Viral Video : 2 ಮೀಟರ್ ಉದ್ದದ ಹಾವಿನೊಂದಿಗೆ ಹಗ್ಗದಂತೆ ಆಡುತ್ತಿರುವ 2 ವರ್ಷದ ಮುದ್ದು ಕಂದ..! ಎಲ್ಲರನ್ನೂ ಆಕರ್ಷಿಸುತ್ತಿದೆ ಈ ವಿಡಿಯೋ

ನವದೆಹಲಿ : ಹಾವು ಕಂಡರೆ ಎಂಥವರ ಕೈ ಕಾಲು ಕೂಡಾ ನಡುಗಿ ಬಿಡುತ್ತದೆ. ಹಾವೆಂದರೆ ಸಾಕು ಮನಸ್ಸಿನಲ್ಲಿ ವಿಚಿತ್ರ ಭಯ ಕಾಡುತ್ತದೆ. ಹಾವನ್ನು ಮುಟ್ಟುವುದಿರಲಿ, ಅದರತ್ತ ನೋಡುವ ಧೈರ್ಯ ಕೂಡಾ ಮಾಡಲು ಹೋಗುವುದಿಲ್ಲ.  ಆದರೆ, ಈ ವೈರಲ್ ವಿಡಿಯೋದಲ್ಲಿ 2 ವರ್ಷದ ಮಗು ವಿಷಪೂರಿತ ಹಾವಿನೊಂದಿಗೆ ಸರಾಗವಾಗಿ ಆಟವಾಡುತ್ತಿದೆ. 

ಈ ಮಗುವಿನ ತಂದೆ, ಮಗು ಹಾವಿನೊಂದಿಗೆ ಆಟವಾಡುತ್ತಿರುವ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ವಿಡಿಯೋ ನೋಡಿದವರಿಗೆ ಆಶ್ಚರ್ಯ, ಆಘಾತ ಒಟ್ಟಿಗೆ ಆಗುವುದು ಸಹಜ. ಹಾವು ಕಂಡಾಗ ಮೈಲಿ ದೂರ ಓಡುವ ನಮಗೆ  2 ವರ್ಷದ ಕಂದಮ್ಮನ ಈ ವಿಡಿಯೋ (Video) ನೋಡಿದರೆ ಮೈ ಜುಮ್ಮೆನಿಸುತ್ತದೆ.

ಸಾಮಾಜಿಕ ಜಾಲತಾಣದಲ್ಲಿ (Social media) ವೈರಲ್ ಆಗಿರುವ ವಿಡಿಯೋವನ್ನು ಆಸ್ಟ್ರೇಲಿಯಾದಲ್ಲಿ ಚಿತ್ರೀಕರಿಸಲಾಗಿದೆ.  ಈ ಮಗುವಿನ ತಂದೆ, ತನ್ನ ಅಧಿಕೃತ ಇನ್‌ಸ್ಟಾಗ್ರಾಮ್ (instagram) ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.  ತನ್ನ ಎರಡು ವರ್ಷದ ಮಗು ಹಾವಿನೊಂದಿಗೆ (snake) ಆಟವಾಡುತ್ತಿರುವ ಬಗ್ಗೆ ಅವರಿಗೂ ಹೆಮ್ಮೆ. 

ಇನ್‌ಸ್ಟಾಗ್ರಾಮ್‌ನಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ (Viral video) ,  ಮಗು ಹಾವಿನ ಬಾಲವನ್ನು ಹಿಡಿದು ಎಳೆಯುವುದನ್ನು ಕಾಣಬಹುದು. ಹಾವಿನೊಂದಿಗೆ ಆಟವಾಡುತ್ತಿರುವ ವೇಳೆ, ಮಗುವಿನ ಮುಖದಲ್ಲಿ ಕಿಂಚಿತ್ತೂ ಭಯ ಎನ್ನುವುದು ಕಾಣುವುದೇ ಇಲ್ಲ.  ಸುಮಾರು ಎರಡು ಮೀಟರ್ ಉದ್ದದ ಹಾವನ್ನು ಈ ಪುಟ್ಟ ಪೋರ ನಿಯಂತ್ರಿಸುತ್ತಿರುವುದು ನೋಡಿದರೆ, ಮಗುವಿಗೆ  ಈ ಕಲೆ ಕರಗತವಾಗಿದೆ ಅನ್ನಿಸುತ್ತದೆ. 

ಇದನ್ನೂ ಓದಿ : Viral Video : ಮದುವೆ ಮಂಟಪದಲ್ಲೇ ವರನೆದುರೇ ಬೇರೊಬ್ಬನಿಗೆ ಹಾರ ಹಾಕಿದ ವಧು..!