ್ಷಾಂತರ ಜನ ಥಿಯೇಟರ್‌ಗಳಿಗೆ ತೆರಳುತ್ತಿದ್ದಾರೆ. ಸಿನಿಮಾ ರಿಲೀಸ್ ಗೂ ಮೊದಲೇ ಸಾಕಷ್ಟು ಮಂದಿ ಟಿಕೆಟ್ ಬುಕ್ ಮಾಡಿದ್ದರು. ಆದಿಪುರುಷ ಸಿನಿಮಾ ನೋಡುವಾಗ ಸಾಮಾಜಿಕ ಜಾಲತಾಣಗಳಲ್ಲಿ ಹಲವು ವಿಡಿಯೋಗಳು ವೈರಲ್‌ ಆಗುತ್ತಿವೆ. ಕೆಲವೆಡೆ ಜನರು ಜೈ ಶ್ರೀರಾಮ್ ಎಂದು ಘೋಷಣೆ ಕೂಗುತ್ತಿದ್ದರೆ, ಥಿಯೇಟರ್‌ನೊಳಗೆ ಹಲವರು ಕುಣಿದಾಡಿದು ಕುಪ್ಪಳಿಸಿದ್ದಾರೆ. 

ಇದನ್ನೂ ಓದಿ: Adipurush Twitter Review: ಆದಿಪುರುಷ ಟ್ವಿಟ್ಟರ್ ವಿಮರ್ಶೆ.. ಹೀಗಿದೆ ಪ್ರೇಕ್ಷಕರ ಪ್ರತಿಕ್ರಿಯೆ!

ಆದಿಪುರುಷ ನೋಡುತ್ತಿದ್ದ ಜನರ ಮಧ್ಯೆ ಬಂದ ಕೋತಿ 

ಆದಿಪುರುಷ ಸಿನಿಮಾ ವೀಕ್ಷಿಸಲು ಬೆಳಿಗ್ಗೆ ಬೇಗನೆ ಥಿಯೇಟರ್‌ಗಳಿಗೆ ಬಂದರು. ಬೆಳಗ್ಗೆಯಿಂದಲೇ ಟ್ವಿಟ್ಟರ್ ನಲ್ಲಿ ಹಲವು ವಿಡಿಯೋಗಳು ಹರಿದಾಡುತ್ತಿವೆ. ಜನರು ಸೋಶಿಯಲ್‌ ಮೀಡಿಯಾದಲ್ಲಿ ತಮ್ಮ ವಿಮರ್ಶೆಗಳನ್ನು ನೀಡುತ್ತಿದ್ದಾರೆ. ಆದರೆ ಇವುಗಳಲ್ಲಿ ಒಂದು ವಿಡಿಯೋ ತುಂಬಾ ಅಚ್ಚರಿ ಮೂಡಿಸಿದೆ. ಏಕಾಏಕಿ ಥಿಯೇಟರ್ ಒಳಗೆ ಕೋತಿ ಪ್ರವೇಶಿಸಿತು. ಚಿತ್ರ ನೋಡುವ ಬದಲು ಜನರು ಆ ಕೋತಿಯನ್ನು ವೀಕ್ಷಿಸಲು ಪ್ರಾರಂಭಿಸಿದರು. ಎಲ್ಲರೂ ಜೈ ಶ್ರೀರಾಮ್ ಎಂಬ ಘೋಷಣೆಗಳನ್ನು ಕೂಗಲಾರಂಭಿಸಿದರು.